霸嗎拉麵 (金巴利道)

營業中

休息中

Ordered an ordinary ramen, and a dish of dumplings. The price of the ramen is not cheap, and the quality is lower than my expectation. The thick slice of pork is quite soft, yet the taste of pork is not heavy enough.Ordered a dish of dumplings for $35... totally not worthy. The dumplings are small and dry, the spicy flavor is just accomplished by adding that few drops of spicy oil...Staff are polite and nice.Environment is ok.Queued for 10 minutes.

久仰大名既霸嗎拉麵! 好失望呀🙈🙈評價：⭐⭐平日9點幾夜晚都排長龍，要排大約40分鐘...🥟羽根燒餃子：雪花底 正😉 皮夠薄，不過個餡唔夠味 失望🤦🏻‍♀️🍜雞叉燒味玉雞白湯拉麵：雞湯味幾香，不過偏淡😞 雞叉燒有驚喜！麵係幼麵質地，湯都掛麵既，但麵質極！普！通！🍜炙燒豚肉味玉拉麵：湯底濃郁👍🏻不過都幾油 豚肉鞋口 非常一般!🥚得個溏心玉子係最正🤤 一咬開就爆汁流心🤣 

勁辣霸嗎拉麵Hmmmm…….有一日朋友話霸嗎拉麵的『中辛』都不夠辣，必定要叫『大辛』才夠過癮。然後有一日，我真的聽朋友的話，叫了『大辛』拉麵。殊不知...........對我來講太辣了。辣得無法品嚐湯頭的真正味道。辣得口裡只有辣椒味。辣得好像辣油的熱度煮熟了溏心蛋。蛋黃的邊邊熟了！辣得吃剩麵，第一次食拉麵食唔晒。無法接受這個殘酷的事實。亦無法接受為什麼自己會叫了『大辛』拉麵。唯一喜出望外的是厚切叉燒。肉腍入味，啖啖肉。與一般薄薄的豚肉叉燒片風格截然不同，平分春色。望住隔離枱遊客的那一碗期間限定龍蝦湯拉麵，好香濃的海鮮味。頓時覺得個人選擇使自己飲恨！加上鋪頭的冷氣壞了。店員安排坐門口位，自動門又開又閂，好熱。整個晚飯我只覺得綠茶可樂是救星。

一年前響銅鑼灣同個女仔響果間鋪食過一次,覺得幾辣好好味,本身係鍾意追求辣既人。果時食第一次覺得好正,又辣,又大碗到最後食到勁飽(辣叉燒$98果碗)。但一年後再食,個麵細左勁多,食完完全唔夠飽,辣度又唔夠,然後尖沙咀店員態度又差,正常其他食客一坐底就有水飲,但最後叫左3-4次先有人肯比水杯我地,仲要個樣好似好嬲咁,下次唔會再食。好失望。另外朋友食左唔辣果個麵~$100,點知叫完黎又係冇乜味,冷氣又唔凍,完全唔想再去食。

通常一個人諗唔到食咩就會食拉麵，貪方便又有好多唔同口味選擇，今日去尖沙咀買完野就去左呢間幾出名既拉麵店醫肚。Aahi 朝日啤酒天時暑熱，啤酒甘香易入口，最重要係夠冰凍，大啖大啖即刻解暑，真係好爽！濃厚豬骨豚肉玉子拉麵本身比較喜歡重口味，上枱既時候估唔到叉燒係咁厚切，完全超出預期。飲一啖湯，只算微濃，但係連我都覺得真係有少少鹹，黏度雖然唔算好高，但係不俗既，整體黎講口味幾適合香港人。順帶一提，希望快啲整好冷，特別夏天時份，用膳環境舒服好重要，呢樣要認真改善一下。

夏日炎炎，行吓冷氣商場兼逛公司購物，既舒服又可消磨時間，確係唔錯嘅活動。今日和家人在尖沙咀歡聚，行吓K11和the one，之後去食個午餐，大家都想食吓拉麵，於是選擇了霸嗎拉麵，地方不算大，座位多，需要排隊等位。裝修簡潔， 富東瀛居酒屋色彩。唐揚炸雞很大件，炸得金黃鬆脆，熱辣辣肉質嫩滑，食落甘香，鹹度亦啱啱好，係惹味嘅小食。熱辣辣雞义燒玉子拉麵送到，细细蒽粒鋪在拉麵上散發清香，拉麪幼滑而彈牙，湯底亦美味，雞义燒香口嫩滑，不肥不腻，加埋流心嘅雞蛋，蛋香和配合，令拉麵口感提昇。

