魚一壽司 (教育路)

營業中

休息中

經過呢間壽司店門口，見到勁多人等，見到咁多人排隊就知道不容有失喇！諗住入去拎飛等一陣喇！Oops! 原來出面嘅人係等嘅外賣！正！立即有位！日本餐廳當然用返日式餐具喇！帶點可愛嘅日式圖案，估計老闆都係年青人！蟹籽沙律～因為見到鄰坐嘅客人，見到蟹籽量非常多，好吸引，所以忍唔住叫一份嚟食！撈出嚟每條青瓜絲都沾上唔少蟹籽，食落「卜卜聲」，與別不同！蟹肉蟹膏軍艦～將蟹嘅鮮味完美演繹，蟹膏一啲都唔腥，而且非常之夾！刻意影個「蟹籽山」橫切面相！好厚呀！以下都係火灸壽司：左口魚邊壽司～炙燒後甘甜魚油滲出， 食落更覺濃郁甘香，入口即溶！他他牛壽司～呢個真係非點不可！牛味濃之餘，熟嘅程度剛剛好！帶子壽司～微微焦香嘅帶子！Yummy! 三文魚腩壽司～一咬，油脂飛哂入口！極大滿足感！京蔥拖羅魚蓉丼～一嚟到忍唔住同朋友講一句：「嘩！好靚呀！」，呢個62蚊嘅丼，純賣相都唔止呢個價！加上佢用料豪爽，超值又好食！自選topping丼：1.珍寶帶子～超級大隻！以為大，會係薄切，點知係厚切！大大件，一吓塞滿個口呀！2. 馬糞海膽～沒有腥味，反而食得出鮮味！3. 原隻活赤背～wow! 勁爽口！原隻上，咁先夠完滿！丼好多時都

趁今個星期係紅葉🍁盛放期，入去元朗睇紅葉，當然仲順便揾好野食啦。元朗出名多抵食又高質既日本料理，openrice見到<魚一>好多收藏，d食物幾吸引就去左試下😁我Order左<自選丼>，簡左4款海鮮🐟 $102大赤蝦、帶子同油金魚腩都好鮮，冇雪味!👍🏻個大拖羅就部份入口即溶，有dd筋，不過$32蚊都ok啦。 🙎🏻‍♂️order左<燒汁牛柳飯>，反而個飯好有驚喜!個飯熱辣辣、牛肉好有肉汁😋黑椒汁好野味、個飯食到底都仲有汁👍🏻👍🏻👍🏻$52 好大碗因為太肚餓，仲order左<牛油果🥑軟殼蟹卷>、同埋一d壽司。壽司好抵食，鰻魚都係$9蚊2件$200幾蚊食到高質既海鮮同牛肉飯，好抵😆Ps 我地睇完紅葉🍁後去返教育路食晚飯，經過見到都好多人等位。

呢日嚟到元朗教育路嘅《魚一壽司》食晏。店鋪面積唔係好大，共有上下兩層。餐牌上邊有丼飯、壽司、定食，都有幾多選擇。和風肥牛鍋定食 ($58) - 壽喜燒湯底入邊有肥牛、生鷄蛋、冬菇、金菇、娃娃菜、白菜仔……等，材料豐富，配以和風蔴醬沙律、三文魚麵豉湯及珍珠米飯，熱辣辣上枱，好食得嚟畀人一種幸福嘅感覺！鹽燒左口魚定食 ($68) - 左口魚魚皮燒得香口，魚肉鮮嫩帶有魚油香味，加上套餐入邊嘅麵豉湯及沙律，簡簡單單已經十分好食！“松”壽司拼盤 ($138) - 包括牡丹蝦、中拖羅、油甘魚、鱆紅魚、池魚王、帶子、三文魚籽、海膽、蔥吞拿魚腩卷及茶碗蒸，十分豐富。帶子、海膽十分鮮甜；鱆紅魚、池魚王爽甜彈牙；牡丹蝦新鮮爽口；中拖羅嘅油脂夠曬甘香……拼盤入面款壽司都好新鮮，配埋滑溜嘅茶碗蒸，滿足！呢度食物味道唔錯，壽司十分新鮮，價錢實惠，認真優質抵食！

自從元朗開左魚一，幾乎變咗飯堂。第一次行過見到以為淨係做外賣生意。原本樓上仲有座位，做埋堂食嫁鋪頭係教育路，肥姐蠔餅轉個灣就到，好方便呀可以whatsapp外賣，好方便。價錢黎講元朗真係佢最抵，而且種類好多。午市定食好多揀，由$48到$138都有。本身打算叫火灸個個set不過原來晚市係冇。不過單叫都唔係貴好多。除左壽司、刺身，仲有和食、串燒同炸物。最好係有得一件一件咁叫，好抵呀真係！鋪頭雖然細，但好多選擇，野食都出得好快大蝦千島醬沙律，加吞拿魚軍艦，大件夾抵食叫左5款火灸，分別係三文魚腩、左口魚、饅魚、帶子同蟹柳。唔係因為咁平而縮左水，每件都有分量，三文魚腩灸完好香，生熟岩岩好，左口魚入口即溶，5款都好好味。小食叫左炸牛肉薯餅，$18，一啲都唔油非常香口雞肉滑蛋餅，好大碗，蛋都唔會太生，岩岩好咁多野食埋單唔洗$300

