順德公漁村河鮮酒家

營業中

休息中

一大班朋友飯聚，海鮮食得多，今日試吓食河鮮，人多可以試多幾樣餸！真開心，朋友一早訂了湯同魚咀，去到餐廳再加幾樣餸，，天麻燉魚頭湯，足料，湯香濃，鮮甜，好好飲！沙煲魚咀，熱辣辣香噴噴，一個煲放在枱上全枱已聞到香味，料頭十足，魚咀走一走油，再加料頭用沙鍋爆香，皮脆肉滑，香到不得了，!順徳菜不可不吃釀尖椒蓮藕餅，香！送酒一流～！銅盤雞，雞肉滑，入味。梅菜蒸菜心，第一食，菜心帶點梅菜味幾得意。涼拌魚皮，好清新，滑，彈牙！同埋蒸左一條不記得什麼名的魚，好多骨但勁鮮甜，好香魚味。

今日同朋友去佐敦髮品店買嘢，跟住諗起之前有個朋友介紹過偉晴街河鮮店 由廟街 行過去偉晴街唔算好近，大約五 六分鐘，不過間店舖都算好易搵 去到偉晴街就會見到大大個 順德公漁村嘅招牌。入到店裝修比較老派 應該是一間數十年嘅老店 門口附近有個 河鮮魚池區 有個老師傅喺度 劏魚，比較少見。雞湯 少少藥材味，好濃郁味道好豐富名堂叫做三叔公 原來係三款 炸物，好香口好味， 蓮藕底面脆 中間軟 兩個口感 非常夾好好食梅菜蒸菜心 梅菜好甜 菜心好新鮮都好清甜花錦鱔煲 非常之彈牙 肉厚 魚皮爽脆少林骨味道好濃郁香口，但有朋友話有點咸整體好合我口味，正

約了三五知己在佐敦按完摩💆🏼‍♀️💆🏼‍♀️💆🏼‍♀️，就search了附近的食店，最後選了這家順德菜，見到d河鮮好新鮮呀，已經想食喇，不過又想飲下湯💁🏼‍♀️，咩都想食呀。叫咗個燉魚頭湯，超濃好好飲，仲好入味喔😍😍😍大愛湯渣都冇嘥到，都可以食埋，勁正👍🏿👍🏿呢個好似叫做煎釀三太公，有鯪魚球、蓮藕夾餅、煎釀青辣椒。平時唔食鯪魚球的我，覺得這個沒有腥味，另外蓮藕夾餅超級爽超級好食，值得再食👍🏿👍🏿👍🏿👍🏿😍😍😍😍跟住之後食呢個花錦鱔，黎到仲煙boom boom 😍，魚肉超厚身而且超級彈牙，再加上個魚皮非常之多骨膠原😍😍再點了一個菜梅菜蒸菜心，清甜而不膩好想再食呀😎檀香骨好香口，讚👍🏿👍🏿地方闊落，坐得舒適，而且服務員很細心介紹菜式，下次要和家人來食喔👍🏿

同同事係佐敦做完野，同事話依間酒樓唔錯，大家8點去到都要等15分鐘左右先坐得低。一行5人，有個又唔係好肚餓，所以我地就叫左個$1480既四人餐。一開始就有個魚湯，用料1d都唔小器，令到成個湯好鮮甜，而且豆腐十分之滑，大家飲完都追call。跟住就上左《順德煎釀二叔公》，初時睇個名都唔知係咩，問d staff先知原來係鯪魚肉釀蓮藕同青椒，我比較鍾意魚肉釀蓮藕，因為彈牙既魚肉加上脆身既蓮藕，口感好特別之餘，味道都好夾。之後就到《特色翅湯枱面蒸山坑魚》，唔知係咪因為佢地用左翅湯蒸，所以條魚比普通蒸魚會更鮮甜，最好點埋佢地個醬汁，有dd 辣仲正😋😋😋 不過條魚比較多骨，食之前要留意下。跟住就到我最想食既《太子成名脆皮咕嚕肉》，黎到酒樓必點既菜式，果然冇令我失望，皮薄而脆，粉少又唔會好油膩，肉質鬆化，份量仲好多。當我地都食到8成飽之際，待應就上埋《得獎銅盤污糟雞》。用左銅盤既關係，上菜個果陣仲有d炸炸聲，已經聞到好香。食落雞肉好嫩滑，1 d都唔鞋，個汁都好惹味，我地因爲咁又叫左幾個白飯🙈🙈🙈減唔到肥喇😫大家最後都食到好鬼飽，除番開都唔貴，大家都話下次一定要再encore！

