順德公漁村河鮮酒家

營業中

休息中

上載的是手機拍的原圖，日前朋友生日，我們一行四個人就去了美食林立的佐敦順德公漁村河鮮酒家品嚐正宗順德菜新鮮靚河鮮。前菜有 《順德河鮮青口》，每只青口都大大只很飽滿，廚師淖得剛剛熟，非常多汁，點一些日式芥末加醬油帶出鮮味。另一前菜有《爽滑秘製特色魚皮》，魚皮晶瑩半透明，食落彈牙。主菜之一有秘制《少林檀香骨》，醬汁野味肉質嫩滑，用來餸飯一流。期待的主菜《冧哥枱面魚》，用一個好似面盤咁大既鍋裝著 (打卡一流)，湯非常鮮甜，冧哥肉質非常嫩。問左服務員點解啲湯可以咁鮮甜，原來真係落足料，包括：金華火腿、雞腳、瘦肉、翅群、雞殼、魚殼等多種食材，經過多個小時淆製而成。建議先品嚐一碗靚湯，再吃鮮魚，吃魚時點一點醬油即可。吃完魚後還可以在魚鍋中加個米粉，就變成一碗很美味的鮮魚湯米。《隔夜涼瓜炆鴨掌》，隔夜的涼瓜更加入味，涼瓜非常厚肉，鴨掌夠淋口感豐富。《西芹醬爆魚卜煲》，這道菜在外面很少機會吃到，我也是第一次吃，魚卜大大個夠飽滿，鮮香惹味。最後甜品有《順德馳名雙皮奶》，奶非常香，以這個美味甜品作結，非常滿足的一餐。

人生第一次寫負評，只因不想再有人受騙今日被門口的五折河鮮吸引了入去叫了一條子薑欖角蒸邊魚和一盅北菇雞飯味道不錯，但埋單時，兩樣嘢收了三百幾四百元，幸好剛好昨天喺北京樓食過邊魚，今日的魚明顯比昨日的細條，昨日午餐食埋片皮鴨都只係三百元。一睇單，收咗30 兩，邊魚一般只有一斤多少少，何來咗不多兩斤。跟住就話打錯單，係24兩，嘩，一個唔小心計多6 兩，仲寫多一位茶，但剛才條魚咁細，無可能有斤半，經過一輪交涉，才肯改為20 兩，這間餐館非常狡詐，勤喻大家不要幫襯，必要幫襯的話，一定要小心查單，食之前問清楚幾重。但咁唔老實的餐館，我就永不幫襯了。

前兩日跟一班長輩級去食順德菜，由於我都未食過順德菜，所以決定跟隊去試下😎🔹避風塘椒鹽鮮魷 $128 ： 炸粉一啲都唔厚，啱啱好！夠香脆👍🏻雖然係避風塘，但識落唔會好辣😌椒鹽味夠晒惹味！正！🔹千島大蝦球 $168 ： 佢嘅千島醬好好食，一啲都唔酸，蝦球隻隻都好大隻😍仲好爽口👍🏻好新鮮！🔹花膠鮑片扣大玉掌 $228 ：呢味菜係女人都會愛上😂花膠夠晒滋陰養顏😍花膠、花菇、玉掌同鮑片都炆得夠晒腍！夠入味👍🏻🔹濟公生扣野生田雞煲 $148 ：我本身就唔食田雞，但朋友就話好好食😆田雞肉好滑，一啲都唔鞋口！加埋啲蔥落去爆一爆，成煲野真係好香😌🔹少林檀香骨 $118 ： 其實即係我地嘅金沙骨，肥瘦適中，醃得好入味👍🏻夠晒腍，一啲都唔韌😎雖然價錢唔算平，但整體我覺得都唔差！廚師手藝唔錯，每一煲上枱都真係「炸炸」聲，同埋每一樣都真係好入味👍🏻法國藍帶果然係唔同啲😆評分味道：4/5環境：4/5服務：3/5性價比：3.5/5回頭率：4/5

其實唔係第一次嚟，之前飲過茶，好味嘅，亦有兩個人去食晚飯，但兩個人食唔到太多嘢。而今晚係屋企人飯局，所以訂咗餐牌，因為夠多人，可以試到好幾道餸。第一道係招牌天麻魚湯，真材實料，人人爭住飲所以唔記得影相，可食埋啲天麻同埋湯渣，記得一定要訂，一窩例牌都有6至8碗，3至4個人嘅話就叫番窩。第二道係菱魚球，亦係招牌菜，好好食。其他餸都係佢地啲名菜，如果你識得叫，又夠多人一齊食，就可以叫多啲餸，因為佢地嘅份量係幾大下嘅。仲有條蒸魚，唔記得影；小前菜係魚皮，可試。鱔煲 白飯生炒骨應該送白飯蒸雞魚湯菜啲餸可以叫個白飯送下飯，但由於太多餸及又有叫炒飯，所以唔嘥個Quota。值得推介係個蛋白蒸蟹，啲蛋嘅酒味岩岩好，好香酒味，啲蛋又蒸得好滑，同啲蟹一齊個味夾得好，堅好食。佢呢度啲黃金糕都整得好食

