順德公漁村河鮮酒家

營業中

休息中

補祝媽媽節快樂🎉因為屋企人就我收工，所以特登搵咗佐敦一間中菜食河鮮。呢個魚頭湯，湯料十足，而且好濃郁，飲完都熱血沸騰。之後上菜有一個魚卜煲，上菜的時候超級香，好有鑊氣，而且個魚湯好黏口之後再嚟一個咕嚕肉，個皮超級脆，外脆內軟，好食😋 之後個鱔，非常新鮮彈牙，雖然有少少魚骨，但真係好好味蒸污糟雞個味道好特別，個味道好似曾相識，但未能形容得出嘅感覺梅菜蒸菜遠，個菜同梅菜好配合，而且個菜心好爽好清甜，每食一啖都覺得好好味，真心覺得屋企人今次揀得好好

一行幾人來試試這個河鮮晚餐，這裏裝修唔算新淨，絕對有十幾廿年老店嘅痕跡，地方非常寬敞枱與枱中間都有適當嘅空間，先來一個天麻雞湯使唔使咁多份量，飲咗一細碗唔到兩分鐘已經開始出汗，大熱天時飲啲咁嘅嘢係咪玩呀，係咪太多補品定係我個人太虛，隔咗一輪最多都係飲多半碗唔敢再飲得多，到最後係仲有一半冇人飲，呢一味污糟雞，好滑個汁好特別，佢其實係有加到榨菜，好餸飯嘅餸脆皮咕嚕肉，正正常常不過不失。出面仲有好多海鮮不過我哋就冇食喇食完之後仲去咗夜繽紛行夜市不過得過十幾檔，但係都幾有台灣士林夜市嘅感覺。

朋友介紹這間懷舊豬肚燒賣，唔好話食直情聽都未聽過，回家傾開計原來係好久遠的點心，好 帶老豆去食，今日放假去看看廟街夜賓fun，從來到這間酒樓店面老派如沒人介紹我一定唔會入，座位相對寬敞，衛生不過不失，廁所就麻麻，當然一般蝦餃燒賣都會叫到，主角來了 咁樣衰不過味道算配合，但我不會encore 老豆就食得好滋味，佢話整體都算可以，埋單唔使三舊，走人去行街

今個星期喺佐敦開工，老細話要飲茶，呢間好耐以前都幫襯過，試一試佢飲茶，正正常常，算熱啦可以，都有啲懷舊嘅款式有啲特色，坐位唔算好迫都可以坐得下，嘆下，整體算可以，但呢間嘢主打都係啲河鮮，過幾日夜晚再嚟試試

2023年12月23日在馳名的偉晴街順德公晚餐，最初以為是時間尚早，所以全場只有4枱客， 當然其中一枱就係我哋啦。坐低先去河鮮池揀河鮮，落單要2只象拔蚌做刺身，大魚頭，斤幾重的邊魚。 因為係6人食，所以都有加它們出名的天麻魚頭湯，污糟雞。當餸上枱，只有天麻魚頭湯還可以保持， 其他的食物，真係慘不忍睹，完全唔好食。 食污糟雞肉係霉嘅。 落單要斤幾重的邊魚，結果條魚非常細條，肯定不足一斤重嘅魚。最大鑊係象拔蚌刺身，明明上枱是1只，蚌殼都只有係1個，都死口就係有2只象拔蚌！ 當然都係收2只錢啦！ 做食肆做到要呃人，真係唔會諗去幫襯囉。仲要係臭名遠播

呢間不知所謂嘅食肆，一去到已經sale魚頭湯，你一日未訂就好殷勤招呼，卒之煩到落搭，跟住第二sale係鮮魚類，我地話未人齊未知食咩魚，就每隔5分鐘就再問你，卒之煩到我地唔就範，只叫咗一窩魚頭湯，5碟小炒，點知唔叫鮮魚嘅後果係。。。沖茶自己加水，伙計叫都唔埋你張枱，等2個半鐘只嚟得3碟餸，仲係逐碟嚟，催九萬幾次都係敷衍了事🤬遲嚟過我地嘅隔籬枱已經轉咗2批人，我地火都嚟埋要埋單唔食🤬另外講吓碟西蘭花炒帶子淡而無味，帶子每粒開半，數埋唔夠10粒(半邊)承惠$200，3個小炒+魚頭湯$1100，奉勸各位如幫襯冇錢食海鮮，千祈唔好幫襯🤬窮人止步🤬

