順日本料理 (已結業)

呢間食肆之前見到網上推介 話厚燒牛舌超好食 所以就慕名而來😮 睇網上嘅食評已經好壞參半 主要都係話店員態度惡劣🤫 但係見到佢啲食物照片好吸引 都係嚟咗試一試見佢12:00開門 我哋12:13嚟到 見到已經有五六枱客人喺度🤣 但係氣氛非常尷尬 全間鋪係冇店員 冇人招呼我哋有冇人安排座位 我哋求其搵咗個位坐😄 過咗大概5分鐘先有店員招呼我哋 根據呢個人嘅態度 相信呢個就係傳說中嘅老闆娘😅 搞疫苗通行證嗰啲都搞咗好耐落完單之後佢話今日全部客人都係嗌呢兩樣野所以全部都要比較耐 但係實際時間又唔係咁耐只係大概10分鐘就嚟啦😗厚燒牛舌飯賣相非常之靚 有五大舊牛舌👅 每塊牛舌都都好厚 而且咬落口好軟身 相信睇解凍同埋醃製過程都落咗好多功夫😉 調味料方面就係主要用鹽同埋黑椒 黑椒味雖然從來都冇蓋過牛舌嘅油香 可惜飯嘅份量比較少 女士嚟食都會唔夠飽🙈壽喜燒定食個人都幾鍾意呢個 壽喜燒鍋入面有娃娃菜 金菇 冬菇 蘿蔔 豆腐 粉絲 同埋牛肉🐮 壽喜燒味道甜甜地 配埋呢啲配菜送飯一流 牛肉都食得出唔係啲cheap牛肉 最欣賞佢嘅粉絲 咬落口煙煙韌韌 吸埋啲汁真係好好食😋呢間餐廳食物質素其實唔錯 只可惜店員態度

眼見咁多好評，加上友人既推介，今日特意由大西北坐車黎天后品嘗何謂出色既”厚燒牛舌飯” 🐂🍚中午12:00，已經見有人龍排緊隊，我又排埋一份一切如常地doo 安心出行…坐底…待應斟茶…放底餐牌…由於友人推薦，我地只諗住食同一樣野: 厚燒牛舌飯我揮一揮手，請侍應過嚟，打算叫兩份”厚燒牛舌飯”，待應先同我講，每枱只可以叫1客，友人反映，之前黎過幾次都無尼樣規定，加上我地山長水遠過嚟，冇理由唔食最出名嘅signature, 走去食其他咩😰…講左一陣，侍應話可以俾我哋叫2 set 厚燒牛舌飯隔左冇幾耐，又有一個侍應走過來，向我地表示只可以叫一set, 即使分枱都唔可以咁叫…山長水遠過嚟都冇得傾😥😥我就原本興致勃勃咁過黎，而家乜都打沉哂…心情一定有所影響，原本真係慕名為咗個signature 牛舌飯過嚟，好失望，我覺得最起碼係個客入嚟果陣講定，唔係坐好哂，準備叫野食先同我講有新policy, 尼樣真係扣哂分！唯有另一個人叫咖喱厚切牛舌飯希望尼樣資訊可以話俾嚟緊打算黎食既朋友仔聽，每枱只可以叫1個！就算4人都係叫1 set! 如果同我一樣山長水遠黎嘅朋友要有心理準備，唔洗準備叫果時先知

-{天后牛舌飯🍱}牛舌關注組大熱😍排隊計埋等個飯用左一個鐘😗厚燒牛舌飯 ($119)牛舌油脂好多😚黑椒味略嫌重左 牛油吸曬喺珍珠米☺️珍珠米有啲煙韌好啱撈千舌食🥳紅色嘅酸菜解油膩感😙另外附有麵豉湯同沙律 好出色✨👖褲評: 8.5/10裝修日本和風感覺 但人手嚴重不足😂安排入座 落單 上菜都好亂👀仲要有一堆人入黎排好大壓迫感🥺性價比: 8/10服務: 7.5/10環境: 8/10🚩 順日本料理 🚩地址: 天后永興街23號地下#fuudjai #fuudjai日本菜 #fuudjai天后

