霸嗎拉麵 (金巴利道)

營業中

休息中

在尖沙咀逛街時看到這間長期要排隊的拉麵店，難得沒太多人排隊，便與朋友前往一試。炙燒豚肉味玉拉麵 – 豬骨湯底濃郁，拉麪軟硬適中，拉麵軟彈又帶點紮實感。炙燒豚肉細嫩軟腍，不會太肥膩，入口甘香，口感軟綿。味玉嫩滑，豐富了整個拉麵的味道。辛口燒餃子 – 餃皮皮薄香脆，餡料充足且肉汁豐富，味道香濃惹味沙拉唐揚炸雞 -  炸雞外皮鹹酥香脆，雞肉充滿醬汁香氣，肉質鮮嫩軟嫩，酸甜的沙拉醬減低了油膩感。 日本米雪糕 -白茫茫的雪糕，極像煉奶雪糕，而且吃下去真的有米粒，感覺特別

周末下午二時左右過來，過了午餐時間都係要排隊，不過都幾快，大概10分鐘就入座。用strollet有得用優惠價換佢份熱門既餃子餃子皮好薄，煎得岩岩好，除左個底會脆脆地，個皮唔會焦同乾，仲係有啲水份咁，食落個皮就有兩種層次咁，都幾好味。煎得好好個餡以我個人黎講覺得佢比較普通，味道唔大驚喜，不過不失，點上醋汁都幾可口同解膩。重點黎啦！真係好好食，湯底好濃郁好香好重豬骨味，簡直一試不復返😂 流心蛋都係好好食，好意外，蛋心暖暖地一咬噴入口內，半流質加少少湯真係好甜好食。麵質揀左普通硬度，係好好食唔會糊，仲好掛湯，美味非常。豬肉麵係好食既！食出佢煮左一段時間熬到lum左，醬汁入晒味咁。朋友叫左碗辛辣既雞肉拉麵（少辣？），望上去好似好辣咁，但食落係類似譚仔5小咁，愈食愈入味（辣）。雞肉都唔係差，但唔係好滑既。一碗好似88蚊，好食！

知道開了很久但每次經過都大排長龍，今次路過見冇乜人即刻去試，結果失望而回😔辣味湯底沒有味道，只有辣味，沒有豬骨味，還叫自己做最強惹味香辣拉麵湯底，真的真的十分十分失望，跟其他拉麵店比較，略為比較差，熱度尚可但不夠熱，叉燒太厚太硬，並說已用低溫慢火浸煮處理十小時。。。。🥴雖然只有一件，但分量十足。拉麵硬度適中，不過拉麵太少真係有啲唔夠食，溫泉蛋驚喜之作，比其他連鎖式拉麵店還好，希望可以改善一下啦

上星期在尖沙咀逛街時看到這間長期要排隊的拉麵店推出了龍蝦拉麵，燃點了我想一嚐的心，但又因為要排隊而卻步。今日跟朋友都加班得比較夜，但看到霸嗎拉麵難得沒有排隊長龍，就立刻去食！點菜單非常清晰，而且可以自選麵的軟硬度，非常貼心。實在太餓了，我們一共叫了兩份拉麵及四款小食。燒餃子(原味)$35 及 照燒餃子$38餃子皮夠薄，肉汁多！而照燒甜甜的很開胃。枝豆$20 - 新鮮清甜。辛口唐場炸雞$38份量非常多，炸得香脆但不乾，辣油的味道很特別，味道齒頰留香 。辛辣炙燒豚肉味玉拉麵$93豚肉表面輕輕燒過，味道更香濃，而湯底味道濃郁且不會太辣，能感受到湯底味道的層次。原隻龍蝦味玉拉麵$148一上菜已經傳來很香的龍蝦味了，龍蝦大得覆蓋了整個碗，龍蝦膏很多，而湯底果然出色，非常濃稠，啖啖都是鮮甜的龍蝦味，而麵條很掛湯，實在是令人回味無窮。最後再點了一客抺茶雪糕作甜點，這個雪糕除了擺設精緻，味道都很合我心意，是帶點甘的綠茶味，令我很驚喜。最後人均只需$200，果然性比價高。難怪每次經過都那麼多人排隊。

