鮨一日本料理 (大壩街)

營業中

休息中

【日本真蠔】相信大家都聽過「R」字尾嘅月份啱食蠔因為生蠔當造都有分季節㗎而冬季就適合食真蠔喇～我覺得日本蠔鮮甜啲 🦪無論金屬味定係海水味都無咁重相對易入口啲秘製酸汁亦令蠔味更突出【龍蝦沙律】龍蝦沙律好足料啖啖肉味道濃郁有少少 Wasabi嘅辛辣撈埋青瓜絲一齊食就啱啱好 🥒 【鮨一沙律】以店名命名嘅 Signature Dish 之一呢個沙律認真唔簡單最頂嘅日本蕃茄都特別好食 🍅 飽滿紅潤又酸甜多汁另外仲有勁多唔同款的魚生粒有三文魚、油甘魚同八爪魚等等加埋爆多脆卜卜嘅飛魚籽，好豐富！【冷豆腐】我本身唔係好鍾意食豆腐但呢個豆腐好嫩滑 😋連我都不停食【壽司】依次係【金目鯛】、【帶子】同【油甘魚】啲壽司嘅賣相好精緻魚生爽滑油潤 🍣坐吧枱睇住師傅即刻整㗎～【清酒煮蜆】啲蜆多到一個點呀非常大方嘅份量 😍蜆肉隻隻都飽滿同滑嘟嘟食完仲可以飲啖熱湯呢【明太子雞翼】雞翼去骨釀滿明太子辣辣哋咁幾過癮 🤤雞皮都好脆口【甲羅燒】滿滿嘅蟹膏加上蛋黃 🦀口感更加順滑蟹膏濃味得嚟唔會過鹹配埋多士食好夾【鰻魚茶漬飯】最後嘅清新嘅茶漬飯感覺好消滯 🍵

之前喺尖沙咀已經好想食呢間日本料理餐廳，今次同老公去荃灣行街，竟然比我見到呢間日本料理，仲要咁啱因為我哋比較早嘅關係所以餐廳裏面未有太多客人，所以就入去裏面問吓有冇位可以即刻食到，實在太好啦因為組未有客人嘅關係所以我哋都可以坐低食嘢，店員安排咗我哋坐吧枱，可以一邊品嚐美食一邊望住師傅製作料理，首先我哋叫咗鮨一沙律，開下個胃先，裏面包括左三文魚，吞拿魚，八爪魚，全部都係切粒伴沙律菜，仲有原個生蕃茄，沙律菜好fresh，刺身粒亦都好新鮮，之後因為我勁鍾意食海膽嘅關係，鮨一千層海膽飯，黎到嘅時候真係兩眼發晒光，海膽份量唔少，底層係碎吞拿魚，總會有紫菜片俾你包住黎食👍🏻👍🏻👍🏻真係正到🤤🤤🤤之後就叫咗一個原條秋刀魚刺身，因為之前未試過咁樣食，覺得幾新穎又特別，入口口感又OK唔錯，比較彈牙，不過個人覺得有丁點兒腥，不過可接受，再之後就叫咗一份安康魚肝同鱈魚白子刺身，因為老公話想挑戰平時未食過嘅嘢🤔🤔🤔魚缸比較厚身，味道亦都有少少腥，口感麻麻地😅另外白子刺身，其實係鱈魚嘅精子嚟㗎，入口好creamy，一啖就已經滑咗落個肚度，雖然個樣唔太靚，亦都掙扎好冇擺入口嘅時候，竟然出奇地好滑好似食咗一啖cre

開頭食前菜壽司幾好唔錯，越食越火滾，加單既時候，叫完一次又走返來問，唔記得就寫單啦，再答多一次，又係來錯，我只係加左兩件壽司！因為我比較夜先去食，其實都係得返我一台，叫個軟殼蟹反卷，卷完睇住佢一路拎住一路吹水唔做野，整兩件壽司都用左我十分鐘，但佢唔係忙，只係係度吹水最嬲一樣野，係一坐低已經叫左個烏冬，一路等一路等，等左四十分鐘我問左一次，佢話就得，要多3-5分鐘，結果又等多十分鐘，出到來，點知整左碗糊仔俾我食，啲烏冬超淋，唔知係乜野稻庭烏冬

今年冇得去日本, 無時無刻都想食日本嘢, 見荃灣廣場附近開咗間日本餐廳, 同事話原來尖沙咀同大埔都有分店O既, 既然開到嚟荃灣, 趁老公嚟搵我食LUNCH, 就試一試佢啦! 老公12:45 去拎位, 點知都要拎飛等, 等咗25 分鐘就入座了。定食附送前菜, 沙律, 麵豉湯三色丼定食 - 有三文魚生, 帶子同甜蝦, 全部都好新鮮, 而且份量適中,  加埋豉油, 一個女仔KO 晒成個飯冇難度。和風牛肉飯定食 - 牛肉好淋但唔肥, 好夠汁, 和風汁好好味! 之前去過第2 D 餐廳食過呢個飯, 比較下, 鮨一呢個飯好食好多。三文魚生 - 凡惠顧定食加刺身三片只需$6 (只限堂食), 我哋2 個餐所以加咗6 片, 新鮮, 抵! 整體嚟講, 店員NICE, 食物GOOD, 不過座位就有D 密同迫, 如果可以多返少少空間, 會更佳! 下次再想食日本野時都仲會去鮨一的!  

