魚一壽司 (教育路)

營業中

休息中

《元朗平價日本料理！》 .元朗出名多嘢食， 今次嚟到一間網上廣受好評嘅日式料理店， 平日晚市嚟到門口已經大排長龍🙈🙈，已經提早有book位，但都係只可以搭枱，無哂雙人枱，可見佢受歡迎程度 . *價錢牌在圖 #向左滑看更多推薦：燒牛舌厚切牛舌 - 燒完依然爽脆多汁帶子壽司❤ - 帶子鮮甜，勁大隻甜蝦壽司唯獨海膽壽司稍嫌淡味雖然魚生質素唔係最頂級，只可以講性價比高 ，但如果對魚生冇話特別高要求🙈🙈，呢間係絕對可以滿足到口腹之欲

神級刀功左口魚壽司🤪絕不取巧既我係徵用左波波既肉手去做個公平對比😂頂盡係一隻甜蝦咁多既闊度😱點做到點做到點做到架？個壽司飯係薄到根本上連握壽司個下都做唔到🤣所以佢係好似一塊牆壁咁砌啲飯落去架，呢啲咁好心機既做法真係唔係間壽司店肯做🙈我都係食咁多次先遇到😆枉我仲自稱朋友界既左口魚試食專員🤦🏻‍♂️失覺晒失覺晒😂呢兩舊追加既壽司令人無言我都好公平咁講埋其他野食係可以接受既！冇腥可食用！38蚊一舊大拖羅我都唔可以要求太多但都附送左血絲，大甜蝦就附送已挑出既蝦腸😂😂😂咩玩法？但都仲係好多人排隊🤔主因係唔係因為佢係平得黎又冇x 鮮既腥？性價比高？

見佢平時好多人排隊就諗住試吓啦 點知係失望嘅 茶碗蒸啲蛋好實，味道亦一般 ，同埋唔夠熱 馬糞海膽軍艦價錢合理 不過唔好食 雞泡魚干 好普通食落仲有少少硬 芥末八爪魚軍艦食落幾新鮮 但就係鹹咗啲 玻璃蝦壽司唔錯 價錢抵食 幾新鮮 蟹子沙律唔錯，同埋價錢亦合理 總體黎講就一般般喇~有加一收費 但無加一既服務

突然想吃魚生，於是上OpenRice 找找，看到魚一壽司好評如潮，又說是元朗名店，竟然從未聽聞，於是決定去試試。六時許到達，店內分兩層，樓下是吧枱，樓上是2至4人枱，店員表示因為沒有訂位，所以只能坐吧枱或4人枱搭枱，我們只好選擇搭枱。到達樓上時看見還有二人枱，但店員表示已有人訂枱，所以不能坐(但到我們結帳離座時二人枱仍未坐滿🙄)安排入座點完菜，不到十分鐘便上菜。首先是鰻魚壽司，味道怪怪的，不知為何吃到有酒的味道。蟹籽沙律味道不過不失，份量很少，是其他日本食店一半的份量。軟殻蟹卷，軟殻蟹是凍的，而且不夠脆，明顯是預先炸好放一邊備用的，味道亦一般。魚生竟然不是最先上的菜，但魚生尚算新鮮。土佐豆腐外皮太厚不夠脆，但內裏的豆腐很嫩滑，醬汁沒有特別，如果多加點木魚碎會更好。最後是燒三文骨，調味偏咸，還伴有釘書釘🤢有釘的三文魚🤢，如果不小心吞了隨時食道出血甚至半命🤕☠️當我們見到，馬上向侍應反映，侍應把碟拿進㕑房再拿出來，表示是㕑房可能在處理外賣訂單時不小心掉進碟內，理由實在不能接受！處理外賣單總不會在食物上處理吧？而且釘是在食物內，就更不能理解！侍應交代後便不了了之，我們並非要佔便宜，亦沒有為難他

