順德公漁村河鮮酒家

營業中

休息中

侍應推銷手法有点不好,強行要客哥漁池揀魚,接着就到自稱魚王介紹吃油浸方利,又話特價.味道和賣相也很差,结脹才知條漁六佰元,二人埋單共九佰多元.有点貴.太太本來說不好要什麽方利漁,魚王聴了也冲來飯抬問我們為什麽不吃,我們也驚到不敢出聲取消了

今日有個親戚係外國返黎, 我地為佢洗塵, 因為唔想食得隨隨便便, 所以就去左佐敦既順德公漁村河鮮酒家度食啦~ 我地叫左TOTAL 9味菜, 第一道黎既係蒸方利~ 衣條方利都算幾大條, 賣相睇圖都知真係相當唔錯!食落去都真係同平時D 班真係口感明顯係唔同既~好爽口!但係價錢當然亦都係同其他班差好遠既~方利之外,第2樣好食就係蔥蒜煎大蝦! 蔥蒜煎大蝦賣相一樣都係好好, 蝦雖然唔係大隻, 但係都幾多肉, 個蔥蒜汁真係好好味!! 但係隻蝦本身既蝦味就略為淡左少少~總括而言 蒸方利同埋蔥蒜煎大蝦都係好食既, 其餘的亦比較普通~如果大家想試下方利~就要黎食下啦

星期日，梗係一家人去茶樓歎吓一盅兩件...一般酒樓乜乜乜當然真係得一盅兩件啦，不過呢到叫得順德公漁村點都有D河鮮落肚先啱數嘅。講真一盅兩件只係交到功課，無乜驚喜㗎嘞，如果為咗點心真係唔使山長水遠嚟食。不過好戲在後頭，食咁多次發現呢度嘅食客大部分都會一碟“魚飯”或者“魚粥”，之前食過“魚粥”，粥底調味偏淡，突出哂啱啱熟嘅魚片鮮味且滑口嘅食感，得得地!!而今日食嘅“魚飯”只係家常不過嘅~梅菜蒸鯇魚~，但肯定同平時屋企食到嘅唔一樣。呢度嘅梅菜甚至豉油調味不太鹹帶少少甜超好送飯，主角鯇魚~蒸到啱啱好，魚肉嫩滑超鮮味，個人喜歡撈匀梅菜魚肉送一大口飯，爽YY漁民樂!! 通常魚一蒸起傳菜姐姐都會一大盤咁周圍派魚，上菜都係隨意俾一碟你，所以俾唔俾你揀魚頭魚腩定魚尾呢D好睇心情嘅~~不過好食嘅咩位都咁正，係睇下多唔多小骨啫 (^ 3 ^)

奶奶話帶我去食好野，法國藍帶廚師酒樓，真定假呀？要試過先知！午市好多人，見到都有的期待。碎牛腸粉好滑！應該有加豬油，因為香港好少做到咁滑，似反左大陸食腸粉咁滑，咁多碟黎講，呢個最好食。乾炒牛河夠獲氣，但真係成碟油，成碟都反晒光，唔知食左幾多匙油落肚，牛肉少左啲，得幾片，人多的話唔夠分，要食齌河。叉燒包好多料，多到一meet開，入面慨料就湧出來，叉燒屬半肥瘦，好味。最尾加單叫左碟鮮蝦菜苗餃，雖然蝦大隻，但入面啲菜苦的，但真係扣晒分

呢間順德公系我同屋企人成日都會去食既一間茶樓,首先,梅菜蒸魚飯，系一定要推介，用既惠菜梅菜,甜味十足,而且鯇魚系新鮮,唔系冰鮮魚，而且無泥味，識食實簡魚尾，雖然多骨，但勝在肉質夠滑,入口即溶,好似豆腐一樣咁,最緊要夠鮮甜。 每個中午都系多人叫之一呢， 再黎就系欖角蒸魚雲,魚雲系好多魚膠，魚頭都幾大份，可能蒸時間較長，所以系幾霖身，而且咬落去好滑之外，配埋欖角既甜中帶咸系冇得頂 !魚飯系53蚊，而魚雲就系32.8,仲意食魚既人值得一試

