韓兄弟燒烤

營業中

休息中

通常到這條街的日本料理店。而今天我倆到此很有韓風的韓式料理店一嚐韓國燒烤。店員先端上前菜及把蛋汁及芝士粟米放在烤爐兩端作小食。到這裡必嚐燒烤吧😜今天經濟點吃豬吧！精選豬肉套餐A $290內有五花腩肉、梅頭肉及特級豬頸肉店員教我們先由五花腩肉開始吃，跟著是豬頸肉，最後是梅頭肉。按這個次序，會更有層次感。特色梅頭肉泡菜湯配白飯$68 很實惠😍Wow!😍我最喜歡的芝士蛋卷$96十分好吃😋👍🏻這間店的負責人相信是能說流利廣東話的韓國先生，十分有禮貌！而此店內不斷播K-pop music，加上裝修，很有韓風。

崇潔街其實係紅磡既一條食街，不過唔係特別鄰近地鐵站既關係，比較少人會特別過黎呢邊食野😳不過作為紅磡人，兼且每星期都黎呢度幫人補習，所以都幾經常係度出沒同覓食😛呢日補完習後去左食韓燒，首先有韓國餐廳一貫既前菜，醃青瓜、醃蘿蔔、泡菜、芽菜、魚糕、薯仔🥔👁‍🗨 精選豬肉套餐A（7.5/10）💲290/400g首先爐邊倒滿蛋漿、粟米、芝士，見啲蛋漿唔係好凝固到之後就變左泡沫，後尾睇番其他人話原來要半熟就食，嗰陣會係最滑狀態，我完美錯過左嗰個時刻😭不過芝士粟米夠曬邪惡，可以比我補返數🌽套餐包三款豬，全部紋理都靚😍生五花腩肉，見到比平時既薄身，理論上亦都較快熟，食落半肥瘦，中間會有啲軟骨位😛特級豬頸肉都幾厚切，脆邊夠香口，肉質幾有彈性🥩梅頭肉係最大塊同厚身，肉質嫩豬味濃，配埋生菜、洋蔥、菇清新一下🍄👁‍🗨 海鮮純豆腐辣湯（7/10）💲68雖則望落好紅，而且帶點油光，不過其實唔太食得辣既我，一早叫左少辣，食落唔太辣，味道剛好可以接受🤭海鮮有蝦、蜆肉、八爪魚🐙身型相對地細小，所以需要花少少時間尋覓佢哋😂但係豆腐夠嫩滑，仲配有冬菇、金菇菜、流心蛋🍳配埋個飯都唔錯👁‍🗨 芝士泡菜煎餅（7/10）💲98煎餅

位於紅磡祟潔街的韓兄弟，聽說是一間韓國人主理的餐廳。門面及店內均十分整潔，門口還有一組巨型魚缸，海產都非常生猛！閒日未夠7點已經坐滿了大半，相信到周末和假日會非常旺場！店內的裝飾充滿韓式的感覺，這兩幅圖示亦相當可愛。先來的是韓式頭盤，泡菜夠酸夠開胃！蘿白片和青瓜片又薄又爽口！薯仔腍滑軟甜，很有驚喜！店員為我們加入爐邊蛋和芝士粟米，芝士粟米又香又甜，而且仲充滿牛油香，正到無朋友！特色梅頭肉泡菜湯 $68泡菜湯濃郁得有點像羅宋湯！味道酸中帶微辣，非常開胃，內裡的梅頭肉十分腍滑，撈埋白飯一齊食真係一流！不愧為廚師推介！海鮮煎餅 $98賣相精美，而且預先切開了9份，方便客人食用。比一般的煎餅香脆，不會出現吃粉漿的感覺。精選豬肉套餐A $290套餐有五花腩肉、梅頭豬扒和特級豬頸肉，仲有一棵精美松樹添！特級豬頸肉煎香咗之後，又爽又Juicy，點面豉醬同辣醬都好夾！五花腩肥大肉厚，仲要長過個爐！燒到出晒油，油份令腩肉充滿光澤，令人垂涎三尺！腩肉入口香甜，肉味濃郁，而且充滿油香，真係十級邪惡！用生菜包住黎食嘅話，可以增添一點爽脆的口感和清新感，亦有助減低邪惡度。