這間拉麵吃過很多次，寫它的食評還是第一次。每次吃的水準都係一樣的，證明實力真的不容忽視一碗拉麵好吃與否，湯底是很重要的。濃濃的豚骨味，很厚很creamy，我選了少油，健康點吧！火灸豚肉厚切，半肥瘦，吃下甘香可口。流心蛋很嫩滑，切開蛋黃即流岀來，朋友點的這個拉麵湯底是雞湯，沒有豚骨湯底般厚，雞味濃，味道算不錯。加上爽脆木耳絲和葱花，增加口感。叉燒味道亦不錯呢！餃子皮薄，餡足而且肉汁豐富，蘸上餃子汁，酸酸的，很醒胃。

一試難忘的拉麵辛辣灸燒豚肉拉麵 🍜 是我一而再再而三必點拉麵，整碗拉麵最緊要嘅靈魂湯底濃厚稠密，豬骨味同辣味配合得剛剛好，不會辣到頭痕，總會令人上癮😋叉燒厚身又大份勁入味同時軟淋口感，糖心蛋糖心效果不錯配上湯底總要追加多隻（沒有記錯的話$10）😂男友側試了期間限定的極上原隻龍蝦味玉拉麵🦞本身期望都不太大，一上枱很有驚喜，龍蝦夠厚啖啖肉，豬骨龍蝦湯底鮮及同樣濃郁，而且只係$140左右 性價比極高值得一試辛口燒餃子🥟雖然有點過辣亦因爲夠辣，惹味餃子令這餐畫上完美句號

霸嗎拉麵一向廣受歡迎，不時大排長龍，趁加班過後的時段比較少人，所以就來一個豐富的宵夜獎勵自己。拉麵店一如既往配上地道日式小店的裝潢，加上獨特的字體作裝飾，風格鮮明突出。除拉麵以外，店內還提供丼飯，餃子，炸雞等。【毛豆 $20】枝豆的豆莢飽滿，豆子圓渾，用上鹽巴和黑椒作簡單的調味。【羽根燒餃子 $35 & 照燒餃子 $38】餃子以菜肉為餡料，煎成金黃色，薄膜輕脆，厚薄均勻。原味配上餃子醋能幫助解膩，而配上照燒汁則更惹味。【辛口唐揚炸雞 $38】原以為日本風味的辣味會比較溫和，但絕不能小看拉麵店的辣油，辣味非常香濃而豐富，餘韻十足。炸雞都是使用腿肉，口感軟嫩，還非常多汁。【辛辣炙燒豚肉味玉拉麵 $93】跟炸雞一樣，湯底辣味濃郁，加上辣椒幹，讓湯底的辣椒香味更突出。豚肉肥瘦分佈均勻，經明火炙燒後脂香豐盈。溏心蛋時間控制得宜，蛋黃半熟，蛋白軟嫩，雞蛋香味滿溢口中。【極上原隻龍蝦味玉拉麵 $148】原隻加拿大龍蝦非常吸晴，視覺效果十足。龍蝦肉質彈牙厚實，而且豐滿鮮味。湯底除豬骨湯外，混入了蝦湯和櫻花蝦油，濃郁鮮香，層次豐富。加上湯汁濃稠掛麵，每一口拉麵都沾滿蝦湯，非常入味。【抹茶雪糕 $28】清

今日左滕右滕忙到甩碌 3點先有時間食Lunch, 同朋友嚟到尖沙咀“霸嗎拉麵”，可能時間已晏唔使等位已入坐，急不及待即點餐，我點了“辛辣炙燒豚肉味玉拉麵”、友人點了“豬骨豚肉紫菜玉子拉麵”，“餃子”就一齊食 辛辣炙燒豚肉味玉拉麵~微辣加上濃濃豬骨湯底配上軟硬適中的拉麵拾到好處，竹筍很入味很鮮甜，慢煮义燒望落肥膩，但食落沒油脂感，肥瘦相間口感軟綿 亦很入味流心蛋蛋黃有點流心，但沒蛋香普普通通。餃子~買相特別底部煎得香脆，但食落口感不油膩，餃皮皮薄餡靚, 餡料再多些少會更有口感！友人點的豬骨豚肉紫菜玉子拉麵，我嚐了一口湯底，濃濃的豬骨味擁進口腔，鮮味濃郁不會太咸太淡，美味之選 今次坐近bar 枱望到店員在煮麵，留意到他們是用心的續碗制作，不是快餐般餐作，雖然我好肚餓，等了10分鐘先有麵食，但看見他們制作認真等下都值得

