鮨一日本料理 (大壩街)

營業中

休息中

當日決定要食海膽飯然後上網求其search搵到依間鋪頭一開始見食評有人話服務態度麻麻我今次去又無咩大問題Walk in都好快安排到位置俾我地係坐吧台位 還好～由左一碟「錦繡刺身 $188」，都新鮮～然後叫了一個細的海膽，外型上都滿分💯有埋塊金汩仔係上面，都相當見得下人～一開始上黎的時候覺得怖滿晒海膽，但其實個碗好細，好驚唔夠飽，但出奇地食完又真係夠飽，其實是有點「漏」。總結：個海膽都幾完整，無爛到，舊舊分明，新鮮無苦味～ 唔錯

又黎荃灣#鮨一 黃店日本野都唔太多選擇鮨一的刺身新鮮肥美 推介特上錦繡刺身8款時令刺身各2切 當中大拖羅 牡丹蝦 帶子最得我心即燒三文魚頭連骹 等大概15分鐘油香溢出 都算幾厚肉 中意食魚的唔好錯過🐟小食推介係每次黎都會叫嘅#甲羅燒足料蟹膏配上蛋黃撈勻貪心地鋪喺烘脆嘅小多士上一啖擺落口嘅幸福感☺️清酒煮蜆 蜆肉大粒飽滿🦪🍶另一必食係雞泡魚干 超香口惹味最後係呢個火炙魚生丼 一碗有齊多款刺身🤤三文魚 白身魚 帶子 蝶魚邊 海膽海量配料 啖啖滋味 大碗抵食第四次幫襯都係咁有水準 一定會再訪💛

已經忘記第一次去總店是多少年前。疫情新常態，大家都在捱……仍掛念自由自在搜攞各種美食的快樂時光。機緣巧合下知道荃灣有新店，馬上訂枱和太座撐枱腳補慶母親節，忙裏偷閑重溫新婚生活。地點便利，地鐵西鐵巴士都只需數分鐘。簡約裝潢風格，坐位比總店寛敞，鮨一沙律直送高糖度蕃茄，配上微酸帶甜的開胃醬料，加上細細粒魚生粒，立刻喚醒味蕾，最後飽滿蟹籽將口感昇華。鮨一千層海膽飯(大)非常幸運當天獲升級為北海道海膽。滿瀉海膽差不多遮住下面的吞拿魚蓉飯，金箔加強其高貴感覺，視覺效果極震撼。厚厚的海膽彷似吃不完，每片紫紙先鋪上薄薄的魚蓉飯之後加上數塊海膽，濃厚丶結實、甘甜、滋味無窮，真正齒頰留香，不枉每次必點菜式。季節白身魚薄切充份突顯師傅刀功，每片厚度一樣，通透賣相，未吃已經食指大動。本想先食刺身才吃海膽，但實在忍不住，幸好柚子醋巧妙帶出淡淡魚香，肉質彈牙鮮美，完全沒有比海膽失色！上十貫目高水準壽司🍣，最愛帶子，厚身、嫩滑、清甜，不經不覺食清光。食材新鮮簡單制作已經非常美味。蒲燒鰻魚茶漬飯首嗜茶漬飲，鰻魚鮮甜，米飯加上日本茶及香脆芝麻層次感更加豐富，有驚喜。期待下次encore

今日嚟咗荃灣食晚飯，係食我最心愛嘅日本嘢。呢間餐廳都幾出名，相信唔使介紹，除非一早book定枱，如果唔係都幾肯定要等位。每人一個丼飯，分別係吞拿魚丼定食，火炙魚生丼定食。定食有前菜，有中華沙律，沙律，麵豉湯，但唔係重點。吞拿魚丼分別有拖羅蓉，赤身，中拖羅，大拖，各兩件。放到滿滿，有少少菇同紫蘇葉做配菜。吞拿魚好新鮮，大拖羅魚油爆滿，好滿足。火炙魚生丼材料非常豐富，但呢度主要想講趕火炙白身魚同碟邊魚。兩種魚非常適合火炙，油同魚香出晒嚟。另外仲叫咗燒油金魚鮫，外皮脆，魚肉水分冇流失，岩岩好，都好大舊。蘿蔔蓉加埋啲汁，少少酸，點完之後更加開胃。食完丼飯怕太涼，食啲熱野中和番。叫左仙風趾真蠔，$88一隻，都值得。成隻蠔偏長身形，好大隻，我女朋友要分開兩啖黎食，我就覺得一啖先係真正嘅食法。整體來講，好清甜，少少礦物味，感覺非常清新，好正。最後仲嗌左兩舊壽司，一舊係劍魚腩，另一個係甜蝦。兩舊都好高質，壽司飯整得好好，大細岩岩好，食落好舒服。劍魚腩魚油爆曬出嚟，好似食咗好耐咁樣。甜蝦一啲都唔膠，新鮮，仲要係大隻甜蝦。總結：下次我應該會主攻壽司，因為質素唔差，價錢合理，食完會有再食同埋會記得嘅感覺。