有好一段時間沒有吃韓式烤肉，今晚來到朋友介紹的這家韓兄弟燒烤，位置在紅磡崇潔街，餐廳不論裝潢、店員、食物都令人彷彿置身韓國。餐廳主打韓式燒烤，有豬肉、牛肉、海鮮可選擇，另外亦有近年大熱的韓式炸雞及各式主食。韓式六小碟甫上座韓籍侍者立即奉上六小碟韓式前菜，好讓我們邊吃邊選菜。生五花腩肉韓式燒烤不可或缺的五花腩，五花腩必須有肥有瘦，更宜厚而忌薄，唯有肥瘦均勻而又厚近半吋者，才有肉汁豐盈，甘腴可口之妙，大火烤炙將油脂逼出，烤至肉酥皮脆，再以奉送的生菜及韓式大醬包裹送入口，脂爽肉軟，滋味非凡。牛肉胸叉肉牛肉比五花腩較少脂肪，但卻多出豐厚的牛肉味道，紅肌白理，脂肪分佈勻稱，輕輕烤個幾十秒即可，切忌烤過熟以致肉汁盡失。芝士粟米/烤蛋同樣奉送的芝士粟米和烤蛋，則為味蕾帶來新鮮感，味道溫和的烤蛋滑膩柔美，芝士粟米入口香甜美味。原味/甜辣醬炸雞敵不過炸雞的引誘，炸雞外皮香脆，內裡嫩滑可口，原味可以仔細品嚐到軟嫩雞肉的豐盈肉汁，甜辣醬炸雞酸甜適口，醬香馥郁，味道微辣。牛肉大醬湯鹹鮮香辣俱全，不但十分美味而且層次豐富細緻，純粹天然眞味，沒有味精，有大量牛肉、豆腐、蘿蔔等材料，十分下飯。

同韓藉人士共晉晚餐，佢帶左我來呢間。在紅磡神神祕祕的巷仔，原來係多年前好 hit 的日本街。現在日本料理店少左，反而成就了五花八門的各國特色餐廳。佢地頭，order 食物當然由佢發板，響佢忙碌的時候，而我就專心食附上的頭盤小食。有酸蘿蔔、芽菜、豆腐皮、醃青瓜同辣泡菜等，應有盡有十分精緻。原味炸雞+甜辣醬炸雞 $160大叔叫左韓式炸雞，係兩溝的。原味混有辣粉，入口好香脆好惹味，我會用 crispy 來形容。新鮮炸起，難以形容的好味道，個人覺得仲正過響首爾外送果D。辣味雞用上了韓式甜辣醬，多了一種甜甜酸酸的味道。醬太多，而炸雞反而冇咁香脆了，都係原味好食D。精選豬肉套餐 （五花腩肉 +梅頭肉 +特級豬頸肉）$290韓燒是主打，order 了燒豬肉套餐，件件豬肉都好精神，齋睇都令人眼前一亮。首先燒最肥最正的五花腩，好鬼香。用來包生菜食，加點特製醬油，油脂豐膩燒得有點脆口，是無敵的。然後再燒梅頭肉，厚肉唔韌好有豬味。旁邊仲有煎蛋，同埋芝士粟米，要趁嫰食，overcook 會乾曬。最後是特級豬頸肉，油脂如雪花般的分佈，食起來好爽囗，好好味的口感。我覺得係三款之中最正，還在回味。特色梅頭肉泡菜湯

今日過咗紅磡行街，行到差唔多晚飯嘅時間，突然想過去崇潔街嗰邊度食嘢，因為以前喺呢邊返工知道崇潔街入邊有好多美食，所以決定從臨舊地😂，去到果然同以前無變，好多唔同嘅嘢食，最吸引我眼光嘅就係呢一間韓兄弟燒肉，喺門口睇下佢個餐牌，發現都唔錯價錢又唔係好貴，所以決定入內試吓，入到去裝修非常韓風，同埋好闊落，服務生亦非常有禮貌，1）辣章魚🐙，好新鮮同好爽口，2）牛肉大醬湯，味道剛剛好不會太鹹，3）特級豬柳，好有豬味，不會太靱👍🏻👍🏻，4）sweet & spicy chicken 🍗, 甜甜地又辣辣地好開胃，炸完之後啲雞都仲係好滑，呢個幾好食