第一次黎順德公，本身係想黎食魚既，因為得兩個人，坐低左，就即刻問侍應有咩魚推介。跟住侍應就帶左我地出去揀魚。出到去，推介俾我地既魚，條條都二斤幾重，五百左右一條，已經同侍應講，我地得兩個人，有冇d細條d，事關食唔曬好浪費，佢好似借左聾耳陳隻耳甘，繼續推介二斤幾既魚，仲要我地未話ok，就話拎條魚去劏，好彩夠快反應，截停左佢劏魚，如果唔係就自己俾人劏，最後，我地揀左食魚頭煲算數。魚頭煲既魚頭煎得很乾身很香，魚頭亦新鮮，加埋薑蔥，好惹味。梅菜蒸菜心我見其他枱既食客都有叫，跟人叫，梅菜同菜心蒸埋一齊之後，d菜心好似甜左甘。炒米粉食炒米粉，最怕炒得唔乾身，呢度既炒米粉夠干身，而且有鑊氣，唔錯。d野食ok，本身已經唔太在意劏魚事件。好啦，於是食完就埋單，經理拎張單黎，我係甘二望望就諗住俾錢，但係見到張單有個項目係「芥菜$13」，不過我冇食過任何花生或者芥菜之類，所以就問經理，經理回答話呢個係茶錢，我就再問佢，張單上面已經有另一項寫茶錢喎，跟住經理仲要話係呀，我話我地冇食過芥菜花生，連辣醬都冇喎；最後經理先至話可以取消。嘩，甘做生意都得既，我覺得唔太老實，再加埋劏魚事件，即刻對呢間餐廳大打折扣！

每個人的口味都不太相同，儘管雙方是至親，有時簡單如一碗麵，出來的效果或會有著甚大的落差，我滿心歡喜給予一個笑臉之時，老公卻諸多不滿！所以在分享食評又或是欣賞他人食評，體會到縱使食物質素被大眾受落，依然有部份小眾未能認同，因此抱有參考的準則和心態最重要，試問世事又豈會完美無瑕呢！基於口味不同，亦不排除我倆對食也有點執著，所以經常為家人飯聚的選址而感到懊惱！這趟飯聚的前幾天，老公考慮到長輩們都愛吃魚，挑選了「順德公漁村」進餐，品嚐花錦膳和河鮮，我也是愛魚之人，一聽到大為心動，當然舉手支持！「順德公漁村」門口設有一列魚缸，飼養著不少平日少見、新奇又有趣的魚類，我們彷彿到了海水公園的水族館。花錦膳是我們今晚的指定目標，對不起了！只是跟你拍張照，請不要「嬲嬲豬」到鼓起兩腮吧！餐廳裡亦備有小量海鮮，相信是為迎合不同客人口味所需！請教師傅，這條已被切割，只剩一半，但體形也不小的是野生啜魚，魚肉的特質是爽口味鮮。我們的座位設於一個空間寬廣，裝修得古色的位置，自成一角，當晚大小共十一人也感舒適。最重要的點菜時刻到來了。餐牌上的河鮮選擇真多，不管野生或飼養，大部份我亦不太認識，必須向經理查詢請教，「順德公

Daddy今日無啦啦話心情好，要帶我去漁村飲茶。因為之前一直都未嚟過，以為漁村就一定系食魚嘅，點鬼知竟然真係飲早茶嘅地方~~食早餐點可以少得叉燒包呢，呢度嘅叉燒包嘅味道都算比較正宗，叉燒包雖然一籠入邊得三個，不過每個都好大，而且入面嘅肥豬肉算比較少，好味！嚟漁村肯定要食佢呢度嘅特色魚粥啦！~~果然味道好鮮甜，魚唔會有腥味，而且魚片無咩骨，粥嘅味道好香好細滑，口感細膩。牛肉腸粉，腸粉皮比較薄，豉油又俾得啱啱好，所以唔會太鹹或者太淡。鳳爪排骨，味道一般啦，同出面嘅茶樓差唔多味道。

這裏飲茶夠街坊，夠地道，夠大件，夠新鮮。每個月也會來這裏飲茶! 請不要介意搭枱。因。。有心理準備一定會搭枱的。早上11時15分前亦最多人，因早市時間更便宜!呢度食，河鮮最有名。不要小看一碗早茶小小的骨腩粥，骨腩比我在街市買新鮮生跳跳即劏的魚更好吃，爽脆魚味濃，其他地方入貨也不能與此相比。如中午來吃這裏吃梅菜蒸魚飯，更可大啖大啖品嚐。推介!其他點心，件件大件抵食。魚球牛肉球很抵，即拉腸粉十分滑溜，不可以錯過。炸物酥脆，足料有粒粒大蝦內。

同家人做節，點咗：1. 花錦鱔 – 最令人回味的菜色，好食過肇順2. 馬泥班 - 要咗一份班腩，火候剛剛好，有魚味3. 姜蔥膏蟹 - 兩斤幾，啖啖肉4. 巨形瀨尿蝦 - 最令人失望的一味，好大隻但完全無鮮味，有膏，但又硬又冇味6. 檀香骨 - 好食7. 污糟雞 - 好滑，但係太咸8. 炸鲮魚球 - 份量 OK，送啤酒一流埋單時發現張單計多咗 $280，打多咗9碗雙皮奶 + 1支啤酒。要求改單，經理諸多推搪，10分鐘都未改到，結果要自己行去櫃檯追問。終於改咗單，點知都仲係計多咗。奉勸大家，一家要小心對單。 