經過荃灣想食日本嘢，見附近有間鮨一，就決定入去食dinner～壽司拼盤我哋揀咗特上十貫目，當然亦都用啲比較貴同埋上乘嘅食材，整體食材都好新鮮，不過如果可以將蟹柳換上貝類壽司會更理想😍千層海膽飯（細）嚟到呢間餐廳一定要嗌，今次我哋仲加多$50 upgrade 做日本空運海膽，海膽堆到座山咁高🤣而且海膽好新鮮，食落仲回甘，好鮮甜！配埋紫菜一齊食好滿足。火炙海鮮飯呢個飯性價比幾高，因為係一個set dinner, 都有幾多款唔同嘅刺身，火炙完之後魚類嘅油脂出哂嚟，兩個人share就啱啱好。最後我哋追加左牡丹蝦刺身，同埋三文魚絞，我哋認為三文魚頭係必食💓師傅燒得啱啱好，燒出嚟唔會乾，啲肉勁滑同埋份量都唔少，配上檸檬汁同埋少少酸汁，推介啊！埋單$1000有找，整體食物質素都幾高，不過唔知點解荃灣嘅壽司飯唔係用赤醋，因為之前食尖沙咀分店覺得好特別呢👀

🍎黃蘋果又黎荃灣啦不過今次唔係黎歎咖啡☕️而係黎食𝕕𝕚𝕟𝕟𝕖𝕣嘅而食嘅仲要係興趣一般般嘅日式料理估唔到捨命陪君子，反而有意外驚喜🤩.荃灣真係食店林立中西日韓星馬都各有選擇今次揀咗嘅係大壩街嘅鮨一日本料理（尖沙咀個2間好𝕗𝕦𝕝𝕝 𝕓𝕠𝕠𝕜呀🙈😆）6:30PM到達，仲有位坐🤣·我地兩個人真係睇𝕞𝕖𝕟𝕦咗好耐😂（真係睇到下一張台啲人揀好我地都未揀好🙈）心大心細唔知揀咩好廚房推介又好唔錯咁刺身啲款多到頭暈（更唔駛講壽司同埋手卷😵）晚市定食又好似好實惠咁最後揀咗嘅有：吞拿魚丼定食 $198特上三色丼定食 $178炸雞軟骨 $45冷豆腐 $28巨峰梳打 $28燒大蔥 $16燒鮮冬菇 $16·🐟🍣吞拿魚丼定食 $198有赤身，中拖羅，大拖羅，拖羅蓉😍赤身即係魚背，唔包含油脂，肉色鮮紅，可以當/叫佢做瘦肉嘅😂因為肉質結真，脂肪含量較少，所以相對比較有咬口中拖羅就唔同啦～顏色粉嫩粉嫩，相比赤身，中拖羅嘅脂肪比例相對都比較高，所以一咬落去時已感受到滿滿嘅油脂甘香，好享受😍大拖羅嘅顏色就偏白咗啲，因為係條魚魚腹前啲啲嘛，個到脂肪咁多，啲脂肪分佈到好似啲雪花咁❄️，所以顏色白啲係正常架🤣。一片片肥厚又肥美嘅拖羅刺

今晚行去荃灣廣場行街，喺對面咁啱見到間日本壽司店，見餐牌都幾多選擇，於是入去試吓。牛油果什錦魚生他他，店員話呢個廚師推介係今晚新出，所以叫黎試吓，上碟個賣相都幾靚，有大量嘅什錦魚生，上面仲有海膽同三文魚子，而下面就有好多蟹柳同牛油果，撈埋一齊食勁好食，個他他汁都唔錯。上十貫目，係廚師即整10件壽司，最驚喜係有海膽壽司，勁多海膽，其他魚生都好厚切，甜蝦好巨型，而北寄貝係原片，爽口鮮甜。蟹肉蟹膏手卷，呢款手卷唔只只有蟹肉同蟹膏，仲有大量蟹子，非常足料。鮨一千層海膽飯，我叫咗細size,但海膽嘅份量一d都唔細，海膽勁大塊，仲要勁多塊，海膽完全冇腥味，好鮮甜新鮮，海膽上面仲有金泊，增加一份貴氣，仲有吞拿魚蓉喺下面，非常抵食。牛油果軟殼蟹反卷，軟殼蟹炸得啱啱好，唔會炸到乾晒，配上牛油果同蟹子，簡直係絕配。鹽燒三文魚頭連鮫，燒得啱啱好，唔太燶，食落d魚皮脆卜卜，應該落咗好多心機先有咁嘅效果。三色井定食，其實晚市d定食都幾抵，有埋麵豉湯、小食同沙律跟埋，雖然係定食，份量都唔少，d刺身好厚切，好新鮮，唔會因為係定食，而份量比得少。

