鮨一日本料理 (大壩街)

營業中

休息中

之前成日覺得荃灣好似冇乜好食既日本料理餐廳，依家多左間啦！今次試左荃灣既鮨一，性價比都幾高夜晚都會有定食供應，定食包括左沙律同埋餐湯！而且價錢都唔算好貴！三色丼定食呢一款三色當包括左三文魚、帆立貝同埋甜蝦，仲有蟹籽添！刺身嘅份量比預期中多，而且都好新鮮！蟹籽沙律青瓜絲切得好幼，咁樣沙律醬就比較容易沾滿每一條青瓜絲，沙律醬嘅比例啱啱好！清酒煮蜆每一粒蜆肉都好大粒，清酒味都幾濃，但係唔會苦，個底仲有蘿蔔墊住，蘿蔔吸收左片汁同埋清酒嘅味道，都幾清甜同煮得好腍香蔥拖羅反卷都幾有驚喜，起初以為只係將拖羅蓉包喺舊飯裏面，點知原來有成座山咁高，反卷裏面包嘅係青瓜絲，個拖羅用都幾滑幾香！特上錦繡刺身睇到個價錢嘅時候都覺得幾抵，因為$398就有八款唔同嘅刺身，每款兩件，而且仲有海膽同埋拖羅！除此之外仲有金目鯛、油甘魚、牡丹蝦、深海池魚、𩶘魚同帆立貝！款款都鮮味無比，真心幾抵！

兩個月前食過尖沙咀嗰間好食，今日星期六黎到荃灣再試下！9點去到，唔洗等位，即刻入去，因為十點就要關門。有晚餐set dinner供應，價錢由$98-178都有，相當實惠，叫左個魚生飯$98，仲包埋湯同前菜同沙律。魚生飯無乜特別，無影相，有三文魚，油甘魚，八爪魚，都扺食啦。另外叫左壽司十貫$298，都好食，火炙好香，海膽新鮮，仲有吞拿魚唔錯。不過好似上次尖沙咀店的壽司大份啲另外，待應都好有禮貌，會加茶，加分。

好掛住日本呀🥲冇得去旅行，唯有去日本餐廳食個靚飯，望梅止渴先啦🙂 前日放工之後，約咗朋友去位於荃灣西嘅鮨一食Dinner 鮨千層海膽飯呢個海膽飯真係不得了，啲海膽好新鮮，勁鮮甜，完全唔會苦，份量仲好多添😌我會用紫菜包住少少飯，加海膽，同埋Wasabi每啖都好滋味呀牛油果軟殼蟹飯卷呢個飯卷簡直係我嘅至愛，壽司飯包住香滑軟身嘅牛油果，同炸至香脆的軟殼蟹，一軟一脆的口感好豐富呀刺身：螢光魷魚三文魚刺身鮮帶子刺身（2匹）牡丹蝦刺身（2匹）日本真蠔（隻）如果係鍾意食真蠔嘅朋友仔，就啱晒啦💓入口爽甜，與然後會食到淡淡的海水味同蠔味完全唔覺得腥飲品：荔枝梳打巨峰梳打明太子雞翼餐廳環境係日本風，好啱同朋友邊食邊傾偈，夠晒Chill

之前已經喺呢度食過午餐，兼放復活節假，有時間就來排隊試吓晚餐！由於餐廳座位不太多的緣故，晚餐時間七點多是需要排隊入座！大概等咗15至20分鐘左右，就由職員安排入座！今次對住吧枱！上次就試過蒲燒鰻魚飯，今次就好想食下佢啲刺身丼，而老公呢，由於佢係唔食魚嘅關係，佢嘅選擇都係牛肉烏冬！加上叫咗少少壽司以及清酒煮蜆！☘️吞拿魚丼定食$198🔹有吞拿魚茸，赤身、中拖羅、大拖羅，各兩塊食刺身嘅順序一定唔可以錯，如果錯嘅話，感受享受冇咁好！先將吞拿魚茸均勻拌飯，鍾意嘅可以加啲豉油，不過我個人覺得佢個飯有啲太淋身，冇上次食鰻魚飯咁樣一粒一粒咁樣！先吃亦身是基本吧！再吃中拖羅，最後才食大拖羅！大拖羅入口，完全是滿滿的幸福感，而滿口油香，而且入口即溶嘅感覺真的很幸福，令我不期然又懷念日本了！♥️♥️♥️🔹另外，晚餐menu 包前菜、沙律及麵豉湯☘️牛肉稻庭烏冬$88🔹晚市牛肉烏冬就冇晚餐點，所以就冇前菜、沙律同埋麵豉湯🔹水準一如往昔，烏冬彈牙！☘️清酒煮蜆$62🔹超大隻嘅蜆，肉質肥厚而鮮甜♥️♥️♥️🔹仲有白蘿蔔☘️壽司🍣🔹北寄貝壽司、火炙帶子壽司、芝士蟹籽壽司

