順日本料理 (已結業)

會友果然無介紹錯🙏依間既厚燒牛舌飯真係好味服務又好 lunch仲要唔洗等位😚朋友叫左海老味噌拉麵同香煎鵝肝☺️個拉麵🍜湯頭都好重海老味即頭好似有龍蝦味咁濃郁😋鵝肝不過不失 勝在價錢平 性價比高既👍

我好少會寫食評。但呢間真係受罪！服務差到一個點。1:00我一個人入嚟，眼見好多吉位，叫我等話冇位，我話個啲唔係位咩，個女人話係間位唔坐人，等左5分鐘，又叫我坐，又突然坐得嘅，我估係因為我一個人，佢唔想我坐左佢啲2人位….再之後我叫牛舌飯，話要等15分鐘，啲語氣好似唔想落單咁，我話咪等囉，你咁大間嘢唔係唔可以等呀！問拎小食餐牌又話冇，唔想做就唔好開門啦！未食都一肚氣，好食冇用，服務差！特別係矮矮短頭髮女人！冇下次！

🇭🇰#香港捐窿捐罅記 牛舌關注組神級熱捧👅呢個厚度食完返唔到轉頭🐮牛舌啲人食物相信都好受大家歡迎，你睇到日本完全唔出口就知咩事😛 因為自己人都唔夠食😗 至於鍾意食牛舌嘅人都會爭拗嘅一個問題，就係究竟食厚身定薄身好😂 佢話都可以兩樣都鍾意嘅👅今日介紹嗰間位於天后，聽老闆講其實本身已經做咗28年 不過以前主要做壽司果類 近排轉左型就有唔同嘅定食😗 佢哋最主打嘅當然都係牛舌，嗰日去到差唔多每台都叫🤔 聽老闆娘講牛舌係來自巴西，而且定食係即叫即切，所以製作需時😗大家去到就記得耐心等候😛-👅 #關東風慢煮牛舌 👅 （$90）（7.75/10）牛舌超級淋身，食返最原始嘅牛味😈基本上連老人家都會食到，有少少入口即溶嘅感覺😙而且仲有牛舌最好嘅朋友芥末，可以提供多一層嘅味道💁🏻‍♂️佢下邊夠蘿蔔仲要係冇揸，個湯亦都十分清甜😶‍🌫️.🐮 #厚燒牛舌飯 🐮 （$108) (7.5/10)非常之香口嘅牛舌😈 而且都係厚到爆炸比頭先果個更有咬口💁🏻‍♂️牛味亦都更出🐮外皮亦十分脆口，仲要成5大塊，好滿足😉聽講係連好多男仔都食唔晒😗佢其他小食就正正常常，唔特別介紹啦😶‍🌫️總結來說 牛舌愛好者一定要去試下👅go go g

貴為牛舌關注組一員當然要到處搜羅好吃的牛舌吧近日終於被小編吃到神級美味的牛舌🤩超感動的！▪️厚燒牛舌飯 $108看到五大塊厚切牛舌便傻眼了🤩！牛舌燒得超香而且非常軟淋帶鹹香的牛舌超好拌飯的！附帶的麵豉湯也非常足料並不會死鹹或淡茂茂好吃得小編一星期內光顧兩次🥰連朋友也大讚好吃呢～喜歡牛舌的你一定要試試喔(⁎⁍̴̛ᴗ⁍̴̛⁎)

我朋友今日帶我嚟識馳名厚切燒牛舌飯～Omg～相信睇相都知道有幾厚切😍賣相亦超級吸引，唔怪得朋友專登帶我過嚟試😍😍😍香噴噴嘅牛舌味道飄出來🥳流晒口水啦～～雖然佢好厚切但係佢亦都唔會韌到咬唔到💜同埋燒得好入味🤩掂啊掂啊😍

今日同老婆阿仔再到「順」進擊上次錯過咗嘅超厚牛舌利申我本身唔係特別鍾情牛舌，多數都係食吓串燒之類，好少食咁厚嘅牛舌，因為怕真係好似食緊條脷咁但係我咬一口之後覺得係我食過最好食嘅牛舌，好軟好淋冇渣，正！阿仔叫咗照燒雞排定食，雖然阿姐侍應提示要等四個字，因為係即燒，但亞仔堅持要叫，雖然真係等咗四個字，但堅係值得我用一塊牛舌換佢一件雞排食，真係好有雞味，雞肉富彈性有肉汁，最緊要係塊皮薄而脆，配埋個照燒汁，完美老婆叫咗我上次食嘅鰻魚飯定食，佢都話好正第二次幫襯，感覺依然係好值得食

