韓兄弟燒烤

營業中

休息中

趁著萬聖節，重溫主君的太陽撞下鬼， 再次證明大叔都仲係我杯茶， 我想去韓國走一轉呢！！ 現實生活去唔到 ，又要去感受下韓風解毒， 今次去咗公司附近嘅崇潔街， 同事話係oppa主理， 當然要去一。鋪面都幾大， 我估唔到仲有個咁大嘅魚缸。入面啲魚同八爪魚好生猛全部都係韓劇入面嘅鋁臺,好有feel未叫嘢食,已經送上五小碟， 佢連水樽、杯所有嘅餐具，都同韓劇一模一樣， 猶如置身韓國一樣。煎鍋放咗芝士粟米， 另一邊就係蛋漿。傳說中嘅韓牛, 好大塊， 好新鮮，食落去有咬口。極邪惡嘅五花腩， 要用生菜包住先減輕我嘅罪惡感, 食落去冇我想像中咁肥膩,yummy。oppa早餐成日食嘅牛肉大醬湯, 有啲似辣板嘅羅宋湯， 好滾， 成碗白飯倒落去，好暖身。見到餐牌上面有一個蒸蛋， 好奇之下叫咗嚟試， 佢係畀我哋嘅蒸水蛋厚身一倍， 上面鋪咗芝麻同埋葱去蒸。食完呢餐，又解咗少少毒， 返去繼續睇我嘅主君大叔。