每次去KNUTSFORD同朋友摸酒杯底時都會經過呢間店 門外總是有人龍 到前晚 我會的起心肝 決定要一試呢間拉麵館既水準 不論排多久！ 入座覺得間隔同一般拉麵店的裝潢相比下 更舒適一點 忽然令我回想起日本地道小店的屋台Feel ! 友人要了辛辣炙燒豚肉味味玉拉麵 辛辣度可選 ($93) 厚厚的叉燒(我猜足有1cm厚切？！)經火槍炙燒過脂肪，油香完全迫入肉中　讓人不會覺得厚重膩口 溏心蛋火侯還不錯 而我就要了雞白湯拉麵 平日食的拉麵都是魚介湯同豬骨湯最為人知曉 一飲才發現原來鮮甜成這樣 雞叉燒食落完全唔嚡 肉質細嫩 湯不是過濃或杰 忍不住喝光光！ 麵的硬度當然也是任君選擇 既軟彈又有點紮實感　不論口感又或是份量都一流　 其他小食頖還有炸雞、煎餃子等供應 我們點了煎餃子 相當出色 皮薄多汁 底部香脆

今日去咗尖沙咀行街， 行到大約兩點半左右， 就開始搵嘢食， 見到有間拉麵鋪門口有人排隊， 走過去望下餐牌， 覺得都啱食所以試下。餐廳裝修風格， 跟我從電視看到的日本拉麵店差不多， 如果半邊卡位都算闊落。都有填紙式落單， 可以選擇面身嘅軟硬度。燒汁唐揚炸雞炸雞表皮炸得夠香脆， 裏面嘅雞肉有好多肉汁， 燒汁方面比起平時食開嘅燒汁相對冇咁甜， 由於汁嘅份量唔多所以我覺得味道方面啱啱好。特盛焰燒豚肉拉麵呢個係食肉獸嘅首選， 上到枱有點嚇咗一跳， 滿面有四塊燒豚肉， 四塊都一樣厚身， 四塊豚肉都夠入味， 夠淋， 豚肉應該係用五花腩嚟做成， 肥瘦適中， 豬骨湯底味濃，夠熱， 麵身浸咗一段時間都唔會太淋。雞叉燒味玉雞白湯拉麵相比之下呢個面無論喺湯或者肉方面都清淡少少， 比較適合女士或小朋友， 湯底方面比較清甜， 雞叉燒方面都夠入味，淋身， 味玉都係唐心蛋抹茶雪糕配紅豆雖然食到好飽 ，但係最後叫多個甜品

平時對於食拉麵冇乜特別要求，唔太難食都ok不過今日食完呢間拉麵店之後，先發現原來拉麵嘅水準可以好好其實我哋嚟嗰陣係午餐尾段嘅時間，雖然落緊雨都仲好多人排緊隊我哋都等咗差唔多十五分鐘先入到舖頭餐牌主打係雞肉同豬肉拉麵呢度嘅調味料幾特別，除左辣粉，仲有蒜粉可以揀，啱哂我呢D蒜魔我地叫左幾款食物，呢個係照燒餃子呢個煎餃幾細心，唔知師傅係咪怕煎燶D餃，所以特意鋪左一層薄薄嘅皮一齊煎，咬落表面少少脆，入面又食到肉同菜嘅味道雞叉燒味玉雞白湯拉麵呢款拉麵味道較清淡，湯底有少少肉味見到雞肉都好大塊，食落肉質好滑辛辣炙燒豚肉味玉拉麵呢個麵就相對較濃味，我揀左小辣，對於平時唔常食辣嘅我，都覺得可以接受D湯汁好濃，沾滿左D拉麵，我另外加左蒜粉，非常惹味開頭唔明咩係味玉，原來係指呢隻蛋我覺得呢個蛋做得最出色嘅地方，就係隻蛋浸左喺湯度一陣我先食，但一咬開入面都仲有流心，證明師傅整蛋嗰陣有預計埋湯嘅熱度，所以冇將隻蛋整得過熟，到我食嗰陣都仲keep到有流心日本抹茶雪糕呢個雪糕唔太甜，少少奶抹茶嘅味道配埋紅豆一齊食好好味整體覺得拉麵幾有驚喜，份量十足，味道有水準，相信下次會再嚟食

