順德公漁村河鮮酒家

營業中

休息中

來沒有忘記過這家老字號，只不過位置不就近，若非去了 M+ 博物館參觀，沒有打算專程來，既來之，就坐在海鮮魚缸旁的桌子，遇上有人看中六斤重的冧哥，正好讓我們二人分擔一斤六両的小份。  冧哥 $624$26/両，一斤六承惠$624，價不便宜，但物有所值，斬得厚厚的魚塊一點也不嚡，魚油豐富魚肉滑，簡單清蒸已經最好。不過，有冇斤六呢？出街食飯，唔計較得咁多！ 金牌污糟雞 $188鄕土風味，雞件嫩滑，有點油脂，唔錯但唔特出。 炆節瓜 $148家常小菜，簡單的青蔥及特製上湯，炆得夠火候，軟硬度適中又入味，幾香。 環境服務沒有大要求，不過亦沒有出錯，是吃海鮮的好地方。      

人手完全不足, 態度惡劣. 重覆落左兩次等左一整個鐘, 催左兩次先講冇入機！衞生一般, d未洗同乾淨嘅野放埋一齊, 地下污漕!本身係老街坊,寧願行遠d 我都唔會再幫襯! 十分之失望!

香港飲食界如果容許這樣的食店存在的話，没落指日可待1. 只得經理一個人可以落單，其他的可以完全當你不存在。等15分鐘才可以下單2.焗魚咀7點未夠售完，根住聽到：“出面魚缸好多魚揀喎“ 3. 叫幾個餸，真中1個好味，另外2個是臭了及極不新鮮！搞乜嘢呀！有朝望，所以好失望記得以前上環同灣仔店嘅美味，同現在是天淵之別，傳承了招牌，但未有傳承了服務，食物質素，來貨水準，香港飲食是這樣的嗎？不進則退，期望的不是進步，只是保持便可以了，但現在失望還是失望！

喜歡這裡有魚卜粥，又滑又好味，好少地方有得食，子薑蒸魚嘴也少見，百花釀魚肚新鮮，蝦滑彈牙魚肚入味，陳村粉蒸排骨就比較普通，埋單時發覺茶錢與標明不符，問一下原來坐房貴一倍，事先標明會好一點。

My friends who were veterans of this place took me here, and there was a total of 5 of us. The first dish we had was eel cooked in a clay pot - I've never had this style of eel before, it was interesting though admittedly the texture was too tough for me. The next dish that came, forever changed my view on fish. It was a fish handpicked by my friend when he went to the fish tanks, and the fish (or fishes) were cut up into these tenderloin sized square white chunks. The fish was steamed, cooked w

先講服務坐低啲餐具已經好污糟好似我自己由頭洗過咁洗緊野嘅時候已經叫緊比餐牌搞左成十幾分鐘連餐牌都唔比人最後仲要係我自己去拎到嗌野食 全場得一個人落單 其他人冇野做都唔會落由嗌到有人終於黎幫我寫單至少3個字總共叫左三個菜式落單後8分鐘上左第一道菜 煎釀三太公味道不差 但可能喺廚房擺左陣先拎出黎有啲凍左同偏油第一道菜後23分鐘上左下一道魚味道冇特別 就係咁同都已經等到呆晒 食咩都冇癮我地見咁耐都冇上道陳村粉問佢先知原來冇冇又唔出聲 問先講到埋單 叫左埋單之後見佢去左做其他野再嗌先發現佢唔記得左單黎到發現冇取消冇黎到嘅陳村粉又要再出過單兩樣野食埋單601蚊三個人 都唔知食過啲咩比左卡佢都搞左10分鐘都再比返張卡我一塌糊塗

提到順德公漁村絕對不會陌生，因為都多年歷史啦，入到餐廳滿有舊時香港漁村特色，可以一嚐傳統的順德菜。巧合地見到餐廳推出了Seafood Loves Sake 嚐鮮配搭的餐牌，貪新鮮就點了揚明四海瓦罉焗魚咀、雪戀明蝦球，配上一支炭酸純米酒。揚明四海瓦罉焗魚咀，用瓦罉將大魚咀爆炒再去焗，表面金黃香脆，內裡仍保留魚的嫩滑和鮮，呷一口米酒，炭酸在口腔中跳彈，香醇而爽怏，同時提升魚頭和醬汁的層次。另外一個雪戀明蝦球，蝦球厚身肉脆，用了特製沙律醬去炒，酸酸甜甜特別醒胃，與炭酸純米酒十分匹配。第一次食順德菜，的確係風味十足，下次或者會帶爺爺婆婆黎試吓！