一家人去食晚飯，當然揀d 長輩啱食嘅嘢啦，又唔想成日食大集團中菜，咁就試試朋友介紹呢間專食河鮮嘅老字號菜館。.聽朋友講話「宮廷禦用鮮螺頭燉雞湯」個湯好好飲，咁就叫咗比家人飲。真係好足料，聽講燉足4個小時，夠曬火喉，大家都飲完一碗又一碗。.「豉汁蒸魽魚」 - 家人都好中意呢碟，因為夠惹味呀，魽魚都幾新鮮肉滑。.「金牌污糟雞」好嫩滑又好入味，又帶少少沙薑味，我個人推介呢個一定要叫！呢個係得獎之作！.「瓦罉煎焗魚咀」，呢碟我無食，家人就話好香口好惹味，佢地話下次都要食呢個。.「特色籠仔梅菜蒸菜心」菜心勁甜勁新鮮！份量真係好多，同梅菜一齊整好特別，仲帶有荷葉味！.「得奬龍吐珠」用魚肉整成魚球，肉質彈牙又鮮甜！.「蔥蒜煎大蝦」都幾大隻，d汁送飯一流。.「黃金糕」甜品係送的，不錯。.家人平時食飯好多批評，但今次少有地差唔多樣樣都讚，食得好開心。家人未食飽就已經話下次要再尼叫咩菜式食，好推薦大家食！

朋友介紹話E間順德野傳統家鄉菜感覺，於是一行4人嚟食晚飯 !! 環境都唔錯，幾闊落，坐得舒服不過啲燈就搞到，影得散咗，唔太清楚 😂😂麻蟲草花燉魚頭😍湯個湯好足料，夠曬火喉而且份量一D唔小。飲落燉湯好滋味，非常補身特色籠仔梅菜蒸菜心 估唔到梅菜+菜心咁夾，梅菜蒸出黎的菜心又香又甜！！而且份量多到食唔晒家鄉煎釀三太公即 ：脆炸手打鮻魚球每人一隻剛剛好炸過嘅鮻魚球，好香口，估唔到食落咁香咁惹味仲有蜆蚧醬添。真係好正呀。  蒜子生扣花錦大鱔 呢個都一定要食鱔皮香、滑、鮮! 肉質無得頂!!嫩滑夠魚味， 口感煙韌!我們一話不說地把碟上的鱔 清光了。HAHA秘制少林檀香骨 食落幾鬆軟, 肉鮮甜而不膩 。非常入味!!熱辣辣!!其他配菜吸左D醬汁, 都特別好味  呢間餐廳又平又抵食，仲夠哂順德風味，下次再黎食呀。 

我個fd 最近問我有無興趣食中式晚餐，因為佢上openrice個陣見到有間既小菜好似幾吸引，所以我就同fds 佢地去左佐敦間順德公漁村河鮮食dinner 蟲草花天麻燉魚頭湯煲湯其實好大煲，但我影到好似好細甘，哈哈。每人最少可以飲幾碗，我都唔知飲左幾多碗。 飲落同嗅個隻味好唔同，好好飲，又唔咸。我連d 湯渣都食埋，因為又真係幾好食。推介！！家鄉煎釀三太公我本身同小新一樣唔中意食青椒，但配埋d 鯪魚肉一齊食，完全唔覺得苦。 推介！！其餘兩太公好好食。溫馨提示：一上去熱辣辣，小心燙口。 秘製少林檀香骨檀香骨肉味濃，但又唔會好咸，meat lover 必點！！蒜子生扣花錦鱔皇我本身對膳唔太大感興趣，但呢個真係好入味。特色籠仔梅菜蒸菜心菜心d 顏色太靚啦，我忍唔到影左好多張相post 左上網, 哈哈。菜心好新鮮，食完上面d濃味野，再食呢個菜心真係一流！！鐘意味道濃d既朋友可以食埋梅菜，夾埋一齊食好惹味！！