尖沙咀食肆林立，餐廳各具特色，日式麵食頗受歡迎，霸嗎拉麵在金巴利道亦有分店，位於the one 附近。今日週末食客甚多，排隊等候了十五分鐘才有位，安排了吧枱位置，木製傢俱，日式居酒屋陳設，頗具東洋風味。玉子雞义燒拉麵是招牌食品，即叫即製，熱辣辣上桌，雞义燒夠晒香滑，肉汁豐富，玉子完隻，咬落蛋黄流心湧出，配合青綠香葱，吃起來十分香口，拉麵麵質亦軟滑彈牙，熱辣辣很惹味。唐揚炸雞非常酥脆，薄薄脆漿很香口，內裏雞肉嫩滑，油香而不肥膩，香脆可口。加多份替玉幼麵，令口感更加滿足。

呢間霸嗎拉麵開左一段時間，但每次想食都排長龍， 咁岩經過見到唔洗排， 就入去食下~一打開Menu， 就見到兩張最大嘅相， 就食呢2碗灼燒豚肉味玉拉麵厚切灼燒五花腩， 半瘦半肥入口即溶， 湯底勁濃， 溫泉蛋正常水準，整體份量好足，啱曬重口味既食肉獸。雞叉燒味玉雞白湯拉麵呢碗個雞湯濃郁到有d 誇張，非常鮮甜，有一層雞油係面，雞叉燒份量好大，口感嫩滑，屬中上水準。另外仲加左2個湯麵配料， 味筍和野菜，原本以為細細碟，點知黎到先知都幾大份，係一般餐廳既三人份量。再點左碟辛口燒餃子:餃子煎得好脆好香口，重點好食係佢個辣椒醬度， 辣得黎開胃又唔會太over👍🏻總括嚟講霸嗎拉麵唔算貴， 但份量十足， 水準服務都屬於中上，下次會再黎試埋碗 - 期間限定極上原隻龍蝦味玉拉麵👍🏻

我男朋友成日都話想食霸嗎，話食過辛辣味拉麵覺得好夠辣好正，於是今晚就陪佢排隊食。 食完之後完全唔明點解要排咁耐，又貴又一般，店員態度又差，完全唔值。 一入到去全間店員都黑口黑面，叫咗幾次先肯俾杯我地裝水，態度奇差。店員四五個圍埋自己傾計，細聲講大聲笑。我地睇完餐牌想叫野食果陣叫極都無人幫我地落單。 另外衛生情況令人擔憂。成個地下油淋淋，一坐低就俾我踩到舊肥叉燒，地下油到會冼親人。 另外拉麵方面，完全唔覺有咩特別好食，根本就係一般貨式。1. 湯底係一般味精湯2. 辛辣拉麵唔夠辣。朋友食開辣，覺得同之前比差咗好多，失望。3. 麵底麵係一般拉麵，自己麵煮到，唔值呢個價。$100可以有更好的選擇。

星期日既尖沙咀人多車多，熙來攘往，無乜特別都唔想出黎迫架，但係又得星期六日放假。。。今日既lunch+breakfast就去左長期人龍店既 霸嗎拉麵。🎈環境呢度位置都唔小，相信就算晏d排長龍，都唔會等好耐既。由於我地今日訓到成5點，先出到tst，唔係peak hour就唔洗等lu。🎈Menu有圖文並茂既大餐牌，睇完可以係order紙寫低，我地先揀邊款拉麵，再揀麵條既軟硬度、同要唔要蔥花咁。🍴🍴🍴🍴✨炙燒豚肉味玉拉麵 ($88)呢碗係餐廳主打既拉麵，有一件好厚既豚肉，經炙燒過，豚肉既油份即時散發香味。肉質就十分嫩滑，輕輕咬一下，就已經散開。🎈咁岩我地被安排坐係製麵廚房前，透過透明的窗口，我地可以見到人手製麵既過程。✨雞叉燒雞白湯拉麵 ($83) 呢個雞白湯拉麵既湯底好濃郁，每一條麵條都掛滿湯汁。而雞叉燒，係由雞脾肉整成，師傅將雞肉壓成一卷，再切出2大片，放上拉麵，唔洗驚唔夠餸食啊。✨靜岡密瓜梳打 ($28)食住拉麵，飲住日本直送既靜岡密瓜梳打，有幾分覺得自己唔係香港，但又係香港食到咁好味既日本拉麵，好幸福啊。🎈總結2碗拉麵都各有各好食，好彩我同朋友叫2款唔同味道，之後互相偷食，仲見到有期

