順德公漁村河鮮酒家

營業中

休息中

餐廳本身面積都蠻大，而平日環境就更加闊落，相約一班朋友黎食下佢地夏天推出的四人套餐，餐廳主打河鮮食物，當然少不得食魚；當日叫左—名為「鯪魚龍吐珠」$14 斤，現夏季更加做緊6折，折實$268一條。另外，實價$280—名為「宮廷禦用鮮螺頭燉雞湯」，足料還每人可以飲多達三碗或以上，足料又足量！我最鐘意飲湯，所以十分期待餐廳的雞湯。名為「酥炸蜆蚧鯪魚球」，一碟足足有成十粒，超級抵食，售$88外脆內軟、金香鬆脆、口感嚼口名為—「魚湯鮮腐竹浸勝瓜」$98勝瓜煮得好軟身個人好鐘意，魚湯中有杞子、粉絲，絕配！名為—「太子成名脆皮咕嚕肉」$98特別超欣賞老闆改名創意，老闆也十分好禮貌也很親切。下次必會再光顧！

同屋企人出去食晚飯搵咗依間傳統嘅河鮮餐館, 依度啲嘢食有水準而且又新鮮, 好值得推介!! 宮廷禦用鮮螺頭燉雞湯, 個湯好足料, 侍應話燉足4個鐘, 唔怪得飲落咁有火喉啦, 感覺好滋補, 份量唔小, 我地一家五口, 每人至少有2碗!! 瓦罉煎焗魚咀, 魚咀非常新鮮, 魚咀煎得香口! 金牌污糟雞, 一上菜已經超香, 雞肉嫩滑入味,食落有少少沙薑粉, 加上甜甜的杞子,用黎送飯一流!! 抵佢得獎!! 豉油皇香煎大蝦, 同其他菜一樣好新鮮! 大蝦爽口彈牙! 好惹味!! 三坑鯇魚龍吐珠 – 即叫即生劏三坑鯇魚, 有果皮、薑同蔥蒸。 魚肉嫩滑, 特別推介龍吐珠, 龍吐珠即鯇魚球好彈牙, 食落好香果皮味, 正! 籠仔梅菜蒸菜心遠, 籠仔底有荷葉起底, 菜心食落有陣陣梅菜同荷葉香味! 豉汁蒸魽魚 - 魽魚都係非常新鮮! 豉汁惹味, 又一送飯菜式。 依餐飯好滿足呀, 最後一個黃金糕作完結。其實我超想試個雙皮奶, 可惜逄星期一暫停供應! 下次一定要試!!

今日同屋企人食飯，諗咗好耐，有咩老少咸宜?又有特色呢? 發現呢間順德公漁村河鮮酒家，剛剛好大人細路都啱食，哈哈! 我地又有得食，老人家又啱口味，入到去已經好好招呼啦，問我地食咩飲咩! 剛剛冷氣位，即刻換咗個位俾我哋，餐牌上面有好多選擇，但最後我哋揀咗幾種菜式爸爸鍾意食魚， 所以魚比較多，本人推介係蟲草花湯同少林檀香骨，燉湯好滋味，非常好飲，本身都比較鍾意燉湯，超正！另外檀香骨非常入味又我哋個個都脹卜卜好開心！環境都坐得好舒服，老人家都坐得好舒服！

同朋友係佐敦附近搵野食，見到好多人話呢間食河鮮好抵食就試下, 一行4人就點左個4人套餐B餐一開始黎左一大煲蟲草花天麻魚頭湯, 好夠火喉飲落好香的天麻同蟲草花味, 感覺好滋補, 好適合喜歡喝藥材湯的我仲可以連魚頭都食埋家鄉煎釀三太公蜆介醬凌魚球不過不失, 但我個條尖椒太辣，咬左一啖就放棄梅菜蒸菜心好入味！用梅菜蒸出黎的菜心超香, 菜心又甜！份量多到食唔晒這個 蒜子生扣花錦大鱔 最有驚喜塊鱔皮勁厚仲超彈牙大家一定要試下秘制少林檀香骨, 仲以為係普通的香骨，但食落又幾鬆軟, 甜而不膩

