屯門比較少食串燒嘅居酒屋，早排經過就見到一間好日式裝修嘅居酒屋，店內坐位唔算好多，但都坐得幾舒服🥺 推介🪄 💨立鱗燒 - 魚鱗脆卜卜加上嫩滑嘅魚肉口感一流😋 💨雞翼 - 燒雞翼就一向都係咁好食 💨流心蛋豚肉卷 -流心蛋整得岩岩好 💨炸蟹仔 (係期間限定 唔記得叫咩名) 店員介紹要先食咗佢地啲腳就先，唔係就好易吉親🤣 💨白色栗米 - 甜甜的 另外佢地嘅炸物味道都唔錯，最後食埋個中華冷麵冰冰涼涼好舒服😍 🍴回頭度：可能會 👏🏻抵食指數(5個滿分)：👏🏻👏🏻👏🏻 📷賣相指數：(7.5/10) 🔎環境指數：(7.5/10) 💂服務指數：(7.5/10)

呢間新開餐廳原來係申子居酒屋嘅姊妹店，全部食材都係日本嚟😍晏就主打食拉麵，夜晚就係日式火鍋，另外仲有Runny Cheese嘅甜品🤤 本身諗緊鮟鱇魚肝鍋好冇，但都係想食蠔多啲🦪 #廣島蠔香檳鍋 ($798) 😋好味指數：(8/10) 呢個set有一份蔬菜拼盤(福袋、絹豆腐、各種菇類、蒟蒻、蘿蔔、芽菜同各種蔬菜)，8隻廣島蠔同2隻蝦(,,•́ . •̀,,) 食之前店員會加半支香檳落去先，香檳同廣島蠔嘅味道真係好夾，蠔真係好鮮好肥美，又唔會點縮水👍🏻 蝦都好食😙 不過建議吸汁嘅食材等啲酒揮發啲先食🤣 食完個火鍋店員就會加芝士同珍珠米落湯到整成芝士雜炊飯😋 串揚 雞肉($38)同芝士($28)，正正常常😗 甜品 #宇治抹茶芝士磚 ($68) 😋好味指數：(7.5/10) 抹茶味好出，仲有最夾嘅紅豆😛 #開心果原粒栗子蛋糕 ($68) 😋好味指數：(8.5/10) 我同男朋友都超愛呢個，開心果味好濃郁，又唔會太甜

#大阪城和牛五點盛合 ($358) 厚切牛舌芯及和牛五花、和牛磚、和牛肋條及牛三角 入口軟嫩同油香，但牛味就唔重😐 #蒜燒珍寳生蠔 (2隻 $62) 大大隻好肥美，燒完仲係脹卜卜😍 #牛油鹽蒜元貝 (2隻 $64) 鮮味十足🤤 配上一杯巨峰提子可爾必思同埋雜果賓治就啱啱好喇😚

fine dining就食得多，但釜山風味嘅fine dining就真係未試過😗 呢到環境好靚，有個大玻璃望住出面嘅景，仲有幾間房添😳 #Oouil 9-courses tasting menu ($1880) 😋好味指數：(7.5/10) 依加新開張有discount $1480一位~ 𝘼𝙥𝙥𝙚𝙩𝙞𝙯𝙚𝙧 -Oouli Bu Gak- 釜山海苔同濟州海藻 炸得好鬆化，個三色醬幾好味，我中意食海藻多啲🌊 -Jagal -Chi- 左口魚刺身 72小時醬油大蝦 醬油三文魚 好小可食冇燒過嘅左口魚，配埋佢地嘅海鮮醬咁樣食韓式刺身都幾特別🤣 -Deul Kkae - Juk- 一個好傳統嘅粥，入面有蔬菜﹑韓牛﹑蜆肉同佢地自己嘅米煲咗15個鐘，好鮮甜🥺仲配上一塊米通 -Han - Ip- 橡子果凍配炸豆腐鱈魚籽三文治 個牛骨湯同我想像中嘅味道唔同，竟然係湯酸酸甜甜幾開胃😛炸豆腐外脆內軟☺️ -Bo Yang - Sig- 韓式參雞湯燴飯 係韓式嘅Risotto，食之前店員會嘖一嘖參酒，再撈埋側邊嘅人參同紅棗一齊食😚 -Jili - Tang- 海鮮清湯配烤釜山鮑魚 上面啲泡泡係用湯打出嚟嘅泡沫，湯好鮮甜，入面仲有啲白蔔白😳 𝙈𝙖𝙞𝙣 𝙘𝙤𝙪𝙧𝙨𝙚 (4選2) 韓牛/和牛/黑毛豬/鰻魚 -烤頂級1++韓牛- 一入面就feel到超有牛味油香同埋好嫩🤤 側邊嘅伴碟整得好可愛😍 -烤釜山鰻魚- 一開頭以為個樣會係平時食日本果啲鰻魚飯，魚皮好脆而鰻魚魚肉好結實😋配埋薑汁薯蓉 釜山自家農田珍珠米飯配鰻魚湯 五種時令特色釜山伴菜 個飯真係好好味，好煙韌同咬口😭 𝘿𝙚𝙨𝙨𝙚𝙧𝙩 糯米年糕窩夫餅配雪糕 呢個窩夫餅超級好食!!面頭好脆入面好軟糯😍