根本狗眼看人低，見到熟客或者有錢人就係到好聲好氣，新客人就不理不睬，提出要求都當你無到，只係正常要求將條大魚一開二，就話做唔到，強迫性咁叫你要多條。但相反，係熟客嘅話就咩都可以，咩都做到。唔理解點解可以咁，本身係餐生日飯，想開開心心咁食，比佢搞到無心情食，下次唔會再嚟！😡

食店乃老字號，應越深得客人愛戴，繼續光臨再光顧，如您們想試，要小心他們的價格沒有標示清楚的您只可以問，但未必得到確實的價目，要小心！您下單他們說是否要加大不要例牌，您不會得到價目佢冇喺Menu度寫加大幾多錢？佢亦都唔會答實你係幾多錢只會係說二百多元就不知是200頭定200尾，要小心！你點海鮮嘅時候佢唔會稱俾你睇你點嘅海鮮有幾重呢！要小心！ 我哋一行八人 ，叫咗兩隻象拔蚌佢單據寫咗一隻，店內的一位阿姐經理 會辯稱電腦的記錄永遠都是無論你order咗三隻五隻佢電腦單都話出一隻，但最終炒出嚟係一隻，價錢就收您兩隻每隻$880，象拔蚌嘅份量，我哋八個人都認為是一隻的份量，買單嘅時候就收咗1660，我哋見到張單寫一隻同個阿姐講話我哋叫咗兩隻佢繼續跟進最後嚟咗一隻嘅份量，因為嗰隻象拔蚌$880係非常之大兩隻應該不至於份量這麼少，呢一點可能你哋覺得存在有不清楚之處有爭拗點，但如果你想去試呢一間店必須要小心呢一個我們的經驗， 買單嘅時候當然要check好張單，但係佢會幫你+2罐汽水落去你張單度你唔睇單可能有其他嘅問題出現。

睇完戲一行九人揾嘢食，經過佐敦既順德公漁村就即管睇下收爐未，嗰時都差唔多晚上10時，好在都肯做埋我地依枱客。之前係觀塘食過幾次都覺得幾唔錯，但觀塘店close 左之後好耐都未食過了，但因為都近收爐時間，好多想食既款式都已經無晒，最後就隨便叫左幾樣餸，名字都不太記得了啫啫鱔煲夠晒惹味，可惜太夜無晒白飯咕嚕肉粉漿幾厚，外表亦唔算脆，味道正常但口感一般小炒王係用我最鐘意既甜豆嚟炒，配上蝦仁，蝦干，腰果等等，好味外母生炒魚餅豬爽肉，臘肉，豬肉同魚餅都係惹味嘢，芥蘭亦炒得剛好，不錯蒜蓉炒菜心，火喉恰到好處，簡單好味不清楚叫甚麼名既炒飯，似係有薑粒加蝦仁菜粒，不過火喉十足飯粒分明，極有鑊氣，意料之外既美味

今晚同大嫂去食飯，叫左個頭腩，味道係可以，但得幾舊肉同馬蹄，承惠840，一個炒聖子加幾個甜豆，承惠880，乾炒牛河118半隻雞188，白飯2碗，茶位72，花生13加一服務買單2353，唔知食左滴咩，環境一般，服務一般，感覺好唔抵，唔會再幫襯