成班同事放左工，去食飯，本來想打個邊爐，但係見到呢間河鮮，有個同事話想試下，又好彩啱啱有位，咪試下佢囉。9個人，叫左9個餸，食到飽一飽蜆介鯪魚球，好香口，魚肉好彈牙，加埋蜆介，味道一流，果然係必食推介椒盐鮮鱿，一個字“香脆”，送酒一流啜魚兩味，呢個係蒸魚頭，第一次食呢種魚，味道又幾鮮喎田雞煲，好耐無食田雞，呢個煲味道唔錯，田雞肉又彈又滑啜魚兩味嘅薑蔥魚腩煲，薑蔥暴過之香好香，魚腩鮮咪，不過都幾多細骨，唔係太啱食其他都係普通菜式，味道都可以。

今期推介～鹽水蒸魚～爽脆魚皮今天和親戚一起聚餐，他們選擇了傳統的中菜，我們叫了爽脆魚皮，魚肉煎釀青椒，鹽水蒸魚，煎釀＂靚＂魚肉。最值得推介的是順德名菜鹽水蒸魚，魚肉肉質幼滑，味道10分不錯。爽脆魚皮最好就是配上啤酒，另外的魚肉煎釀青椒真的很有住家的味道。這間餐廳的食物主打是順德菜式，其實食物質素不錯，餐廳不應該主要目標是自由行的國內客人或者旅行團，如果想打入本地市場應該改一改餐廳的格局，加入創新的元素，去殺出一條血路。

第一次同屋企人塊左呢間中菜食，門口仲有錶位或者代客泊車，所以都好方便！一去到點左條大魚，咕嚕肉同肉鬆水蛋！全部都好好食，所以食左兩碗飯！最緊要係臨走食個雙皮奶！順德出名糖水之一！

因為爸鐘意食粥既關係，以前經常黎食早茶！ 但每次都只會覺到無哂mood! 食物係十年如一日既點心紙，八點鐘黎都有機會食到盅頭飯～ 食物的味道可以，但就無服務可言！呢度既文化係有jetso有服務！呢度既客多數都係上年紀或中年亞叔打躉地方，職員就中年女人！ 黎呢度飲茶自己搵位，但d職員就成日hold 起d枱，叫你入茶皇廳，但入到茶皇廳貴d茶位一樣係無服務！ d職員每逢時節就會sell 你乜券麥券！我父母係長輩，通常有人拎黎都唔需要買！ 一唔買就更無招呼今年新年前，見到個d職員同個亞叔講「買張券啦！」人地個客話自己都有但俾面都買一張貴既雙糕$198，點知仲要迫人買埋佢淨低既券！ 個客既老婆即刻話唔買，仲嬲嬲地！ 第一態度差，唔係好聲氣，佢都有叫我買，sorry 語氣係奉旨咁！ 到新年我地初八先去飲茶，個日服務就唔同喇！ 幫你搵位，沖茶！當然有句恭喜發財！ 個個職員都走埋黎斟茶！不過我地都無派！ 飲餐茶要派幾百蚊！可況係初八，都仲咁厚面皮！ 初一二三都會派下，紅日要返工，初八仲問，仲要平時都無服務！ 今日叫左盅頭飯，得返兩款咁我就都要啦！ 點知有個熟客黎左佢招呼人就拎左俾佢之後就話無哂！呢d情

親戚介紹，成日推介呢間順德公的點心好食終於同阿媽來飲個早茶試試呢間茶樓主要是老人家同熟客食物款式不算好多，但總會有想吃的我們叫了碗滑雞粥、蝦餃、馬拉糕、蝦米腸粉同鳳爪😋蝦餃好大粒，好多蝦肉，好味蝦米腸粉又是多蝦米，仲要不細，腸粉好滑，又是好吃馬拉糕不是很甜，鬆鬆的，唔錯雞粥多雞肉，有薑絲去味，綿綿的，好吃一間比較傳統的舊式茶樓，但充滿人情味點心熱辣辣，好吃，一定會再來😆