因為男朋友中意食中菜，所以就同佢嚟咗呢間係尖沙咀新開嘅酒樓 一開頭就嗌咗碟手拍青瓜開下胃先🤣 #紅燒大排翅 ($298) 😋好味指數：(8/10) 可以自己落醋﹑芽菜同芫茜，我就覺得醋落小小已經夠，啲翅都幾大塊😋 #海鮮豆腐羹 ($58) 😋好味指數：(7/10) 啲材料切到細細粒，每一啖都有唔同口感，不過海鮮就唔算多，正正常常😚 #芝士中蝦 ($152) 😋好味指數：(8/10) 好中意呢個芝士蝦，有海量嘅芝士係到。蝦好新鮮，食落口幾彈牙😍 #蒜蓉蒸元貝 ($116) 😋好味指數：(7/10) 元貝幾大隻，冇落到豉油但都有調味，不過就咸咗小小😵 #秘制欖角骨 ($168) 😋好味指數：(6/10) 外面炸到卜卜脆，甜甜地。但欖角唔多，同埋肉比較肥，唔係好岩我口味😢 因為成日出街食飯冇咩菜落肚，要食番個鹽水時蔬🥦 甜品就嗌咗楊枝甘露 ($45) 香芒凍布丁($35)同椰汁馬豆糕，我幾中意佢地嘅甜品，唔會太甜清清地😙

成日行過附近都冇留意到原來地庫有間居酒屋，裝修幾有feel。 大部份都係bar枱嚟，一邊就係串燒一邊就係睇到師傅切魚生，坐得都幾舒服 仲有好大個魚池養住啲海鮮🥰 #痛風之蠔 ($88) 😋好味指數：(8.5/10) 見到基本上每一枱都有嗌，上面有魚籽同海膽，隻蠔仲好脹卜卜😋 #A4和牛魚子醬壽司 (2貫$88) 😋好味指數：(7.5/10) 係和牛刺身加埋魚子醬嘅壽司都幾夾😙 #深海池魚薄切 ($180) 😋好味指數：(7.5/10) 唔知有冇人都好中意食池魚呢，幾新鮮 #炙燒三文魚親子卷 ($98) 😋好味指數：(7.5/10) 上面就係炙燒三文魚，入面就有啲蛋同青瓜。口感好豐富😳 #松葉蟹肉濃海膽醬稻庭烏冬 ($168) 😋好味指數：(8.5/10) 因為怕唔夠飽所以嗌咗個烏冬 勁勁勁中意呢個烏冬!!!個味道好濃郁creamy，撈埋隻蛋超好味😭 #提燈 ($68) 😋好味指數：(7/10) 見到寫住超稀有品就，食落去就嗌嚟試下，提燈就係雞嘅輸卵管、卵巢同埋未成熟未有殼嘅蛋黃，所以其實食落去就係蛋黃嘅味道🤣 #芝士免治雞肉丸($48) 同#喜之次一夜干 ($138) 就正正常常🤣