限聚令下 6點半去到見店無咩人 入去問下：我：「我地本身book左7點 ，不過仲有一位朋友未到、我地入座先有冇問題？請問你地有冇限時？」一女侍應：「我地無限時，不過客人多既時候我地需要番枱就要交枱囉」😑😑😑之後我地照入座 一行4人3人先入左 我地好識做已經即刻叫左3杯野飲3-4個小食. 朋友叫既啤酒到左 咁我地正想倒酒落玻璃杯 該同一名女侍應走來：「我收左個menu，我驚你地整濕」原來我地就咁放左menu你枱上 酒杯仲放左係上面～～～🤯🤯但我想問下佢係怪責語氣 什麼態度呀？張枱又細 咁放邊度呢？最後朋友6:50分已經到左 我地又再叫野飲 再加野食 ，其間有講有笑加單、我地4人其實都不斷叫野食 該名女侍應帶住口罩我都睇到佢咩面口 黑面 講野無尾音 眼神仲好鄙視咁 。其實大家都係打份工 我知可能你好累？你老細好惡？定係你就是老細？ 你咁唔願意點解要打呢份工 ？食客又無對你唔禮貌 無為難你？點解你要為難人比咁既態度面口對人？我地有啲menu想問下幾多錢 問多兩句都答得好不滿咁「不過佢有答我地既」之後我地都無理照食得好開心 仲不斷加單 。突然該女侍應又走埋黎同我地講，「我地一陣有人客訂左枱、而

💛💛💛鮨一💛💛💛由於爸b好想係日本野，而荃灣淨係得1-2間黄既日本菜，幾驚訂唔到位🤣。同爸媽三個人食咗好多嘢😽！每份定食都會跟日式沙律、麵豉湯、中華沙律。五品刺身定食每款兩切 $118甜蝦、帶子、三文魚、八爪魚、白身魚各種刺身都好新鮮，呢個價錢可以食到五款刺身，仲要各有兩切，其實係好抵💗。不過mami話個飯既醋好似太多，飯偏酸，我個人就覺得okay！三色丼定食 $98三文魚、甜蝦、帶子除咗以上三樣嘢以外，其實仲有三文魚籽架，所有刺身新鮮🤩。尤其是帶子好鮮甜，不過略嫌個三文魚唔算肥。我唔介紹佢收貴啲，比三文魚腩我😂錦繡魚生飯定食 $98材料如下圖啦，感覺上同五品刺身定食有少少相似，不過個蝦就係普通蝦，並非甜蝦。對得住個價錢啦🤣。牛油果軟殼蟹反卷 $68與其嗌一個軟殼蟹手卷，不如嗌一個反卷大家share食。軟殼蟹似係新鮮炸嘅，好食。不過上面啲牛油果有少少奇怪，好似一pat pat咁🤨。活赤貝刺身 $52新鮮大隻好食！原隻上值得嗌，新鮮一啲腥味都無🥳。芒果梳打 $28沙甸魚壽司 $25我爸bi食+飲既，唔知咩味。不過佢清晒，我諗幾好味🤪。埋單 $536（包加一）

第一次光顧，很差的一次經歷。首先進入餐廳，女待應態度已經很不客氣。進入前，我已說明友人會於10分鐘後到，她讓我進去。但入座不久後，同一位待應已催促我先行下單。店內是半open kitchen，典型omakase 設計。坐bar台的人客，是見得一清二楚。我眼見廚房員工沒有戴上手套，徒手拿食材整刺身飯，我已立刻轉改熟食。先不評論食物質素，我看見員工在處理完非煮食用容器後，沒有洗手，直接端食物出來。衛生情況在非疫情期間也不能接受，何況現在？不建議再光顧。

自從唔再食元氣，都好努力去搵一啲新既日本餐廳，今次呢間真係食到一肚氣。晚市黎食，個價錢對我黎講算係中上啦，都有啲期望。我坐吧枱，其他侍應都好正常有禮貌，但嗰三個壽司師博真係好唔掂，本身態度已經好輕挑，好似三個中學生係度玩咁，互相傾計，講笑，印象已經好嘛嘛，但最大問題係佢地準備食物既態度同埋係咁講粗口！係講緊大聲互相問候娘親同性器官既粗口，我聽到耳都突埋，但嗰陣已經叫左嘢食，無得走，我其實好想出聲叫佢地尊重下自己，尊重下食客，但係女友㩒住左我，驚佢搞我地啲嘢食。我見到有件海膽冧低左，然後個師博是但撥番起身就出俾客。我唔知點解間鋪既店長可以完全唔理，定係因為嗰三條友其中一個已經係店長，我覺得係完全不知謂。日本壽司店吧枱既設計，係俾食客可以同壽司師博交流同欣賞佢既手藝，但呢間鋪完全係侮辱左呢個設計，大佬，我去茶記大排檔啲員工都無咁爛口啦。嘢食係ok既，海膽新鮮，啲三文魚籽細粒左啲，都算對得住個價錢，但200蚊一個人有太多更加好既選擇。

