霸嗎拉麵 (金巴利道)

營業中

休息中

我男朋友成日都話想食霸嗎，話食過辛辣味拉麵覺得好夠辣好正，於是今晚就陪佢排隊食。 食完之後完全唔明點解要排咁耐，又貴又一般，店員態度又差，完全唔值。 一入到去全間店員都黑口黑面，叫咗幾次先肯俾杯我地裝水，態度奇差。店員四五個圍埋自己傾計，細聲講大聲笑。我地睇完餐牌想叫野食果陣叫極都無人幫我地落單。 另外衛生情況令人擔憂。成個地下油淋淋，一坐低就俾我踩到舊肥叉燒，地下油到會冼親人。 另外拉麵方面，完全唔覺有咩特別好食，根本就係一般貨式。1. 湯底係一般味精湯2. 辛辣拉麵唔夠辣。朋友食開辣，覺得同之前比差咗好多，失望。3. 麵底麵係一般拉麵，自己麵煮到，唔值呢個價。$100可以有更好的選擇。