喺圓方行完街諗住去佐敦搵嘢食 係啲小行俾我搵到間順德公漁村河鮮 門口寫住有些海鮮有六折 即刻同朋友入咗去試🙊🙊入邊環境係比較舊式 員工好友善 即刻就叫佢推介今日有咩正嘢 鯪魚龍吐珠 $14兩 依家有六折 折左成條$268 清蒸鯪魚 再加埋鯪魚球 2食 條魚比我想像中滑 好欣賞個豉油🙊🙊 宮廷御用蟲草花鮮響螺頭燉老雞湯$280 一上枱已經聞到好香 店員將啲湯渣分開放 湯渣點佢特製嘅醬油好好味小小辣咁好似嘢味 個湯好鮮甜 好快就比我清哂順德酥炸蜆介鯪魚球$88 外面好脆入面好鬆軟 不過個蜆介咸左小小 但點之前個特製醬油好正🤤🤤簡易秘製鴛鴦咕嚕肉 $98 估唔到咁鬆軟 唔似平時食開果種 微脆 不錯金果鮮腐竹翅湯浸勝瓜 $99 依個比較清淡 勝瓜好鮮甜 加埋杞子甜甜地 齋翅好有咬口 最後重有黃金糕送 好軟棉棉 超好味

宮廷禦用鮮螺頭燉雞湯個湯好足料而且燉足4個小時，夠曬火喉，而且份量一啲唔小。飲落好補身，一口氣飲咗三碗豉汁蒸魽魚 - 魽魚勁厚仲超彈牙!金牌污糟雞雞好入味，而且好嫩滑送飯一流瓦罉煎焗魚咀好新鮮，而且煎得好香口又惹味！特色籠仔梅菜蒸菜心-估唔到梅菜蒸菜心出嚟效果咁夾，菜心好甜！而且份量多到食唔晒得奬龍吐珠-魚球好彈牙而條魚好新鮮蔥蒜煎大蝦好好味👍🏻👍🏻D蝦夠哂新鮮而且都幾大隻,個汁調得好好味,又係送飯一流食物新鮮而且環境都坐得好舒服，下次會再光顧!

今日一行四人黎到順德公漁村河鮮酒家食晚飯，8點去到已經坐滿晒人，我地等左15-20分鐘都有位呢個魚湯好足料，飲落好有魚鮮味，一啲都唔會腥，令人飲完一碗又一碗呢個係順德煎釀二叔公，個名好得意我唔食蓮藕，所以只係食左釀青椒，對我黎講有少少辣，但我屋企人話好味，不過係有啲油呢個蒸魚好正，保留晒條魚嘅鮮味，我就會點埋佢啲醬汁，更加帶出到個鮮味呢個脆皮咕嚕肉我見好多人都話要試，真係冇介紹錯，係好鬆化，唔會好多粉，正！呢個銅盤污糟雞，啲雞肉好淋好鬆軟，雖然食到後面有啲咸，但我好鐘意呢個菜 呢餐真係食得好飽，啲菜又足料，所以都貴得有道理，會再食！

餐廳本身面積都蠻大，而平日環境就更加闊落，相約一班朋友黎食下佢地夏天推出的四人套餐，餐廳主打河鮮食物，當然少不得食魚；當日叫左—名為「鯪魚龍吐珠」$14 斤，現夏季更加做緊6折，折實$268一條。另外，實價$280—名為「宮廷禦用鮮螺頭燉雞湯」，足料還每人可以飲多達三碗或以上，足料又足量！我最鐘意飲湯，所以十分期待餐廳的雞湯。名為「酥炸蜆蚧鯪魚球」，一碟足足有成十粒，超級抵食，售$88外脆內軟、金香鬆脆、口感嚼口名為—「魚湯鮮腐竹浸勝瓜」$98勝瓜煮得好軟身個人好鐘意，魚湯中有杞子、粉絲，絕配！名為—「太子成名脆皮咕嚕肉」$98特別超欣賞老闆改名創意，老闆也十分好禮貌也很親切。下次必會再光顧！

