鰹烏冬 (駱駝漆大廈第三座)

營業中

休息中

鰹烏冬 好鍾意食烏冬，亦對烏冬有要求，所以當叫我食丸X烏冬我係一定耍手擰頭㗎！🌛如果要驗算啦我喺香港食過嘅烏冬，鰹烏冬都算係我十大喜愛烏冬餐廳之一。烏冬店開喺觀塘工廈星期日係唔開門嘅， 呢點係要留意因為我試過摸門釘😂試過餐廳嘅原味烏冬（冷），係我最鍾意嘅餐廳菜式，烏冬口感煙韌，店家自設製麵工場一條龍提供自家烏冬比分店，所以品質係有保證嘅， 而且可現場買未煮嘅烏冬返屋企煮。另外我都推介海苔烏冬，海苔烏冬同堅烏冬有啲唔同，麵條會比較窄身同埋煙靭減低小小，但係紫菜味係比較有特色嘅，通常好快賣晒所以都可一試！

本身好鍾意食烏冬！放假諗唔到食咩就會嚟呢度食烏冬～我最常食嘅係月見鰹魚清湯烏冬，烏冬非常彈牙有咬口，湯底係清清哋嘅鰹魚清湯，撈埋流心蛋食一流！好食得嚟又好似幾健康，零罪惡感～每次嚟無論食邊款烏冬都好，我都一定會加骨付雞！骨付雞係落咗單之後即刻整，要等耐少少但值得！熱辣辣嘅雞脾～蜜糖香甜加少少黑椒味，令隻雞髀好惹味！火候啱啱好，雞肉啱啱好熟，肉質好滑又有肉汁，正～而且每次嚟隻骨付雞都做到差唔多咁好食，水準穩定！

做完運動，諗住去駱駝漆隨意搵個地方食晏，見呢間特別多人排，就跟隊排下啦。原來呢度主打自家製烏冬，隔離就係工場，款式都幾特別，所以就點幾個menu推介既試下～先試個綠茶冷烏冬，真係好彈牙，配埋個汁好正，勁飽肚雞肶醃得好入味，加蜜糖汁炸野菜都好驚喜，好香脆，又大份，食物夠特別之餘，大件夾抵食，食咗咁多都係100上下，好抵！

鰹烏冬 Katsuo Udon 係一間讚岐烏冬專門店，店主親自遠赴日本香川縣學習烏冬既製作方法，鍾意食烏冬既朋友絕對值得一試。鰹魚湯白味噌鍋仔燒烏冬烏冬爽滑，湯底清淡，鍋物豐富，多菜少肉，整體份量都算多。酢柚烏冬（期間限定）湯底入口充滿鰹魚香味，配上柚子醋，酸酸地，清新開胃。凍食烏冬更加煙韌彈牙，一啖烏冬一啖湯，夏天食特別清爽。骨付雞秘制醬汁特製既燒烤雞髀肉嫩滑多汁，加上蜜糖及辣粉，甜中帶微辣，雞皮烤至香脆，外焦裡嫩，骨肉容易分離，容易進食。飛魚籽凍豆腐豆腐上有薑蓉及飛魚籽，味道同豆腐唔太夾。天婦羅櫻花蝦什菜餅口感酥脆，炸粉厚薄適中，伴有大量芫茜，味濃。關東煮食材入味，味道適中，湯底比一般關東煮深色，以二十六蚊來講，質素算唔錯。溫馨提示：店舖每日會新鮮製作唔同味道既烏冬，想試就要早d喇

之前見到好多好評 經過又係好大條人龍 今日平日晏就 唔駛排隊直入 試下佢啦 嗯 選擇算多嘅 價錢唔係特別平 全部都係無料 揀個烏冬再加錢配餸咁 加個餸 你預價錢係六至七十蚊一碗 嘢飲亦要另加十蚊以上先有 凍食烏冬較出色：揀咗一凍一熱嘅烏冬 凍烏冬試咗鰹魚半湯烏冬 熱就試佢個鰹魚湯咖喱烏冬配咗個流心蛋 個人認為凍烏冬較出色 我對於湯底要求唔算高 所以更著重烏冬質素 烏冬係好硬身煙韌嗰種 如果唔鍾意硬身可能未必啱食 但我就鍾意硬身麵質 所以幾啱我胃口 湯底清清地 凍食配搭唔錯嘅 流心蛋唔算成功 蛋黃只係有少少汁流出 無蛋味無調味 唔係溏心蛋嗰種 熱烏冬需改良：凍烏冬較出色因為佢凍咗煙韌度同彈牙度大大提升 而個熱烏冬 因為個湯底好濃好杰身 浸一陣啲烏冬已經淋咗好多 無咗本身嘅煙韌度同硬度 未至於糊口 但我覺得佢可以分開上 好似人哋日本拉麵店嘅沾麵咁樣會比較好 至於個咖喱 講真 似係平時喺超市買嘅日本咖喱醬包開出嚟咁嘅味道 似媽媽煮的味道 份量嚟講都算大份 一個細食嘅人未必食得哂 因為烏冬係好實淨同重身整體而言 喱個價錢俾喱個質素同份量都合理 唔好期望佢係日本拉麵店嗰種感覺 反而係小店用心製

