韓兄弟燒烤

營業中

休息中

韓風吹了好一陣子， 這類的餐廳也興了一排。今晚吹起秋風，又想食下曳野。先來梅頭肉泡菜湯，酸酸辣辣。叫了一個豬肉併盆，分別有五花腩，豬頸肉，及梅頭肉。 兩片五花腩足足成個燒烤盤咁長！ 夾住野菜及醬汁，氣氛翻哂嚟。 豬頸肉燒後肉質好彈牙！再來芝士蛋捲，好味！配菜小點都幾多。食嘢時還聽韓歌mv，氣氛唔錯， 不知不覺 酒時才發現裇衫上有很多點油漬，相信是燒肉時彈出來的，下次要小心。

久聞呢間韓燒店幾多好評，今晚就來試一試。入到餐廳都是充滿韓國的味道，隔離枱客人是韓國人，而電視播的都是韓國MV。不知不覺間令人感到身處韓國般。餐廳主要食韓燒，但都有好多定食選擇。由於朋友不吃牛肉，我們點了一個豬肉套餐、部隊鍋和煎餅。先來六小碟，十分重口味，尢其是泡菜，味道好像在韓國食，稍微鹹了一點。套餐有豬頸肉，梅頭肉及五花腩。先試梅頭肉，肥膏最少，絕對唔硬，入口鬆軟豬頸肉有咬口，剪開細細舊食會比較爽口。最後係最邪惡既豬腩肉，肥美，脂肪重，一定要用生菜伴食值得一提的是餐廳用的伴醬十分好味。海鮮煎餅亦是一個很好配搭燒烤的食物。薄薄的煎餅配帶甜酸的汁很惹味本身不喜歡食部隊鍋，但最愛垃圾食物的他堅持要食，好吧。好彩呢個部隊鍋的即食麵帶有彈性，師傅亦不會淥到淋晒湯底香濃，仲好足料，總算是一個不錯的部隊鍋

好耐未試过同啲舊同學出嚟聚會，今日终於可以有時間，因為要夾時間和地点，所以選擇咗係紅崇潔街嘅韓兄弟韓國燒烤店，因所在位置距離我公司比較遠，好在有地鉄，去到黃埔站，行十分鐘就到，去到嘅時候同學已到齊了，跟住大家你一言我一語係咁商討食啲乜，我提議問嗰店長啦，大家都冇意見，就問店長有乜推介，佢介绍一個精選豬肉套歺B，一個精選牛肉套歺A，飲品揀咗一支生馬格利(生米酒)洒先到，跟住係出名嘅六小碟侍應先將酒倒落嗰壶内，好特別，米酒味特濃，牛肉都來了，好大件，份量都好多，食入口牛味都好勁，又冧，燒咗一陣，豬肉都來，個人比較種意食豬頸肉，燒得好香脆，配埋啲特別醬汁，特別惹味。最後加多一個韓式炸雞，要嚟送酒，雞件入口有少少辣，簡直冇得顶，飲飽食醉後再約下次食过。

今天是朋友的生日飯局，我們是韓迷，當然選間韓國燒烤試下。所以來到他選的紅磡 《韓兄弟 》食番餐，這間店，由韓國人主理，大叔好好人，佢識講廣東話，入到店內他的裝修會令你覺得身處在韓國的烤肉店內一樣，所以有好多韓國人來吃飯，周邊好多人説韓語，感覺自己去左韓國咁。我們坐下後服務員就為我們先送上各式各樣的韓國泡茶前菜。看了餐牌後我們每人都點了一些東西，服務員先送上芝士碎和粟米。然後就為我們開爐，就在焼烤盤的邊位倒入蛋漿，我們就馬上加入芝士和粟米，第一碟來的就是精選豬肉套餐，這碟豬肉真是非常好味，之後來的就壽星仔最喜歡食的牛肉了，我們叫的是1+A 的韓牛肉眼扒，這塊肉在他憢的時候真是散發出很強列的牛肉味，韓牛的口感沒有日本牛的一咬即溶感覺，帶有質感和牛肉味較濃。這個時候爐邊的芝士粟米蛋也可以食了，這個也很不錯，很快便給我們吃清，我馬上就叫服務員為我們添加蛋漿，隨後再來的就是韓食店必點的炸雞。最後來的就是部隊鍋和芝士蛋捲。整體來說這家是一間不錯的韓國食店，充滿韓味，一解鄉愁。可以再來！