約左朋友食生日飯，朋友話想食魚，話說係佐敦有一間幾多好評價的河鮮酒家，就黎左呢間 順德公漁村 度食， 點左幾樣最值得推薦的係佢個 蒜子生扣花錦鱔第一次食鱔塊皮勁彈再黎飲左個蟲草花天麻魚頭湯大大隻魚頭 ，湯清，一點都唔油家鄉煎釀三寶尖椒有點太辣，咬左一啖就放棄食唔到梅菜蒸菜心識食一定吃呢個 ！梅菜蒸出黎的菜心又香又甜！秒制少林檀香骨原本以為係普通的香骨，食落鬆軟甜而不膩總括嚟講， 呢間順德菜主力食河鮮，所以如果係食其他野就無謂黎食啦，如果你好喜歡食魚鱔，就一定要黎食啦！

今日同屋企人去咗食順徳菜，一入去已經好好招呼，見到周圍都唔少人，哈哈 我地簡咗b餐，剛剛好四個人食! 有五種菜式，大家都食到好飽！ 首先係蒜子生扣花錦鱔皇，口感特別之後係，蟲草花天麻燉魚頭湯，最喜歡的湯，太好渴了，女士可以湯多啲，滋補養顏家鄉煎釀三太公，名字十分可愛特色籠仔梅菜蒸菜心，菜不錯，幾新鮮秘制少林檀香骨，很入味，沒有肥肉，10分推薦

同屋企人食飯，緊係要搵d一家大細都岩食嫁啦。中菜就係最佳既選擇啦，今日我地就揀左順德菜，貪佢夠特色。佢個menu圖文並茂，睇唔明個菜名都可以睇圖片，岩哂老人家或者小朋友睇呀。中國人既第一道菜，就緊係飲湯先啦。呢個叫野生天麻蟲草花燉大魚頭湯。一飲落好大陣天麻味呀，蟲草花對身體好好，天麻對頭痛都好有幫助。呢個就係富貴煎釀三太公，聽個名好特別喎，原來係釀青椒。哇！一食落估唔到咁香咁惹味呀，青椒又夠辣，真係好正呀。呢個就係金牌污糟雞，一上枱已經聞到好香啦。d雞食落又滑又嫩，應該係因為錫紙鎖住肉汁，而且烹調時間岩岩好，真係超好味呀。最最最抵讚既係呢條魚呀，超大條但又好滑，佢既魚湯仲超清甜又夠味，飲多幾碗都唔夠呀。呢間餐廳又平又抵食，夠哂順德風味，下次都要再介紹朋友黎食呀。

朋友話行過呢間店好耐一直好想試自己一個又食唔到的咩於是乎就約多幾個人去食魚啦一坐底待應就放下呢三碟小碟上面個五粒叫銀漣酸酸地好開胃首先飲個蟲草花天麻燉魚頭湯先一飲就知道好足料夠火喉飲完個人出左身汗好舒服😌再黎就係太子成名脆皮咕咾肉呢個去到一定要叫皮脆肉嫩好快比我地清哂之後黎左呢個得獎銅盤蒸污糟雞雞好夠味而且十分嫩滑好有家鄉風味送飯一流再黎就黎呢個家鄉煎醸二叔公彈牙既魚肉加上藕片再配上釀青椒好有順德風味豉油亦配合得剛好最後餸菜係翅湯枱面山坑鯇魚條魚鮮嫩香口應該之前有煎過再用翅湯滾熟之後亦有加上生菜，節瓜，米線等配菜令到我有滿載而歸既感覺估唔到仲有最後既甜品甘就真係一頓好滿足既晚餐啦

順德人去食順德菜，至愛飲呢個蟲草花天麻燉魚頭湯，四個字：真材實料，亦夠火候，鍾意佢好濃藥材味，忍唔住連鷄腳都食埋，飲咗兩大碗。秘制少林檀香骨，啱晒喜歡食甜野嘅我，醬汁有D特別，肉質又幾淋易咬，D鮮菠蘿仲俾我清晒添。雲腿西蘭花帶子皇，帶子唔韌，水準可以啦。富貴煎釀三太公，我梗係最like 蓮藕啦，辣椒夠辣所以都好，至於棱魚球，一定好食，因為我果粒唔知俾邊個食埋。又有湯飲？哦，原來係特色翅湯枱面蒸山坑魭魚，哈哈，枱面蒸？原來似打邊爐咁，煮好九成，再上枱慢煮，果然係店內特色招牌菜，唔食得都睇得。D湯好甜，好少食淡水魚，😱😱😱條鯇魚好滑呀，我平時除咗刺身，唔係幾好食魚，不過食咗好多，差不多食完先發覺自己未點過蝶辣椒豉油😅我認為應該要帶屋企d老人家黎食，好有風味——味道。

