影片
電話號碼
24302918
營業時間
今日營業
13:30 - 00:30
星期一至日
13:30 - 00:30
以上資料只供參考, 請與餐廳確認詳情
相關文章
不停追都話未有，後面既號碼已經過咗十多個，直至我話要退錢，先話原來一早有，未包，我拎上手摸下，唔熱既，拎到返屋企要自己叮熱，態度十分差，不想幫你跟進，又唔係特別好食，只係因為開得夜，人哋收工要人企喺鋪頭門口等40分鐘，最慘既係不停提醒店員，但冇人會理你，間唔中答下你未有，我見食客都冇要求要咩服務，只係希望食完走人，但店員完全沒有同理心，如果佢有幫我望一望，就會發現原來一早煮好咗，根本唔需要等咁耐，可能呢間公司老闆要賺盡，不願意比錢請人，要顧客受苦
繼續閱讀
哩間之前係心目米線no. 1. 就算已搬出屯門，都會特登為咗佢入番屯門。 但係一年前再食就發覺已經味道同以前有唔同，又見到佢改埋數碼落單（但過咗數碼落單，反而令效率低咗，甚至我當晚見到有食客漏咗個餸，呢啲事情以前我真係未見過）， 啲員工得番一個係熟口面， 其他架人已經唔同晒樣。就已經諗過佢係唔係轉咗人經營。但琴晚再去食嘅時候，首先人多就不嬲都係，但係佢依家煮嘅速度真係比以前慢咗好多，好多人入座等咗超過25分鐘都冇得食（包括我） ，但就不停見到出外賣，以前就算不停出外賣嘅時候堂食都會好快。 除非慢之外， 更甚就係味道同以前已經唔同晒，食左舊酸菜，得死鹹同勁酸， 同以前真係唔同。 失望， 已經唔會為左佢特登入黎， 依家佢比起荃灣唯一， 已經差不多。 但我相信佢依然會有好多人繼續幫襯，但係希望佢哋會改善質素。但真心想知道究竟佢哋係咪換咗人做。
繼續閱讀
第一次食呢間米線，知道佢好出名，本身都幾期待。餐廳環境好逼，張枱好細。落左order之後，都等左15-20分鐘先有野食。坦白講，d餸好普通，唔算好食。湯底有d淡，冇特別。最好食係米線，真係煮得幾好食😂 不過食完之後，我個肚開始唔舒服。雖然未去到肚屙，但感覺呢間餐廳既衛生都麻麻地。食完一次，下次唔會再食😅😅
繼續閱讀
尋日我去了呢間雲南米線餐廳，真的是失望到不行，跟大家分享一下我的遭遇。1. 服務態度差：服務員的態度簡直可以形容為冷漠，對我們的問題根本不在乎，感覺像我們在打擾他們一樣。這樣的服務實在讓人不想再來了，出單唔跟次序，問佢哋時回覆態度差，仲將責任推給客人，講係因為我遲比錢！2. 湯底味道單一：我點的麻辣米線湯底就只有咸咸的味精味，完全沒有其他的味道，喝了讓人覺得很無趣。應該有很多好吃的配料和香味，等了大半個鐘結果卻這麼簡單，真的很失望。3. 衛生狀況差：最糟糕嘅係，我在那裡吃完後居然食物中毒，當晚上吐下瀉，而家仲喺屯市睇醫生！相信係內臟如豬腸 /肉碎湯底出現問題！因為嘔吐物就係有呢啲！這實在是太得人驚啦😱餐廳的衛生都明然需要好好檢查，這樣的環境怎麼能讓人安心用餐呀？總之，這家雲南米線餐廳的服務、味道和衛生都不行，真的不推薦。如果他們不改善這些問題，我想我也不會再回去了。希望能對其他人有幫助！
繼續閱讀
米線名單大執位位位位੧ᐛ੭迷失咗喺兆康輕鐵終於搵到佢啦食完之後登上咗我米線名單第一位舖位細細未夠鐘開舖入面坐咗一半客人，當然我去坐埋入去先啦，睇定menu 睇吓一陣叫咩先佢米線配料選擇都多，大路嘅佢哋自家整嘅攪到選擇困難呀，最後我揀咗麻辣雞肉同豬大腸，醉辣湯底+麻辣。搭正開舖時間即刻落單，望一望已經坐滿人，出面已經有人排隊啦Wohooo我碗薯粉到咗，我揀咗小辣見到面頭一層紅油心諗大穫驚太辣添🫣試試佢嘅豬腸先，佢有輕輕滷過入味而且韌入面都清潔得好乾淨靚仔嘅！佢嘅麻辣雞有味但無乜麻辣食到，不過見佢有炒過吓色水又唔老都ok可能下次試其他嘢。到咗最重要嘅湯底，其實自己都有喺屋企整過酸辣麻辣米線，要個湯底夠出色惹味，一開頭爆炒肉碎再贊湯落去，個湯底先夠甜夠香，麻辣味先夠層次唔單調，佢有呀！肉碎夠味湯底夠濃厚，辣味都好出色，好少有好少有我食哂成碗再撈底食埋肉碎飲埋個湯，重點係唔口渴，一定會再嚟食呀！
繼續閱讀