藉著母校的舊生活動，今天有緣可以跟分開咗好多年的大學同學重聚，想當年我哋幾個有咩講咩、有咩食咩、有咩玩咩，課餘後，經常到紅磡崇潔街流連，不過唔係去食嘢，而係去做兼職，幫補生計。活動完結後，舊同學發起，一起去崇潔街瞧瞧，幾個舊同學和應了，便駕車到了崇潔街。當然，當年的景況已不再，可是，我們的興致卻沒有減，還找了一間韓燒店吃飯，再談。店內氣氛一流，很多年青人在這裡聚腳，似足當年的我們 (出糧後，揮霍一點是人知常情)。如今，我們都遭社會蹂躪到發福不少，幸好個個都仍算健康，行得走得玩得食得。其中一位舊同學在首爾生活過一段日子，對食韓燒頗有心德，故此，今餐交由集發板，點了一個精選牛肉套餐A、一個精選豬肉套餐B、一份韓式炸雞、一份芝士蛋卷和一個部隊鍋。韓籍年輕店員好爽手，好快就set up 咗個烤爐和送上多款泡菜，其身手可拍得住那些年嘅我哋。豬肉餐有梅頭肉、豬柳肉、豬頸肉，仲有我至愛嘅五花腩肉。牛肉餐有肉眼扒、牛頸肉、五花腩肉。很快，我們就動起來，燒完牛肉就燒豬肉。牛肉和豬肉都非常高質，尤其是係牛肉的肉味超濃。兩者的肉與脂肪比例好適合韓燒，食到肉香之餘，又可感受到牛和豬的脂肪香。包著生菜來食，多了

通常到這條街的日本料理店。而今天我倆到此很有韓風的韓式料理店一嚐韓國燒烤。店員先端上前菜及把蛋汁及芝士粟米放在烤爐兩端作小食。到這裡必嚐燒烤吧😜今天經濟點吃豬吧！精選豬肉套餐A $290內有五花腩肉、梅頭肉及特級豬頸肉店員教我們先由五花腩肉開始吃，跟著是豬頸肉，最後是梅頭肉。按這個次序，會更有層次感。特色梅頭肉泡菜湯配白飯$68 很實惠😍Wow!😍我最喜歡的芝士蛋卷$96十分好吃😋👍🏻這間店的負責人相信是能說流利廣東話的韓國先生，十分有禮貌！而此店內不斷播K-pop music，加上裝修，很有韓風。

崇潔街其實係紅磡既一條食街，不過唔係特別鄰近地鐵站既關係，比較少人會特別過黎呢邊食野😳不過作為紅磡人，兼且每星期都黎呢度幫人補習，所以都幾經常係度出沒同覓食😛呢日補完習後去左食韓燒，首先有韓國餐廳一貫既前菜，醃青瓜、醃蘿蔔、泡菜、芽菜、魚糕、薯仔🥔👁‍🗨 精選豬肉套餐A（7.5/10）💲290/400g首先爐邊倒滿蛋漿、粟米、芝士，見啲蛋漿唔係好凝固到之後就變左泡沫，後尾睇番其他人話原來要半熟就食，嗰陣會係最滑狀態，我完美錯過左嗰個時刻😭不過芝士粟米夠曬邪惡，可以比我補返數🌽套餐包三款豬，全部紋理都靚😍生五花腩肉，見到比平時既薄身，理論上亦都較快熟，食落半肥瘦，中間會有啲軟骨位😛特級豬頸肉都幾厚切，脆邊夠香口，肉質幾有彈性🥩梅頭肉係最大塊同厚身，肉質嫩豬味濃，配埋生菜、洋蔥、菇清新一下🍄👁‍🗨 海鮮純豆腐辣湯（7/10）💲68雖則望落好紅，而且帶點油光，不過其實唔太食得辣既我，一早叫左少辣，食落唔太辣，味道剛好可以接受🤭海鮮有蝦、蜆肉、八爪魚🐙身型相對地細小，所以需要花少少時間尋覓佢哋😂但係豆腐夠嫩滑，仲配有冬菇、金菇菜、流心蛋🍳配埋個飯都唔錯👁‍🗨 芝士泡菜煎餅（7/10）💲98煎餅

位於紅磡祟潔街的韓兄弟，聽說是一間韓國人主理的餐廳。門面及店內均十分整潔，門口還有一組巨型魚缸，海產都非常生猛！閒日未夠7點已經坐滿了大半，相信到周末和假日會非常旺場！店內的裝飾充滿韓式的感覺，這兩幅圖示亦相當可愛。先來的是韓式頭盤，泡菜夠酸夠開胃！蘿白片和青瓜片又薄又爽口！薯仔腍滑軟甜，很有驚喜！店員為我們加入爐邊蛋和芝士粟米，芝士粟米又香又甜，而且仲充滿牛油香，正到無朋友！特色梅頭肉泡菜湯 $68泡菜湯濃郁得有點像羅宋湯！味道酸中帶微辣，非常開胃，內裡的梅頭肉十分腍滑，撈埋白飯一齊食真係一流！不愧為廚師推介！海鮮煎餅 $98賣相精美，而且預先切開了9份，方便客人食用。比一般的煎餅香脆，不會出現吃粉漿的感覺。精選豬肉套餐A $290套餐有五花腩肉、梅頭豬扒和特級豬頸肉，仲有一棵精美松樹添！特級豬頸肉煎香咗之後，又爽又Juicy，點面豉醬同辣醬都好夾！五花腩肥大肉厚，仲要長過個爐！燒到出晒油，油份令腩肉充滿光澤，令人垂涎三尺！腩肉入口香甜，肉味濃郁，而且充滿油香，真係十級邪惡！用生菜包住黎食嘅話，可以增添一點爽脆的口感和清新感，亦有助減低邪惡度。