疫情加上限聚令,真係好幾年無約一班朋友出嚟聚一聚。這家酒家主要食順德菜,食物質素都唔錯。✨蟲草花天麻魚頭湯✨夠曬火喉,蟲草花天麻魚頭湯,適合女士飲用,好濃郁又滋補,值得推介。✨順德金牌銅盤蒸污糟雞✨上枱就已經聞到好香,蒸嘅時間啱啱好,食落雞肉又嫩又滑,個汁仲好好味。✨順德酥炸蜆蚧鯪魚球✨炸得冇過火,魚肉爽口彈牙,蜆蚧雖然鹹,但好味,賣相又靚。✨籠仔梅菜蒸菜心遠✨籠仔底部有荷葉,上面放咗菜心和梅菜,菜心清甜又新鮮,份量都多。梅菜唔鹹.食落還有陣陣荷葉香味。✨避風塘椒鹽鮮魷✨鮮魷炸得夠香脆.加咗椒鹽一齊炒好惹味。總結而言地方寬敞,枱與枱之間有段距離,環境唔錯。酒家另設有廂房,方便一班朋友傾偈。門外有咪錶,可供泊車,真係適合一家人和朋友聚餐。

打算19/1 同4個多年無見嘅老友食生日飯, 16/1打去book位19:00 4位, 我仲問佢有無荀殼魚, 佢話有, 唔駛訂可到時叫. 18/1 13:52打嚟話四位要食$1600套餐, 唔食就要取消booking, 我問點解訂位時唔講有呢個要求? 我臨時臨急去邊度搵地方食飯? 阿姐話: 你4個人去邊度食都得喇. 我再問: 咁你哋個套餐包咗咩餸? 阿姐答: 一條蒸魚, 一條炆魚, 有個菜芯, 有湯, 一碗白飯. 咩魚又唔講又唔係我想食嗰啲, 最火滾係訂位時唔講, 臨要去前一日至通知, 仲要屈人食套餐, 我食風都唔會幫襯你

順德公水準下降，蛇羹無蛇肉鹹。咕嚕肥豬肉，魚貨不對辦，我們發覺將鯇魚代替鉗魚，糯米飯有益味鬆散，羊肉煲融雪羊肉味道差勁枝竹不入味，老闆敷衍，侍應服務差到不得了，菜單明明有飲品唔叫就無！未試過識得咁唔開心！唔使錢下次都唔去！😩

⭕️短評：專做河鮮的傳統順德菜，部長推介了招牌菜「翅湯枱面魚」。師傅現劏一條「山坑鯇」（河魚），用上湯去生滾。雖較多骨，但魚肉嫩滑鮮甜，沒有養魚的草青/飼料味，湯也一樣鮮甜，沒介紹錯。另外，點了煎釀三寶的始祖，鯪魚球炸得表皮鬆脆；最欣賞蓮藕釀鯪魚肉，爽口的蓮藕和香軟彈牙的魚肉相當配搭，點蜆芥醬更好吃。💵Budget: $300@ (dinner) 📍 順德公漁村河鮮酒家 (佐敦)佐敦偉晴街 24-26 號地

認知的，最出名的就有，因為當地人打確有一手，不過既然來到，自然也想吃得  一點，價值的，只見每樣四件的三款小吃，單看賣相已是吸引，百份百的，味鮮之餘，口感也是彈牙，當混入後，也多出一份脆身的口感，至於則比的出品美味得多，夾上的，亦不違言多出一份爽脆的口感來到部份，內裡有十餘款淡水魚選擇，不過全部以每兩為計算，由$不等，最後經推介，點了這條，還包裝一條的，更有信心說這條的食味，可不輸。這條據知約重約二斤十二兩的，以每兩來計算，合共約七百元……….原本只想清蒸了事，但部長見那魚甚重，加上我們都是，也落力推介一個雙吃的煮法，即然如此，也就恭敬不如從命，結果這接近三斤的，變成這條、與及的菜式。其實已經叫飽，基本上己無需叫菜，卻是未曾品嚐類的菜式，經同意後，也就叫了半隻，可要的價錢。這樣的價錢，吃的自不是，不過蒸得倒是嫩滑，配料除了是及外，還是要讚讚其的功夫，其味不會過鹹及偏淡，亦鮮貨相比下，亦是不太遜色，沒叫錯了。