𝑲𝒂𝒕𝒔𝒖𝒐 𝑼𝒅𝒐𝒏 鰹烏冬-🍲 竹簾冷烏冬配 骨付雞🍲 鰹魚半湯烏冬配 金菇肥牛卷 天婦羅櫻花蝦什菜餅位於觀塘駱駝漆，又一性價比極高餐廳(^｡^)長長人龍，勝在出餐快，坐位算多！鰹烏冬既烏冬係全人手手打，保證新鮮喔(⁎⁍̴̛ᴗ⁍̴̛⁎)冷烏冬更加食到烏冬既煙靭彈牙，麵質遍硬。另外冷汁配上特調醬汁，將芝麻、蔥、芥末同檸檬另放，可以比大家根據自己口味自由調味！涼涼地既烏冬岩哂夏天熱辣辣，又想食烏冬但唔想食熱湯類既你٩(˃̶͈̀௰˂̶͈́)و到鰹魚半湯烏冬 ，湯汁比清湯更濃但少湯！到後段都依然食到烏冬既煙靭，唔會又漿口又淋♪(´ε｀ )小食方面，骨付雞真係十分出色！Size手掌咁大，好juicy 而唔係油膩，而且啖啖肉！其次金菇肥牛卷夠足料，燒得唔乾又多汁！天婦羅櫻花蝦什菜餅炸粉薄，脆卜卜，上碟唔會太多油！兩樣係正常發揮，不過不失！(*'▽'*)鰹烏冬勝在價錢吸引，有多款自家製讚岐烏冬同配菜任君選擇！所以被譽為觀塘性價比最高嘅小店 ♪📍 Flat O, 11/F, Camel Paint Building Block 3, 60 Hoi Yuen Rd, Kwun Tong#jcfoodgasm @udon

烏冬同急凍讚岐烏冬差唔多 見到OpenRice 幾多好評 所以黎食下但 好多都係誇大嘅食評烏冬既份量一大碗淨湯烏冬 $47 佢嘅炸嘢都幾厚粉雖然佢應該預計你會加錢點餸佢單點餸係有幾多選擇 但感覺同佢齋烏冬都唔太夾加完之後差唔多過$100一碗 唔抵食但呢個質素真係吉野家都做到囉 麵質真係好似唔特別烏冬份量多到唔開胃 齋pak 烏冬鰹魚湯係幾夠熱 味道同你超講買鰹魚汁加水差唔多未試過可以唔使試 留肚食其他 真係完全冇特別非常之平平無奇

一早已聽過人哋話呢間手打烏冬好出名，今日到觀塘終於有機會一試，因為今日太晏先食飯，所以好晏先至食得落，８點令打黎問幾時last order，好在仲趕得切搭「尾班車」，不過好可惜我一直想試嘅海苔烏冬就sold out，侍應姨姨就話好早就賣曬，下次過黎前可以打電話留定，唯有下次再試啦，於是叫左個冷竹簾烏冬原味配骨付雞，係冷烏冬黎，配上鰹魚汁同wasabi&蔥花&白芝麻粒，個人認為如果有埋天婦羅碎就更好，烏冬果然非常彈牙，不過醬汁一般，溫度可以再凍d，反而骨付雞有驚喜，鮮嫩多汁，外皮焦香，令人胃口大開。