途經天后時候，突然想起朋友提過，有一間日本料理餐館，裏面的牛舌非常好味，有水準！所以我同閏密就專程走到永興街《順日本料理》，做我哋今晚嘅晚餐的落腳點！講到牛舌，相信絕對係經營接近有30年歷史嘅《順日本料理》當之無愧的靈魂食物之首。今天我們就來說一說牛舌的魅力！牛舌的特點不能不提的就是它的厚切。通常牛舌都會被切成薄薄片上枱的比較多，但《順日本料理》對食材非常有要求及講究，牛舌不僅沒有採用硬硬的舌頭尖部分，而且還非常奢侈地只採用牛舌非常柔軟的中間部位厚厚切成一塊塊，食起來非常有嚼頭。《順日本料理》為了做出超水準的牛舌，真的花了不少心思及功夫。入到餐館內，環境非常整潔，感覺寧靜，係享受美食的好地方！隨即拿起菜譜挑選美食，除咗牛舌之外，小編我樣樣都好想食，樣樣都好想試，即時感覺到選擇困難症🤪不過，既然我哋專程搵上門，當然唔少得嘅第一道菜先食《關東風慢煮牛舌》這款小食。餐館採用秘製的烹調方法，選用上等的白蘿蔔餚成清湯浸煮厚切牛舌，再加以適時的烹調。混入清湯烹餚的牛舌，帶出濃濃的牛舌鮮香味、煮法看似簡單，但清湯鮮甜與牛舌的配搭簡直係絕配，不但能夠絕配出牛舌的原汁原味風格。在烹調時間上掌控也非常恰當

相約好友聚會， 揀咗係天后的「順日本料理」。小店以簡約和風設計， 親切不拘謹， 一邊吧檯對著開放式廚房。小店主打各款日式定食，拉麵， 蕎麥麵 ，烏冬，飯， 天婦羅， 還有各式餐前小食， 關東煮。廣島蠔鍋$100熱辣辣上枱～ 材料有大量蔬菜， 金菇，東菇， 豆腐。 當然還有大大隻廣島蠔， 鮮甜，蠔味濃郁👍， 所以湯底都是勁鮮甜！鹽燒牛舌飯定食$108聽聞這裡的牛舌飯非常了得， 今晚試過之後果然名不虛傳。 每塊牛舌都有驚人嘅厚度， 丼飯上面鋪上五塊同樣厚切的牛舌， 感覺壯觀！經慢煮十小時， 口感軟腍鬆軟， 微微烤過，外皮有點焦香。 牛舌味道比好多牛肉更加有牛味， 肉質酥香細嫩，是我吃過最好吃的牛舌！定食還包括醃菜和味噌湯～ 味噌湯有蘿蔔和冬菇， 熱辣辣非常暖胃，足料又清甜!燒汁銀鱈魚定食$158銀雪魚本身魚味濃厚， 魚油豐富，配上特製燒汁特別鮮味！  不過份量就冇牛舌咁有睇頭。 米飯粒粒甘香軟熟， 也是一份定食裏很重要的角色～定食分量足， 大廚廚藝了得 ， 味道超讚 ！價錢合理公道， 服務也是夠貼心， 一邊傾偈一邊品嚐美食， 難得嘅放鬆時光～

昨天俾天文台玩咗一鑊掛咗成日最遠距離嘅8號波，冇出街。今日本來約咗阿媽去北角漢寶酒樓午餐，因為貪佢出鐵站出口隔離，唔駛揼雨，點知去到先知佢執咗，疫情真係搞到啲老牌酒樓執咗好多咁唯有開個開飯APP去天后條食街睇吓有咩好食，因為鍾情日本菜，呢間「順」好似評語唔差，咁就亂入試吓。環境雖然唔大，左邊壽司吧檯，右邊有幾張雙人枱，整潔舒服。本來佢地安排我哋坐吧檯，但因為我媽年紀大坐高櫈唔舒服，所以問佢可唔可以坐雙人檯，但佢話因為防疫措施社交距離不能安排，咁唯有接受啦，但佢又細細聲講話前面那張檯埋單可調位，之後又用消毒劑清潔完才調我們過去，服務唔錯。午餐只有一張過咗膠嘅餐牌，款式唔多，而且都係大路飯，拉麵和烏冬。我叫咗個鰻魚飯定食$155，阿媽冇胃口食飯，叫咗個大蜆稻庭烏冬$98。鰻魚飯出奇好食，四大件鰻魚燒得香脆多汁，充滿魚香，汁滲透入日本米好食。麵豉湯大大碗又夠味，青瓜沙律🥗味道清新，味漬蘿蔔好入味。我媽叫嘅大硯鳥冬都好好食，大硯真係超大隻，一咬下去爆出鮮甜加少少鹹味嘅硯汁，最緊要係唔會韌，而且數量好多，阿媽冇胃口都食曬一大碗，佢話鳥冬唔淋好爽口整體看得出佢哋對食材同味道嘅堅持✊，款式雖說大路唔

