成日行葵涌廣場，但都唔知有呢間韓國舖頭。喺一樓嘅巷仔度，係朋友帶去先知。 午飯時間黎到都幾多人，堂食坐滿，而且都好多人等外賣。好彩我地等左一陣就有位啦！ 炸蝦紫菜包飯$45 炸蝦新鮮，大大件，而且仲有好多配料！ 牛肉拉麵$50 湯底濃郁，拉麵都好彈牙！ 雞肉蓋飯$50 個樣睇落有少少hea, 味道都係一般般。

小聚拼盤$99 沙田乳鴿$39 乳鴿肉嫩多汁，又夠新鮮， 冰鎮咕嚕肉$99 冰鎮咕嚕肉， 黑金流沙$39 焗鮑魚酥$29(1隻） 非常山竹$49 炒蝦腸粉$79 小蠔煎餅$89 得意小豬$39 十三么麻雀$49

我地叫左鴛鴦湯底，豬骨粟米湯同埋重慶翡翠綠麻辣鍋。重慶翡翠綠麻辣鍋睇落好多辣椒，但又唔係好辣。呢度最主要都係食牛，但係試過晒咁多款牛肉都無邊款係特別好味，肉質唔夠嬾滑。另外配菜選擇都唔算多，啲菜睇落都唔係好新鮮。

老公訂咗茶園給外賣afternoon tea set。我哋大約下午四點嚟到拎，基本上係唔使點等，黎到佢哋職員就即刻去拎俾我哋。外賣盒係一個長方形黑色盒，包裝得好好，方便拎走。食物拎到返屋企都仲好整齊，好靚仔。 整體都好高質，最欣賞係鹹點！龍蝦包好多蝦，好香龍蝦味！煙三文魚好靚，唔會有黑色左一忽忽。鵝肝配左青蘋果啫喱，少少酸味味，食完唔會太膩！牛角包如果現場食，會新鮮啲應該會更加好味！

朋友約左我黎呢間足球主題餐廳食晚飯，本身對足球無咩認識，對主題就無太大興趣。但係呢度食物味道都唔錯，有機會都會下次再黎！ 睇落去平平無奇既餐湯，以為係南瓜湯，食落先知原來係紅蘿蔔湯，少少辣辣地，平時少啲食到，都幾好味！ 鮮羅勒香蒜煙肉芝士腸蝴蝶粉 $148 個樣睇落去唔算係好靚，但係食落就好好味！鮮羅勒配香蒜真係好香！推薦！ 香烤西班牙頂級黑毛豬梅 $208 塊扒大大件，食落啖啖肉！而且肉質都幾嫩滑。 鹹蛋黃雞翼 一碟有五隻雞翼，炸到外面好脆呀！鹹蛋黃好香亦都唔會太膩！側邊伴菜有沙律菜同一粒粒果汁味既爆珠。啲爆珠咬落去爆左啲桃味果汁出黎，好得意！

約朋友喺銅鑼灣食飯，the L square 都幾易搵，地鐵站行過去好快就到。 越式豬頸肉撈檬$85 大大碗，檬粉唔算多，但好多蔬菜，配埋個汁酸酸味味，好開胃。 手打炸蝦餅$98 手打炸蝦餅，真係好彈牙，好好味！值得推介！仲有伴碟的醃蘿蔔絲甜甜酸酸，都好醒胃！ 軟殼蟹紫米卷$88 食到軟殼蟹有少少辣辣地，不過軟殼蟹就唔算好大隻。 蒜蓉牛油雞翼$58 炸到金黃色，好香牛油蒜蓉味，咬落都好脆口！ 鹹蛋黃薯條$35 鹹蛋黃薯條新鮮炸起，熱辣辣，好香鹹蛋黃味，不過食個陣腍腍地唔夠脆。如果可以做到脆口就更加好啦！

樓下冰室喺荃灣都有兩間分店，今日黎到荃灣，就去左食路德圍呢間樓下冰室食下午茶。地點好方便很就腳易搵。 瑞士汁雞髀配薯角$42 雞脾肉質很嫩滑，而且瑞士汁很入味，原隻雞脾食落啖啖肉，很滋味！！如果想食得斯文d,可以叫佢地碎上，斬開一件件。配埋新鮮熱辣炸薯角，係必食既下午茶餐！！ 沙爹牛肉麵$48 沙爹牛肉麵好香花生醬味，牛肉都算幾多，公仔麵唔會太腍。丹麥多士烘到個面好脆，裏面又好鬆軟，好味！炒蛋都好滑好香。

同朋友食飯聚會，揀左黎美麗華商場呢邊呢間cafe，地點方便易搵。中午嚟到嘅時候，周圍都冇咩人，比較寧靜休閒，而且餐廳寬敞乾淨，坐得都幾舒服。我哋叫咗lunch set，蒜香蜆肉(微辣)扁意粉，黑松露三重菇忌廉汁意大利飯，食物方面唔算太大驚喜，不過不失。不過可以同朋友坐低慢慢傾吓偈，呢度都算唔錯嘅地方。 蒜香蜆肉(微辣)扁意粉$70 黑松露三重菇忌廉汁意大利飯$98 咖啡拉花有心機，拉得好靚

有時喺The One行街見到呢一間舖頭啲草莓西瓜蛋糕好靚，都好想試吓。閨蜜生日，喺附近食飯，所以就特登過黎買咗呢個招牌草莓西瓜蛋糕！呢款蛋糕有幾個size，我就揀咗個細size，兩至三個人食啱啱好！西瓜蛋糕真係好少見，而且仲係無麩質蛋糕，士多啤梨面頭加上玫瑰花，好靚嘅粉紅色，即刻少女心爆發！西瓜好多汁清甜，味道好清新，同士多啤梨配搭得好好，所以食晒成個蛋糕都唔覺得膩！值得一試！

朋友約食飯，就揀左呢間貓cafe。今日係星期一，中午去到都已經好多人。好彩有book位，去到就有得入座。入餐廳之前要著上一次性鞋套，同雙手消毒，呢方面都做得幾好！黎到就見到好多貓貓，有d坐左喺張枱度，佢地又唔會係好怕人，好可愛。 跟set 餐加$8就有個南瓜湯。 挪威煙三文魚班尼迪拼盤 班尼迪蛋配煙三魚都幾夾，麵包都好soft! 燒紐西蘭牛肉眼扒 配黑松露燒汁 牛扒都幾大塊，不過唔算厚身。切牛扒個陣已經聞到黑松露陣味幾香，牛扒都林身。 雪山心太軟 心太軟有朱古力味同抹茶味，朋友揀左抹茶味。一切開就真好流心，流晒出黎！不過味道唔算有太大驚喜，朱古力味可能會更加好味！ 比利時窩夫 窩夫暖暖地，外脆內軟，配上雪糕，都唔錯！ 整體食物都唔錯，不過食物分量略嫌唔算多！90分鐘用餐時間都好快過，想同啲貓貓玩下都無咩時間！