🙃近排疫情開始緩和，又慢慢開始放寬食肆限制，仲要難得有長假我地梗係出去搵食啦😆有睇開我地食評應該都知我地兩個好鍾意食牛舌，今次竟然發現天后有間專做厚切牛舌嘅日本料理，我地梗係要試下🤩🤩鋪頭其實位於天后同炮台山中間位置，兩個站行去都大概要5-10分鐘左右，而佢開正午12點, 午市只做到2:30pm因為牛舌好快會賣哂，要去就留意返時間啦😌(我地果日1點去到要排成個鐘先入到去，差唔多賣哂，建議盡量12點前好到啦😎 不過絕對值得等待!)黎到呢到梗係要試牛舌啦，我地叫咗佢招牌嘅➡️"厚燒牛舌飯"，同➡️"咖哩厚切牛舌飯"，實行全牛舌宴😂😂➡️"厚燒牛舌飯"一黎見到真係好厚，睇圖會見真係有近兩隻手指咁厚😱😱，而且好香燒烤味，面頭加左黑椒同醬汁去燒，邊位烤到微焦見到好吸引😍份量仲要好多，有成5片咁多 (佢見係女士會同細心安排少飯，唔洗驚食唔哂👍🏻)，一啖咬落去就算咁厚都唔會有韌嘅感覺，入口好鬆軟但食到尾又會有彈牙嘅口感，火喉岩岩好😋醬汁同飯好夾 (好似話唔夠可以加飯😆😆)，加埋腌瓜又唔會太滯，真係一定要黎試下👍🏻➡️"咖哩厚切牛舌飯"，咖哩係日式咖哩，比較甜而不辣，但係香味非常濃，厚切牛舌比燒牛舌更加軟淋，

一心諗住試佢個牛舌，阿姐問我幾多位，我話一位，阿姐話要等，前後已經有人排，咁啱有其他已經有位既人入嚟要嘟安心出行，我都明，樓面好似得佢一個人，我都體諒既，佢又要出餐又要帶位，好忙架嘛，我等下無所謂啦。前後入左兩，三台，我覺得好奇怪點解要等咁耐，眼前有三個吉位，但偏偏唔安排人去坐，又唔係隔開用途。我好奇問阿姐要等幾耐，佢話我一位既話要等有人埋單先入得！咁得啦，一個人食飯係罪呀？！有位都唔比人入，排隊無分先後次序，比你放晒啲一位以上既人入去，真係奇妙既思維。牛舌幾好食都無用！啲服務態度都夠你飽！

牛舌有4塊 塊塊都厚到癲 女性食正常食3塊加埋飯都飽🤣 隔離枱有位男士超勁食左5塊仲要添飯 佩服😮‍💨 牛舌飯因應男女食量會唔同 女性食會比少啲飯 男性就多啲 不過都係任添嘅！ 所以都好抵食！ 我追加左份鵝肝多士 好香好好食😋

外賣逐個盒計錢叫兩個set 連餐具收左差唔多十蚊外賣錢連隔住d 膠兜既紙皮都一蚊一塊相信餐廳一定好支持環保 唔想人叫咁多外賣味道方面牛舌還好 其他算係一般水平主要都係個外賣收費令人意外

最近牛舌關注組講得好行依間佢個牛舌又真係厚得誇張嘅...//話說我去果日係星期三 1130佢1200開門所以未有人我同Frd 1145再翻舖面 突然就有8個人左右排緊 🤡據說平時係weekend中午會要排九個字左右咁我當日就作為第一批客順利入座 ✌🏻// 咁間野本身少人做樓面同埋安排客人嘅方法係有少少奇怪不過唔成問題嘅~入座開始 計埋落單上菜 大概4, 5個字有得食//我就叫左圖中著名嘅厚燒牛舌飯味道係正常鹽燒牛舌出位嘅地方都係厚切嘅滿足感同爽口嘅口感細食嘅朋友就應該食唔曬啲牛舌自問大食 但食五塊同味嘅牛舌都應該有啲寡悶//Luckily 我Frd叫咖哩厚切牛舌飯(冇相 sorry 😢)佢唔係燒啲 比較似燜牛舌一樣咁厚 但得3塊(Which正常人其實應該都夠 但冇5塊會sad)佢一樣都好好食！煮得好腍好入味！隻咖哩味係老少咸宜嘅果啲甜咖喱 🍛所以我強烈建議 有兩種味交換食會開心好多 💕 //咁我哋兩個大食積仲叫左仲壽喜燒定食But umm... don't mention it lu...唔係正宗果啲囉...我覺得似吉邊嘅 同埋個湯底太甜黎得都係食牛舌罷啦 🤣//分數: 7.5/10

