霸嗎拉麵 (金巴利道)

營業中

休息中

經常行經呢間拉麵店，都見到門外有人排隊，雖然對拉麵唔係特別熱愛，但實在好好奇點解佢咁受歡迎🧐叫咗辛辣炙燒豚肉味玉拉麵 ($93) 同炙燒豚肉味玉拉麵 ($88) 各一碗，同一般拉麵店一樣，餐廳供應紙仔，比客人寫低想要嘅麵質軟硬度，亦可以選擇少油、少蔥、走蔥或者走筍，辛辣拉麵仲可以選擇大、中或者小辣，為客人炮製出適合自己嘅口味👍🏻拉麵嘅湯底非常濃郁，有少少「杰」，能夠充分咁掛喺麵上面，令每一口拉麵都有湯底嘅味道😋辛辣同原味拉麵嘅湯底有啲相似，個人認為真係純粹辣度嘅分別，比較之下我更喜愛辛辣拉麵😛另外拉麵好有彈性，即使慢慢食都唔會因為吸收左湯底而變得好「淋」。玉子蛋亦好出色，原隻咁上，一咬開流心效果好明顯👍🏻最後不得不提佢嘅炙燒豚肉，簡直係湯底以外嘅第二靈魂，厚度適中，醬油嘅味道好濃郁，肉質軟滑，入口即溶🤩食完個咁令人滿足嘅拉麵，終於明白點解門口經常大排長龍😉

本身係生酮飲食唔食得澱粉，所以就叫左個炙燒豚肉，淨豬骨湯，海苔同蛋。本身都好怕啲五花腩豚肉好肥，食唔到，但係咬左第一啖之後就即刻有驚喜，好好味！可以一個人食晒四舊😆，仲有個月豬骨湯好濃郁，整體表現都唔錯，下次會再黎食炙燒豚肉。

朋友食完好推介，所以急不及待帶我去試吓，因為我哋大約下午12點去所以不用排隊。最喜歡食拉麵的我今次可以試吓佢哋主打的濃湯底及自家麵條。打開餐牌見到圖上的拉麵已經好吸引，一碗拉麵加$12可以有餃子一碟。羽根燒餃子🥟微焦的外皮，皮薄餡靚，豬肉同韭菜比例剛剛好，非常多汁。粟米粒（加$10）粟米粒非常甜，份量亦不少，一大碗起碼有三人份量。濃厚豬骨豚肉玉子拉麵 $88當店員放低碗拉麵，第一時間當然試一啖濃湯底，湯底非常濃郁，不停地飲多幾啖，糖心蛋亦好好食，一咬開糖心即時流出，厚厚的豚肉肥瘦適中，它們的自家製麵條軟硬度剛剛好，真係食得出是自家製同一般拉麵店的好唔同，都幾彈牙，非常滿足。果然係得獎店舖。

下午茶時間行過尖沙咀，見到平時排晒大隊既"霸嗎拉面" 唔使等位。好耐之前食過一次，印象唔錯，呀妹未食過，所以同佢再食。我揀左"灸燒豚肉拉面"($83), 妹要左"辛辣灸燒豚肉味玉拉面"($93). 個人認為霸嗎既湯底唔算特別突出，佢既亮點應該係個塊厚厚既灸燒豚肉上。豚肉有炭燒過既味道，加上肥瘦相間，一口咬落中滿口油香，呢樣亦係佢可以係眾多拉面店中stand out 既原因。辣度方面，雖然碗辛辣口味既面紅噹噹，但都唔算勁辣。配料個度，半熟蛋既味道都ok, 建議其中一個人可以嗌味玉，一人一半就可以share 粒味玉，過下口癮。

霸嗎拉麵系長期有人排隊噶，過曬飯點都有人排隊，不過等位都算快。叫左一個招牌極上原只龍蝦味玉拉麵，真系同個牌上噶一樣足料啊，湯底好濃，真材實料，正！滴面煮的岩岩好，又彈牙，口感一流，又正又抵！

每次經過尖沙咀都見到呢間日本拉麵經常排長龍，終於忍唔住去試吓有幾好食。好彩今日唔算多人排隊，只係排咗半小時就可以入座，這間麵店門外都很有特色，裝修都幾似日本拉麵店。辛辣炙燒豚肉味玉拉麵🍜這個湯底我選擇了微辣，湯底濃得來又不會過鹹，非常香濃，拉麵煮得非常出色爽口彈牙完全沒有皂水味，半肥胖瘦的日式叉燒，油香滑溜，糖心蛋嘅流心效果亦剛剛好。濃湯豬骨豚肉玉子拉麵拉麵賣相不錯，試一啖湯底味道不錯，拉麵我選擇了軟身，但軟得來依然保持到麵條嘅彈性，叉燒有少少焦香味煎得恰到好處。我們還追加了粟米，加入粟米口感更加豐富。羽根燒餃子食拉麵總是忍不住要點餃子，餃子皮薄肉厚而且帶有肉汁，煎得夠香脆，不錯。😋😋😋