上個禮拜同老豆做節, 老豆發板話要去佐敦嘅順德公食, 原先以為只係一間普通酒家, 不過試完先知係好嘢! 先講餐廳格局, 依度一入黎已經俾我一種懷舊嘅菜館feel, 聽老豆講間嘢好有歷史, 係佢個年代已經好出名咁話。我地唔係咁識叫嘢, 所以就問左侍應, 睇佢有咩介紹, 佢最後幫我地發板, 寫左四樣嘢, 我當時即刻問, 我地有三個人會唔會唔夠食, 佢就笑笑口話驚我地食唔哂就真。果然, 啲嘢食一黎, 我就知連白飯都可以唔駛叫啦。四樣嘢除左一樣係正常size之外, 其餘真係好大件頭! 第一道菜係煎釀三太公, 三太公包括有魚丸, 魚肉釀蓮藕同釀青椒, 每樣都煮得好香口, 好好味, 特別係藕餅, 簡直冇得彈! 第二道菜係西蘭花帶子皇, 剩係睇帶子嘅份量同size都知和味啦, 每人至少分到兩三隻, 道菜煮得火喉十足, 帶子炒到有少少金黃色, 勁野味! 之後再黎嘅係秘製骨, 成個大鍋上, 上枱嘅時候有果種好似食緊鐵板餐嘅咋咋聲, 骨食落好入味, 熱辣辣且有少少食甜骨嘅感覺, 其他配菜亦都因為吸左啲醬汁, 所以特別好味。。。正當我地努力將枱上面嘅嘢食清得七七八八嘅時候, 最嚇人嘅時刻來臨啦, 侍應同我地

傳統嘅河鮮酒家已經唔多，喺佐敦偉晴街呢度，可以話係佐敦嘅馳名美食之一。呢度唔收茶錢真係好好啊，已經好少有茶飲既茶樓係唔收茶錢，而且枱上面仲有啲令人食完好開胃嘅酸欖，真係有呢款野食嘅餐廳都買少見少。我哋食咗四人餐裏面嘅咕嚕肉，呢度嘅咕嚕肉同出邊嘅餐廳有啲唔同，因為佢嘅雞件全部好大塊，唔會加好多麵粉去炸，加上有好足料嘅三色椒，炒得好香好脆，三色椒嘅水份鎖得好緊，每一舊都好新鮮，成碟餸都好光鮮，色澤亮麗。另外仲叫咗佢哋呢度嘅金牌得獎作品污糟雞，本身想睇下佢究竟有幾污糟，哈哈！反而同我想像嘅差別好大，佢裏面用咗好香嘅榨菜，一揭開錫紙有好香嘅燴雞味，裏面仲有好多大蒜同大葱，口感好辛。最後待應頓時將我哋塊枱布拎走，變身成為食魚嘅火鍋煲，成條魚放入湯裏面，仲可以加薯粉米線，真係好吸引。魚夠晒新鮮睇住佢喺魚缸拎出嚟，仲有專人幫我地分埋魚，零舍體貼就佢叫我地小心啲骨，因為都幾多。每人約＄300，還可接受。

今日好大雨，求其都搵咗間睇落去好傳統嘅河鮮餐館食飯，我同朋友們成身濕晒，不過見到呢度啲嘢食應該都唔錯，所以心情頓時變好。我問咗經理，經理建議我哋喺呢一度點四人餐，因為我哋有四個人，有幾款仲係佢哋嘅招牌餸同埋得獎菜式添，咁就真係要試吓啦。順帶一提呢度免收茶介，所以都幾抵食。由於我哋四個都係女仔，第一個湯就啱晒我哋，佢哋叫個湯做女人美容神器，因為裏邊有好豐富嘅藥材，有紅棗當歸等等，佢哋話佢哋真係足料煲足咁多個鐘，仲有靚仔經理幫我地上湯添！裏邊有個好大嘅魚頭，魚有好豐富嘅蛋白質，飲落去嘅時候覺得好補身，而且啱啱濕過身，飲落去就更加溫暖。最後我哋仲每人飲咗兩碗，太好味了，又無味精好少有，個胃好似已經填滿左一半！之後仲試咗呢度嘅手打鮻魚球釀青椒，平時我都好鍾意喺茶樓點尖椒，呢個青椒富有好豐富嘅魚肉係中間做餡料，唔會似普通茶樓有時魚肉同青椒分得好開，會甩出嚟。每人一隻，岩岩好，而且呢一度仲有炸過嘅鮻魚球，好香口，仲有蜆蚧醬點添。我哋傾吓傾吓就過咗成個夜晚，差唔多最後一台先走，好不愉快。

