雲貴風正宗雲南米線

營業中

休息中

店舖得10張枱左右，平時下午1點左右要排15分鐘或以上，見到都好多平區既人食，麻辣雲南米線底$28，呢到有唔同材料俾你揀，同一般食既材料唔同，呢到有麻辣豬耳、麻辣豬頭肉、麻辣豬肚、麻辣雞肉等，都幾辣架！每款加$6-8蚊。湯底既辣度可以由小小辣至大辣，亦可以送辣湯唔辣！同平時食開既味精辣唔同，唔會好口渴！叫左麻辣豬肚同麻辣腩肉，送辣湯唔辣，但都已經幾辣，平民價錢食到較正宗既米線，加多幾蚊就可以叫野飲。我地都覺得有時食呢Ｄ好過食連鎖既米線店.....

依間就真係唔使講野，隱世小店有住我覺得係世上最好味既米線，由細食到大，魚腐雞翼通通都正到爆。腐竹係我依家既最愛，加葱係一定要做既事。湯底濃郁香辣帶有酸味，米線唔會太稔，韭菜芽菜酸菜足料，入屯門必食item🤤

終於一試依間風靡萬千米線迷既米線啦👀腩肉酸辣米線 $34嗌一個酸辣米線再加一個餸 依度既腩肉質地有啲啲似豬頸肉😯 吾會太嚡同韌👍 同埋都幾多塊下 而米線係粗身同硬身啲😉 但未到煮吾熟個隻硬身我都接受到😛 肉碎勁多😅 但感覺好多係肥肉所以都無乜食佢既肉碎 個湯底都濃郁但酸味重啲既😆 仲嗌左支豆漿 加7蚊既整體都覺得幾好😼 但食晒成碗好快就肚餓😂 環境就比較簡陋但勁多人食 真係一個走一個入甘制😮

其實次次黎都要等好耐，特別係電台一個節目介紹完之後，更加多人食。每次黎我都係叫腩肉米線少辣，佢少辣其實都幾辣，不過我覺得冬天食岩岩好，一路抺住口水鼻涕食都幾爽。佢雖然三十幾蚊，但腩肉同配菜都勁多。腩肉本身就小辣嘅，但唔會好似湯底咁辣。唔食得辣建議可以叫湯唔辣餸辣。食得辣就一定要叫辣湯底，因為真係好上癮

有天, 收音機一個節目講述屯門區, 屯門聽眾紛紛打電話到節目中介紹屯門的美食, 其中紅橋這小小的地社區最多人推介。 當中一間長期要排隊的米線引起我注意, 遂即問問屯門食友查看究竟。 屯門食友表示, 這間過期米線, 噢! 不, 是過橋米線 - 雲貴風, 味道不錯, 可以一試, 於是星期六中午就動身出發。 紅橋這偏離市中心的小小社區, 除上回光顧 過的拉麵外, 對這地區頗為陌生。 雲南米線隱藏於小巷中, 離遠見到門外聚集了一班食客, 幾乎就可以肯定食店的位置了。 小店佔地不多, 前後不足二十個位, 正值午飯時間, 需要等上段時間。 等候期間發現, 小店近日於元朗區新增了分店, 下回不想跨區覓食時可以到訪一下。 食店主打米線, 餐牌清一色都是米線, 並無他選, 非常專注。除一般餸菜的米線外, 還有小鍋、酸辣和麻辣選擇, 更有特別的配菜如: 豬頭肉、豬脷、豬肚、豬腸和豬潤等。 我喜歡食層次多點的酸辣, 就來一碗: 酸辣米線$27, 配菜選了腩肉$7和魚腐$7。每碗米線自動配有酸菜、芽菜和韮菜, 而我卻把芽菜韮菜撇除。湯底有分5種辣度: 不辣、小辣、中辣、大辣和勁辣, 自命不吃得

