順德公漁村河鮮酒家

營業中

休息中

今日約左幾個舊同學食飯，有其中一位推薦去食順德菜，於是就去左佐敦的順德公魚村河鮮酒家食晚餐。我地四個人叫左個四人套餐，價錢唔算貴，環境都幾寬敞。首先上嚟嘅係順德煎釀二叔公，雖然係有啲油，不過都幾鮮味，作為第一道菜，引下啲口水分泌都唔錯。之後呢個湯就真係要極力推介，一定要試，好飲到不得了，份量都足，我地四個人每人飲左一至兩碗湯渣都好足料，可以見到有幾款唔同嘅藥材，同枱嘅舊同學連藥渣都唔放過呢度咕嚕肉同出面食到嘅好唔一樣，出面嗰啲好多時會炸到勁乾，呢度嘅咬落去表層鬆化，不過入面係軟同有肉汁，正！呢個係污糟雞，睇落去都唔係好污糟，不過食落去就好好味！最後一道菜，今日嘅主打，枱面魚，條魚味鮮甜，魚湯係翅底湯，另外會附有唐生菜，索左啲魚味同湯汁，好好味！總括而言，今晚呢餐大家都食到好滿足，下次會再嚟

坦白講好食嘅中餐香港並唔多， 那怕去到酒店高級中餐廳， 都係好睇唔好食。但係大熱天時又唔想去大排檔， 要喺餐廳仲要有間房涼住冷氣，但係又有大排檔風味嘅餐廳真係唔多， 重點推介 咕嚕肉排骨， 乞衣雞，黃金糕, 同父母來食一流， 唔會畀父母詐型話貴。話說之前去過"龍王"食， 真心搞笑！又貴又入唔到口， 而家市面上好多過份吹噓嘅中餐廳， 反而道道地地嘅中餐廳唔到， 香港啲租咁貴， 講真留得返低幾餐廳， 一係就用嘅貨勁checp唔好食, 一係好快就整唔住執咗笠, 真材實料又可以有咁多年嘅餐廳真係得返唔到!

本人從來沒有寫食評習慣，但為免再有人幫襯這黑舖真係唔寫唔得。菜的味道係沒有大問題但他的做生意手法完全係劏客又hard sell。打電話訂枱時職員已經主動推介几款菜式問你洗唔洗預留當中有鱔煲，所以我地留左，但原來餐牌上沒有標明價錢，只有話以兩計算。另外我們一坐底侍應已經不定叫你去魚缸睇魚，然後佢係魚缸前面推介一條巳劏開嘅鯽魚話可以兩食，當我問價錢時侍應嘗試逃避問題，我再問多次佢先諗左陣然後話$500斤，一條街市買到的鯽魚要$500斤我已經知唔對路所以就拒絕。返埋枱再睇餐牌問佢有咩推介，佢就推介左餐牌上冇嘅鯪魚肉釀全魚，問佢幾＄佢話三佰幾，佢係咁話係好出名所以叫左，其實最後只係一條滿滿的鯪魚肉。最後四餸一湯一甜品埋單要二千幾蚊，普通個鱔煲$6xx佢話24兩，但重來冇比我地睇過條鱔有幾大，食嘅時候只有七八嚿。其實貴唔緊要，討厭佢做生意唔老實，唔怪得成晚只有四五枱食客。

公司有位嗜魚的大叔同事，對食魚很有要求。他說魚養得唔恰當，有泥味；魚蒸的時間唔岩，魚的肉質會被破壞。他說去了很多餐廳，食到的魚也不合格，但他獨愛一間餐廳的魚 — 順德公。聽名字就是一個順德人開的餐廳，我不知道順德人是否對食魚很講究，但我相信那位嗜魚同事，就拉佢衫尾出發食靚魚。等了半小時，期待已久的「靚魚」終於上菜。果真是跟平時我食開的魚有分別。賣相方面，這裡的魚肉較白，魚皮銀色閃閃發光，肉質很硊，口感好極了！難怪全院滿座，很吃力才找到位子開餐。「食魚」重點當然是魚，但花雖美也要有綠葉扶持，這裡的豉油汁、梅菜和蔥花味道超好！令鯇魚生色不少，白飯也美味無比。這間店我只幫襯過一次，因為太難搵位了，而且蒸魚需時，對趕頭趕命的打工仔來說，半小時等菜太奢侈了。