一心諗住食排骨蒸陳村粉，所以黎順德公。坐低點菜阿姐就話冇陳村粉，有啲失望。叫咗個污糟雞、梅菜蒸菜心之後，阿姐就極力推介我哋食魚。其中個朋友就跟左佢出去睇條魚，當我地話ok嘅時候佢就話係六百幾蚊。我哋即時O咗咀，跟住阿姐話已經切咗冇得唔要梅菜蒸菜心都幾好食，菜心清甜，又唔會好似啲炒菜咁油污糟雞，味道唔錯，有啲似雲耳蒸雞然後在濃味少少。我哋唔肯定呢條係咩魚，類似鱔，其實味道係好嘅，但係大家都覺得唔值六百幾蚊囉。我哋四個人買咗呢三個餸，然後再叫咗白飯同埋嘢飲，埋單都要成$1200唔飽仲要比咁貴，所以之後都係唔會幫襯。如果要幫襯最好帶啲媽媽級黎，起碼知道乜嘢價錢先合理

Dim Sum was pretty good here, dishes were look fresh and good. We came here during the busy lunch time period, the scallop dumplings was undercooked this time but they give another well cooked scallop dumpling instead. The BBQ pork bun here was good and the deep fried dumpling was really crispy. The ribs with flour roll here was a bit fatter. The sesame ball was taste good and not overly sweet. The steamed fish was thick it look fresh and simply add with boiled sweet soy sauce, it taste good!

沒有光顧順德公已有兩年,並沒有甚麼特別原因,純粹就是因為忘記了這家店.某日跟老婆說起想吃河鮮,自然又想起了這家淡水魚名店.星期日晚上,客人應該不會多,但安全起見還是訂了座.由於順德公有些菜很容易賣光,訂座時也就問好有沒有甚麼要留,服務員推介薑蔥煎焗魚咀,筆者不喜歡魚咀無肉食,就改留了斤半西江魽魚,也是打算用瓦罉煎焗.如是者,七時半準時入座,由於曼聯迷舅仔要睇波臨時甩底,用餐人數由5人減至4人,心想4人食斤半魽魚都應該無問題.點知出去魚缸時,魚王兼老細話幫我留咗3斤幾,我少咗一個人,可酌情改為2斤半,仲話呢幾斤魚專程留給我,剛剛有人想買他也不賣.我明白,幫襯海鮮河鮮一定要熟架步才不會被人劏,但真係估唔到講到明話留斤半都會自動upgrade上2斤半.價錢其實真的不是問題,但魽魚偏肥膩,4個人食2斤半真係有點兒多.不過為免弄得不愉快,也就照樣要了,最多是少點一些其他餸菜.心情則難免打了折扣.來到順德公,筆者認為燉湯和污糟雞是一定要點的,再點一個煎釀三太公和梅菜蒸菜心,再加上那2斤半魽魚,足夠了.螺頭燉老雞湯 - 湯真的很香很甜,啖啖都有濃郁雞味,在家中用整隻雞去煲湯也煲不出這種濃郁味道來.奇

當日因為早食飯 6:00,不用等位。6人坐低食飯 , 叫菜已經左5個菜,個寫菜的(不知是待應定係經理)勁講唔夠食0家喎,不如叫多2個魚呀!我這裡最出名就係魚。佢就叫左我們去魚缸到睇下D魚啦,咁講下講下就叫左條魚他們14@兩定15@兩, 條魚2斤幾。叫完條魚"個寫菜的"又繼續講唔夠食0家喎 , 我心想我們個樣唔係咁大食呀。雖然我明白做生意的野, 叫個客點多D, 佢又鎌多D。我們沒有聽佢講再點菜。所有食物味道好好 , 份量夠 , 用料足 , 6個菜食到每位都飽。我心想好在沒有聽佢講 。原本都諗住上來打食評比個叻佢。結帳的時候好在有睇單 ,條魚寫左$860。我就問佢點解條魚咁貴的? 佢就答貴咩! 我就叫佢CHECK下。咁就口中念念有詞,又不請願咁去CHECK 。返來什麼都冇講,對唔住又冇對返張單比我,條魚由來已$860變成$580。之後付款走人。差D食條魚就變水魚。記住來這食飯睇下單啦!各位老闆。

My family and I discovered this restaurant a few years ago and since then it’s become one of our favourite places for large dinners. I don’t really know what constitutes as Shun De cuisine, but according to this place it probably consists of a lot of seafood from river (river food?) and everything is served in large clay pots.Although this isn’t exactly an upscale Chinese restaurant, the interior is actually quite clean and tidy.On the table were the usual peanuts and soy sauce, but this soy sau