#frostie觀塘之旅  ✅ #鰹烏冬 📍美食探險👉 @frostiewithfood - 🔥觀塘高質手打烏冬🔥 呢間位於觀塘嘅餐廳主打日式手打烏冬，有冷熱烏冬兩種，出名其煙韌口感🤤仲有多種特別口味嘅烏冬，例如海苔、抹茶🍵等等，睇落都好吸引，有不同配搭任君選擇🥳 我個日同朋友大概等咗15分鐘就入到去～不過餐廳環境就比較逼狹💦   🍜 《#鰹魚湯咖喱烏冬配關東煮》$76 個日去試呢間餐廳仲係喉嚨痛😭所以就無叫到最出名嘅骨付雞，唯有下次再試喇~講返個烏冬先，烏冬夠曬煙韌彈牙❤️咖喱湯雖然睇落好似唔係好濃稠，但其實帶有濃厚咖喱味，最滿足嘅地方就係食每一啖烏冬都掛滿香濃咖喱汁🥰不過記得趁熱食，凍咗啲咖喱汁就開始油水分離咁🤣🤣  而關東煮🍢食落去主要係鰹魚湯味，一碗已經有多款豐富食材，包括蛋🥚、蘿蔔🥕、竹輪等，值得一讚嘅係所有食材都好入味⭐️特別係蘿蔔吸曬湯底嘅味道，而且無根！平時唔鍾意白蘿蔔嘅我表示驚喜😋🤤  總括而言，想食烏冬嘅強烈推薦呢間餐廳，唔貴之餘質素都有保證😆 分數：3.2/5 - 🏠  鰹烏冬Katsuo Udon  - #foodie #foodiehk #hkfoodie #fo

最近天氣悶熱，突然想食冷烏冬，諗起觀塘呢間人氣烏冬店一直未試過，即刻gogogo。可能時間尚早，去到好好彩唔駛點排隊，叫左限量既海苔竹簾冷烏冬，再加左呢度既名物~骨付雞😋因為太多人叫骨付雞廚房出唔切既關係，先上海苔烏冬。烏冬呈淡淡既綠色，第一啖試原味唔沾汁，海苔味唔係好食得出，不過烏冬彈牙，凍食口感好好，沾埋個冷麵汁好好食😋骨付雞過左一陣就補上，熱辣辣勁多汁好juicy，用左七味粉同好多蒜蓉，醃得好惹味🤤好味到掛住食唔記得左影相(笑)朋友就叫左天婦羅廣島牡蠣半湯烏冬，問左店員半湯烏冬有D似濕撈麵既食法，熱食既烏冬同凍食好大分別，少少彈牙得黎仲好滑。湯汁有D似鰹魚昆布煮成，甜甜地幾好夾撈烏冬。廣島牡蠣天婦羅炸粉唔會太厚，入面keep到蠔既軟嫩，而且份量都幾多，算幾抵食👍難得黎到叫多個冷豆腐小食，豆腐軟滑唔駛講，加埋少少薑蓉同蟹子，好岩呢個天時食😋工廈食店既裝修簡約，但佈置用心，好似日本D小店咁，好有親切感。店員雖然好忙但服務態度都好好，好細心咁留意到顧客需要，有機會會再黎試下其他口味既烏冬😋

鰹烏冬一開始以為係有一啲套餐，但係餸同埋烏冬係分開咁叫！ 配搭上面會比較多但價錢相對上比較貴🥺 同埋可能人手嘅關係，上菜嘅速度比較慢😢雞扒竹簾冷烏冬 $80大大塊嘅雞扒都幾Juicy，但就比較油膩! 同埋烏冬都幾煙靭！金菇肥牛卷咖喱烏冬 （熱）$93金菇肥牛卷幾惹味😊，個咖喱湯底都算濃味！ 但價錢上真係比較貴🥺！ 位於觀塘嘅工廈，週末去嘅話都比較多人！ 所以要預定多少少嘅時間～

去到觀塘駱駝漆大廈見到呢間烏冬店門口排晒隊，排咗大概20分鐘左右，就入咗去。🙂入到去見到幾乎枱枱有個骨付雞。🤔就試咗一個月見烏冬（$54）同埋加多個小食骨付雞(雞髀）（$34）😘可能客人太多，大概等左15分鐘，我都催左單兩次，終於上枱。原來烏冬同雞髀係一齊上嘅，雞髀一睇就知係即煎嘅，就原諒佢啦👍雞髀真心唔錯，好入味，外皮煎得夠香脆，里面又夠juicy，面頭如果灑多s七味粉就好啦。😜😜😜月見烏冬睇menu簡介係鰹魚湯加醬油，湯頭好清而且無腥味，佢加左d薑蓉，飲落有清新感覺。主角烏冬煮到剛剛好，彈牙爽口唔癡牙，份量又多，原來係自家製，唔怪之得啦！下次再試！