這間位於天后站附近永興街嘅日式小店, 門面清雅別緻, 店內座位不多, 和風裝修簡潔。炸軟殼蟹沙律嘅炸軟殼蟹已切件, 酥脆不油膩, 配以新鮮蔬菜, 清新又開胃。蒲燒鰻魚飯向來是我的喜好, 當然不會錯過, 這客飯份量也不少, 厚厚鰻魚鋪滿飯面, 鳗魚燒得很香口, 表皮焦香, 魚肉幼滑緊緻而又沒有草腥泥味, 配以特製蒲燒醬汁, 味道調配得啱啱好, 米飯粒粒軟滑, 和肥美鳗魚很配合, 口感相當豐富, 確是吃得津津有味。照燒銀鱈魚定食也不錯, 銀鱈魚肉質鮮甜, 入口充滿魚香。麵豉湯香濃而蘿蔔夠腍甜, 有水準。

今日同朋友去左天后揾食，呢度有間牛舌飯好出名既餐廳，一於試試佢😛😛😛😛  🤩厚燒牛舌飯🤩$108 勁驚喜，爆抵食丫🥰🥰🥰佢108已經係一個定食，有飯有味噌湯，前菜沙律，仲要d牛舌係勁大份，出面食冇食過咁厚肉咁大份既牛舌，佢燒得啱啱好，食落好腍，超滋味😍😍😍😍  😍香煎鵝肝😍$128 呢個又係另一傑作，鵝肝煎得好香，咬落去慢慢感受油脂係口腔化開真係好正😛😛😛 😋炸軟殼蟹😋$90 呢個份量唔多，但炸得幾好，唔會好厚粉配埋沙律醬食真係好鮮甜😋😋  😌海老味噌拉麵😌$118 呢個係老闆的推介，個湯底真係好出色，味道好濃郁朋友話飲得出唔係味精湯，我就唔知係咪，但飲完都唔會特別口渴，係拉麵都掛到湯，個蝦係做刺身既蝦黎，但感覺刺身會比較好食🤣🤣 呢度真係必食牛舌飯，係一定要試，食完真心覺得好幸福，仲要係唔洗排隊，呢個先正😍😍😍😍 

估唔到喺天后都有間咁高質嘅地道日式料理🇯🇵佢係行家庭小店風格 好濃嘅人情味😚.📌吉列豬排定食 $118定食會跟白飯,麵豉湯,醃菜,中華沙律🥗個炸豬排真係𝒄𝒓𝒂𝒛𝒚咁大塊 勁厚身🤩炸皮好脆 有少少黑椒味 再點埋檸檬汁幾特別😋個肉質幾嫩滑夠𝒋𝒖𝒊𝒄𝒚 帶點咬口 似平時嘅厚切黑豚肉咁😎不過個皮同肉就分離咗🥺下面底仲有沙律菜 份量好多 吸吓油 又可以解下膩🤤個飯係用咗日本米 有米香🍚麵豉湯幾好飲 有啲白蘿蔔,紅蘿蔔同少少菇喺入面🍲醃蘿蔔同中華沙律唔會好濃味 幾好食😋.📌照燒銀鱈魚定食 $148相對地個魚就真係細咗啲 仲要貴啲🥺魚幾鮮甜 超級滑 個外皮仲燒到脆脆地🥰配埋燒汁同檸檬汁好正😝.📌香煎鵝肝 $105鵝肝冇腥味 煎到外脆內軟🤩勁𝒋𝒖𝒊𝒄𝒚好肥美 但完全唔會好油膩💓底塊多士都烘得幾脆 仲索咗啲鵝肝嘅油 夾埋一齊食 口感好豐富🍞

