韓雅林

營業中

休息中

最近又去咗銅鑼灣呢間老牌韓燒店，真係每次都唔會失望！食韓燒我通常都鍾意嚟呢度，因為佢哋嘅食物質素一流，環境又寬敞，枱同枱之間唔會太擠迫。適合約朋友聚餐，可以靜靜地傾吓偈。我每次去都必點嘅係**醬油蟹**，味道真係同我喺韓國食嘅一樣，蟹肉鮮嫩，醬油味濃郁，搭配紫菜牛油蛋飯，簡直係絕配！紫菜飯粒鬆軟，牛油香氣撲鼻，令人食得欲罷不能。另外，**牛舌**亦係必點項目，口感滑嫩，燒得剛剛好，加上少少鹽，完全可以凸顯牛肉本身嘅味道。當然，**烤牛扒ribs**更係唔可或缺，選用prime等級，肉質鮮美多汁，燒得香脆，咬落去完全冇咩油膩感。

傳統韓式餐廳嘅裝潢，座位寬敞舒適💯職員非常親切有禮！ 無油煙味👍🏻 半數店員都係韓國人，座上客亦大多係韓國人加上正宗嘅傳統韓國菜，感覺好地道！🧳 有7道前菜，當中我最喜歡煎豆腐、茄子同薯仔，另外仲有菠菜同兩款泡菜～ 🦀 《 醬油蟹 💲250/隻 連牛油飯 》一隻都唔細架，肉好肥美，膏又香嫩，醬油味適中唔會好咸，拌飯食更一流～而飯有蛋漿同紫菜，所以整體幾香～ 🐷 《 蜂窩五花腩 💲168 》燒完唔會韌，肉質爽口～ 🐔《 烤味雞肉 💲148 》 醃得惹味，肉嫩滑燒完都唔會鞋～🥟《 年糕餃子湯 💲158 》 年糕軟腍，餃子好大隻，肉餡都鮮甜～ 最後會送雪糕糯米糍～～服務：呢度好多人嚟慶生🎂🎉 閒日都氣氛好好！食物正宗好味，店員仲好友新善！性價比話，值得一嚟再嚟！

隔幾個月就想食醬油蟹同韓燒😂今次嚟到銅鑼灣韓雅林，相當滿意。地方好寬闊同朋友傾偈食飯非常舒適，最鍾意食嘅韓國前菜多達八款。正👍醬油海鮮拼盤 -衣個拼盤好吸引，有齊醬油蟹、醬油蝦同鮑魚，全部都好鮮甜。醬油蟹🦀好大隻，充滿着蟹膏，蟹肉好嫩滑!醬油蝦非常驚喜，超大隻，蝦肉彈牙食得出好新鮮，鮑魚口感Q彈鮮甜，好入味，醬油的調味恰到好處，唔會太鹹，配上紫菜蛋飯，真係食唔停口！超適合與朋友分享。烤五花肉🥓我覺得烤五花肉係食韓國嘢必食！亦都係呢間餐廳必試之選。店員會幫你燒，所以唔驚太老或者唔熟😆 肉質肥而不膩，烤得外脆內嫩，無論是直接吃還是搭配生菜包，都好美味。每一口都能感受到肉的香氣，令人回味無窮。佢哋仲有多款韓國酒供應，價錢都非常相宜，食住烤肉再配soju , 真開心🤣

星期日同朋友出街，行到天黑就開始肚餓，想去間坐得舒服嘅餐廳食晚飯😋朋友話有間喺銅鑼灣廣場一期嘅韓國餐廳好想試，所以就決定去試啦🇰🇷入座點咗餐冇耐就送上好多前菜，好開胃😋韓雅林醬油蟹(1pc) $250————————————一件醬油蟹都夠肥美，夠晒我同朋友兩個人分🦀醬油蟹最緊要新鮮，餐廳表明每日新鮮製作，隻蟹爆晒膏，蟹肉鮮甜，陣陣醬油鹹香。餐廳送上牛油飯，個飯爆多麻油紫菜配上蛋黃，個人認為，醬油蟹拌飯食係個精粹🤤啖啖都好濃郁好香😋海鮮蔥煎餅 $138————————————超大份煎餅！超足料，蔥香滿滿，加上甜椒🫑仲有粒粒海鮮！煎餅好焦香，尤其係餅邊特別香口。香辣韓牛肉湯 $165————————————大大鍋又超足料！牛肉一絲絲，份量都頗多，配菜有金菇、蔥等等，配個白飯，好暖胃。Makgeolli米酒 $120————————————用壺上米酒好有feel🫖 酒精味唔會太重，有甜甜嘅米香，微微嘅碳酸氣泡感，好Smooth嘅感覺。