之前知道荃灣開左間日本野，朋友叫我試下就約左去食，一開始聽個名同睇裝修咁日系風，仲以為好貴，原來都唔貴，我覺得仲係平民價tim，一個茶漬飯最平$45就有❗️一定番黎食🤪不過座位比較少，如果想試，建議訂位呀💓✨另設加一-🤍吞拿魚丼定食 $198🤍特上三色丼定食 $178🤍甲羅燒 $98🤍吉列炸蠔 $72🤍牛油果軟殼蟹反卷 $68🤍炸雞軟骨 $48🤍水蜜桃梳打 $28-🤍吞拿魚丼定食 $198

估唔到晚市有定食，而且價錢合理，非常豐富。性價比高！叫咗定食，包前菜、沙律及麵豉湯。前菜係中華沙律。麵豉湯幾濃郁，有海帶；沙律配上胡麻將，沙律菜爽口新鮮！▶️北海道仙鳳趾珍蠔 $88/隻生蠔好大隻，而且非常肥美😍食落去好鮮甜飽滿。好好食！▶️北海道蟹膏$68配上青瓜、蟹膏份量都幾多，而且蟹味濃～▶️特上三色丼定食$178有海膽、吞拿魚蓉及三文魚籽。海膽有兩小份都幾新鮮。吞拿魚蓉口感豐富，三文魚籽夠鮮味，呢三樣嘢用嚟撈飯真係相當夾。▶️六貫目配三色刺身定食$168有海膽、帶子、火炙蝶魚裙邊、池魚、蟹棒、油甘魚；刺身有大甜蝦、三文魚及八爪魚🐙。呢個定食真係相當豐富，海膽新鮮、帶子鮮甜夠大隻！火炙蝶魚裙邊入口即溶，池魚夠厚身～其他都唔錯。▶️帶子海膽飯卷$88帶子切成粒狀，面上有少少海膽蓉，食落去味都幾特別～▶️炸雞軟骨$45夠新鮮香脆！份量都幾多！食物質素唔錯，而且性價比高！

原來open rice 一直都有人講嗰個服務員態度惡劣，今日真係身同感受！話說今日去食妟，嗰個黑色頭髮扎兩條笨鞭既女侍應，一直扮做緊野。 行過我張枱2次，我都有叫左佢2次唔該落單，可能帶住口罩，佢聽唔到，唔緊要。到佢瞓醒，走埋黎，態度極差冇尾音地話“落得單未”。我唯有答佢“其實我叫左你兩次”。呀女侍應就hea應，“啊～叫左喇”。我重覆“我話我叫左你兩次！”。佢冇再出聲，我落左單，佢收左餐牌就走左。差d我要以為自己先係有問題嗰個HAHA!可能佢覺得我霸住佢張台，但又唔見佢留意客人需要。 又或者喺有吉台加冇人等位既情況下佢好為公司著想地想盡快番台，不過佢趕客速度明顯快過番台。特此一提，呢個女侍應好有自知之明咁同同事講話佢唔適合返工，絕對讚成老闆成就佢！！

▫️五品刺身飯定食($98)每款刺身都有兩片都幾厚架，擺盤好靚而且食落都算新鮮唔會有魚腥味。▫️火焰魚生丼飯($148)同樣都有幾款刺身係上面，味道一樣唔錯，真係要讚下佢每款嘢食嘅擺盤真係好有心機。⁣⁣⁣▫️蒲燒鰻魚飯定食 ($98)鰻魚飯啲汁甜甜地好送飯，而且鰻魚都好入味同大條。▫️炸一口芝士 芝士味勁濃但係因為太重芝士味我個人唔係太鍾意，如果鍾意芝士嘅人可以試一試。▫️吉列炸蠔同平時出面食嘅生蠔差唔多味道，正常水準。(3/5分）⁣⁣⁣⁣__⁣⁣⁣⁣⁣⁣⁣⁣⁣📍地址：⁣🔶⁣⁣荃灣大壩街79號地舖🔸尖沙咀厚福街12號藍馬商業大廈18樓⁣⁣⁣⁣