又到晚飯時間，係元朗行行下，見到路邊有間餐廳排哂長龍，咁吸引，一於去排隊試下首先頭盤黎個拉麵，飲啖湯地唔錯，啲叉燒又夠香，雖然未算頂級，但係呢個價錢黎講，性價比絕對好高之後再黎個丼飯，魚生好新鮮，大大帶子又好正！驚喜之一係呢到竟然有本人最愛之一既軟殼蟹天婦羅， 成隻蟹連殼啖啖食好鬼爽~~又炸得脆跟住黎左一盤火炙壽司，都好正， 特別係火炙鰻魚壽司條鰻魚真係好長😍我地重點推薦既係鵝肝同拖羅薄脆。鵝肝壽司，估佢唔到竟然用焦糖烤，未食已經聞到好香，有驚喜， 食落仲冇普遍我最憎鵝肝嘅豬膶味👍🏻拖羅薄脆， 入口即溶，配搭米通，冇得頂！店家又好好招呼，又好細心，值得推薦👍🏻

新一年來到，跟好友相約慶祝。因為近日追看日劇，所以總是被日劇慶祝新年的忘年會氣氛所影響，很想大伙兒來到居酒屋喝杯啤酒、吃著串燒熱熱鬧鬧開心一晚! 選了位於元朗的魚一壽司，因為這間店有我最愛的魚生刺身，也有朋友最愛的熟食，適合任何喜好的朋友相聚。幾個朋友自成一角! 我們都是食得之人，所以決定一人點一個主食，再叫串燒小吃!我是魚生FANS，所以二話不說點了一碗京蔥粒三文魚飯。蔥粒三文魚味道不錯，最重要是大大碗才不過是$52，抵食! 芝麻八爪魚及螺肉前菜，必吃! (每款$18) 惹味!燒雞泡魚干好香口，燒得好脆，點沙律醬一流!西京燒銀雪魚可是說是我最愛的一種食物，每次去居酒屋都一定會點。銀雪魚好滑好嫩，一樣要點沙律醬呢!香口燒牛舌，非常彈牙，好入味，好驚喜，必點!!!!! 大推!和牛串，肉質嫩!燒冬菇也非常驚喜，好入味，好香!和風肥牛鍋，日式的鍋物超好吃，喝一口湯，暖暖身。整體來說，這間店的性價比非常高，每樣食物的水準高，份量夠，但價錢便宜。一向都知道元朗很多食店，選擇很多，但魚一壽司一定是值得一去再去的店!!!!

係屋企做完家務後，都兩點幾三點，打算出去買個餸順便食個下午茶，經過見到呢間壽司店好似幾平，咁平都唔預會有好高質素， 但當過下口癮都OK。淨係叫咗壽司，帶子壽司係OK嘅，但唯獨是芥末八爪魚壽司嘅其中一舊，一食落去有好多水，感覺不太良好。其他都冇太大問題，唯一係侍應有點分身不暇，因為我係坐喺2樓嗰層。但總括而言啲侍應係非常有禮貌亦笑容滿面。呢間餐廳亦有做壽司外賣，下次如果要買外賣壽司是會再考慮呢間，因為真係幾抵食。

第一次（差不多成年前）黎食係叫的「自由丼」，即係自選丼嘅材料，覺得抵食，今次再黎就試下點壽司。午餐係有set 嘅，但專程黎到，都係想叫啲自己鍾意嘅。兩個女仔，點左以下嘅食物：水母刺身 $58活赤貝刺身 $68水母係會另外俾一碟酸酸嘅汁我哋點嘅，咬落好似係雞軟骨嘅清爽版，啖啖都「sok sok」聲。活赤貝係好新鮮，連啲群邊都俾埋你，哩款都係走清爽嘅路線。like! 芥辣八爪魚軍艦 $10 （兩件）去食壽司，我都必點哩個。相比其他壽司店，佢嘅八爪魚係有明顯嘅wasabi 味。上枱即食，但個紫菜都已經「林」左。(壽司名同價錢，可睇下面嘅bill)壽司嘅飯係細細舊嘅，所以第一轉叫左上面嘅，有啲唔夠食，追加左下面嘅：炸雞軟骨粒 $45味道清清地，唔係超咸嗰隻。雖然有鋪左牛油紙喺底，但都明顯有一堆油喺下面。同人share 係可以接受嘅。牛油果軟殻蟹卷 $38我哋兩個都麻麻地蛋黃醬，如果知有咁多，應該會走左佢。味道ok，但哩個組合，牛油果味唔太突岀。本來就想食刺身版嘅帶子，點知「帆立貝壽司」$10兩件係指熟嘅帶子。所以第二轉就叫返「北海道生帶子壽司」$10一件嗰隻。係心目中，肥美新鮮嘅味道。想食邊一