有好一段時間沒有吃韓式烤肉，今晚來到朋友介紹的這家韓兄弟燒烤，位置在紅磡崇潔街，餐廳不論裝潢、店員、食物都令人彷彿置身韓國。餐廳主打韓式燒烤，有豬肉、牛肉、海鮮可選擇，另外亦有近年大熱的韓式炸雞及各式主食。韓式六小碟甫上座韓籍侍者立即奉上六小碟韓式前菜，好讓我們邊吃邊選菜。生五花腩肉韓式燒烤不可或缺的五花腩，五花腩必須有肥有瘦，更宜厚而忌薄，唯有肥瘦均勻而又厚近半吋者，才有肉汁豐盈，甘腴可口之妙，大火烤炙將油脂逼出，烤至肉酥皮脆，再以奉送的生菜及韓式大醬包裹送入口，脂爽肉軟，滋味非凡。牛肉胸叉肉牛肉比五花腩較少脂肪，但卻多出豐厚的牛肉味道，紅肌白理，脂肪分佈勻稱，輕輕烤個幾十秒即可，切忌烤過熟以致肉汁盡失。芝士粟米/烤蛋同樣奉送的芝士粟米和烤蛋，則為味蕾帶來新鮮感，味道溫和的烤蛋滑膩柔美，芝士粟米入口香甜美味。原味/甜辣醬炸雞敵不過炸雞的引誘，炸雞外皮香脆，內裡嫩滑可口，原味可以仔細品嚐到軟嫩雞肉的豐盈肉汁，甜辣醬炸雞酸甜適口，醬香馥郁，味道微辣。牛肉大醬湯鹹鮮香辣俱全，不但十分美味而且層次豐富細緻，純粹天然眞味，沒有味精，有大量牛肉、豆腐、蘿蔔等材料，十分下飯。

同韓藉人士共晉晚餐，佢帶左我來呢間。在紅磡神神祕祕的巷仔，原來係多年前好 hit 的日本街。現在日本料理店少左，反而成就了五花八門的各國特色餐廳。佢地頭，order 食物當然由佢發板，響佢忙碌的時候，而我就專心食附上的頭盤小食。有酸蘿蔔、芽菜、豆腐皮、醃青瓜同辣泡菜等，應有盡有十分精緻。原味炸雞+甜辣醬炸雞 $160大叔叫左韓式炸雞，係兩溝的。原味混有辣粉，入口好香脆好惹味，我會用 crispy 來形容。新鮮炸起，難以形容的好味道，個人覺得仲正過響首爾外送果D。辣味雞用上了韓式甜辣醬，多了一種甜甜酸酸的味道。醬太多，而炸雞反而冇咁香脆了，都係原味好食D。精選豬肉套餐 （五花腩肉 +梅頭肉 +特級豬頸肉）$290韓燒是主打，order 了燒豬肉套餐，件件豬肉都好精神，齋睇都令人眼前一亮。首先燒最肥最正的五花腩，好鬼香。用來包生菜食，加點特製醬油，油脂豐膩燒得有點脆口，是無敵的。然後再燒梅頭肉，厚肉唔韌好有豬味。旁邊仲有煎蛋，同埋芝士粟米，要趁嫰食，overcook 會乾曬。最後是特級豬頸肉，油脂如雪花般的分佈，食起來好爽囗，好好味的口感。我覺得係三款之中最正，還在回味。特色梅頭肉泡菜湯

今日過咗紅磡行街，行到差唔多晚飯嘅時間，突然想過去崇潔街嗰邊度食嘢，因為以前喺呢邊返工知道崇潔街入邊有好多美食，所以決定從臨舊地😂，去到果然同以前無變，好多唔同嘅嘢食，最吸引我眼光嘅就係呢一間韓兄弟燒肉，喺門口睇下佢個餐牌，發現都唔錯價錢又唔係好貴，所以決定入內試吓，入到去裝修非常韓風，同埋好闊落，服務生亦非常有禮貌，1）辣章魚🐙，好新鮮同好爽口，2）牛肉大醬湯，味道剛剛好不會太鹹，3）特級豬柳，好有豬味，不會太靱👍🏻👍🏻，4）sweet & spicy chicken 🍗, 甜甜地又辣辣地好開胃，炸完之後啲雞都仲係好滑，呢個幾好食