觀塘工廈嘅美食真係好多選擇，今次試吓呢間好多人讚嘅鰹烏冬，主打自家製烏冬😎去到雖然都有一條唔短嘅人龍，但入座速度都好快😉·午飯時間去到但特色烏冬(海苔、柚子等)都已經賣晒🥲<鰹魚清湯烏冬> ʜᴋᴅ 48咁唯有試最基本嘅湯烏冬，為咗等埋朋友嘅一齊食所以擺咗一陣，浸住湯嘅烏冬唔算太彈牙，但都唔會發漲😗浸唔到湯嘅就食得出真係彈牙啲🤭所以食湯烏冬嘅最好一上枱就即刻食啦🤪·<鰹魚湯白味噌鍋仔燒烏冬> ʜᴋᴅ 78朋友叫嘅呢碗睇落幾足料，試咗一啖湯底都幾香味噌，相對清湯就濃啲😉·<骨付雞> +ʜᴋᴅ 34好多人都話鰹烏冬必食嘅一定係骨付雞，其實即係雞脾🍗唔算特別大隻但非常嫩滑多汁💦調味甜甜哋帶點微辣，個人覺得好高質😚

【觀塘•鰹烏冬】————————————————————————話說呢間餐廳今年先發現🙈短短半年食咗三次岀街永遠食唔哂一個飯嘅女仔 食麵先唔浪費😛米線。烏冬 好啱我😌‼️‼️推介 鍾意食烏冬要試呢間拉麵店四圍都好易搵 係香港搵間主食烏冬吾多烏冬全人手手打製造 手打起筋令口感彈牙餐廳有10幾款選擇 特別啲仲有咖啡烏冬同抹綠烏冬🍯鏗魚半湯烏冬HKD46鏗魚湯+醬油+蔥+薑+海草+嗚門卷半湯係指湯量比湯烏冬少 湯汁濃度比湯烏冬濃呢到烏冬粗身 好彈牙煙韌有嚼感 暫時係香港食過最好食嘅烏冬店🍯骨付鷄 加配+HKD34次次見到好多人都叫 所以一於試吓有幾正香煎雞 切開爆肉汁 睇見都知juicy放落口強勁七味粉味 外脆內軟 多肉汁 煎得香口😍應該醃製過 食落好入味 對眼「叮」咗🤩🍯關東煮 加配+HKD26日本雞蛋+蘿蔔+蒟蒻+菜卷+竹輪卷朋友係鏗魚半湯烏冬配關東煮 湯汁同鏗魚湯吾同 上次我叫過 蘿蔔好入味 不過整體吾太特別❤️冷烏冬都好食㗎 上次食了夏一烏冬(拉到最後睇片)。餐廳環境：📸📸📸📸服務質素：😊😊😊😊食物味道：👅👅👅👅👅性價比：💰💰💰💰💰消費 HKD152。✨✨✨✨✨✨✨✨✨✨✨✨✨🏠 鰹烏冬📮

呢一間鰹烏冬好出名食日式烏冬，佢哋嘅烏冬係日本讚岐烏冬，每日喺觀塘嘅廠房都自家製，非常新鮮㗎，咁一定要支持香港本土製造烏冬嘅！🍴 夏一烏冬 $55 (7.5/10)夏一烏冬係凍嘅，有蛋黃，蔥花，芝麻，紫菜，青瓜，檸檬，蒜蓉，再加個冷麵酸汁，聽落已經好啱夏天食，凍凍地又酸酸地好開胃，口感好清新，蛋黃撈勻咗之後唔覺得有蛋黃嘅香味，可能比酸汁蓋過咗。烏冬係比較粗身，偏硬，口感好煙韌好彈牙，食唔到烏冬麵粉嘅香味，食唔到麥味。烏冬嘅份量都好多，好抵食，食一個都覺得太飽🤣 $55價錢都唔係平，支持本土自家製都值得，但食落未到好驚艷，但都唔錯嘅！🍴 骨付鷄 $34 (7/10)雞髀好大一隻，見到上網評論話佢好香滑好香口，但我今次食嘅雞髀肉就唔係好嫩滑，好似煮得比較耐咗啲，有少少硬同口感紮實，但都未去到好乾好柴口，但絕對係一個普通嘅雞髀，唔係好食。味道係有少少辛辣粉再加蒜香嘅味道，都幾香口嘅，但如果雞髀肉滑啲有肉汁會高分好多。推薦指數: 7/10夜晚去都好多人排隊，烏冬係幾好食嘅，但個餸就一般啦，但價錢都唔算好平，咁樣食都要90幾蚊，但如果要排好耐隊就唔會去食，但試吓都OK嘅。