22. 09. 2019無幾日前先黎食過🤣已經受唔住濃郁湯底嘅誘惑。食左小辛豚肉味玉拉麵🍜 適中既軟硬度既拉麵配埋個湯係一絕！ 對於嘴巴叼既我，好少食完會再食。呢個真心推介☺️！前幾日食埋雞叉燒雞濃湯拉麵都係正！湯底一飲就知真材實料老火湯。 雞肉嫩口夠juicy! 🤘🏻🤘🏻🤘🏻🤘🏻上次食送左張小食卷 送埋餃子🥟食真係不得了。 煎個底都幾脆😛不過個人覺得味道一般、如果皮可以再薄啲，就更加好啦😍

今日做完運動，肚皮都餓扁了，所以我們好快便想到去食日式拉麵。見到平時常出現人龍的拉麵店，今日下午茶時段竟然不用排隊，心想今日真幸運。入到舖內，見裝修設計好有東瀛味，再睇睇餐牌有什麼好食，見有期間跟定拉麵、招牌拉麵、小食、飲品等都好多選擇。沙拉野菜炸餃子餃子炸得好脆，內餡野菜好清爽! 外層還淋上沙拉醬和葱花，十分夾。雞叉燒味玉雞白湯拉麵我平時都是叫豚肉拉麵，今日改改口味，點了用雞肉捲成的雞叉燒，它肉質扎實又嫩滑，味玉是流心的，麵條我選擇了硬身，再配上用豚骨和雞淆製而成的濃雞白湯中，真係好吃。我還加了ㄧ份粟米，份量好多，粒粒飽滿，香甜爽口，增加多一重口感。辛辣炙燒豚肉味玉拉麵朋友就想食辛辣口味，拉麵送到檯時都有點擔心，怕太辣食不下，事關見到湯水全是紅紅的，還有隻辣椒乾在碗中，但嚐ㄧ口湯後，發覺辣味剛好，便開懷大口大口進食，煙韌麵條泡在濃厚豚骨湯內，吸收了豚骨鮮味和辣椒辛辣味，口腔內充滿刺激感，令到不停的食下去。另外，碗內的厚叉燒經炙燙過增添不少香味，肉質方面肥瘦適中，再加上流心味玉，真係ㄧ大享受。難怪朋友食完ㄧ碗還要追加ㄧ份替玉才罷手。天婦羅軟殼蟹櫻花蝦湯拉麵這款拉麵是期間限定的，所以吸引

今日約了朋友去美容院，去完後便乘車到尖沙咀打算吃午飯，朋友說想吃拉麵，我知道附近有一間拉麵店，但一直都未能有機會去嘗試，所以便拉他們一起去。去到剛剛有食客吃完結帳，我們才可以不用排隊便可以入座，店內環境很有東洋味，地方不算很大，但有很多食客好像埋頭苦幹的食著拉麵，難道真的那麼好吃？我們看看餐牌，餐牌上的拉麵都是圖文並貎的，非常清楚。所以我們都很容易點選自己想要的拉麵。除了拉麵，這裡還有一些飲料，啤酒也有，其中一位朋友就點了一杯麒麟一番搾啤酒，這杯啤酒是由100%麥芽和第一道麥汁釀造，所以很有麥味！而我和另一位朋友就分別點了一支綠茶可樂，和一支蜜瓜梳打，綠茶可樂喝起來真的很有可樂味道，可樂中帶有少少綠茶味。而蜜瓜梳打就成支都很蜜瓜味，很得意。我們還選了一客沙拉野菜炸餃子，一客有五隻，餃子是炸過的，面頭鋪滿蔥花和沙律醬，咬落去入面的肉都很飽滿，還吃到一些肉汁呢。朋友的醬燜雞叉燒味玉拉麵隨後送上，拉麵上除了有蛋，雞肉，還有一些木耳和蔥花，朋友點選了較硬的拉麵，他們很喜歡這種硬度，好有口感，湯底也很鮮味，雞肉吃起來很嫰滑，味玉咬開還是糖心的，做得剛剛好！另一位朋友就點選了一碗辛辣炙燒豚肉味玉拉

今日去左霸嗎食午餐！香港太多拉麵店，間間都各有特色，我就係鍾情於霸嗎！霸嗎既雞叉燒是我最愛既拉麵！湯底用上雞湯，香甜完全唔會膩口。雞叉燒預先卷成雞卷，入口肉嫩好鮮甜，中間夾上雞皮，不失油香！拉麵夠哂爽口彈牙，湯底完全唔會油膩。溏心蛋是必食！雞蛋中間溏心度極高，蛋味重有陣陣醬油香。我仲叫左餃子和枝豆。餃子香口唔會太油，中間肉餡多，卜卜脆外層好正！枝豆先用鹽和黑椒炒香，入口好惹味，最岩作為前菜過下口癮架啦！