同事請食飯，選了佐敦的順德公河鮮酒家，據聞開業已久，食物質素不錯。一行20人先後到達，坐了兩圍。店員熱情招待。在一片熱鬧的氣氛之中，跟隨店員走到魚缸前落單。她極力推介龍蝦，用蛋白蒸鮮味一流。以為這裡是吃河鮮，沒理由花＄1800點龍蝦，兩枱便要＄3600。「太貴了，還是點河鮮吧。」店員推介油浸冧哥、龍吐珠鯪魚球、蟶子王，再點些其他的，加上同事一早預訂了天麻鱔頭湯和雙皮奶。食物是不錯的，不過埋單時看到每枱＄5000幾的賬單，實在嚇了一跳。未免太誇張了吧。餐牌上都是以両做單位。鱔煲每両＄26，結果單是鱔煲已要＄900。那條油浸完很鬆脆但沒有魚味，大家都懷疑是不新鮮才炸的冧哥更是誇張。幾鮮甜的鯪魚還可接受。其他每碟計的，價錢正常。請師傅給我們再量一次魚的重量，其實無補於事。魚都吃完了，大魚細魚隨他挑。擾攘一輪，店員給我們全單9折。要不是劏客，何不堅持？建議大家落單時要看著他稱魚的重量和問清楚價錢，無謂引起不必要的爭駁，臨尾才掃興。

星期六到順德食團年飯，一早訂了枱，共12人。落單時，店員不斷游說大鱔及其他"時價"菜。當問到約咩價錢，又講吾出。最後，我地都叫咗一時價魚，但店員又冇comfirm整碟菜几錢，埋單時碟魚竟然要多$1000。店員亦冇得到我地同意，將d餸加大!總括來說，食物是可以的，但推銷手法太劣!大家要小心落單

（1）豉汁蒸黃骨魚，自把自為改蒸魽魚。一斤重，唔聲唔聲埋單收$550（再加一）。（2）芫茜豆腐滾魽魚，四位用。唔聲唔聲每煲又$350（再加一）；共兩煲。=$700三條魽魚，盛惠$1250（另加一）；做生意，餐牌無的，係咪我地唔問價，就覺得抵斬！大家睇路！

慶祝家人生曰來到順德公，原本開開心心但係就入咗一間亂開價的店。店內食物唔錯，但系店員會係咁推銷啲貴野俾你地食。首先我哋一行七人想叫中蝦，店員就話一斤得個四五隻唔夠食起碼要兩斤起，點知一上枱足足有成18隻買單＄800，唔係話食唔起但係畀人屈嘅感覺真係唔係咁好囉！跟住嚟得順德公梗係想試吓佢嘅大良炒鮮奶，店員一陣就話要炒成粒鐘一陣又話幫我地未左單，一陣又話個大廚已經準備好，根本佢哋就唔想炒...如果唔想炒就應該一早就話冇貨啦,之後就話大廚準備咗炒咗俾我哋, 原本一碟＄128嘅炒鮮奶佢冇打上單，只係打咗廚房手寫單就打咗一＄$168貴左＄40....講良心說話間野係幾好食但係要憑良心做事唔可以亂咁開價！所以想去的人一定要好小心咁落單同埋check單

今日同同事去咗順德公食午餐，同事推薦話要食呢度嘅蒸魚飯，所以我哋每人叫咗一份，蒸魚飯價錢一啲都唔平，連茶錢和加一，每人要$70。鯇魚好滑，肉質幼嫩，好新鮮，雖然以午市蒸魚飯黎講算幾貴，但真係物超所值，鍾意食魚的人一定要試！

