順德公漁村河鮮酒家

營業中

休息中

提到順德公漁村絕對不會陌生，因為都多年歷史啦，入到餐廳滿有舊時香港漁村特色，可以一嚐傳統的順德菜。巧合地見到餐廳推出了Seafood Loves Sake 嚐鮮配搭的餐牌，貪新鮮就點了揚明四海瓦罉焗魚咀、雪戀明蝦球，配上一支炭酸純米酒。揚明四海瓦罉焗魚咀，用瓦罉將大魚咀爆炒再去焗，表面金黃香脆，內裡仍保留魚的嫩滑和鮮，呷一口米酒，炭酸在口腔中跳彈，香醇而爽怏，同時提升魚頭和醬汁的層次。另外一個雪戀明蝦球，蝦球厚身肉脆，用了特製沙律醬去炒，酸酸甜甜特別醒胃，與炭酸純米酒十分匹配。第一次食順德菜，的確係風味十足，下次或者會帶爺爺婆婆黎試吓！

順德菜從平日常見到的街頭小食煎釀三寶到將近失傳的原條煎釀鯪魚都是順德菜，老爸間中都想品嚐傳統河鮮的家鄉味道。順德菜以粗材細作見稱，而這道揚名四海瓦罉焗魚咀更是不得不試！飼養淡水魚的魚塘買少見少，要找到優質游水的淡水食用魚都不容易，魚頭煎得金黄後再以瓦罉煎焗入味。魚咀吸收了醬汁精華，入口香脆惹味更帶甘香，內裡骨膠原嫩滑。L 怕哽骨甚少吃淡水魚，魚頭更是第一次品嚐，雖然吃的過程要很小心，最後都將整個魚咀拆骨吃掉。店員更建議四個的價錢比兩個抵。醬料將魚頭昇華至另一個層次知道老爸喜愛杯中物，特意選了這個 Seafood Love Sake 清酒配海鮮的組合。醇厚豐富的清酒與魚頭煲這個組合確實幾特別。白川鄉碳酸米酒口感軟綿順滑，氣泡有點像喝有汽梳打，味道甘甜，清酒的氣泡又來自本自身的酵母菌在酒樽內進行二次發酵所產生。雪戀明蝦球，一碟有八隻蝦球，爽脆啖啖肉。沙律醬的油膩感被清酒內的碳氣泡輕輕帶走，清酒的甜味更提升了蝦的鮮甜味。餐館另設廂房，方便安排聚會。

餐牌上大部分的餸都係市價，係超離地的市價$3xx 一條倉魚$5xx 一條邊魚要一條明爐上湯魚，d湯咸到好似鹽水投訴後個廚行出來話加滾水，或者加菜中和下 （沒有提及過要收錢）我們揀加菜，埋單前才知那幾條長椰菜收$100 🐠唔記得影相用一好大的煲載幾條骨，肉質衰過雪藏金沙骨污糟雞用一個超淺的盤，有d部位特別脾位唔見左個天麻燉魚頭只叫雞腳及瘦肉食完一肚氣

這天 在佐敦逸東酒店 Staycation 因為額外多租了一晚住宿 沒有包含早餐 老媽晨咁早 就起身 住係佐敦 就梗係要去 順德公漁村 飲早茶啦！天未光 就開舖嘅酒家 幾乎絕跡咗㗎喇！😋😋好新鮮嘅豬膶粥 🐷🐷豬膶薄切 好新鮮 滾至剛好熟 又軟又嫰 大碗份量足 吃了好滿足 🤤🤤均安煎魚餅 🐟🐟表面煎至香口 咬落有彈性 味道也是恰到好處 👍👍鮮魚片腸粉 🐟🐟腸粉皮薄 新鮮魚片 芫荽 絕配組合 非點不可當然有我獨佔嘅 陳皮香茜牛肉球 薑蔥牛栢葉 🐂🐂食材新鮮 質量達標 好吃正宗大良雙皮奶 🥛🥛酒家少有出品 雖然要價20幾 但工序繁複 很美味蠔皇叉燒飽都好正喎 🥰🥰本地少有以河鮮 傳統點心 順德菜 為招牌的酒家 早市價格親民啊！🥢🥢

🎖足料魚卜粥點心🥰.想當年魚卜依家野係一啲下欄嘢😂冇人識食，今時今日突變貴價🤣🤣好多地方比成百幾蚊都係得十個🙃雖然魚卜有分唔同魚既，但老人家我又冇食得好專😝呢度一碗先係$42 蚊就有6個魚卜🤩真係算抵！佢係煎香左先放落啲粥到，特別香😋.呢度仲有好多點心，岩晒帶埋屋企人黎飲茶，推介好少地方有得食既排骨陳村粉、蝦米腸、黃金糕☺️.#fatfat4ever_佐敦 #飲茶 #fatfat4ever