之前見到人地嚟呢間韓式澡堂風裝修嘅餐廳覺得幾得意 入面仲有一大幅燒酒牆🍶 #蒜蓉醬油炸雞 (半份 $88) 😋好味指數：(7/10) 食落去甜甜地，不過蒜蓉味就唔係好覺，就算有好多醬汁但都食到個皮係有dd脆，雞肉就正正常常😚 #雪花芝士炸雞 (半份 $88) 😋好味指數：(7.5/10) 芝士味幾濃，又唔會炸得乾身☺️ #韓式牛肉拌飯 ($88) 😋好味指數：(7.5/10) 有好多牛肉﹑芽菜﹑菠菜同泡菜，但個組合一定點都好食😍 #炸韓國午餐肉條 ($58) 😋好味指數：(7.5/10) 佢係用番個午餐肉罐頭裝住，出奇地呢個炸午餐肉條一啲都唔油😙 #新沙洞招牌炸物拼盤 (細份 $98) 😋好味指數：(7.5/10) 甜薯拉絲芝士條、番薯片、炸餃子、紫菜粉絲卷同炸年糕腸串。 甜薯拉絲芝士條﹑餃子同紫菜粉絲卷都好味😍 #辣炒年糕 ($148) 😋好味指數：(7/10) 入面有年糕﹑鵪鶉蛋同魚糕，好惹味，不過都幾辣，要係咁飲水🥵 #黃豆粉3.6牛乳麻糬 😋好味指數：(7.5/10) 好中意食軟淋淋又奶香嘅麻糬🤤 飲品就嗌咗雪嶽山同玫瑰梳打特飲，每次見到啲賣相整到富士山咁嘅飲品都會忍唔住嗌🤣 整體嚟講味道正正常常，但環境影相都幾靚😚

好耐冇試過食過一餐咁失望嘅飯😔 上網見到啲圖好吸引所以嚟咗🥲 小店樓面得一個人，都比較忙 一杯豆漿都等咗好耐，但都理解嘅😫 本身見到menu沙律同飯張圖有糖心蛋，原來下面有隻好細嘅字寫唔包括糖心蛋，如果想食糖心蛋記得另加🤣 聽到隔離兩枱嗌好多嘢食飲品都話冇😫 聽到有外賣員話睇到顯示張單半個鐘前已經整好，但一直都未拎得，後尾個客就取消埋張單🥲 #慢煮紐西蘭牛扒沙律 ($91) 😋好味指數：(4/10) 好多塊牛都好韌，有啲好生有啲好熟，又勁多筋🤨 理解唔到點解慢煮牛會搞成咁🥲 不過佢嘅沙律菜都幾爽口，個醬汁整得幾好味😚 #慢煮紐西蘭牛扒便當 ($96) 朋友嗌嘅~紅米飯嘅紅米比例超級少🤣 啲炒菜係凍，食落去又油又凍好奇怪🥲 唔知雞同魚會唔會好食 不過我唔會再有下次😂 食完即刻出去買牙線。。。😅

元朗真係一個美食天堂，成日都有唔同嘅新餐廳。早幾日就去咗呢一間新開嘅雞煲火鍋店試下，店員仲話有vip房可以唱K食嘢添，成班人嚟就岩晒🥳 #花膠雞鍋 ($368) 😋好味指數：(7.5/10) 個湯都幾好味，可能因為加咗金華火腿所以就咸咗小小😣 入面就有啲冬瓜係到，雞肉落去都嫩滑，佢啲花膠都幾好味大大塊，唔係平時cheapchrap果隻😝 #醉蝦 ($58) 😋好味指數：(7.5/10) 酒味幾濃，蝦肉食落去實淨的😗 #手切鴛鴦牛 ($138) 😋好味指數：(7.5/10) 打邊爐一定要叫牛肉，呢一碟手切牛就有一片同一粒粒嘅😚 一片片果款肉味唔錯，一開頭覺得一粒粒嘅一定好韌，點知食落去又幾淋，不過就肥咗啲😖 #水餃雲吞雙拼 ($78) 😋好味指數：(6/10) 水餃雲吞正正常常，可能唔係自己包嘅所以冇咩特別🧐 #魚標 ($88) 😋好味指數：(7/10) 我就唔食魚標嘅，不過男朋友就話都ok😛 #小熊大檸樂 ($38) 😋好味指數：(7/10) 有一舊熊仔樣嘅冰係到浮下浮下，好Q😍

見到外賣紙所以試下 結果真係難食到爆 個外賣一嚟到啲湯瀉咗好多出嚟 搞到啲盒好油 個擔擔麵勁咸 雞扒有啲粉粉地唔敢食 50幾蚊真係好唔抵！！！！！！！！！！！！！！！！！！！！