趁著萬聖節，重溫主君的太陽撞下鬼， 再次證明大叔都仲係我杯茶， 我想去韓國走一轉呢！！ 現實生活去唔到 ，又要去感受下韓風解毒， 今次去咗公司附近嘅崇潔街， 同事話係oppa主理， 當然要去一。鋪面都幾大， 我估唔到仲有個咁大嘅魚缸。入面啲魚同八爪魚好生猛全部都係韓劇入面嘅鋁臺,好有feel未叫嘢食,已經送上五小碟， 佢連水樽、杯所有嘅餐具，都同韓劇一模一樣， 猶如置身韓國一樣。煎鍋放咗芝士粟米， 另一邊就係蛋漿。傳說中嘅韓牛, 好大塊， 好新鮮，食落去有咬口。極邪惡嘅五花腩， 要用生菜包住先減輕我嘅罪惡感, 食落去冇我想像中咁肥膩,yummy。oppa早餐成日食嘅牛肉大醬湯, 有啲似辣板嘅羅宋湯， 好滾， 成碗白飯倒落去，好暖身。見到餐牌上面有一個蒸蛋， 好奇之下叫咗嚟試， 佢係畀我哋嘅蒸水蛋厚身一倍， 上面鋪咗芝麻同埋葱去蒸。食完呢餐，又解咗少少毒， 返去繼續睇我嘅主君大叔。

約朋友放工一齊去吃晚餐，佢話有間韓燒好地道又好味，不過要行多少少路。 我好耐冇食韓國燒烤，所以一聽到有好介紹，當然幾遠也會去啦！ 原來餐廳在紅磡近土瓜灣附近，如果由黃埔站出要行成15分鐘才到。 不過亦可出地鐡後轉乘小巴，幾個站就到，也算方便喔！一坐下來，即送上6 小碟，每碟味道也不錯，我一下子我就把它掃光。原味炸雞炸至外皮香脆肉仍嫩滑，外層炸粉帶微辣。生五花肉，燒至肥層香脆，用生菜包裹著吃。特級豬柳肉，肉質好稔好鬆軟。部隊鍋麵上好多配料，微辣，好味。

在網上看到這間由韓國人兄弟主理的韓式燒烤，就特意來嚐嚐！一進去非常韓國燒烤店的裝潢，而且還有Oppa招待，瞬間就置身了韓國一樣 哈哈！一坐下就送來六款韓式小菜，有泡菜、荳芽、醃製青瓜、蘿蔔、魚糕和薯仔。每樣味道都很不錯！個人最喜歡魚糕和薯仔！餐廳食物種類有很多，韓燒、炸雞、海鮮、湯麵、蛋卷等等。我們最後選了烤肉(精選豬肉套餐)、牛肋骨湯+米飯和芝士蛋卷！精選豬肉套餐A包括了兩大塊肥瘦層次分明的五花腩，厚切又juicy的梅頭扒和同樣厚身的特級豬頸肉！ 每款豬肉的肉質非常不錯，嫩滑有肉汁又容易咬開！ 而韓燒當然不能少的爐邊蛋和芝士粟米，也是超吸引的，不消一會已經吃光光 嘿嘿！烤肉過後，就來了燉牛肋骨湯！自從在韓國吃過雪濃湯後就非常欣賞韓式湯飯。湯裡除了牛肋骨外，還有有雞蛋絲、白蘿蔔和麵條！嚐一口湯，味道非常清甜，剛好解了燒肉的油膩感！ 最喜歡拿一匙米飯，浸在湯裡，感覺美味又舒服！ 牛肋骨充滿牛味，肉質軟稔！而麵條很煙韌，份量亦不少呢！蛋控又怎能錯過這個芝士蛋卷！一上來就被它的size嚇壞了，真的很巨大 哈哈。雞蛋煎的剛剛好，而內裡的芝士也很多，呈半溶的狀態非常惹味呢！題外話：在付款的位置

今次黎到紅磡食韓國菜~雖然位置比較隔sip，但味道好正宗！入到餐廳，見到唔少韓國人，睇到佢地叫左個豬肉拼盤好似好好味咁，於是我地都叫左碟黎試下🙊個豬肉拼盤有五花腩，豬頸肉同豬排。豬肉質素都幾唔錯，尤其係個豬排，肉質好嫩滑，好容易咬開，用生菜包住食，真係好快食完一啖又一啖。我地仲叫左個活章魚，個侍應唔講以為就咁生食😂我地燒左陣就食，個汁都幾入味，食落都幾爽口。反而個部隊鍋就不過不失，略嫌太多辛辣面，如果俾多d配料會好d😆。