喺荃灣行山行到入大棠，落左山梗係要喺元朗食飯啦！唔覺意搵到呢間小店，佢有兩層，但上層已無位，要坐吧枱，都幾迫下，攞住大背囊真係唔係坐得好舒服。魚生飯，自己揀材料，honey揀左帶子、赤蝦、三文魚腩，份量唔算多，但材料都幾新鮮，以$62嚟講算好抵。以下壽司每款兩件，每款都只係$9-12！味道正常，但咁嘅價錢，又有咩要求呢！食壽司當然唔少得食牛油果軟殼蟹卷，軟殼蟹香脆，蟹籽新鮮，唔錯！落單戈陣都猶豫過要唔要燒白鱔，上枱先知原來咁細粒，鱔肉都算肥美，味道唔錯，但$48一串兩粒似乎有d貴！呢間小店應該係元朗區人氣食店之一，食完7:30店外好多人等位，慶幸我哋嚟早一步！😜

已經唔係第一次去幫襯一間位於元朗嘅一間日本壽司小店，無論係食品及服務都係超出水準。刺身拼盤（火）（馬糞，海膽，三文魚腩，吞拿魚腩，赤蝦，八爪魚，廣島蠔及帶子）：非常抵食嘅一個刺身拼盤，當中數量品種好多，尤其係吞拿魚腩，三文魚腩又肥又大片，廣島蠔都系新鮮，連埋海水感覺非常一流，帶子，八爪魚，北極貝亦都非常新鮮，赤蝦足以一隻手掌咁大。哈天婦羅六隻:粉漿夠薄，蝦嘅size非常之大，食落去好夠香脆，夠乾身，唔會油淋淋。三文魚頭：好耐冇食過咁大嘅魚頭，肉質好鮮甜，只需要少少鹽落已經帶出三文魚嘅香味，有少少魚油在則邊，成件事非常有好感。鰻魚飯：鰻魚肉質夠爽脆，吾會好淋，再加上燒得外脆內軟，連埋特別秘製醬油連埋啲飯一齊食，非常滿足。

元朗呢間性價比都幾高既#魚一壽司 共有兩層但位置唔多 所以閒日夜晚都幾多人排隊 幾中意呢到壽司既飯偏酸 而且飯唔會硬🍣魚生夠新鮮---------------------------- 火炙三文魚腩 $12- 火炙左口魚邊 $10✨全晚最驚豔既壽司😍入口即溶 魚油油脂勁香 加上經火炙過 另有一陣炙香- 火炙鰻魚 $7- 左口魚邊 $8- 油甘魚 $10- 北海道生帶子 $10✨好厚肉 有陣陣回甘香- 厚切三文魚腩 $10- 日本直送中拖羅 $26✨油脂比大拖羅少既中拖羅 出奇地香味較大拖羅重 推介👍🏻- 日本直送大拖羅 $36✨望落好肥美 油脂多 但入口無想像中咁香- 希靈魚 (2件) $10- 三文魚籽軍艦 $18- 加拿大海膽 $28.- 汁燒白膳串 $48✨口感扎實 略有少許細既魚骨刺 但係吞得落口的- 芝士年糕 $22- 清酒煮蜆 $48