牛脷一直都係我最鍾意嘅牛部位之一，彈牙爽口又有特別嘅牛味，有次見朋友post呢間餐廳嘅定食，塊塊牛脷都有成2cm咁厚，仲要$100左右就食到，即刻去試試😝餐廳幾好生意，老闆員工都好落力招呼客人，做足細節位又有禮貌，落單之後大約10分鐘就有食物，我同朋友都叫咗厚燒牛舌飯($108)😋見到個賣相已經好開心，因為真係超厚超大塊，唔會圖片只供參考🤣另外仲有簡單沙律、醃蘿蔔、麵豉湯(會食到湯料例如蘿蔔👍🏻)，如果係女士會自動幫你少飯，想加飯都無任歡迎🙈因為啲牛脷都幾多，所以最好有正常飯量，一啖飯一啖牛咁慢慢享受😛我估佢嘅牛脷係炆完再用黑椒燒，表面有少少焦香、入面就好淋好軟，雖然冇平時薄切嗰種彈牙，但大啖大啖咁食真係好滿足，而且一咬就斷🥰牛脷本身係比較肥嘅肉，呢5塊厚得嚟又唔會全部位都好油膩，配埋有燒汁嘅白飯就啱啱好，醃蘿蔔同黑醋汁沙律都好啱解膩😆餐廳仲有關東風牛舌同咖喱牛舌，唔鍾意燒肉嘅有其他選擇，不過咖喱嗰款得3塊牛脷，本人比較貪心，覺得厚燒定食抵啲啫🤪今餐真係好滿足❤️

之前見到有人介紹天后順日本料理，專程過黎食佢既招牌厚燒牛舌飯👅👅小店座位唔算多，入到嚟嘅機乎每張枱都係叫牛舌飯🤣🔸厚燒牛舌飯$108一共有5大塊牛舌舖面，牛舌真係超厚身有成cm咁厚，塊塊都均等厚度，質感軟腍！牛舌簡單用黑椒、鹽調味，表面輕輕燒過，有少少焦香味，好食😍 超級推薦💯🔸壽喜燒定食$105牛舌唔係個個人都鍾意，呢到仲有其他日本定食。費事兩個lunch set都一樣，就揀多咗個壽喜燒試下，不過呢個壽喜燒冇咩特別，都係標準日本料理嘅鍋物。Lunch set有沙律同味噌湯，佢嘅味噌湯都唔馬虎，仲有菇同蘿蔔，都幾好飲😋📍#順日本料理 (#天后美食)天后永興街23號地下➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

牛舌關注組大熱嘅必食推介😍🙌🏻 雖然唔係特別鍾情於牛舌，但見到又厚又大塊又價錢超值嘅燒牛舌的確會想試吓！🤤 味道果然係牛舌界𝘕𝘶𝘮𝘣𝘦𝘳1，不過人手嚴重不足，由等位到埋單，每個過程都等相當耐🤨 而且服務態度普普，真係要預鬆啲時間先會再去🙈《 厚燒牛舌飯 》 $108 5 / 5 🌟🌟🌟🌟🌟見大部分食客都會嚟呢度食牛舌，燒牛舌同傳聞中嘅一樣咁大咁厚肉😍😍😍 難怪成為關注榜熱搜😎 一共有5塊手掌心咁大塊嘅牛舌，每塊成吋厚，邊邊燒至焦香又酥化，調味係好濃郁嘅黑椒，可以辟走表面嘅腥味👍🏻 而咬開牛舌入面油脂好重🤤 口感好嫩，亦好易融化🤤🤤🤤而米飯用上珍珠米，𝘖𝘳𝘥𝘦𝘳時店員有問到係男定女食，方便安排飯量，此舉相當貼心😳 飯加上日式燒汁甜甜地好開胃👍🏻《 咖喱厚切牛舌飯 》 $118 4 / 5 相對燒牛舌，咖喱牛舌較遜色🤏 一來咖喱汁偏稀，二來飯底略嫌偏濕，口感扣咗少少分 🤏🏻 傳統日式咖哩味道偏甜，但店家經過改良就變成先甜後辛，味道層次更加豐富😋 慢煮牛舌口感軟熟好𝘑𝘶𝘪𝘤𝘺😍 整體來講，鍾意牛舌嘅一定要試！唔鍾意牛舌嘅時間鬆動都要去試！👍🏻👍🏻👍🏻