另一半説今日早收工，可以去早前搭車經過的紅磡美食街(原來是崇潔街)，以前很多人到這裡找食的 。住土瓜灣附近的朋友說有間日本菜，有間韓燒都不錯，我說前天已食了拉麵，訂位食韓燒吧! 店鋪蠻大，在門外看有活的海鮮，原來是從韓國直送，侍應們好像都會說韓文。座位是個儲物箱，可以放自己的袋子在下面，不用隨處放。我們只點了三樣餸菜，原來已經很足夠了。沒有想過單是枱上的醃製冷盤，原來已有八小碟。最好味當然是泡菜、然後大豆芽、白蘿蔔也醃得好味。燒烤盤邊加上蛋漿(好像加了奶，香香滑滑)，粟米芝士作前菜，因為很快熟。韓式辣牛肉湯，加上米飯。很多泡菜及豆腐，湯是辣辣哋，牛肉變了做副選，哈哈，美味。鴛鴦炸雞 - 炸雞半隻，甜辣醬炸雞，半隻外皮粉漿不會太多，外脆內腍, 控制的時間剛好。另一半說食炸雞怎麼可以沒有啤酒呢，來一杯生啤吧! 炸雞要襯熱食!精選豬肉套餐。有五花腩肉、梅頭肉與特級豬頸肉，用來包生菜，醃菜，加上韓國辣椒醬，美味可口，因為我們把肉燒得很香脆，其中最好食的是五花腩肉，有肥有瘦沒有根，OK。

韓式料理，午餐有很多選擇，先每人有前菜兩碟，是涼拌芽菜和泡菜。砂鍋雞肉飯+湯，熱辣辣砂鍋內有大半鍋飯，飯面全是雞肉塊，再淋上紫菜碎和奶滋醬，當用長匙把飯餸混合時，和底部的飯焦混和一起吃，趣卜卜又有微甜奶滋醬的味道，雞肉嫩滑，唔覺唔覺就成鍋飯食晒了。砂鍋牛肉飯+湯，牛肉醃得入味，配上洋蔥和畧甜的醬汁撈埋吃，真是與雞肉飯各有千秋，都值得一試。湯有白蘿蔔片和加入大量可胡椒碎煑成，飲時特別覺得滾熱，全身暖晒。部隊碢，有魚片、香腸、午餐肉，都是一般快速食物+辣泡麵的集合體，再加一碗白飯，的確是適合大胃口的食客。韓兄弟半半（豬肉飯），即飯和辣泡麵各一半，喜不同囗感，又唔怕辣的，是一個不錯的選擇。

今日中午諗住喺紅磡食野，見到係食韓國嘢，所以有興趣入去試下， 我點咗個泡菜壽司， 泡菜唔太辣， 平時唔食辣嘅人都可以試下， 另外點咗個芝士牛肉鍋飯，啲芝士熱辣辣，撈落啲牛肉到食，對於鍾意芝士嘅人嚟講，簡直係天堂吖！

我專門為個醬油蟹飯去試的 燒肉是不俗 但份量不太足夠。但個醬油蟹是真的好味道 非常新鮮 很有鮮味 大大舊蟹膏 但如果不配飯的話就有點咸。還有一個地方值得讚賞 這間韓國料理的前菜很豐富很有水準 不錯不錯 下次會再來光顧 每隔一段時間就很想念那醬油蟹飯

通常都係好逼夾，因為租金好貴所以都係好細又擠迫，變相食餐飯都好有壓迫感。但係呢度每張枱同每張枱之間都好闊落，我哋兩個人簡直係坐得好舒服！餐廳可以容納到好多人一齊共同食嘢啊正呀！呢間就係【韓兄弟燒烤】啦！！紅磡的崇潔街,應該很多人都會認識,雖然日本料理出名，但呢間【韓兄弟燒烤】都是一間寶物，因為韓兄弟的老闆是韓國人可以做到很韓式地道的韓燒餐廳，眼看這晚去光顧的坐了不少韓國人和一班慶生的客人，應該是隱世的低調高質的韓式餐廳吧！睇睇餐牌真係好地道既食物啊！叫左四樣食物再加前菜真係食到我地肚脹脹啊！坐低一會店員便送上前菜六小碟：「醃蘿蔔、醃青瓜、韓式泡菜、芽菜、魚蛋、青瓜」作為韓式食物的開端，真係夠晒開胃！同埋每一款都餣得好入味！只係泡菜辣了一點！但係六款確實算多，食完都佔了個胃既小量空間呢...不過我理解到晚係前菜你食得落係可以無限添食！haha!開爐邊係蛋醬、芝士、粟米。呢個配搭，實係包好食既！等佢燒耐啲熟啲，咁就可以將芝士同蛋加埋粟米咁就Perfect嚕！成件事好香口好惹味呢！先到既係特級豬頸肉！比想像中厚切得多了，外面吃的不會是這個厚度吧！但因為豬頸肉算係比較難燒熟既食物，我地就一度傾