好耐冇去呢一間順德嘢食！服務態度差！食物水準超低！又污糟！啲服務員推薦你啲貴魚！叫咗一條魚！但好多骨！又唔平！隻污糟雞好難食！芥蘭又難食！尤其嗰蝶椒鹽鮮魷！未食過咁難食！又硬又唔新鮮! 我以後唔會再光顧呢間餐廳！加上個廁所衛生環境差

上載的是手機拍的原圖，日前朋友生日，我們一行四個人就去了美食林立的佐敦順德公漁村河鮮酒家品嚐正宗順德菜新鮮靚河鮮。前菜有 《順德河鮮青口》，每只青口都大大只很飽滿，廚師淖得剛剛熟，非常多汁，點一些日式芥末加醬油帶出鮮味。另一前菜有《爽滑秘製特色魚皮》，魚皮晶瑩半透明，食落彈牙。主菜之一有秘制《少林檀香骨》，醬汁野味肉質嫩滑，用來餸飯一流。期待的主菜《冧哥枱面魚》，用一個好似面盤咁大既鍋裝著 (打卡一流)，湯非常鮮甜，冧哥肉質非常嫩。問左服務員點解啲湯可以咁鮮甜，原來真係落足料，包括：金華火腿、雞腳、瘦肉、翅群、雞殼、魚殼等多種食材，經過多個小時淆製而成。建議先品嚐一碗靚湯，再吃鮮魚，吃魚時點一點醬油即可。吃完魚後還可以在魚鍋中加個米粉，就變成一碗很美味的鮮魚湯米。《隔夜涼瓜炆鴨掌》，隔夜的涼瓜更加入味，涼瓜非常厚肉，鴨掌夠淋口感豐富。《西芹醬爆魚卜煲》，這道菜在外面很少機會吃到，我也是第一次吃，魚卜大大個夠飽滿，鮮香惹味。最後甜品有《順德馳名雙皮奶》，奶非常香，以這個美味甜品作結，非常滿足的一餐。

人生第一次寫負評，只因不想再有人受騙今日被門口的五折河鮮吸引了入去叫了一條子薑欖角蒸邊魚和一盅北菇雞飯味道不錯，但埋單時，兩樣嘢收了三百幾四百元，幸好剛好昨天喺北京樓食過邊魚，今日的魚明顯比昨日的細條，昨日午餐食埋片皮鴨都只係三百元。一睇單，收咗30 兩，邊魚一般只有一斤多少少，何來咗不多兩斤。跟住就話打錯單，係24兩，嘩，一個唔小心計多6 兩，仲寫多一位茶，但剛才條魚咁細，無可能有斤半，經過一輪交涉，才肯改為20 兩，這間餐館非常狡詐，勤喻大家不要幫襯，必要幫襯的話，一定要小心查單，食之前問清楚幾重。但咁唔老實的餐館，我就永不幫襯了。

前兩日跟一班長輩級去食順德菜，由於我都未食過順德菜，所以決定跟隊去試下😎🔹避風塘椒鹽鮮魷 $128 ： 炸粉一啲都唔厚，啱啱好！夠香脆👍🏻雖然係避風塘，但識落唔會好辣😌椒鹽味夠晒惹味！正！🔹千島大蝦球 $168 ： 佢嘅千島醬好好食，一啲都唔酸，蝦球隻隻都好大隻😍仲好爽口👍🏻好新鮮！🔹花膠鮑片扣大玉掌 $228 ：呢味菜係女人都會愛上😂花膠夠晒滋陰養顏😍花膠、花菇、玉掌同鮑片都炆得夠晒腍！夠入味👍🏻🔹濟公生扣野生田雞煲 $148 ：我本身就唔食田雞，但朋友就話好好食😆田雞肉好滑，一啲都唔鞋口！加埋啲蔥落去爆一爆，成煲野真係好香😌🔹少林檀香骨 $118 ： 其實即係我地嘅金沙骨，肥瘦適中，醃得好入味👍🏻夠晒腍，一啲都唔韌😎雖然價錢唔算平，但整體我覺得都唔差！廚師手藝唔錯，每一煲上枱都真係「炸炸」聲，同埋每一樣都真係好入味👍🏻法國藍帶果然係唔同啲😆評分味道：4/5環境：4/5服務：3/5性價比：3.5/5回頭率：4/5