同屋企人出去食晚飯搵咗依間傳統嘅河鮮餐館, 依度啲嘢食有水準而且又新鮮, 好值得推介!! 宮廷禦用鮮螺頭燉雞湯, 個湯好足料, 侍應話燉足4個鐘, 唔怪得飲落咁有火喉啦, 感覺好滋補, 份量唔小, 我地一家五口, 每人至少有2碗!! 瓦罉煎焗魚咀, 魚咀非常新鮮, 魚咀煎得香口! 金牌污糟雞, 一上菜已經超香, 雞肉嫩滑入味,食落有少少沙薑粉, 加上甜甜的杞子,用黎送飯一流!! 抵佢得獎!! 豉油皇香煎大蝦, 同其他菜一樣好新鮮! 大蝦爽口彈牙! 好惹味!! 三坑鯇魚龍吐珠 – 即叫即生劏三坑鯇魚, 有果皮、薑同蔥蒸。 魚肉嫩滑, 特別推介龍吐珠, 龍吐珠即鯇魚球好彈牙, 食落好香果皮味, 正! 籠仔梅菜蒸菜心遠, 籠仔底有荷葉起底, 菜心食落有陣陣梅菜同荷葉香味! 豉汁蒸魽魚 - 魽魚都係非常新鮮! 豉汁惹味, 又一送飯菜式。 依餐飯好滿足呀, 最後一個黃金糕作完結。其實我超想試個雙皮奶, 可惜逄星期一暫停供應! 下次一定要試!!

今日同屋企人食飯，諗咗好耐，有咩老少咸宜?又有特色呢? 發現呢間順德公漁村河鮮酒家，剛剛好大人細路都啱食，哈哈! 我地又有得食，老人家又啱口味，入到去已經好好招呼啦，問我地食咩飲咩! 剛剛冷氣位，即刻換咗個位俾我哋，餐牌上面有好多選擇，但最後我哋揀咗幾種菜式爸爸鍾意食魚， 所以魚比較多，本人推介係蟲草花湯同少林檀香骨，燉湯好滋味，非常好飲，本身都比較鍾意燉湯，超正！另外檀香骨非常入味又我哋個個都脹卜卜好開心！環境都坐得好舒服，老人家都坐得好舒服！

同朋友係佐敦附近搵野食，見到好多人話呢間食河鮮好抵食就試下, 一行4人就點左個4人套餐B餐一開始黎左一大煲蟲草花天麻魚頭湯, 好夠火喉飲落好香的天麻同蟲草花味, 感覺好滋補, 好適合喜歡喝藥材湯的我仲可以連魚頭都食埋家鄉煎釀三太公蜆介醬凌魚球不過不失, 但我個條尖椒太辣，咬左一啖就放棄梅菜蒸菜心好入味！用梅菜蒸出黎的菜心超香, 菜心又甜！份量多到食唔晒這個 蒜子生扣花錦大鱔 最有驚喜塊鱔皮勁厚仲超彈牙大家一定要試下秘制少林檀香骨, 仲以為係普通的香骨，但食落又幾鬆軟, 甜而不膩

約左朋友食生日飯，朋友話想食魚，話說係佐敦有一間幾多好評價的河鮮酒家，就黎左呢間 順德公漁村 度食， 點左幾樣最值得推薦的係佢個 蒜子生扣花錦鱔第一次食鱔塊皮勁彈再黎飲左個蟲草花天麻魚頭湯大大隻魚頭 ，湯清，一點都唔油家鄉煎釀三寶尖椒有點太辣，咬左一啖就放棄食唔到梅菜蒸菜心識食一定吃呢個 ！梅菜蒸出黎的菜心又香又甜！秒制少林檀香骨原本以為係普通的香骨，食落鬆軟甜而不膩總括嚟講， 呢間順德菜主力食河鮮，所以如果係食其他野就無謂黎食啦，如果你好喜歡食魚鱔，就一定要黎食啦！