今日有慶有男朋友接收工，緊係食好東西啦！「鮨一」之前係尖沙咀食過都好好味，唔知荃灣新開張既質素又如何呢？龍蝦沙律龍蝦爽口彈牙，應該有足一隻龍蝦既份量，令人非常開胃！涼拌豆腐起初打算清清地，點知豆味香濃！清酒煮蜆清酒味唔錯，蜆都大大粒，漲卜卜，份量都唔少！深海池魚刺身魚肉厚刺少，肉質鮮嫩肥美，脂厚油香，入口魚油甘香細膩，刺身能帶出池魚令人齒頰留香的油分。原條魚係你面前切切切，仲連埋魚骨上！絕對唔係頭尾既刺身所堆砌，真材實料！店員會介紹埋魚骨都可以一試，經過廚師巧手，酥脆魚骨亦好好味！絕對唔會浪費池魚既任何一個部位！白子刺身即係銀雪魚既精囊，我就覺得好好味，味道濃厚，而我男朋友則非常不喜歡，所以都幾兩極！ 可以一試壽司十貫十貫壽司🍣當中包括蟹肉棒、鯛魚、左口魚群邊、三文魚籽、海膽、甜蝦、帶子、油甘魚、拖羅等，可以話啖啖新鮮啖啖滿足千層海膽丼見到隔離叫左個海膽丼，店員好不留手禁將海膽一層又一層禁疊高，不管係視覺，還是味覺都好大既衝擊，鮮甜，每啖都充滿海膽既甜美，不得不叫！總括而言，鮨一既水準真係無得頂，讚👍🏻

朋友介紹黎新開既鮨一食飯，之前睇相就知道有個海膽吞拿魚飯，終於可以試下一坐低員工已經俾口罩袋，茶，同埋最重要既菜單。打開第一眼就已經望到傳說中既千層海膽飯裡面仲有好多其他想試既野。整體黎講份量細細份，可以試多啲唔同野，唔知有冇做omekase，如果有，都會想試下。裝修都企企理理，收野都快手，員工都感覺幾friendly甘。一定會encore 既就會有個海膽飯，試下下次點個大份既唔知會點樣樣，同埋啲小菜啊，茶漬飯個啲

荃灣雖然好多嘢食，但要搵到高質得黎又唔貴嘅都唔容易，今次試呢間新開嘅鮨一就絕對符合我要求～錦繡刺身 $188份量唔細嘅刺身拼盤，有３款海魚、甜蝦，帆立貝同八爪魚，款款都肥美鮮甜～日本真蠔 $78/隻店員話呢批日本蠔係今日新鮮返就試試佢，每隻蠔都手掌咁大，蠔肉飽滿，入口嫩滑鮮甜，加上秘製醬汁令到個味道更加昇華～甲羅燒 $98喺香港食過唔少甲羅燒，今次呢個係我最滿意的，一嚟佢冇過多嘅調味，食得出蟹膏嘅真正咸鮮味，二嚟佢燒完先加生蛋令到個口感更加嫩滑，配埋一口多士令人欲罷不能～牛油果軟殼蟹反卷 $68雖然得４件，但餡料十足，同壽司飯嘅比例剛剛好，食完唔會飽飽滯滯清酒煮蜆 $62幾鍾意佢湯底加左白蘿蔔，飲落更加鮮甜，同時間蘿蔔亦吸收左蜆湯嘅精華千層海膽飯(小) $198本身冇諗住叫，因為覺得小貴，但見到隔離枱爆曬餡咁就忍唔住試埋，果然冇後悔！一個細細嘅碗仔上用海膽堆左個小山丘，視覺效果驚人，粗略估計有半板海膽，睇到顏色都知新鮮；飯面仲加左吞拿魚蓉，絕對值回票價！另外餐廳會跟埋紫菜俾你包住ｄ海膽飯嚟食，入口即溶嘅海膽加上脆身嘅紫菜又多左另一重口感～日本芝士蛋糕 $26最後想食ｄ甜嘢，呢個芝士蛋糕