霸嗎拉麵-高質日式拉麵專門店之前試過銅鑼灣的分店一試難忘，今天在尖沙咀出沒一於再回味一番，門面一致的是典型日式的裝潢，配以非常壯觀的巨型橫向招牌，藝術品似的，內裡桌子一列列井井有條排開，配上淺木的桌椅，外牆繪畫著拉麵的漫畫、日文書法字，極濃厚日式味的拉麵店。拉麵紙一樣可以選擇拉麵的軟硬度，油份的多少，配菜的加入如蔥、荀和木耳。炙燒豚肉味玉拉麵濃郁的豬骨湯底，喝下後不會有過咸和味精的感覺，真材實料的湯底，拉麵彈牙爽口，炙燒的半肥瘦的豚肉片，肉質超腍身，味玉是溫泉溏心蛋，啫喱流心狀態超正。石鍋燒豚肉飯熱騰騰的石鍋，熱氣不斷冒出，香噴噴的豚肉粒，入口即溶底味夠，當中加入炸蒜、蛋白粒、蛋黃蓉後非常惹味有口感，鍋邊的飯焦更加是鍋飯的精華。沙拉野菜炸餃子即叫即炸的餃子，餃子皮薄，沒太油膩的感覺，內裡的餡料飽滿，配上沙拉醬很夾。

突然間心血來潮想去食拉麵所以上網搵下邊到有好食嘅拉麵店見到有一張圖係拉麵上放住咗隻龍蝦覺得好得意 而且又有好多好評我諗點都唔會有伏啦即管就去試一試上網見呢個拉麵店成日都要排隊但我哋好好彩嚟到唔洗排隊直接入去濃厚豬骨豚肉味玉拉麵 $ 88 首先講下個湯底先豬骨湯底濃郁 口感豐富飲落個湯底好有層次✨入口覺得好濃 之後帶少少甜湯汁係口腔到慢慢散開令人好想飲哂成碗湯底重點唔渴喉 因為好怕味精重真係落足功夫用心熬湯底好味道豚肉有2-3舊但肉身厚 脂肪比例平均而且燒得都啱啱好當我以為肉咁厚應該會有些少難咬但反而係輕輕咬就已經咬得開真係可以嘅 我會想嗌多啲嚟食而麵身我揀左硬身但就唔係話太硬 感覺似適中整體嚟講 已經無得輸 超好食極上原隻龍蝦味玉拉麵 【限定】 $148 龍蝦係中間切開咗一半方便啲食客食隻龍蝦而且龍蝦都幾大隻 好吸引湯底係 豬骨濃蝦湯湯底同樣好濃郁 以為自己飲緊濃蝦湯🍲配料有木耳、蔥絲、西蘭花成個拉麵望落好豐富絕對吸引到你 一試再試食拉麵最緊要係餐廳嘅湯底而呢間嘅湯底毫無疑問👏係滿分好食💯龍蝦拉麵賣相就比較吸引而豬骨豚肉味玉拉麵就稍為輸蝕😞不過絕對會回頭再試😤

拉麵店喺香港開到周圍都係，我自己唔太鐘意食拉麵，一年入面食拉麵嘅次數五隻手指都數得哂，但朋友話想食就即管陪下佢啦。呢間位於The One對面嘅霸嗎拉麵店聽講好出面，之前經開呢邊都見到外面排哂長龍好誇張，今日嚟到竟然唔需要等位直接可以坐低！環境都算大，坐得舒服唔迫。呢度賣點應該就係果塊又大又厚嘅五花腩叉燒，平時拉麵啲叉燒賣相好悶，一塊又薄又圓嘅肉咁，睇落其實唔吸引。呢個就係呢度嘅名物喇，炙燒豚肉味肉拉麵塊叉燒好厚啖啖肉，食肉獸最愛！嗌多個炸雞

上星期男友說想吃拉麵，於是便跟他來到尖沙咀吃這家霸嗎拉麵 店舖位置方便易找，我們去的時候是下午兩點多，所以也不用等位。門面及店內裝潢都很有日式風格，當天還有幾個日本人坐我們旁邊吃東西，我想這裡應該能讓他們在異鄉懷念一下家鄉的味道吧。我點了一碗炙燒豚肉味玉拉麵，男友則點了一碗辛辣炙燒豚肉味玉拉麵。麵質可選軟硬度，我點了適中的，味道很好；豚肉肉質鬆軟夠淋身；味玉應該即是溏心蛋，內裡非常流心，很棒呢！我們又點了一支靜岡蜜瓜梳打，淡淡的蜜瓜香配上梳打味道不錯。小吃方面我們點了羽根燒餃子及唐揚炸雞。羽根燒餃子賣相很吸引，一大片薄薄的脆片覆蓋著餃子，脆卜卜的，餃子內裡的菜肉餡亦很足料很juicy。唐揚炸雞配上一小塊檸檬，加上檸檬汁令炸雞感覺沒那麼熱氣，淡淡檸檬香非常配合炸雞的味道，雞肉十分嫩滑juicy。最後，店員服務禮貌也很好，食物味道高質，難怪連日本人都要來光顧呢。