所謂「做起左，就愈來愈差」，早兩年d食物質素真係好好，但今日食完真係差中之差，首先等位明明下層一直都有空位，但係就唔知點解要等成半個鍾先比人坐入去，呢樣算，好小事 可能人手上問題或安排上問題。其次係以前d火炙壽司全部都係即整，上到黎都係暖既，但今日食係好快就有得食，但係好明顯係擺左好耐，凍晒既火炙壽司，都算，廿拎蚊想幾高質。最後，一開始就order左既串燒，食晒所有野等左15分鐘都未有，咁嘗試問下有未，佢話整緊，然後埋機督機落order，誠信出現問題，都算，營商手段理解，跟住等多15分鍾都未有，算，cut order走人算。無下次

元朗壽司唔知點解就係多，今日去左教育路魚一，唔好睇佢舖面細細，真係好旺場！今日去到大概7點已經要等位了！店員好細心俾我地剔住野食先。餐廳分2層，樓梯上面仲有座位。雖然只係簡單晚餐，但係味道一d都唔馬虎。壽司好多選擇，我地每樣叫左一兩粒，五光十色。有炙燒同特色壽喜30幾40款。叫一粒試下又得，好味再加單都ok!推薦鵝肝壽司，香脆鬆化！價錢好實惠喔！燒物推薦羊架，厚肉又有黑椒微辣。蒜片牛柳粒好大碟，正！魚一仲有做外賣同刺身盛合，下次買！

今日專程由港島走入元朗目的係為左睇大棠紅葉, 其次肯定係為左搵食啦!元朗出左名多野食緊係之前上網做定功課啦! 網上見D間小店好多人推介, 加上又有得訂位緊係來踩下場試下佢啦!試新野既識食緊係食中午, 平D又無咁多人. 星期六既中午餐廳仍然會有setlunch 簡直係抵讚! 我地每人都比 <松> d 個 set lunch 吸引左, 所以都叫埋同一樣, 各有各食啦!套餐, 先來個三文魚面豉湯暖一暖胃, 再來個沙律開返個胃, 跟住來個蒸蛋, 個蒸蛋又熱又滑真好食, 唯一係唔夠咸, 可能我食得比較重味啦, 我加左少少豉油掉返個味, 正!!主菜出場啦 – 8件壽司+3個吞拿魚小卷, 見到咁新鮮已經流哂口水啦! 有牡丹蝦, 中拖羅, 油甘, 池魚, 鱆紅魚, 帶子, 三文魚籽, 海膽. 每一樣都好好食又鮮又甜.而我最愛既係中拖羅, 魚既油脂剛好, 食完口腔內還有餘味, 諗起都想再食呀!! 食完仲有飯後甜品, 雪米磁, 真係小窩心呀!! 讚讚讚 !!!

近排好口痕好想食日本嘢😭 元朗一向都好多平價壽司，今次就嚟呢間試下先😎一開頭覺得鋪面好細，原來樓上都有座位咖😚menu都係幾多選擇，有壽司、炸物同串燒等等☺好開心呀有我鍾意既麵豉湯，入面仲有三文魚😙壽司丼#火炙壽司 竹 ($98)😋好味指數：(7/10)佢有唔同嘅壽司拼盤，價錢由$58-138都有🤔我就揀咗火炙壽司🔥三文魚穴子 珍寶壽司蝦皇帝蟹肉棒左口魚邊帶子牛肉他他加洲卷茶碗蒸對我嚟講最正嘅就係左口魚邊，燒完之後魚油勁豐富😍三文魚同蝦都唔錯㗎✌🏻 牛肉我就覺得燒得熟得滯🤔茶碗蒸就麻麻地啦，蛋味好淡😩#海膽魚籽丼 ($98)😋好味指數：(7/10)海膽同魚籽份量都幾多，食落去海膽都幾鮮甜😗而且碗飯都幾大碗，食完都幾飽架😎#刺身拼盤 木 ($108)😋好味指數：(7/10)三文魚同三文魚腩都幾厚，唔會話薄薄一塊，而且食落都好鮮甜😗赤海蝦夠哂大隻，食落去都好新鮮😎肉質都幾爽口彈牙😜劍魚腩都幾肥美食，味道比較清淡😫活赤貝食落去爽口😚後記💁🏻‍♀️💁🏻‍♂️質素就正正常常啦，過下口癮都ok嘅~