鮨一係一直放係我收藏想食既餐廳list入面好耐，今日終於的起心肝去食6點鐘嚟到，當時餐廳無咩人，我地坐bar枱位海膽吞拿魚蓉飯(L)飯一啲都唔大，個海膽就好多，堆到成個小山丘咁，係加拿大大海膽，每塊都好大塊，仲百跟啲紫菜可以夾住食，入口都算鮮甜，但唔係塊塊都係，有某幾塊質素麻麻。下面既呑拿魚蓉就好就質，入口非常綿又鮮牛油果軟殼蟹卷一客4件，份量都唔細，面頭鋪滿左我最鍾意嘅蟹子同沙律醬，搭落去牛油果同軟殼蟹係絕配，入邊既軟殼蟹炸得好脆好好食炙燒碟魚邊壽司呢個基本上係我去壽司店店必食嘅嘢，魚邊燒燒完之後油脂係迫晒出嚟，入口即溶三文魚腩壽司油脂分布得平均，雖然未算超級肥美比目魚茶漬飯食到最後，又點小得叫個茶漬飯做個完美句號，比目魚係炸過既，一小件放係面上面，跟著隨自己喜好加入茶湯汁拌勻。總括質素不錯，價錢公道

第一次食鮨一，lunch set有好多選擇，除咗刺身仲可以揀炸物，我哋叫既2款都好唔錯，一定會encore☺️而且職員都好有禮貌，食得好舒服👍🏼·•五品刺身飯定飯-甜蝦,帶子,三文魚,八爪魚,白身魚($98)。刺身都幾鮮甜，好味👍🏼•火炙魚生丼定食-三文魚,白身魚,帶子,蝶魚邊,海膽($148)。我比較鍾意食火炙魚生，所以覺得好好食，個蝶魚邊好好食，好juicy，少食海膽既我都覺得好唔錯🤤2個餐都加咗$6有多三片三文魚刺身(只限堂食)😋

去完南豐紗廠，因為架車泊係荃灣廣場，就係附近食餐飯。荃灣廣場對面呢間日本野，男朋友話有幾間分店，睇樣OK就試下佢。餐廳唔大，應該得20個位，今次就坐吧台，睇住廚師整壽司，整灸燒個時真心香😌由於太餓，都叫左好多野。🥢日本真蠔 $58一隻有塊黑板寫住當日有咩新鮮推薦，蠔痴既我地揀左真蠔。睇相都見到大大隻又飽滿，夾埋蘿蔔蓉、柚子醋汁同蔥，一擺入口就雙眼發光，好想encore !!!🥢明太子雞翼 $42炸得好脆，但明太子同我預期有出入，中間個餡料有啲似丸類既質地，實實地。🥢火炙魚生丼 $158有燒嘅海膽、鰈魚、三文魚、帶子、蟹柳，都幾足料，欣賞佢個醋飯，質地做得好好，調味適中。🥢特上三色丼 $178望唔望到佢pat海膽！海膽鮮甜，mix埋三文魚籽同吞拿魚蓉食，只可以話「大滿足」！🥢牛油果鰻魚反卷 $68一客四件。味道ok，不過我地鐘意熟少少既牛油果，食落融融地仲正。同埋放係壽司面，夾時好易跌牛油果😂😂😂😂🥢辣酒煮廣島蠔 $78諗返起，酒味咁古惑，試佢唔出。一碗有7-8隻蠔，湯底帶味噌味，辣度相當輕微，我爭住食浸到入曬味既蘿蔔。如果冬天，飲住呢個熱辣辣嘅湯，應該超正！🥢蟹肉蟹羔壽司 $20🥢赤蝦

今日去鮨一食日本菜, 地點都好方便, 響西鐵站, 穿過一系列的高空天橋,往荃灣大會堂方向行到大壩街,都好易找到, 裝修以木色為主, 店員招呼好有禮貌, 我地先叫了五品刺身定食, 以為午餐先會有呢類抵食定食, 估唔到晚餐都有, 刺身包括帶子、三文魚、甜蝦、八爪魚、白身魚, 而且每款兩切, 好厚身, 尤其係三文魚超厚切呀, 帶子也好鮮甜都至係 $118, 非常新鮮呀! 定食還包了麵鼓湯, 沙律同前菜。沙律叫了蟹肉牛油果凱撒海律($78), 蟹肉及青瓜一絲絲的, 夾了牛油果粒和沙律醬食, 又滑又鮮, 沙律菜也好新鮮爽脆。另一款都係蟹, 如見餐廳有這款菜色, 我通常都會叫, 因好似去左外國食野咁, 就係甲羅燒 （$98）蟹蓋上的日本雞蛋, 非常大隻, 好黃初時以為會好腥, 但原來一啲都冇, 反而覺得好重蛋香味, 以前食會有個爐燒一燒, 但呢個黃太新鮮, 就咁撈埋啲蟹膏食, 令到更加滑, 好好味, 搽上焊過的方包, 好味。炸物方面, 叫了雞軟骨, 有嚼口, 脆卜卜; 吉列炸蝦$48 , 好鬆脆, 明太子雞翼 $42, 漲卜卜, 好彈牙, 外皮又脆又香。燒物叫了雞泡魚干, 這是我的至愛, 超鮮甜,