“醬油蟹&牛油飯”($250/1pc)“生拌牛肉拌飯”($258)“蜂窩五花腩”($168)“烤味雞肉”($148)想食地道韓國菜去銅鑼灣就有啦😛呢間韓雅林超級多韓國人嚟食嘢周圍都聽到韓文好似去咗韓國咁🤣食物選擇當然都夠哂多必點一定係我嘅最愛醬油蟹🦀😍一隻醬油蟹連埋飯先$250好抵隻蟹仲要大大隻,啲膏爆多又鮮甜🤤另一道係我都好鍾意嘅生牛肉拌飯🐂生牛肉加埋蛋黃撈勻後好順喉😋其他配菜有水梨,紫蘇,蘿蔔,椰菜等加上辣醬之後就更惹味🌶呢道都有提供各款嘅燒肉有套餐亦都有單點我地就叫咗蜂窩五花腩🐷,烤雞肉🐔點燒肉都會附上生菜同大醬👍🏻五花腩大大一條,燒好後脂香十足好正😍而雞肉本身已經調咗味食落甜甜地又夠哂嫩滑🥰

銅鑼灣醬油蟹滿滿前菜韓國餐廳推介🇰🇷1. 醬油蟹&牛油飯 $250隻蟹鮮味十足 肉質十分鮮嫩 醬油少少咸香 啲蟹膏十分香濃 撈埋個飯食十分滿足 2. 海鮮蔥煎餅 $138大大個 入面食到好彈牙嘅魷魚 啲韭菜煎得好香口 食落好惹味3. 韓式煎餃 $98超大隻 有半個拳頭咁大 外皮炸得十分酥脆 入面滿滿嘅肉同菜 係幾飽肚嘅小食4. 蔘雞湯 $228雞湯十分濃郁 仲有成條蔘係到 飲落好smooth 好暖胃 又有好大隻雞食 仲有啲粥底咁 冬天食一流 飽肚又滿足📍韓雅林 (銅鑼灣)銅鑼灣軒尼詩道489號銅鑼灣廣場一期6樓

時不時會突然想食某d美食，今次突然想食醬油蟹，搵左幾間之後決定揀呢一間。.係銅鑼灣鬧市區，裝修好傳統韓式feel。前菜好多而且地道好味😋 食前菜就已經知道餐廳嘅料理一定唔會差。.🌸醬油蟹 $280隻醬油蟹醃到啲蟹肉入味到極，一啖咬落去，滑溜到好似食緊啫喱！d醬油鹹鹹甜甜，仲帶啲蒜香同辣椒嘅微微辣勁，啖啖都係海洋嘅鮮味。.撈係牛油紫菜飯度，啖飯連埋啲蟹肉一齊食～鮮味爆燈。.🌸辣炒八爪魚🐙八爪魚熱辣辣好彈牙，份量都唔少，有兩團麵條可以撈埋辣汁一齊食，超級好味😋.🌸辣炒年糕年糕雖算普遍，但真唔係間間都好食。呢間嘅年糕算我食過咁多以來，排名靠前。d年糕煮到啱啱好，外層軟淋淋，咬落去「煙煙韌韌」，有啲似咬緊啲軟糖，但係又唔會黐牙。每一條年糕都吸晒啲辣汁，美味至極。好推薦！

📍 今日去咗銅鑼灣一間高級韓國料理餐廳，可以一邊享受美食，一邊欣賞銅鑼灣嘅戶外美景- *海鮮蔥煎餅* ：煎餅外脆內嫩，蔥香四溢，加上鮮美嘅海鮮，口感豐富，🦐🦑- *醬油蟹* ：蟹肉鮮甜多汁，醬油嘅鹹香味道滲透到蟹肉中，每一口都充滿濃郁嘅鮮味，非常滋味。🦀紫菜蛋白飯一齊食，醬油蟹嗰醬汁撈埋啲飯真係百感交集滋味無窮- *鮑魚人蔘雞湯* ：湯底清甜，雞肉嫩滑，加上鮑魚嘅鮮味同人蔘嘅滋補，味道非常豐富，令人回味無窮。🍲