元朗食日本野❓首選我一定推介魚一琴日朋友帶我去食過，果然又平又新鮮呀冇介紹錯！朋友話聽人講呢間日本野高質又平，果然名不虛傳，去到舖仔細細，但門口都有三四組人等緊位，不過好快就有位👉🏽貪心鬼必叫自選丼飯：我揀左大拖羅、帶子、三文魚腩、劍魚腩同吞拿魚腩蓉（$128)我鍾意咁呀，你想食咩就揀咩，唔駛比佢set 好既規限你我個心同Toro 一齊融化了劍魚腩好厚身呀，肥美新鮮普通帶子都咁肥咁厚，下次試下珍寶帶子先三文魚腩，冇得彈，新鮮阿又大舊吞拿魚腩蓉，送飯一流👉🏽雜錦魚生沙律，魚生多過菜，姐姐太幸福了🥰 不過我唔係太鐘意佢既沙律汁👉🏽壽司超平又好食，推介池魚王壽司，火炙左口魚壽司👍吉列蝦壽司，蝦仲脆脆的，實肉，$22 抵阿雖然舖仔細細，坐得比較迫，但係抵食，最衰我住得遠，如果我住元朗一定隔幾日食一次

地下係bar枱，上面閣樓，好似日本🇯🇵餐廳甘😄坐低後，會送上一大壺茶，真系好好，因為我自己食親日本野飲熱茶起碼3，4杯，一大壺方便自己之餘又唔洗系甘叫人針茶。雜錦天婦羅烏冬$52蝦都好新鮮，烏冬份量勁多，不過烏冬比較林，但系湯底味道絕不差，和風肥牛定食$58湯底好濃味，唔會太咸，仲熱辣辣，肥牛好大塊，都有好多配料，竹火焰壽司🍣$98三文魚，穴子，珍寶壽司蝦，皇帝蟹肉棒，左口魚邊，帶子，牛肉他他，加州卷，茶碗蒸。壽司件件都好大件，質素絕對比得上其他店鋪，左右魚入口即溶，魚味香濃。我男朋友話呢世人食過最好味既壽司😹 好味過日本壽司😹 呢間D壽司真系好好味。茶碗蒸：蒸蛋即叫即蒸，所以比較耐，味道比較淡，但蒸得好滑。另外叫左蟹子壽司🍣，同埋海膽壽司🍣海膽完全唔腥，仲好鮮甜。最後仲有雪米糍跟個3個餐，真系好滿足，職員仲問我地如果要硬D可以換硬D，超級nice👍🏻 呢個甘抵價錢食呢個質素既食物，好滿足。真心性價比高，唔系誇張😅

今曰在元朗閒逛，發現在教育路有許多食肆林立。有朋友介紹元朗有一家唔錯的曰式料理餐廳，而恰巧今天路經這兒，一於入內試試。本來以為餐廳狹小，地面層設有吧座，然而樓上另有洞天，雖算不上寬闊，但感覺光猛整潔，是一貫小店風格。燒鳗魚飯$68這鳗魚飯真抵食！$68有半尾鳗魚。而且即點即造，所以製作需時。這鰻魚可不是用微波爐翻熱的那一種，有少少焦香和脆邊。而伴飯的鰻汁也足夠，所以白飯濕潤，帶一點鰻汁的甜味，以$68而言是對板對位，味道不錯。和風肥牛鍋$68這肥牛鍋也幾抵食。肥牛不會過於肥膩，肉質軟腍，加上壽喜燒汁甜度適中，配上金菇、津白和豆腐，是幾菜肉均衡的一個鍋，性價比不錯。魚一極上丼$138這招牌極上丼材料豐富，有齊帶子、三文魚籽、海膽、牡丹蝦、拖羅和吞拿魚蓉等等。海膽雖然不是極甜的那一種，有一點點海膽的味道，而不帶半點腥味。拖羅充滿均勻的雪花紋，帶一點油花又無筋，不錯吧！吞拿魚蓉入口軟滑；帶子切得帶一點厚度，口感唔錯；三文魚籽十分新鮮，粒粒爆汁帶咸香；牡丹蝦大大隻，啖啖肉，配以酸酸地的壽司飯，真滿足。估唔到小店的日式料理定價幾平易近人，而質量也不錯，難怪晚市時段食客不絕，值得支持。