趁著萬聖節，重溫主君的太陽撞下鬼， 再次證明大叔都仲係我杯茶， 我想去韓國走一轉呢！！ 現實生活去唔到 ，又要去感受下韓風解毒， 今次去咗公司附近嘅崇潔街， 同事話係oppa主理， 當然要去一。鋪面都幾大， 我估唔到仲有個咁大嘅魚缸。入面啲魚同八爪魚好生猛全部都係韓劇入面嘅鋁臺,好有feel未叫嘢食,已經送上五小碟， 佢連水樽、杯所有嘅餐具，都同韓劇一模一樣， 猶如置身韓國一樣。煎鍋放咗芝士粟米， 另一邊就係蛋漿。傳說中嘅韓牛, 好大塊， 好新鮮，食落去有咬口。極邪惡嘅五花腩， 要用生菜包住先減輕我嘅罪惡感, 食落去冇我想像中咁肥膩,yummy。oppa早餐成日食嘅牛肉大醬湯, 有啲似辣板嘅羅宋湯， 好滾， 成碗白飯倒落去，好暖身。見到餐牌上面有一個蒸蛋， 好奇之下叫咗嚟試， 佢係畀我哋嘅蒸水蛋厚身一倍， 上面鋪咗芝麻同埋葱去蒸。食完呢餐，又解咗少少毒， 返去繼續睇我嘅主君大叔。

約朋友放工一齊去吃晚餐，佢話有間韓燒好地道又好味，不過要行多少少路。 我好耐冇食韓國燒烤，所以一聽到有好介紹，當然幾遠也會去啦！ 原來餐廳在紅磡近土瓜灣附近，如果由黃埔站出要行成15分鐘才到。 不過亦可出地鐡後轉乘小巴，幾個站就到，也算方便喔！一坐下來，即送上6 小碟，每碟味道也不錯，我一下子我就把它掃光。原味炸雞炸至外皮香脆肉仍嫩滑，外層炸粉帶微辣。生五花肉，燒至肥層香脆，用生菜包裹著吃。特級豬柳肉，肉質好稔好鬆軟。部隊鍋麵上好多配料，微辣，好味。

在網上看到這間由韓國人兄弟主理的韓式燒烤，就特意來嚐嚐！一進去非常韓國燒烤店的裝潢，而且還有Oppa招待，瞬間就置身了韓國一樣 哈哈！一坐下就送來六款韓式小菜，有泡菜、荳芽、醃製青瓜、蘿蔔、魚糕和薯仔。每樣味道都很不錯！個人最喜歡魚糕和薯仔！餐廳食物種類有很多，韓燒、炸雞、海鮮、湯麵、蛋卷等等。我們最後選了烤肉(精選豬肉套餐)、牛肋骨湯+米飯和芝士蛋卷！精選豬肉套餐A包括了兩大塊肥瘦層次分明的五花腩，厚切又juicy的梅頭扒和同樣厚身的特級豬頸肉！ 每款豬肉的肉質非常不錯，嫩滑有肉汁又容易咬開！ 而韓燒當然不能少的爐邊蛋和芝士粟米，也是超吸引的，不消一會已經吃光光 嘿嘿！烤肉過後，就來了燉牛肋骨湯！自從在韓國吃過雪濃湯後就非常欣賞韓式湯飯。湯裡除了牛肋骨外，還有有雞蛋絲、白蘿蔔和麵條！嚐一口湯，味道非常清甜，剛好解了燒肉的油膩感！ 最喜歡拿一匙米飯，浸在湯裡，感覺美味又舒服！ 牛肋骨充滿牛味，肉質軟稔！而麵條很煙韌，份量亦不少呢！蛋控又怎能錯過這個芝士蛋卷！一上來就被它的size嚇壞了，真的很巨大 哈哈。雞蛋煎的剛剛好，而內裡的芝士也很多，呈半溶的狀態非常惹味呢！題外話：在付款的位置

今次黎到紅磡食韓國菜~雖然位置比較隔sip，但味道好正宗！入到餐廳，見到唔少韓國人，睇到佢地叫左個豬肉拼盤好似好好味咁，於是我地都叫左碟黎試下🙊個豬肉拼盤有五花腩，豬頸肉同豬排。豬肉質素都幾唔錯，尤其係個豬排，肉質好嫩滑，好容易咬開，用生菜包住食，真係好快食完一啖又一啖。我地仲叫左個活章魚，個侍應唔講以為就咁生食😂我地燒左陣就食，個汁都幾入味，食落都幾爽口。反而個部隊鍋就不過不失，略嫌太多辛辣面，如果俾多d配料會好d😆。