小菜大讚！🤩落咗單，店員就會上總共七款嘅小菜，仲多過部份韓國嘅餐廳，仲要款款味道都好出色，特別鍾意薯仔、泡菜（脆嗰款）、茄子、菠菜、豆腐 （其實都真係講晒咁滯😂） 雖然唔可以無限添加，但係都可以揀兩款小菜各添加一次👏 醬油蟹（牛油飯免費） $250（1pc）12月喺韓國食完一直都念念不忘，見到有得食，梗係叫一隻試吓啦🙈 呢款醬油蟹醬有冇咁鹹同埋冇咁濃味，夠甜味。蟹膏肥美滑溜溜，夾埋紫菜飯一齊食一定係指定動作，所以唔使額外加錢叫飯佢都算識做！🙊紫蘇油煎豆腐 $128豆腐狂朋友點嘅，豆腐係煎得外皮帶有少少焦香，而內裡嫩滑嘅，紫蘇葉嘅香氣滲入豆腐，但唔算好出，正正常常，配埋醬汁就濃味啲。6嚿都幾大嚿會飽🤣蒸雞蛋羹 $80雞蛋羹好足料，有唔同蔬菜，亦都好大碗，蛋味濃郁，好香烤同麻油味，唔水，熱辣辣好暖胃😋不過，火喉要再掌握好啲，個底有輕微嘅焦。海鮮蔥煎餅 $138足料，唔粉，大份，推薦🤩煎餅外皮煎得好香脆，內裡帶有彈牙嘅海鮮，材料豐富，有蝦肉、魷魚同青蔥等。煎餅厚薄適中，唔會太油膩，配埋特製嘅醬汁一齊食，酸甜微鹹，味道更加突出！海鮮嫩豆腐鍋（有飯） $158一樣推薦☺️ 湯底鮮，辣度啱啱好，唔會

天寒地凍，真係勁掛住韓國嘅人蔘雞同埋韓國嘅地道菜醬油蟹。既然係食韓國嘢，梗係搵返一間地道嘅韓國餐廳黎食。銅鑼灣呢間由門口已經感受到個轉風！今日個餐由豐富前菜開始🤩然後我哋就嗌咗呢幾樣嘢嚟食：🦀韓雅林醬油蟹 - 呢度嘅醬油蟹大大隻、爆晒膏，黎到見到已經係哇一聲🤩跟埋隻蟹黎嘅仲有牛油飯，跟足韓國傳統食法，牛油飯加埋蟹膏、麻油、醬油一齊黎食，越食越香，食到舔舔脷😋😋🐤蔘雞湯 - 天寒地凍嚟講，呢個又係另一個必叫。呢個蔘雞湯雞入面有糯米、人蔘、紅棗等等，燉煮後嘅糯米吸收咗雞湯同人蔘嘅精華，而且仲有紅棗嘅清甜，香而軟糯，食完個人即刻暖晒😚🐷藥膳菜包豬肉 - 烤好嘅豬肉連同泡菜、蒜片、青椒同生菜一齊食，減膩之餘又食到大量蔬菜🥬🦐香蝦煎餅 - 個蝦餅連蝦一齊煎，配埋個酸酸甜甜汁，真係一流！🦀韓雅林 (銅鑼灣)📍銅鑼灣軒尼詩道489號銅鑼灣廣場一期6樓

相約很久不見的舊同學吃飯，選擇銅鑼灣一間坐得舒服的韓國餐廳，由韓國人主理，我很喜歡這些傳統韓國料理的餐廳。前菜前菜共有七小碟，包括兩款泡菜、薯仔、豆芽、茄子、菠菜和煎豆腐。泡菜的酸辣味道正宗，其中一款較爽脆，薯仔甜香，豆芽清爽，茄子清新，菠菜翠綠，煎豆腐外皮金黃酥脆，內裡細嫩。醬油蟹 紫菜蛋黃飯 $250醬油蟹是今晚的重點，朋友原來第一次吃，體驗不錯，我覺得這裡的醬油蟹特別鮮味，生味較少，蟹同時有淺啡色和橙色的膏，香濃鮮甜，附上紫菜生蛋黃拌飯，撈蟹膏一起吃味道更平衡。莞島鮑魚參雞湯 $250人參雞湯再加鮑魚，不得不說，真懂享受，店員幫我們剪開雞件，湯頭濃郁，鮮美可口，鮑魚肉質鮮嫩，參雞肉質細嫩，滋補又美味。湯底融合了多種滋補食材的香氣，每一口都是享受。石鍋拌飯 $150賣相色彩繽紛，食材豐富，包括炒過的肉碎、冬菇、紅蘿蔔絲、翠肉瓜絲、豆芽絲、菠菜、白蘿蔔絲和一顆生蛋黃。將材料拌勻就可食，它的口感豐富，肉碎香濃，冬菇鮮美，蔬菜清爽脆嫩，蛋黃帶來香氣，還有少許飯焦，很滿足。這個飯還配了小碗牛骨湯，香甜美味。青梅茶$48帶有些氣泡，清新解渴，大大杯二人分享也可以！總結由前菜到主食，每一款菜式