順德菜從平日常見到的街頭小食煎釀三寶到將近失傳的原條煎釀鯪魚都是順德菜，老爸間中都想品嚐傳統河鮮的家鄉味道。順德菜以粗材細作見稱，而這道揚名四海瓦罉焗魚咀更是不得不試！飼養淡水魚的魚塘買少見少，要找到優質游水的淡水食用魚都不容易，魚頭煎得金黄後再以瓦罉煎焗入味。魚咀吸收了醬汁精華，入口香脆惹味更帶甘香，內裡骨膠原嫩滑。L 怕哽骨甚少吃淡水魚，魚頭更是第一次品嚐，雖然吃的過程要很小心，最後都將整個魚咀拆骨吃掉。店員更建議四個的價錢比兩個抵。醬料將魚頭昇華至另一個層次知道老爸喜愛杯中物，特意選了這個 Seafood Love Sake 清酒配海鮮的組合。醇厚豐富的清酒與魚頭煲這個組合確實幾特別。白川鄉碳酸米酒口感軟綿順滑，氣泡有點像喝有汽梳打，味道甘甜，清酒的氣泡又來自本自身的酵母菌在酒樽內進行二次發酵所產生。雪戀明蝦球，一碟有八隻蝦球，爽脆啖啖肉。沙律醬的油膩感被清酒內的碳氣泡輕輕帶走，清酒的甜味更提升了蝦的鮮甜味。餐館另設廂房，方便安排聚會。

餐牌上大部分的餸都係市價，係超離地的市價$3xx 一條倉魚$5xx 一條邊魚要一條明爐上湯魚，d湯咸到好似鹽水投訴後個廚行出來話加滾水，或者加菜中和下 （沒有提及過要收錢）我們揀加菜，埋單前才知那幾條長椰菜收$100 🐠唔記得影相用一好大的煲載幾條骨，肉質衰過雪藏金沙骨污糟雞用一個超淺的盤，有d部位特別脾位唔見左個天麻燉魚頭只叫雞腳及瘦肉食完一肚氣

這天 在佐敦逸東酒店 Staycation 因為額外多租了一晚住宿 沒有包含早餐 老媽晨咁早 就起身 住係佐敦 就梗係要去 順德公漁村 飲早茶啦！天未光 就開舖嘅酒家 幾乎絕跡咗㗎喇！😋😋好新鮮嘅豬膶粥 🐷🐷豬膶薄切 好新鮮 滾至剛好熟 又軟又嫰 大碗份量足 吃了好滿足 🤤🤤均安煎魚餅 🐟🐟表面煎至香口 咬落有彈性 味道也是恰到好處 👍👍鮮魚片腸粉 🐟🐟腸粉皮薄 新鮮魚片 芫荽 絕配組合 非點不可當然有我獨佔嘅 陳皮香茜牛肉球 薑蔥牛栢葉 🐂🐂食材新鮮 質量達標 好吃正宗大良雙皮奶 🥛🥛酒家少有出品 雖然要價20幾 但工序繁複 很美味蠔皇叉燒飽都好正喎 🥰🥰本地少有以河鮮 傳統點心 順德菜 為招牌的酒家 早市價格親民啊！🥢🥢

🎖足料魚卜粥點心🥰.想當年魚卜依家野係一啲下欄嘢😂冇人識食，今時今日突變貴價🤣🤣好多地方比成百幾蚊都係得十個🙃雖然魚卜有分唔同魚既，但老人家我又冇食得好專😝呢度一碗先係$42 蚊就有6個魚卜🤩真係算抵！佢係煎香左先放落啲粥到，特別香😋.呢度仲有好多點心，岩晒帶埋屋企人黎飲茶，推介好少地方有得食既排骨陳村粉、蝦米腸、黃金糕☺️.#fatfat4ever_佐敦 #飲茶 #fatfat4ever