夜收工。餓到抽根。好想飲湯。老公介紹去呢度。第一時點了。。天麻魚頭湯💕💕💕💕嘩，好味！飲完暖笠笠。我一人飲左三碗。連魚頭都食埋。⭐️⭐️⭐️⭐️⭐️唔想食太飽。點了粉絲聖子。我鐘意多粉絲多蔥。加少少豉油。好味⭐️⭐️⭐️⭐️砵仔蒸雞。我覺得味太重。好像蓋過雞味。不過無所謂。我不太吃雞。老公清碟⭐️⭐️⭐️炒芥蘭⭐️⭐️⭐️⭐️我吃菜不喜吃葉😂😂😂老公會讓我吃芯💕💕💕很爽口、很香口總括個湯好合心意其他ok啦🐷🐷🐷❗️

同2個行動唔方便的老人家去飲茶，四周圍找桌，見到有張桌，問個女肥待應，我問入裏張桌開唔開，我面对面問佢，佢一定見到同聽到我問佢，唔理我，更加用個PatPat对着我。同個客傾傾傾。之後見到有張6人位的桌，我走去坐，佢話有人，我話3個人，這張桌6人，我唔坐得？咁我問入面張桌開唔開。佢就大大声同我講都話唔開，我罵她，你幾時同我講唔開，你一直都無講过開定唔開，之後我再找見到個伯伯就走，個女侍应好似对D碗碟有仇，左拋右拋。連伯伯都話，D態度咁差。咁的服務態度，我以後都唔会來！！

Came here quite often mostly because of the steam milk that they serve. They have the best steam milk i have ever had - they had it sent all the way from China every day. I guess it kinda has to be good?As for the other food... i like the fish puff the best- you dont normally have it in an ordinary restaurant.. but this place cooks it really well. The worst thing about fish puff is that it tends to be rather fishy if its not well done. So what they did was to use a HUGE heated pot to fried it wi

今晚多謝姐夫一家為我預祝生日，請我和太太及表姐到佐敦順德公漁村晚飯。我們三人先到，忍不住先點了椒鹽鮮魷和爽魚皮，兩個小菜都很好吃，椒鹽鮮魷魷魚新鮮多汁，又夠鑊氣；爽魚皮有芥辣調味下帶點泰國feel，非常惹味。家姐一家來到，點了花錦鱔、枱面魚、污糟雞、鯪魚球龍吐珠，福建炒飯和雙皮奶。污糟雞和鯪魚球龍吐珠都十分美味，尤其是污糟雞非常嫩滑多汁，叫人停不了口。重頭戲是花錦鱔和枱面魚。花錦鱔是我來這裏必點的菜式，鱔肉爽脆入味，它的皮更是精華，充滿膠質非常彈牙美味，送飯一流。枱面魚則是用了比較少骨的林哥魚，魚肉固然嫩滑好吃，但我覺得最美味不能錯過的是它的魚湯，非常非常鮮甜好喝。最後當然少不得以順德著名甜品雙皮奶作結。在此提醒大家，千萬記得要點熱的！全桌人都點熱的，只得我一個人點冷的。結果發現熱的雙皮奶實在是極品，冷的遠遠比不上😂

趁著公衆假期約了家人去飲茶。大家都一致提出去順徳公飲茶。早到早搵位。位於佐敦是總店，是一間很簡樸的菜館。做早，中，午茶市，晚上則專造河上新鮮晚飯。茶市是靠自己企位，無待應帶位的。點心即叫即蒸，材料新鮮。雖然企位企了一陣子，但是值得的。點心款式雖不多，但味道及新鮮度已預彌補要企位的缺陷。若要要求坐得舒服可選擇坐獨立房或小菜廳，雖然要付貴一點的茶錢，但是試過其點心，相信會是值回票價吧。不得不提這裡還有生滾粥，出名河上鮮，記得要點骨腩粥。如果想食魚卜粥就要碰運氣，因很早便沽清。

作為佐敦嘅二十幾年街坊, 順德公係我地經常幫襯嘅食肆之一。對依間食肆, 又愛又恨: 愛, 是因為這裡的出品都很美味, 無庸置疑; 恨, 是他們最好味的食品很早就買完(晚市, 如果沒有預先訂/預留)。今天早晨, 和家人來一齊飲早茶, 發現早晨茶市的出品同樣出色, 而且是街坊價錢, 好抵食。叉燒飽 - 夠熱、餡靚、飽正!馬拉糕 - 甜品適中, 鬆軟!蝦餃 - (必食推介) 饀料豐盈, 用料新鮮上乘 !香滑牛肉腸粉 - 牛肉新鮮好味(冇鬆肉粉味), 腸粉嫩滑, 豉油味道適中。燒賣 - 是手切豬肉, 非一般大陸攞貨可以媲美。好滿意! 會再多啲幫襯。