朋友帶到老字號韓國餐廳 「韓雅琳」餐廳裝修傳統韓國風格，餐廳店員大部分係韓國人，店員十分好會幫手燒肉，好似去到韓國有亞豬媽服務殷勤好快送上7碟泡菜醬油蟹配牛油飯（1隻）$280醬油蟹會送上紫菜飯，上碟有爆膏蟹非常吸引！醬油蟹蟹肉鮮味帶有微微醬油香，店員會幫手擠出蟹肉伴紫菜飯，伴飯入口非常鮮甜美味韓牛肉眼牛扒 $398店員會幫手烤肉唔會over cook，韓牛油花纖細且均勻分佈有如羽毛般的細緻，入口肉質有彈性嚼勁油脂豐富牡蠣石鍋飯 $188牡蠣石鍋飯係冬天限定，用特製鍋煲飯，上枱時打開鍋蓋，蒸氣會噴出，非常特別鐵鍋仲帶儀式感！新鮮牡蠣鮮甜，配上韓國米入口暖笠笠，加上少少醬油，說不出溫暖美味，非常適合冬天食最後店員雪糕糯米糍，為午餐畫上完美句號.Menu

韓雅林🇰🇷我一向都好鍾意食韓國菜，今次同閨蜜去左位於銅鑼灣嘅韓雅林Han Ah Rum Korean Restaurant食正宗韓國料理。餐廳環境好舒適，傳統韓國菜館的格調，地方好寬敞，仲有好幾間VIP 房，適合一大班朋友嚟食飯聚會。另外多張深木系格調的卡位，真係坐得好舒服，加上呢度嘅抽油煙設備好好，基本上都看不到有油煙👍🦀醬油蟹（$258/隻，原價$300）係我食韓國料理必嗌的項目，韓國直送嘅醬油蟹大大隻，橙色蟹膏滿溢，肉質非常鮮嫩帶甜，醬油唔會死咸，配埋附上的紫菜蛋汁飯，撈埋蟹膏同蟹肉一齊食，係我喺香港食過咁多間最好食嘅醬油蟹👍🤩🐔韓式炸雞（$158）我哋揀咗原味嘅韓國炸雞，份量都唔少，雞炸得夠乾身，不油膩，外脆內嫩夠juicy，一口氣吃了三大件😅🥣韓式粉絲（$158）五彩繽紛的韓式粉絲，相當吸引。粉絲夠軟滑，紅蘿蔔甜而帶爽，加上蛋皮、洋蔥、冬菇嘅香及牛肉的惹味，還有陣陣芝麻香，未食已經流口水啦！☕️柚子茶（$38）🧋薑茶（$38）

嚟緊月頭去韓國，但係心思思好想食醬油蟹🥰去咗銅鑼灣呢間韓雅林！！！地方非常闊落，店員細心有禮！！基本上你想食嘅韓國嘢，炸雞，韓式燒烤，醬油蟹等等！！！應有盡有🥰🤤🤤！！！我就叫咗佢個醬油蟹，$250已經有一隻仲配送埋紫菜飯！！啖啖蟹膏啊！超級正的…..仲叫咗多款韓牛 超好味的 入口即溶前菜有好多種已經好豐富 我就鍾意食佢個薯仔同埋泡菜😬來到韓國餐廳一定要叫泡菜餅食啦脆脆的，仲好大份仲有炸醬麵…..

今日約咗朋友食飯，朋友介紹我到呢間韓雅琳韓國料理餐廳，餐廳環境好大，溫馨而雅致嘅裝潢好有韓國食店嘅風味，柔和嘅燈光和舒服嘅座椅令人可以很舒服享用晚餐。我哋叫咗醬油蟹，大醬湯同半半炸雞🦀醬油蟹：蟹肉鮮嫩，既有海鮮嘅鮮味也有醬油嘅鹹香好入味 ，醬料加入蒜頭同辣椒更添層次感，醬油蟹仲會跟牛油飯簡直係絕配。🍲大醬湯：大醬嘅發酵味道恰到好處，不會過於鹹膩，湯中材料豐富又新鮮，豆腐柔嫩，加上洋蔥嘅甜味和辣椒嘅微辣剛好，唔會搶咗大醬湯嘅鮮味。🍗半半炸雞：半半炸雞包含兩款口味（原味，甜辣），炸雞外皮黃金酥脆肉質鮮嫩，原味部分調味恰到好處，甜辣味醬汁香甜微辣，大大碟啖啖肉！