大舊飯壽司係我童年回憶，執得既執左。未執既都好耐冇食過。睇過無數評語大讚呢間日本料理性價比高，原本想食煲仔飯。又要訂咁🤷🏻‍♀️於是黎呢度試下 平日生意唔錯 ，樓下係吧枱 閣樓位置分佈密麻 舒適度中下🤔餐牌選擇多 刺身、壽司、卷物、手卷、串燒、炸物、沙律、小食、麵飯等 亦有自選丼飯 價格同一般日本料理差唔多。壽司、軍艦幾蚊至十幾蚊件。單件點質素較好，性價比高。又不至於睇你點乜囉，極其量係豐儉由人🙂🔸活赤貝壽司 $38/件🔸皇帝蟹肉棒 $8/件、三文魚壽司 $9/2件🔸北寄貝壽司 $12/2件、帆立貝壽司 $12/2件全晚最好食係活赤貝，貝身大隻鮮甜，外層爽脆，貝肉軟嫩👍🏻蟹棒上枱已散😅沙律醬亦都比較少，口感軟腍，好過元氣。點多兩舊赤貝好過食其他，尤其北寄貝同帆立貝好乾身😟🔸吞拿魚沙律軍艦 $10/2件、蟹籽軍艦 $12/2件🔸蔥吞拿魚腩軍艦 $18/2件、吉列炸蝦卷 $22/4件軍艦料唔算特別澎湃，幾蚊件收貨la👌🏻飯粒黏身偏酸D，炸蝦都幾爽，略嫌面頭嘅蟹籽太少。🔸炙燒左口魚邊丼飯 $72點個丼飯頂肚，份量合理。左口魚邊燒過魚油豐富，軟腍細碎。

早2日去元朗行年宵呢間日本嘢之前已經食過又平又好食 今次就再去食多次啦.2樓都有位架 地方雖然唔大 但就好有興奮主要有壽司 串燒同自選刺身丼飯我同朋友就揀左啲壽司 串燒同小食.朋友表示必食一口芝士 有5粒啖啖芝士好香 熱食好正牛舌串都好juicy 唔錯.壽司我地係單點推介辣味三文魚 海膽 甘蝦同油甘魚腩全部都好新鮮呀 辣味三文魚10蚊2件好平海膽揀左加拿大海膽 好creamy同厚身甘蝦好鮮甜又大條油甘魚腩好有魚油香夠肥美.總括黎講CP值好高埋單都係350蚊左右 食到好飽！

三年前由2位居於元朗的同事口中得知魚一，她們對魚一讚口不絕，話好食又抵食，所以就算路途遥遠，我和不同組合的同事和朋友們山長水遠都專程入元朗幫襯，通常都是預先打去問定有甚麼新鮮運到的刺身留起，老實說，魚一的食物不是最頂級，但以價錢來 衡量，魚一食物的質素還是不錯的，真正可以做到不需要睇價錢叫到全枱都係，但當然愈多人愈化算。今日適逢星期日，和S入元朗悠悠閒閒的行下街，再帶S去魚一食晚餐Menu選擇甚多，有沙律， 小食， 壽司，刺身，卷物，手卷，串燒，炸物，麵飯和自選丼飯，壽司由$5-28元1件，幾抵食日本白提子梳打$14~清新，可口，充滿提子的香氣，每次來必叫燒雞泡魚乾$32~魚味極濃，乾身，蘸埋蛋黃蟹籽醬一起吃好美味活赤貝2件$32~新鮮開的活赤貝鮮味爽脆，是我的至愛油甘魚腩$14日本池魚王$12厚切三文魚腩$10左口魚邊$8火炙左口魚邊$10活赤貝壽司$19蔥吞拿魚腩軍艦$9海膽魷魚軍艦$5加拿大海膽軍艦$28如果喜愛吃海膽，可以預先打去訂定整板海膽，價錢比市面的日本餐廳平宜，魚一有2種海膽可供選擇，加拿大海膽比較大片，而馬糞海膽比較清甜但細片，今晚呢件加拿大海膽軍艦算幾甜，油甘魚腩油

第一次用e肚仔叫外賣🥡，買左想試好耐的魚一極上丼。魚一極上丼d餸真係好豐富，有三文魚、油甘魚、中拖羅、吞拿魚腩碎、牡丹蝦、帶子、三文魚籽仲有海膽呀👍🏻所有刺身水準都不錯，比起係九龍區好多間出名刺身丼的CP值仲要高👍🏻牡丹蝦好大隻，味道鮮甜，口感好爽。中拖羅有油花好肥美，吃完好滿足。海膽水準都唔錯，算係甜，唔會淋到一patpat 同有臭味。同埋刺身份量都算多，每一啖飯都配到刺身而且醋飯味道都唔錯。