9至11月係食秋刀魚刺身既季節😋之前睇到人介紹鮨一，荃灣最近新開左一間，於是早左成個月book定位🤣第一轉叫既以刺身為主，包括：1. 日本生蠔🦪爽口鮮甜，但兩隻大細唔平均2. 油甘魚：油香不錯，魚味偏淡3. 三文魚腩：不算新鮮，頗”un “4. 帶子: 一分為二，都算大粒5.萬眾期待👉🏻成條秋刀魚：油脂豐富，魚味濃郁，最後仲炸埋魚骨比我地，香口，正👍🏻👍🏻👍🏻👍🏻👍🏻🍣方面有香蔥拖羅反卷，火炙三文魚壽司～～兩樣都無令我失望😋最後仲叫左芝士年糕同埋稻庭烏冬🍜🍥芝士年糕香口，有淡淡芝士味滲出黎🍡稻庭烏冬就用左幼烏冬，個人鍾意食粗身個款，所以有少少失望😿秋刀魚刺身係今日之最💛正！

喺荃灣廣場隔一條街原來新開左間鮨一，之前喺尖沙咀分店食過質素幾高，今次見到試下新店哩邊先，最愛食日本野。坐bar枱位，望住師傳整料理係最賞心悅目。原條秋刀魚刺身 $188見到黑板上的廚師推介，食d最令食材先。秋刀魚好新鮮，魚味鮮甜。中拖羅刺身 $298、鱈魚白子 $78吞拿魚腩中後部分，油分適中無筋，魚味好鮮，有咬口。白子係第一次食，之前聽朋友介紹過，今次見到鱈魚當造，就試下。係生殖器官，口感好滑，好鮮，上網睇原來日本人用來冬日補身，含豐富蛋白質及維生素D。鮨一千層海膽飯 $198之前食過一值念念不忘，真係好滿足到我哩個海膽控。金黃色既海膽太吸引！海膽鮮甜，口感好creamy。真係超足料，滿滿幸福感。帶子海膽飯卷 $88帶子配海膽，正！沖繩苦瓜 $68前菜送酒一流，好爽脆。辣酒煮廣島蠔 $78哩個好味，推介煮物，蠔大大粒好鮮嫩，蘿白好入味又林，湯微辣清甜。鰻魚茶漬飯 $58哩個茶味香濃，出色，唯鰻魚可以大舊d, 有d細舊。

真係好耐無去過荃灣，呢間食店就正正響荃灣廣場，亦對住荃灣大會堂, 響西鐵站行過去，6分鐘左右就到，十分方便！依兩日開始秋涼，我哋點左啲菜式都係適合秋冬季節食嘅～真蠔  （每隻$58）真蠔（Makaki）係屬Rock Oyster 嘅品種，食落無比鮮甜, 唔好睇佢體積相對細隻，其實佢味道肥美， 超有蠔味而且爽口，  加上日本酸汁同辣蘿蔔蓉一齊食， 蠔嘅鮮味同冰凍感更顯突出。辣酒煮廣島蠔 （$78）朋友最喜歡幾道菜，  一碟有六粒廣島蠔，而且每隻都仍然係脹卜卜， 因為蠔煮完之後通常都會縮水， 依啲蠔煮完都仍然咁大隻，大家可以想像佢哋本身嘅體積係幾大。 每件白蘿蔔到處得好透完全冇渣，係索曬啲湯汁同精華！  而且碗湯可以完完全全人飲番曬，微微辣加上飲到蠔嘅鮮味和白蘿蔔嘅甜味，飲完感覺幸福。白子刺身 （$78）白子係鱈魚嘅精巢，係日本人冬日補品，含豐富蛋白質，相傳有滋陰養顏嘅功用，食落綿滑豐腴,略略似奶油般，口感獨特.鮟鱇魚肝 （$78）鮟鱇有魚肝同樣營養豐富, 質感有啲似鵝肝，有海底鵝肝之稱，口感滑嫩，比鵝肝軟綿啲～廚師先用湯汁煮熟再加酸汁給我們享用，煮法有别於其他居酒屋，每一口都食得出廚師嘅

大壩街這條食街新開了一間日本料理店，原來是鮨一來荃灣開分店了～溫馨小店的格局，蠻有日式風情的。我們這夜安排了吧枱位置，可以邊用餐邊欣賞師傅的手勢。開胃菜點了份鮨一沙律，新鮮蔬菜加上高甜度番茄和各種刺身，口感很豐富。接下來是海膽fans必點的鮨一千層海膽飯，碗上堆了一層又一層、異常澎湃的海膽，加上奢華的金箔，超吸睛的說！滿滿的海膽底下還有呑拿魚蓉，鮮味提升，令味道不會太單調，果然是招牌名物先挖一大坨海膽，加醋飯和紫菜夾起來吃，海膽的鮮香在口中慢慢透岀來，餘韻久久不散，豪華的享受～看到廚師推介有鱈魚白子和鮟鱇魚肝，就各點了一份試試。肥美的白子刺身滑溜溜的，嫩滑帶甜。而鮟鱇魚肝則味道濃郁，口感細膩綿潤。再來是特上十貫目，誠意十足，有海膽、晶瑩剔透的三文魚籽、甜蝦、帆立貝和充滿油香的拖羅等等～ 現握壽司新鮮好食，味濃的拖羅就留待最後品嘗吧最後點了份清酒煮蜆，份量大方，蜆肉脹卜卜的，簡單做法已經可帶岀海鮮的原始滋味。蘿蔔也煮得入味，無渣而且非常清甜