今年中秋，我和另一半去了維園賞月，順便看看這裡的中秋燈飾。從銅鑼灣入口走到去天后出口，剛好到了晚飯時間，那我倆就在天后那邊看看。疫情下，維園內依然人頭湧湧，剛才逼完，不想到食飯時間又再同人逼過。所以我們放棄了天后地鐵站旁邊的一條充滿食肆的街道，我們於是慢慢繼續前行。見到這間「順日本料理」，since 1993，歷史悠久。門面橙黃色，內裡充滿和式木系設計，其實相當配合中秋的節日氣氛。重點的是餐廳坐得非常舒適，可以讓人慢活一下。坐底一邊食，一邊傾計，不會被其他人騷擾。順的選擇都是傳統日式料理。在想不到食什麼時，店長會過來簡單介紹一下，說明其出名的推介料理。☍ 1. 厚燒牛舌飯店長首選推介就是厚燒牛舌飯，說其料理店開了廿多年，對於處理牛舌有一套心得。餐廳用上非常厚切的牛舌，老實說我亦是第一次食到這麼厚的牛舌。別以為太厚就會韌口，但餐廳卻處理得非常細膩，牛舌入口順滑，而且亦帶微燒過後的香濃牛舌香。一碗飯配上五塊厚牛舌，在一般餐廳而言，可算是十塊牛舌了，「順」絕對有良心。☍ 2. 壽喜燒壽喜燒亦很有驚喜。湯底有濃濃的甜香，再混上配料的味道，將其精華集於一身。壽喜燒內有豆腐、金菇、雜菜、肥牛和湯粉

放工去咗天后呢間傳統日式小店度開餐，我是慕名而來為咗試吓呢度最出名嘅係厚燒牛舌定食的…😝😝😝🔸厚燒牛舌定食真係未食過咁厚嘅牛舌，一碗仲有成五塊，真係分量十足！口感不是爽口的那種，而是冧身同Juicy 的！仲配埋麵豉湯同埋沙律及前菜！就連個飯都特別好食過人的，應該係混咗幾種不同嘅米煮成的！😍😍😍🔹照燒銀雪魚定食銀雪魚肉好滑，燒汁好惹味！同樣配種麵豉湯及沙律同前菜的！🤤🤤🤤🔸 海鮮鍋鍋內有蠔、鳴門卷、豆腐、金菇及雜菜的！我哋就連佢個湯底都清埋！整體都非常之清甜！🥰🥰🥰🔹香煎鵝肝呢塊鵝肝外表平平無奇，但食落好Juicy同香口，而且一啲油膩感都冇！正呀！❤️❤️❤️我都幾喜歡去呢啲小店度開餐，店主會落手落腳及主動同客人溝通，份外有人情味的！🥰👍🏻

呢間小店地方唔係話好大，但坐得幾舒服☺️仲有得坐bar枱添，更加有日本嘅風味🇯🇵香煎野菌鵝肝飯Price：$138📌超大塊鵝肝喺中間，下面舖滿大量嘅菇🥳鵝肝邊位煎得好香脆，一咬落去外脆內軟，鵝肝油香味湧出嚟😍😍底下嘅飯已經預先撈好醬汁，醬汁味類似啖味嘅燒汁，可以中和返鵝肝啲油膩味😋野菌仲有3種唔同嘅種類，分別有金菇，杏鮑菇同草菇，食落去好有口感🤩重點係小妹食哂成個，但一啲都唔覺得漏，平時嘅鵝肝食得多會好濟，但呢個完全唔會🤓🤓照燒銀雪魚定食Price：$158📌銀雪魚好厚肉地，但食落完全唔粗糙，肉質超級嫩滑🤤小妹食魚既時候好驚魚皮滑潺潺同好大陣腥味🤢但呢個皮煎到好脆，仲有少少焦香味添😋配埋甜甜地既燒汁餸飯一流，都想問下老闆有無得加飯架🤓紫菜金槍魚蓉Price：$85📌小妹第一次食呢個，食法就係將金槍魚蓉同蛋黃撈勻，之後鋪少少金槍魚蓉喺紫菜上面，落啲wasabi同豉油卷埋食就可以喇🥳🥳食落去金槍魚蓉好有口感，豉油同wasabi更加突出魚嘅鮮味🤩油脂分佈好平均，感覺有啲入口即溶😋