之前男朋友lunch食過，話幾抵食又唔錯，所以開返晚市就帶左我去食滿心期待甘去食，食完有少少失望😞• 三色丼定食 $98定食本身包左前菜，沙律🥗同麵豉湯三色包括有三文魚，甜蝦，帶子餸黎講份量算正常，都算新鮮，但個飯實在少得可憐😢 個碗好細好淺，以為自己食緊迷你丼😨 其實飯都唔係好貴者😢食完成個丼都好似無野落過肚甘😩• 牛油果軟殼蟹反卷 $68實在唔夠飽，所以叫多個卷食🙈個軟殼蟹都脆，唔係一早炸定。味道正常，份量都係偏細。可能係我太大食🤢其實食完都係未飽，但甘食法唔係幾對路。所以決定埋單去食下餐好過🥲睇黎下次都係留返午市先再黎試過

• 鱈魚白子 $78據聞冬季白子當造，所以點左一份試試。白子即鱈魚既精巢，講到依度或者好多人都會抗拒，但係唔試又點知好唔好食喎😤一客兩件既白子配上日式酸汁，口感好creamy，味道濃厚獨特，一試難忘😳• 日本馬糞海膽 $388見到座海膽山內心異常興奮，海膽可以話係小肥妹最鐘意食既刺身，但係依樣野好食可以好好食，難食可以好難食，有時覺得自己係搵命搏🤣好彩依度啲海膽真係勁鮮甜勁好食，每一塊都好分明好firm唔會溶哂一patpat😋自己整海膽熱狗好滿足😍• 原條秋刀魚刺身 $188捉緊食秋刀魚既尾巴！秋刀魚熟食個人不太鐘意，咁刺身又點睇？首先佢連埋骨上就知道真係即叫即劏冇得呃既，秋刀魚本身係會有少少腥味，所以會附上薑蓉同蔥去辟腥，感覺少少中式好有趣，不過始終岩岩過咗秋刀魚最肥美既階段，如果早返一個月黎食，個油脂感應該會再豐厚啲🤔食完之後店員幫我地拎左條魚骨去炸，脆到可以整條魚骨都食埋，送酒一流🍻• 活北寄貝刺身 $258貝類都係小肥妹既最愛💛熟食同生食既北寄貝完全係截然不同嘅體驗，生食當然係鮮甜爽口彈牙得多啦，可惜一隻既肉量真係有啲少，唔夠喉呀😢• 黑松露鵝肝反卷 $82依個反卷帶俾我地少少

開了一段時間的荃湾店，現在的環境下，午餐時間來試吓，我覺得食午市套餐、價錢同質素是可以，但晚上吃貴貨就不作考慮。食材是新鮮，不過我個人覺得同一般連鎖店的質素沒有分別。還有店家自家製的梅酒，應該叫梅子汁，一些酒味都沒有。

這間餐廳位於荃灣廣場後面的一條街，附近有各式各樣的餐廳，而呢一間餐廳就是日式餐廳，由於疫情關係，兩人一台，所以不太寬敞的餐廳只可以容納少量客人，所以這次我們在門外等候了大概20分鐘左右才可以進入餐廳！門外有展示午市的餐牌！所有惠顧午市定食的客人都可以加$6換一客三片的三文魚刺身！午餐由$58起！午市定食包前菜、沙律、麵豉湯，想飲汽水可以加$5 ！如果要用信用卡找數要$200以上！我們兩人埋單190多元，不能夠用信用卡找數，之後加$5要多罐汽水就剛剛好可以用信用卡俾錢！我們點了一客蒲燒鰻魚飯定食，及一碗手打牛肉烏冬！🌀蒲燒鰻魚飯定食（ $98 ）◻️◾️▪️鰻魚份量不多，但十分肉厚肥美，外面被燒得有點焦脆，內裏還是很嫩，加上鰻魚汁及配菜，香軟的白飯，連不好飯類的我也能全部吃畢😋🌀手打牛肉烏冬（$62）◻️◾️▪️入口彈牙嘅烏冬，清淡嘅湯底，加上切得薄薄嘅牛肉片，性價比👍🏻◻️◾️▪️跟餐的前菜、沙律、麵豉湯🔷下次想試吓食魚生飯