這間屹立在金巴倫道的拉麵店，做到在日本正宗拉麵的味道，湯底濃郩，我和兒子都叫了濃厚豬骨豚肉玉子拉麵，一碟羽根燒餃子和蜜瓜梳打酒Melon cider。可惜今天店的冷氣好像不夠凍，開行大風扇及冷風機，但見客人們仍吃得滿頭大汗（尤其吃辛辣的）。值得一試的拉麵店。

又一段時間冇黎食呢間拉麵店啦!開業到而加都仲係咁多人食，晚上9點去到仍然要等位!等左一陣就有位啦!只需要在點餐紙點餐然後交予店員便可!雞叉燒味玉雞白湯拉麵，這裡的拉麵能夠吸引我再食的原因，是因為這店的拉麵湯底冇出面的咁油膩!這裡的湯底用上雞湯，所以冇豬骨湯咁油，食完都唔會太滯!雞叉燒好厚身，但一D都唔肥!叉燒有稍稍燒過，幾香!味玉係流心蛋，蛋白位置帶有少少甜味，幾特別!拉麵還有蔥粒同木耳絲，令拉麵口感更豐富!我還加了味筍，這裡的味筍都好大碗，爽口鮮甜!辛辣炙燒豚肉拉麵，朋友中心意食辣，所以就點了這款辛辣的拉麵。我試了一口湯，都幾辣!豚肉很大塊很厚，但係食落好鬆軟。拉麵軟硬適中，隨拉麵還有蔥粒和味筍!這款拉麵非常刺激味蕾!這間拉麵店除了有本身的拉麵款式可以選擇，周不時都會推出期間限定拉麵，值得再去!

看演唱會前與朋友打算吃些少東西就找一間拉麵店吃這裡平時都很多人排難得我們早了到 所以不用排有多款拉麵和小食選擇拉麵軟硬度也可以自行選擇我們點了兩款拉麵和一些小食炙燒豚肉海苔味肉拉麵加了粟米 以為是很少粟米 誰知竟然是一大碗豚肉很厚 很肥美 湯底很濃 極上原隻龍蝦味玉拉麵有原隻大龍蝦 啖啖肉 很入味濃底也有很香濃龍蝦味羽根燒餃子煎得很香脆 餡料是菜肉燒汁糖揚炸雞炸得很脆 不是用厚厚的麵粉來炸 飲料叫了綠茶可樂和信州蘋果梳打很少見有綠茶可樂 綠茶味較重價錢合理 份量多又足料 值得再來啊

 和好朋友於諾士佛台飲酒後便遇上霸嗎拉麵，看見人龍不是太長，所以便排了一會兒大概20分鐘左右就能坐下了。餐廳很有日本的風味，無論環境裝修和飲品都是和日本一樣的。龍蝦拉麵,本人認為湯底做得十分出色,將龍蝦湯表現得淋漓盡致，配上拉麵又有另外一份口感，龍蝦是原只上的，餐廳附上濕紙巾和手套，非常細心。另外糖心蛋也做得很出色，另外配上木耳10分爽口，加$10就可以加木耳,份量有一碗，性價比非常高。唐揚炸雞脆皮又能保留雞的肉汁餃子就像日本出品的一樣

抵食拉麵，超喜愛龍蝦湯！ 位於尖沙咀的霸嗎拉麵，每次經過都唔會有長長的人龍，幸運地今晚不用排隊便可以初次嘗試到有名的霸嗎拉麵。喜歡海鮮的我，根本不用想，就能選擇極上龍蝦味玉拉麵，拉麵配上雪糕都只是$148，相當抵食。而且實物和圖片是100%相同，有糖心蛋，西蘭花，木耳和原隻龍蝦，最令人回味的是龍蝦湯底，濃濃的蝦味，根本就像喝龍蝦湯一樣。而且另外加$10就可以有一碗配菜，我配了一碗粟米和木耳，分量相當的大，如果只有自己一個就小心會浪費了。唐揚炸雞外脆內滑，不是每一間都能做到這個效果的。豬骨豚肉紫菜玉子拉麵，豚肉像一塊厚切豬扒，分量相當十足，朋友喜歡吃肉，覺得非常抵食，因為我不太喜歡吃肉，所以我還是選擇我的龍蝦拉麵吧！飲品方面，都是日本直送的，我點了綠茶可樂，綠茶味比可樂味重一點，像綠茶味汽水。朋友點了蘋果酒，濃濃的蘋果味像蘋果汽水，我較喜歡蘋果酒多一點。食物質素比我預計的有驚喜，下次經過尖沙咀，如果人龍不是太長的話，我必定會再光顧的。