每次來到尖沙咀想吃日本麵的時候，總會想起霸嗎拉麵。今天大約晚上九點左右，來到霸嗎拉麵，門口也是排長龍的，大約等了15分鐘左右才有位。我們點了一飯一面，豚肉海苔味玉子拉麵和石鍋燒豚肉飯。豚肉玉子拉麵是我每次過來都會點的，今次發現拉麵和湯底比上次的更好吃，湯底更濃郁更鮮甜，麵底我選擇了適中，麵質很有絲滑感而且好有口感。豚肉的脂肪好滑。和石鍋燒豚肉飯，鍋底好夠熱，好像在吃鐵板燒的一樣，飯底大少少飯焦，配上燒汁好惹味。當然羽根燒餃子是必點之小食，餃子皮香脆，餃子餡肉汁鮮美。飲品一定要試一下他們的綠茶可樂，綠茶和可樂的味很平均，感覺很有趣。

平時經過尖沙咀霸嗎拉麵，通常都見長長既人龍。今日剛巧無咩人排隊，所以就去左食喇。😬同好多拉麵店一樣，霸嗎可以俾係揀麵既軟硬度，多蔥/走蔥，少油，走荀。拉麵我叫左灸燒豚肉味玉拉麵，麵就揀左正常硬度，即係適中，其他多蔥/走蔥，少油，走荀都無揀。等左5分鐘左右，麵就送到黎喇，時間麵唔會話好耐。湯好濃郁豬骨味，豚肉好厚身，不過可能會有人嫌塊肉好肥，我就反而覺得肥瘦適中喇。😋😋去得食拉麵，除左拉麵🍜，當然係要叫餃子🥟啦。霸嗎既羽根燒餃子，有整個脆皮底，好有日本傳統餃子風格，食落口好juicy，好好食。😋

又到星期日的晚上，和友人在諾士佛台happy hour後，心思思好想吃碗拉麵，想起朋友說過霸嗎拉麵好吃，就試試這家。之前已經一直想試，只是平時人龍絡繹不絕，今晚9:00 才來到，只等了5 分鐘左右，太好了。一碗拉麵好不好吃，取決於湯底、配料和麵質。霸嗎拉麵的湯底，有雞白湯和豚骨湯可供選擇。我和友人點了炙燒豚肉海苔味肉拉麵 （$98）和辛辣炙燒豚肉味肉拉麵 （$93），湯底很香濃，湯上還放了一點秘製醬汁，很惹味卻不會太鹹，味道剛剛好。荀和香蔥的份量也很足夠。這裏的叉燒有別於一般拉麵店的薄薄幾片，這裏的是一大片的厚切叉燒。叉燒用上等豚肉低溫慢煮10 小時以上，再以明火炙燒，增添了脂香，喜歡啖啖肉的朋友就啱哂。而麵質可自行選擇軟硬程度，我要了適中的，口感跟在日本吃到的一樣地道、正宗，不錯！另外還點了羽根燒餃子（$35）和枝豆（$20），餃子剪得很香脆，好味！枝豆的份量比想像中多，我們飽到吃不完了。環境方面，由於樓底很高，坐得沒有壓迫感，也很寧靜，整體很舒適。價格正常，全日免收加1 服務費，在尖沙咀區來說，已經尚算抵食。

每逢星期五放工一定係約男朋友去行街食嘢，上星期五就去咗霸嗎拉麵🍜。當時都已經晚上9點半，行到肚餓去到唔使等位就可以即刻入去有得食，👍🏼！（不過，食食吓又有一大堆人喺出邊門口排隊啦⋯⋯好彩咋唔係又要等㗎啦）我哋分別叫咗炙燒豚肉拉麵、炙燒豚肉味玉拉麵、追加味荀，同埋咁熱天氣就梗係叫支元組彈珠汽水飲下啦（好耐冇飲過啦）。豚肉夠厚，燒得又香好食，拉麵煮得剛剛好，豬骨湯底夠香，隻蛋又流心，我同男友都好鍾意食味荀，所以追加左。同埋呢間分店嘅服務員都好好，好有禮貌。

前一排聽閨蜜講話位於尖沙咀葛霸嗎拉麵Ramen Bari-Uma係一間料足又試正既拉麵餐廳！係openrice見到好多食客們話店內葛餃子好好吃；點咗份羽根燒餃子，餃子以菜肉為餡料，煎成金黃色，薄膜輕脆，厚薄均勻，配上照燒汁則更惹味！然後點咗份辛口唐揚炸雞 ，滴辣油混埋滴炸雞度又辣又香脆，辣味非常香濃而豐富，餘韻十足，炸雞口感軟嫩，仲非常多汁。拉麵係唔可少的，辛辣炙燒豚肉味玉拉麵，湯底辣味濃郁，加上辣椒幹，讓湯底的辣椒香味更突出。而且個溏心蛋時間控制得宜，蛋黃半熟，蛋白軟嫩，雞蛋香味滿溢口中！