其實唔係第一次嚟，之前飲過茶，好味嘅，亦有兩個人去食晚飯，但兩個人食唔到太多嘢。而今晚係屋企人飯局，所以訂咗餐牌，因為夠多人，可以試到好幾道餸。第一道係招牌天麻魚湯，真材實料，人人爭住飲所以唔記得影相，可食埋啲天麻同埋湯渣，記得一定要訂，一窩例牌都有6至8碗，3至4個人嘅話就叫番窩。第二道係菱魚球，亦係招牌菜，好好食。其他餸都係佢地啲名菜，如果你識得叫，又夠多人一齊食，就可以叫多啲餸，因為佢地嘅份量係幾大下嘅。仲有條蒸魚，唔記得影；小前菜係魚皮，可試。鱔煲 白飯生炒骨應該送白飯蒸雞魚湯菜啲餸可以叫個白飯送下飯，但由於太多餸及又有叫炒飯，所以唔嘥個Quota。值得推介係個蛋白蒸蟹，啲蛋嘅酒味岩岩好，好香酒味，啲蛋又蒸得好滑，同啲蟹一齊個味夾得好，堅好食。佢呢度啲黃金糕都整得好食

成班同事放左工，去食飯，本來想打個邊爐，但係見到呢間河鮮，有個同事話想試下，又好彩啱啱有位，咪試下佢囉。9個人，叫左9個餸，食到飽一飽蜆介鯪魚球，好香口，魚肉好彈牙，加埋蜆介，味道一流，果然係必食推介椒盐鮮鱿，一個字“香脆”，送酒一流啜魚兩味，呢個係蒸魚頭，第一次食呢種魚，味道又幾鮮喎田雞煲，好耐無食田雞，呢個煲味道唔錯，田雞肉又彈又滑啜魚兩味嘅薑蔥魚腩煲，薑蔥暴過之香好香，魚腩鮮咪，不過都幾多細骨，唔係太啱食其他都係普通菜式，味道都可以。

今期推介～鹽水蒸魚～爽脆魚皮今天和親戚一起聚餐，他們選擇了傳統的中菜，我們叫了爽脆魚皮，魚肉煎釀青椒，鹽水蒸魚，煎釀＂靚＂魚肉。最值得推介的是順德名菜鹽水蒸魚，魚肉肉質幼滑，味道10分不錯。爽脆魚皮最好就是配上啤酒，另外的魚肉煎釀青椒真的很有住家的味道。這間餐廳的食物主打是順德菜式，其實食物質素不錯，餐廳不應該主要目標是自由行的國內客人或者旅行團，如果想打入本地市場應該改一改餐廳的格局，加入創新的元素，去殺出一條血路。

第一次同屋企人塊左呢間中菜食，門口仲有錶位或者代客泊車，所以都好方便！一去到點左條大魚，咕嚕肉同肉鬆水蛋！全部都好好食，所以食左兩碗飯！最緊要係臨走食個雙皮奶！順德出名糖水之一！

因為爸鐘意食粥既關係，以前經常黎食早茶！ 但每次都只會覺到無哂mood! 食物係十年如一日既點心紙，八點鐘黎都有機會食到盅頭飯～ 食物的味道可以，但就無服務可言！呢度既文化係有jetso有服務！呢度既客多數都係上年紀或中年亞叔打躉地方，職員就中年女人！ 黎呢度飲茶自己搵位，但d職員就成日hold 起d枱，叫你入茶皇廳，但入到茶皇廳貴d茶位一樣係無服務！ d職員每逢時節就會sell 你乜券麥券！我父母係長輩，通常有人拎黎都唔需要買！ 一唔買就更無招呼今年新年前，見到個d職員同個亞叔講「買張券啦！」人地個客話自己都有但俾面都買一張貴既雙糕$198，點知仲要迫人買埋佢淨低既券！ 個客既老婆即刻話唔買，仲嬲嬲地！ 第一態度差，唔係好聲氣，佢都有叫我買，sorry 語氣係奉旨咁！ 到新年我地初八先去飲茶，個日服務就唔同喇！ 幫你搵位，沖茶！當然有句恭喜發財！ 個個職員都走埋黎斟茶！不過我地都無派！ 飲餐茶要派幾百蚊！可況係初八，都仲咁厚面皮！ 初一二三都會派下，紅日要返工，初八仲問，仲要平時都無服務！ 今日叫左盅頭飯，得返兩款咁我就都要啦！ 點知有個熟客黎左佢招呼人就拎左俾佢之後就話無哂！呢d情

親戚介紹，成日推介呢間順德公的點心好食終於同阿媽來飲個早茶試試呢間茶樓主要是老人家同熟客食物款式不算好多，但總會有想吃的我們叫了碗滑雞粥、蝦餃、馬拉糕、蝦米腸粉同鳳爪😋蝦餃好大粒，好多蝦肉，好味蝦米腸粉又是多蝦米，仲要不細，腸粉好滑，又是好吃馬拉糕不是很甜，鬆鬆的，唔錯雞粥多雞肉，有薑絲去味，綿綿的，好吃一間比較傳統的舊式茶樓，但充滿人情味點心熱辣辣，好吃，一定會再來😆