自星林居失哂水準後 我就開始搵下有咩米線好食🌚-我諗好多元朗屯門人都會識雲貴風 我食過一次之後就深深愛上咗❤佢同星林居喺唔同style 星林居喺走酸辣style 但雲貴風就喺麻辣style首先必叫腩肉 豆卜 小辣腩肉會有得揀辣唔辣 但一場嚟到都食開辣 通常都會照叫辣🌶飲啖湯先啦 呢到嘅湯底都幾濃 辣味幾強 食到尾你會見到有好多辣椒碎啊辣椒籽 腩肉唔太多肥肉 但食落又唔會好柴口 而且都幾入味👅豆卜就緊喺用嚟嗦哂湯底 再一口咬落去等啲湯喺個口入面爆出嚟👍🏼米線唔會煮得過淋 仲喺爽口彈牙❤而且湯底又好多酸菜 韭菜 唔錯唔錯👅對於我嚟講 近近地都不失為一個好選擇💗不過個人覺得屯門紅橋好食過元朗😂-

住在屯門有二十幾年但一直'搵食'都只限在新墟、置樂同市中心，甚少去虹橋。近幾年，在虹橋一帶都有很多新開店鋪，呃like之多蔥小丸子、酒吧同一間不能追單，主張慢活的咖啡室。但要數屹立多年的老店，這間雲貴風都算是之一。朋友們都說等位要等很久，可是今天很幸運，等了十分鐘就可以了！聽聞鎮店之寶腩肉和雞翼是必試的但礙於早餐實在吃得太多的關係就只點了腩肉酸辣米線小辣和可樂！果然沒有失望，腩肉鬆化夠入味，米線不會太軟身，湯底夠濃而且有很多配料（酸菜、肉碎、九菜）。我把湯都喝光光！朋友吃的是豬耳腩肉小鍋米線，清湯也不是淡而無味的！知道現在元朗也有分店，有人說有了分店後覺得質素有下降但我是第一次吃，覺得算是滿足到我。

洪橋是片福地。好多好野食。唔算排得耐。大家都食完就走。小鍋米線 湯底好正!未食晒d麵個湯都就黎飲晒。豬耳係辣辣地的 完全唔係平時出面幫你煮熟佢就係戈d。炸醬超多，勁開胃呀。腩肉係招牌野。個個都讚好，好林好入味👍🏿👍🏿👍🏿👍🏿👍🏿同埋俾好多架。一定要食呢個

雖然此店已開分店,但我去元朗食過....湯底跟本就唔同味道(差別可以用一個字黎講:劣)我就覺得可能是分店問題,所以隔日特登再去紅橋試多一次味道竟然同元朗果間一樣....點解會變成咁??湯底叫有少少豬骨味..但係同初初開舗黎講...湯底同辣椒 越黎越差..... 初初個問題係舗位細想老闆開分店結果搞成咁....店內待應反而我覺得 越多客就越冇禮貌......算了,就當是最後一次...

雲貴風是井財一帶居民的開飯之選，它的門前總是集結着等候的人龍，從不間斷。元朗的食友常問及這家的水準，是否值得慕名一試，平心而論它未至非嚐不可的程度，只是水準確是同區之上，若然路過是值得一嚐的。腩肉豬潤豬腸麻辣米線($46)這家的米線都是即場現煮，因此奉上時總是熱騰騰的，也確保米線和配料入味程度。老公選了小辣的麻辣湯底，現煮的關係湯頭帶有生料的肉香，辣味不重，也不覺麻辣香，表現一般。米線份量大方，偏稔身但仍有一定彈性，並非一挾即斷的一種。餸料當中，腩肉不是五花腩，只是瘦肉片而已，其實米線店十居其九都是如此。豬腸以滷水滷過，大小腸俱備而且份量不少，肥厚入味。豬潤未有醃味，没有腥騷之氣，而且相當新鮮，令湯頭變得更鮮更甜。雞翼麻辣豬頭肉炸醬米線($51)雞翼屬較貴價的餸料，若非喜好使然，點普通餸料會較為化算。鹵水雞翼不算入味，但肥美肉厚。麻辣豬頸肉以豬頭肉取替，正是可遇不可求。豬頭肉其實就是豬面皮，鹵得入味，彈牙爽脆之餘膠質甚重，十分好嚼。炸醬用上半肥瘦肉末炒香，單吃已甚美味，加進湯頭更添肉香。選了中辣的酸辣湯底，比老公的小辣重口味得多，湯身紅彤彤的，加入大量酸菜，嗜酸者定會滿意。凍豆漿($7