呢間日本🇯🇵餐廳喺尖沙咀之前食過 質素都唔錯 而家喺荃灣開咗新分店🤩~~🦀甲羅燒 $ 98上枱已經聞到好香🤤蟹膏味道好濃郁 中間加咗啲薑絲 食落去冇咁腥👍🏻旁邊有幾件多士 可惜烘得唔夠脆囗☹️.🦪清酒煮蜆 $65蜆肉份量都好多 不過大細唔一致😆 有啲好細隻 但食落清甜而且冇沙☺️仲有幾件蘿蔔 煮得好琳好入味😋清酒湯🍶好好飲 味道好濃郁👍🏻.🍙牛油果軟殼蟹反卷 $68卷物有4件 每件都包住好大隻軟殼蟹🤩炸得好香脆 而且入邊都有好多肉😌牛油果🥑都好新鮮 呢個推薦👍🏻.🍣鮨一十貫目 $188呢一個係午市套餐 另外有沙律同麵豉湯🍲壽司每件都好新鮮☺️海膽好鮮甜 而且師傅比得好厚🤤拖羅入口即溶 又冇筋👍🏻~~評分📈味道 7.5/10環境 7/10性價比 7/10—Rating 📈Taste 7.5/10Environment 7/10Worthiness 7/10~~🏠鮨一日本料理📍荃灣大壩街79號地舖

上一篇是頓超吸引的日式美食那這天就延續下去吧！荃灣這間鮨一日本料理已經開了一段時間，在10月尾的時候便跟車爸爸去吃了一場午餐！門面的確是富日式風情的裝潢但我覺得更似拉麵店多點！而內裏座位則親密得很可幸吃的時候在疫情第四波爆發之前，坦白說如比著現在一定不敢在這裏吃午餐了！內裡的裝修也是一般木系的風格吧！日式長吧檯上一隻可愛的龍蝦擺設加少許清酒樽作裝飾，特別說不上但也總算整整齊齊吧！看看餐牌見到午市套餐定食可以$6加配一客三件的是日刺身，見女店員笑容可掬地落力推銷倒也不介意點上兩份，這天我們得到的是三文魚刺身吃下去是新鮮的，不算肥美甘香但只是$2一片我覺得可以收貨的！而每份套餐定食都包有前菜、沙律和麵豉湯，成件事看上去也十分豐富不知味道如何呢？沙律是生菜粟米配胡麻醬這配搭不會有什麼差池的，但我覺得生菜可以新鮮點會好些！而前菜這天是中華沙律對於喜歡吃的我來說當然歡迎之至！可惜車爸爸不喜歡吃那我唯有出口相助啃掉它吧！麵豉湯內只有海帶並未見有我喜歡的豆腐和腐皮！喝下說不上香濃好味但起碼溫度尚算足夠！車爸爸選了錦繡魚生飯定食＄78 ，魚生種類都很豐富當中包括有三文魚、八爪魚、章紅魚、帆立貝、蟹柳、

大哥係個大忙人，今晚難得佢主動請我食飯，超級開心😬。 今晚我選擇左位於荃灣西新開的一間日本菜「鮨一」。 餐廳食物款式多，而且性價比高，難怪那麼多的捧場客。-❤️鮨一沙律這款是餐廳的招牌受歡迎沙律🥗。 日本蕃茄色澤新鮮，超甜多汁！沙律菜亦相當爽脆，配上不同的鮮甜角切魚生、粒粒蟹籽，清新開胃又令人回味。-❤️季節白身魚薄切日式刺身有分赤身/白身。白身魚片片薄切厚度均一，色澤透亮；肉質清爽，味偏清淡。巧妙在配上酸甜清香柚子醋汁，或搭上香蔥蘿蔔蓉一起吃，大大提升口味。-❤️上錦繡刺身拼盤賣相令人涶涎；有牡丹蝦、三文魚腩、帆立貝、海膽、油甘魚腩、劍魚腩等，十分豐富。油甘魚腩及三文魚腩是我的最愛！肥美甘甜，入口化油，魚香味爆登！牡丹蝦亦肥美爽甜，亦放了爽脆的海藻，好吃又健康。海膽味道甘香，質感細膩， 幾乎入口即溶。每一口，都令人感到無比幸福❤️-❤️牛油果🥑軟殼蟹反卷牛油果同軟殼蟹像是天生一對的好配搭。牛油果的香滑、軟殻蟹的酥脆，配上赤醋壽司米，真的很好吃😋。❤️吞拿魚小卷縱然是簡單款式，但那份濃郁的魚香，亦很受歡迎。-❤️辣酒煮廣島蠔最驚喜的是那個湯頭，酒香微辣，廣島蠔夠厚肉。-🧡巨峰梳打&白提梳打比較喜歡