「天后牛舌」真係好好好好食，由排隊到入座到開始用餐大約等了75min，雖然時間一分一秒咁過，但係美食同美女一樣，一定令你難忘才值得你付出時間、耐性去等！牛舌一入口肉汁充滿，而且肉質亦好軟腍，雖然厚切但一啲都唔會韌。記得記得要點厚燒的，香口好味！另有一款係咖哩汁的，一般啦！唔能夠突顯牛舌囉！職員姨姨好得意，問我哋邊份係女士食的？我心裡充滿疑問？！到送餐時，哦！明白了！原來女士食的會自動少飯。哈哈！真貼心兼環保呢！店舖坐位係有上下兩層，而樓面只得2個人做嘢，所以要有耐性，不是隨傳隨到得心應手㗎！同埋牛舌真係好銷得，開店2小時就沽清！

牛脷關注組No.1，想來好耐了。今日有事到北角，順便來朝聖。我中午12點便來到，小店座位不多，典型日式居酒屋風格。我自己一個，被安排坐在壽司枱。陸續有人客入座，但每檯都必叫牛脷飯。不作他選，叫了厚燒牛脷定食，足足有五大片的厚燒牛脷，簡單地用海鹽和黑胡椒調味，蓋到下面的珍珠飯都見唔到，好美味，極之滿足。隨定食跟了沙律、麵豉湯，另有兩片酸蘿蔔有解滯之用，呢個餐的份量都好大。食完飯出來，門口排了長龍，起碼20-30人。好彩早到唔使等位。

今日14:xx 好興致去食燒牛舌飯，去到見有人門口以為等外賣, 入咗去問仲有冇堂食（見OpenRice 寫收2:30)跟住有個肥肥地戴眼鏡短頭髮矮個姐姐就話有呀，你見咁多人坐喺度食你去門口排隊於是乎我就出咗門口排隊啦！跟住我都排左好幾個字終於入咗去卒之，佢同我講話冇燒牛舌只有咖喱牛舌我話頭先你唔講嘅跟住佢就話我唔知呀我都係一路做一路先知咁去到呢個時間我已經好肚餓又派排左幾個字咁咪話是但啦我，照要。然後坐低好耐鍾於佢先喺度放茶放餐具有一點係值得贊嘅，筷子裝咗滾水入面比食客.講返咖喱牛脷真係好厚切但係味道一般，但係咖喱就冇任何特別冇咖喱辣味又冇甜味好普通唔知想點反而睇返厚燒嗰款有沙律啦有蘿蔔漬如果咖喱得三件收$118+$10% =$130 最后三點鬆啲我起身買單打算走嘅時候嚟咗一台外賣客問佢有咩食跟住佢講咗一個厚字即刻攞返餐牌俾人睇話有呢個有嗰個跟住我特登起身睇返外賣下嗰張單寫住係厚燒牛舌因為厚燒牛脷有六件咖喱得三件，佢之前一路話冇燒牛脷我估佢想分開做，而且每份仲收多$10我覺得佢好唔老實囉再者其實佢有兩層上邊有客坐緊其實大把位根本係唔需要俾人喺門口排隊我唔明點解佢唔俾人坐囉，最後我都睇咗

♨️順日本料理天后永興街23號地下❤️今次特登慕名而去天后食呢個「香港牛舌關注組」排名第一位的小店，果然名不虛傳，首先個厚度真係不得了，呢度一塊我諗等於平時居酒屋串燒可以一開五，唯一一個侍應姐姐一放低碟牛我搶先試一口睇吓有冇失望先，😋好好食既呢😋，外邊佈滿胡椒燶燶哋香噴噴，肉質軟硬適中剛剛好（其實真係好難處理，平時試過叫牛舌過硬及過淋都好難頂），牛味重油脂香，完全唔鞋口，食到最中間都好味，咁厚究竟點樣可以整到咁入味？五大塊厚切真係好飽好滿足，女士會比少飯唔夠可以出聲再添飯，佢地個湯都唔錯，材料上唔係普通麵豉湯，疫情下都一路食一路有食客喺門口等位👍🏻📍厚燒牛舌飯食物：8/10抵食：8/10環境：7.5/10。。。#食在天后 #天后美食 #tinhaufood #香港美食 #香港美食日記 #香港美食推介 #美食日記 #美食推薦 #牛舌關注組 #牛舌 #牛舌關注組推介 #牛舌世一 #oxtongue #tongue #hkig #hkfoodie #foodie #foodhk #hkfood #foodiehk #foodporn #foodblogger #foodphotography #