雲貴風位於紅橋天橋底每次去都要等15-20分鐘 但因為湯底真係好正👏🏼👏🏼👏🏼所以20分鐘 都要等！！！😏😏是日係星期三 一點幾好多學生哥都黎食飯 所以又要等20分鐘其實店內位置好少 只有2x個位坐既位置都好窄 其實真係不太舒服差唔多有位 其實門口啲姐姐會幫你落單先入到去坐一陣就有野食啦豬肚好好食 有辣有唔辣揀個人建議鐘意食辣既人湯底要中辣 餸都可以叫辣但同行既朋友都有唔食辣嘅 豬骨清湯底都幾正㗎😋😋叫咗米線想配飲品就大概加5-7蚊但大家要留意如入店內坐 必須消費哦 因為店內很小 不要為難小店啦😗

好鍾意食雲南米線，但我個人偏愛味道濃郁，味道層次感重今次來試這家，間中路過，看見生意不錯店家不大，等了一會有位可能來時較晚10點左右，想試豬頭肉及炸醬都賣完叫了兩碗，相片中介紹總結：可能本身有偏好，所以不是我杯茶，湯跟配料味道分離，湯頭中沒有酸菜味，肉碎沒味道，而辣味由乾辣椒，辣油花椒油發出。感覺像清湯，外加點酸菜辣油，沒濃郁感。

好耐之前已經聽過好多人話雲貴風既米線好好味，但一直都因為太多人等位而無食到，難得今日落雨比較少人，所以等左10分鐘就入到去喇。我點左腩肉米線小辣，個湯唔算好辣，個腩肉真係好好味，腩肉全部都係瘦既肉，一啲肥肉都無，而腩肉有得揀辣定唔辣，我要既係辣腩肉，非常入味，而且唔似之前食過其他鋪既咁薄，總括而言真係極推介腩肉。亦可以加$1轉刀削麵，友人轉左刀削麵，覺得很有口感，值得一試。而且價格親民，唔好睇個麵細細碗，其實量好多，好抵食

加辣等於加左成碗辣油俾我。其實做景峰街坊食左咁多年，味道既一早食慣。其實食物既質素係好，但係有一個女仔既態度非常之唔好。叫左個酸辣既米線同一隻炸雞脾，炸雞脾炸到骨都脆，一流！雖然表皮脆卡卡，但肉質唔會好乾，仲保留到肉汁，個師傅幾有功架。米線所發生既問題就黎啦，咁叫開酸辣，平時無乜野，但發現今次只有酸味，辣味無乜。咁於是叫個店員來幫我啦，係一個似15、16歲既女仔。佢就話: 「無得加辣嫁！」我就話加幾粒辣椒或者俾d辣汁我可唔可以。咁佢之後無出聲，拎左我碗野入廚房，出到黎，成陣辣油鋪左起面。無錯，係辣油米線，我問佢係咪玩野，佢就笑口騎騎咁答我，話:「講左無辣椒，已經幫左你啦。」之後理論啦，有個老既店員，就出來解釋點點點，最後只係整走左d辣油。個位小朋友仲起到係咁留意我，佢個樣仲係笑口騎騎，分明有心玩我。好老實，小朋友幫鋪唔緊要，但唔該教好d態度，我做街坊既食得好勞氣，辣油米線真係好油，唔好話成落口，望到都驚。米線因為一來一回再一來一回，已經完全發脹，好難食! 情況如果係咁唔好再旨意我再食，我寧願去第間。

雲貴風的米線湯很特別，湯的味道很鮮美，通常會加芽菜，肉末，韭菜等。我點的是酸辣米線加滷水雞翼，雲貴風的滷水雞翼很入味。另外，店裡的凍豆漿也很值得一試，味道新鮮清爽。