近排食既餐廳都有同一個問題，黃店幾多支持者，上網大部分都係好評。然而呢d評論只不過令我更加失望，希望越大失望越大☹️ 提早預約了7點，店員好好留左吧枱俾我地👍食壽司要坐係師傅面前先別有一番風味架嘛😉不過唔係食omakase，就唔會期望同師傅有咩交流啦。握完壽司，唔直接遞俾我地就有少少扣分☹️我已為壽司盛會放我前面叫我拎添😂可能公司有規定，所有食物一定要放係上菜區，再由侍應出菜。所以難免出現，食物ready左，侍應睇唔到而遲出菜的情況。日本真蠔大大隻蠔，好厚肉又鮮甜。壽司十件叫左個價錢較便宜的壽司盛，除返開都要$18蚊件架。menu冇指定壽司，廚師發板😊冇menu唔知自己食緊咩魚，都係估估下😂10件只有1件係炙燒，燒得剛好，又有油脂感。海膽唔腥質素ok。三文魚籽放得幾滿。仲有帶子，甜蝦，同吞拿等等。蟹棒負評☹️我自己好唔鍾意壽司set入面有蟹棒加沙律醬，好似食緊爭鮮咁，蟹棒仲要雪硬左。帶子海膽反卷正常表現。甲羅燒多士略略烘2面，雖然有8塊，不過都係1口size，唔夠點甲羅燒。侍應話加雞蛋會更加滑，不過我prefer唔加雞蛋。因為會令佢稀身左，同蟹蓋冇咁濃味。炸蝦手卷正常發揮。埋單5百幾蚊。繼續

荃灣新開嘅日本餐廳新屎坑去試吓殊不知多人到爆炸⋯⋯佢應該有落場時間見佢差唔多三點已經同出邊啲人講冇飛啦我哋係僥倖最尾一台入去😳😳😳叫咗兩個set lunch個鰻魚飯係好食嘅，set lunch嘅價錢來講都食得過另外嗰個壽司烏冬餐普普通通，烏冬湯底有啲鹹其實佢出名嘅好似係刺身飯下次可以試吓嘅

呢間日本野係荃灣新開既，原來佢係尖沙咀分店已經開左一段時間，口碑好似唔錯所以就去試試啦，本身book左9:15pm點知去到同我地講未有位，咁我地就等下啦，大概等15-20分鐘左右，我地叫左個佢招牌海膽飯有分大同細，咁我地3個女仔叫左個細既，我建議大家食大既，海膽都好新鮮冇苦味，跟住叫左d壽司小食同串燒味道都唔錯，魚生都好新鮮由其係個活赤貝壽司牡丹蝦壽司真係好味，但係就真係對個大拖羅壽司有啲失望喇，因為佢嚟到嘅時候完全唔覺得佢係大拖羅中拖羅左右同埋唔夠厚，所有嘢食都算過得去，價錢方面都係中等價錢，荃灣比較少呢啲日式餐廳可以試試。

好想去日本呀！！！冇得去唯有係香港搵日本嘢食下啦，尖沙咀間鮨一開到嚟荃灣，一於同朋友嚟覓食先！餐廳好日本風睇完餐牌勁多嘢都想食，同朋友嗌咗好多日本真蠔$58/隻-好肥美好鮮甜！充滿海水味夠曬爽滑秋刀魚刺身$188-必點！只需點上少少豉油同薑蔥吊味就已經好好味，入口鮮嫩令人齒頰留香。食完刺身魚骨仲可以叫店員炸嚟食添！特上十貫目$298-有左口、魚子、帶子、海膽等等令人目不暇給。每款都好新鮮，由淡至濃味咁係食係味覺上嘅享受呀甲羅燒$98-賣相咁吸引必打卡啦！蟹膏味道濃郁，配上脆脆哋嘅多士認真唔錯香蔥拖羅反卷$78-拖羅入口即溶，好香口清酒煮蜆$62-蜆大大粒好清甜，食咗咁多濃味嘢食返啲清清哋又有蘿蔔咁幾舒服冷豆腐$28-豆腐涼浸浸滑嘟嘟啲嘢食真係冇得彈，掛住日本嘢會再嚟食呀