好耐冇去呢一間順德嘢食！服務態度差！食物水準超低！又污糟！啲服務員推薦你啲貴魚！叫咗一條魚！但好多骨！又唔平！隻污糟雞好難食！芥蘭又難食！尤其嗰蝶椒鹽鮮魷！未食過咁難食！又硬又唔新鮮! 我以後唔會再光顧呢間餐廳！加上個廁所衛生環境差

上載的是手機拍的原圖，日前朋友生日，我們一行四個人就去了美食林立的佐敦順德公漁村河鮮酒家品嚐正宗順德菜新鮮靚河鮮。前菜有 《順德河鮮青口》，每只青口都大大只很飽滿，廚師淖得剛剛熟，非常多汁，點一些日式芥末加醬油帶出鮮味。另一前菜有《爽滑秘製特色魚皮》，魚皮晶瑩半透明，食落彈牙。主菜之一有秘制《少林檀香骨》，醬汁野味肉質嫩滑，用來餸飯一流。期待的主菜《冧哥枱面魚》，用一個好似面盤咁大既鍋裝著 (打卡一流)，湯非常鮮甜，冧哥肉質非常嫩。問左服務員點解啲湯可以咁鮮甜，原來真係落足料，包括：金華火腿、雞腳、瘦肉、翅群、雞殼、魚殼等多種食材，經過多個小時淆製而成。建議先品嚐一碗靚湯，再吃鮮魚，吃魚時點一點醬油即可。吃完魚後還可以在魚鍋中加個米粉，就變成一碗很美味的鮮魚湯米。《隔夜涼瓜炆鴨掌》，隔夜的涼瓜更加入味，涼瓜非常厚肉，鴨掌夠淋口感豐富。《西芹醬爆魚卜煲》，這道菜在外面很少機會吃到，我也是第一次吃，魚卜大大個夠飽滿，鮮香惹味。最後甜品有《順德馳名雙皮奶》，奶非常香，以這個美味甜品作結，非常滿足的一餐。

人生第一次寫負評，只因不想再有人受騙今日被門口的五折河鮮吸引了入去叫了一條子薑欖角蒸邊魚和一盅北菇雞飯味道不錯，但埋單時，兩樣嘢收了三百幾四百元，幸好剛好昨天喺北京樓食過邊魚，今日的魚明顯比昨日的細條，昨日午餐食埋片皮鴨都只係三百元。一睇單，收咗30 兩，邊魚一般只有一斤多少少，何來咗不多兩斤。跟住就話打錯單，係24兩，嘩，一個唔小心計多6 兩，仲寫多一位茶，但剛才條魚咁細，無可能有斤半，經過一輪交涉，才肯改為20 兩，這間餐館非常狡詐，勤喻大家不要幫襯，必要幫襯的話，一定要小心查單，食之前問清楚幾重。但咁唔老實的餐館，我就永不幫襯了。

前兩日跟一班長輩級去食順德菜，由於我都未食過順德菜，所以決定跟隊去試下😎🔹避風塘椒鹽鮮魷 $128 ： 炸粉一啲都唔厚，啱啱好！夠香脆👍🏻雖然係避風塘，但識落唔會好辣😌椒鹽味夠晒惹味！正！🔹千島大蝦球 $168 ： 佢嘅千島醬好好食，一啲都唔酸，蝦球隻隻都好大隻😍仲好爽口👍🏻好新鮮！🔹花膠鮑片扣大玉掌 $228 ：呢味菜係女人都會愛上😂花膠夠晒滋陰養顏😍花膠、花菇、玉掌同鮑片都炆得夠晒腍！夠入味👍🏻🔹濟公生扣野生田雞煲 $148 ：我本身就唔食田雞，但朋友就話好好食😆田雞肉好滑，一啲都唔鞋口！加埋啲蔥落去爆一爆，成煲野真係好香😌🔹少林檀香骨 $118 ： 其實即係我地嘅金沙骨，肥瘦適中，醃得好入味👍🏻夠晒腍，一啲都唔韌😎雖然價錢唔算平，但整體我覺得都唔差！廚師手藝唔錯，每一煲上枱都真係「炸炸」聲，同埋每一樣都真係好入味👍🏻法國藍帶果然係唔同啲😆評分味道：4/5環境：4/5服務：3/5性價比：3.5/5回頭率：4/5