平靚正嘅日本餐廳 — 可一可再😍😍放日試咗魚一， 呢間餐廳都係度開咗好多年，平時都好多人等位。餐廳有兩層，下面係吧枱，我同朋友坐上層。餐廳地方骨緻，都唔會坐得好逼，整體黎講都幾乾淨。我地叫左個肥牛鍋物、清酒煮蜆同唔同既壽司。鍋物好多料，夠熱，湯底啱啱好啱會過咸，咁凍既天氣食一流！（店員都好細心！會主動問我地要唔要碗，加分！）清酒煮蜆，有好多粒㗎😋清酒味夠濃，偏甜，但蜆味夠鮮！唔錯！我地仲嗌左吞拿魚、劍魚腩、海膽軍艦、油甘魚腩、牛肉他他、蟹肉蟹膏⋯⋯其他自己看圖啦😝魚生都好厚身架！又夠新鮮，完全唔腥。呢個價錢性價比真係好高！蟹膏好濃好香🤤😍牛肉他他唔會話好多筋好難咬～下次黎會再嗌～～～食咁多，最後埋單都係～300，一定回頭！

元朗出名多好嘢食，今次第一次試呢一間日本料理小店，覺得超驚喜，性價比好高，會推薦大家，我自己亦都會回頭🥰一去到餐廳先送上熱茶-點左兩個壽司set， lunch set係星期一至星期日都有㗎，Lunch set包括有三文魚麵鼓湯、麻醬沙律、日式蒸蛋，十分抵食！-三文魚麵鼓湯超級足料，好多熟三文魚，個麵豉湯幾高質，好飲‼️麻醬沙律同埋日式蒸蛋 🥗🥚 蒸蛋滑lurlur，有冬菇同日式魚蛋片主角來了😍😍😍 whole lunch set 💫依個lunch set $98 真係好抵食😂😂壽司 set 竹 - 係全部火炙壽司包括三文魚兩件、穴子、珍寶壽司蝦、牛肉他他、皇帝蟹肉棒、左口魚邊、帶子、同加洲卷。壽司質素一啲都唔馬虎，好食又大件😆另外一set係壽司松💫$138包括牡丹蝦、中拖羅、三文魚籽、海膽、池魚王、油甘魚、鱆紅魚、蔥吞拿魚腩小卷。剌身新鮮‼️最吸引係原隻牡丹蝦上，好鮮甜😍帶子同油甘魚都好正，仲有入口半融化既中拖羅👌🏻$138有依個質素真係幾得，值得一試呢度除咗壽司，其實仲有好多小食。不過今次好飽，只係點左芝士焗生蠔，都唔錯！總結係呢一度嘅壽司性價比真係幾高，係一間好值得試嘅小店，一定會再回

這段時間都很經常到元朗，今日又與先生來到元朗，很久未食過壽司，平時來到元朗都見到這間魚一壽司，都已經將魚一壽司排在首選之列，今日來到元朗，魚一壽司是今日的不二之選了。挪威三文魚腩刺身$40挪威三文魚腩刺身, 面上有一抹魚腩特有的銀白，切得厚薄適中，㸃少少豉油芥末醬，入口帶芥末特有的辣及魚的油香，很正哦。京蔥雞肉串$22京蔥雞肉串，雖然串燒不是主打，但好像很吸引，所以要了個京蔥雞肉串，京蔥及雞肉都算大件，很香口，面上加了略帶透明的芡汁，令京蔥及雞肉都頗𤔡美味。吉列廣島蠔四隻$34吉列廣島蠔炸到外表金啡色，單是見到已令我垂涎，入口外脆內軟滑，非常推薦。蟹子沙律$35蟹子沙律，因為很喜愛食蟹子，所以都叫了幾個有蟹子的食物，蟹子沙律爽口有及有口感，令人感覚清新又惹味。和風肥牛鍋$68和風肥牛鍋，牛肉加上滑生蛋雞蛋，非常軟滑令牛肉軟滑和頗香牛肉味。花之戀$30迷你花之戀，紅卜卜的蟹子及橙紅的三文魚細細件，非常可愛，一件一口，花之戀蟹子卜卜脆的口感加上三文魚的油香，非常甜美。牛油果軟殼蟹卷四件$38牛油果軟殼蟹卷，面上有橙紅的蟹子及一整片的牛油菓，再配上粒粒分明的白飯及包著的軟殼蟹，味道及口感都感

美味的lunch午餐🍣元朗區教育路一帶有很多美食。食日本野係健康之選 。這間餐廳午餐有二十幾個選擇包括熟食（鰻魚飯，烏冬）或者魚生飯，壽司等😊午餐有這個$52 Set - 有一本大魚生飯，一碗三文魚湯，一個沙律🥗 三文魚飯很大碗，最後都食唔晒😅一個男人食都會好飽😸建議大家可以帶兩個不同的餐share，會冇咁飽，此外員工的態度很親切，🤗這間小店有能食出人情味。溫馨提示：這間小店設有壽司🍣外賣服務，即叫即整，可以打電話或者WhatsApp落單