朋友約嚟食飯，先發現到嚟間咁打得嘅餐館。入嚟幾有傳統家鄉菜感覺，直望已見到個金牌，更覺堅野一坐底除左開壷茶之外，仲有啲好「脆」小食。 脆梅⋯ 酸酸甜甜，超好食！停唔到口天麻蟲草花燉魚頭好鐘意飲藥材湯，甘香鮮甜，識食，一定要食煲湯雞腳，吸收哂所有精華，簡直一流。蜆芥鯪魚球配鑲虎皮尖椒對鯪魚肉有點抗拒，但呢個都一定要食，口感煙韌，而且鯪魚鑲尖椒，辣辣地超好味。神級美味咕嚕肉我呢生人食過無數次咕嚕肉，但呢個咕嚕肉係我一生而來食過最好食。咕嚕肉層皮好似冰糖葫蘆咁脆呀⋯⋯ 太神啦，內裡肉鮮嫩，配上好似芝士般咁有張力酸甜汁，單係呢個餸可以叫兩碗白飯。污糟雞超好味雞，諗番起細個鄉下食蒸雞⋯ 超有雞味！魚翅湯煮鯇魚呢個湯一定要飲！鯇魚鮮滑⋯ 黃金糕煙韌，有棷汁清香

飯前有個很特別的開胃菜，「銀鏈」 連皮食， 酸酸甜甜... 有啲似橋頭蟲草花天麻燉魚頭湯味很重， 感覺很補身， 特別岩女仕😏眼見湯渣好重料，不妨食埋隻雞腳，很入味👍🏻👍🏻太子成名脆皮咕嚕肉非叫不可嘅一道餸，很少有機會識到一啲超薄，超脆既皮，大大舊肥瘦均勻適中既豬肉，配合佢哋獨家嘅秘製醬汁得獎銅盤蒸污糟雞食雞最緊要嫩滑，除左滑仲好入味，味道亦唔會好喊👍🏻👍🏻👍🏻家鄉煎釀二叔公煎釀尖椒雖然有好多地方都有得食，今次我主力就講煎釀蓮藕，蓮藕好爽口，配合中間嘅肉餅，味道啱啱好...一般來說，出面我食過好多間，大多數都偏向好鹹，一定要叫碗白飯送...但係呢間你可以就咁食，可以留肚食更加多嘅餸👍🏻👍🏻翅湯枱面山坑鯇魚除咗食呢條魚，個湯都可以飲埋，鮮甜嘅魚湯，再配合左一啲胡椒，好味有益，食完條魚，仲可以加一啲蔬菜，唔少得嘅係要另外加個米線， 因為呢個魚湯再配合米線真係不得了食完飯當然唔少得甜品，熱辣辣嘅雙皮奶，有好香濃嘅奶味...奶製品愛好者，一定要叫呢個甜品

同朋友行到附近又唔知吃咩好見到有個套餐$1280 4位用就決定坐底吃坐底無耐就黎左蟲草花天麻燉魚頭湯呢個魚頭湯就用左半邊魚頭煲味道幾好味愛飲魚湯的就唔好錯過了呢碟叫順德煎釀二叔公唔太岩我口味好油甘多味我超中意呢味太子成名脆皮咕嚕肉嘩無得頂咬落好鬆化好多肉唔似出面的又硬又多粉唔怪得全場好多人都叫呢味菜聽聞呢碟係佢哋好出名的銅盤污糟雞吃落味道唔錯原先吃到呢度心諗份量甘少的4個人吃都唔飽最後果道會唔會都唔夠吃？點知翅湯山抗魚一上桌好驚訝甘大條魚翅湯底加魚的味道好好味呀清洗呢條魚我地4個人都好飽了其實呢個唐山菜就遲左黎因為催左2次待應就2次都未來之後同經理再講經理就快手快腳比左我地下次吃飯直接叫經理仲好呢個4人餐份量真係好足夠