網上聽聞過這間順德公很多次，主要評價分別有食物味道一流、推銷手法不良（包括亂開價）兩種，今次特意跟朋友說要去試下「俾人劏」，親身闖入龍潭虎穴一看。-▶ 順德金牌銅盤蒸污糟雞：★★★★☆金牌銅盤蒸污糟雞是由一個銅盤包住錫紙傳上來的，底下盛著的是一個用藤編織的籃，雞肉經醃製後，以香䓤、辣椒、菜甫等佐味，再用錫紙焗住味道，吃起來雞的風味保存得很好，醃料的味道很好的滲透到雞肉肉質的每一部份，濃度來說算是偏鹹，用來佐飯的是非常不錯的一道菜。--▶ 懷舊大良炒鮮奶帶子蝦粒：★★★☆☆大良的雙皮奶有名大家都知道，但那是甜點嘛，原來大良鮮奶也可以用來炒餸配飯，於是點來吃吃看。口感和炒蛋並沒有太大的分別，滑嫩的滋味口感配上帶子和蝦，貌相是一片白茫茫，不過選材配合充份表現了滑和清的味覺體驗，「滑」方面做得不錯，整體味道不算深刻，牛奶味不強，我倒是懷疑和滑蛋炒帶子蝦粒有何不同？-▶ 蒸河邊魚：★★☆☆☆據網上評價，在這𥚃叫魚最需要小心，所以我點單前特意問了店員價錢才確認，和網上形容有所不同的是，店員沒有搶著馬上斬魚「霸王硬上弓」，可能是小弟看起來沒甚麼油水可撈吧，整條魚三百八十多元，是否貴就見仁見智，我是覺

在下對這類食店不存好感，甫進門，面對冷漠的對待，加上要搭抬，即生走人的念頭。有位，最終坐了下來。說好是河鮮酒家，但門口的魚缸不是大花蟹，就是九節蝦，河鮮？也有的，一起賣吧，專吃河鮮，香港地看來是很難生存。黎生對河鮮不存興趣，何況是午飯時間，點些點心便是了，一切交給黎太好了。兩人共吃了五味點心，分別是荳苗餃、煎鯪魚餅、蒸魚肚、蝦腸和窩蛋牛肉粥。先吃荳苗餃，筷子一夾，餃皮即黏著筷子，黏力駭人，不用力夾著都待上兩秒才掉下來，結果皮便裂開，一口咬下，荳苗的香味撲進鼻裡，香到不得了，肉是豬肉和蝦肉，半件咬進口中，四者結合是很好味，黎生不得不霸佔了僅餘的一隻。煎鯪魚餅，也不錯，魚肉新鮮的，好味，但黎生覺得河鮮店做這味菜，好味是應份，若能給我驚喜才算合格。魚肚可以一吃，蝦腸的腸粉算滑，但蝦則不爽口，還有不明的是，現今的豉油很貴嗎？至於窩蛋牛肉粥則是較差的一味，粥淡，只有蛋白味，牛肉切得太厚，亦稍硬。整體來說，荳苗餃是驚喜，值得再吃，只是，這些食市的客觀環境，令人卻步，就是坐在黎生身旁那位大叔，一路指手劃腳，較人討厭！

We went here about 11am, It had too many people in this busy period.  Dim Sum was pretty good, it looks delicious and fresh. The most delicious food was pork bag, it was juicy and big. In addition, the sesame ball was also taste good. It was crispy and had a little bit sweet. I liked this taste. The steamed fish was thick it look fresh and simply add with boiled sweet soy sauce, it taste good!

今次好次係第三定第四次黎食，一直對呢間酒樓都冇咩大感覺，但今次幾驚喜！我地一坐底，侍應第一時間推介蒸方利，我地就信下佢，睇下係咪咁好味條方利都幾大下，夠我地一家人食，食落去口感唔差，仲好鮮甜，d肉都幾爽口，其他地方未必食到咁好味。而家食野唔可以話要求咁高，最緊要係野食夠新鮮！呢度出名就係食海鮮，而且用重量計錢，雖然價錢唔算好平，但不太貴，出黎有咁既水平，我覺得可以接收，感覺幾好

入到去問伙計有冇值得一試,佢介紹左幾樣當中蔥蒜煎大蝦我覺得特別好味,蔥蒜煎大蝦賣相一樣都係好好,D蝦夠鮮甜,都幾大隻,個汁調得好好味,加碗白飯撈埋食仲正其他野食不過不失,都唔錯,如果大家想黎食下-就要食下蔥蒜煎大蝦啦

来过这家餐厅几次，每次服务员都要强势让我们点很贵的菜，我们要点那个鱼不给点说那个不好吃，一定要让我们点别的，点一份她就说不够要点两份。昨天恶劣到把我们点的鱼每倆18块偷换成龙利鱼，说菜牌没有这个鱼，每两自己叫价40块。 而且这个鱼根本没有她说的28两，一条炸的鱼，端上来只有一面，另一面不见鱼肉只见鱼骨头。