雲貴風正宗雲南米線

營業中

休息中

屯門可稱得上美味的米線寥寥可數，位處井財的這一間可算是數一數二的了。雖然井財不是市中心，但這區一到晚上便人氣沸鼎。而當中雲貴風在街坊心中也是薄有名氣的，是井財的人龍店。這天晚上心思思想吃米線，回家途中下車專程來到雲貴風，卻見門外已有大堆人潮，眾人眼裏滿是期待。     等了十多分鐘終於可以入座了。為了其他仍在等食的客人着想，快快下單為上。     其實等的人有一半是外賣的街坊，但由於師傅只有一個，因此堂食的話要有耐性。先來一枝豆漿(+$6)，來貨的，勝在大大支，有豆味，微甜不錯。     隨後米線也送上了，老公的是牛腩豬腸魚餃腐竹米線($44)，小辣的。而我的是雞翼炸醬蘿蔔米線($47)，酸辣的。先嚐一下湯底，香料味甚濃，鮮辣得來不會嗆喉，酸菜甚多因此酸度十足，重口味之選。麵質軟硬適中，索了湯汁更加美味，米線下得非常慷慨，吃了半碗已很撐了。炸醬最為滋味，佔了大半碗之多，呈半肥瘦，用香料炒香，有肉汁之餘帶絲絲微辣，放在湯中也不會一夾即散，必食之選。蘿蔔清甜無渣，味道自然，雞翼炆得甜美入味，可惜肉較為鞋口。豬腸洗得乾淨，鹵得入味，也是不錯吃的。       四十多元一碗四餸米線，在井財算是

話說中學年代巳開始食緊呢間"雲貴風"，曾經keep住一星期去食一次，投身社會之後都Keep住一個月食一次XD我次次都一定係腩肉米線，爭在加唔加鹵水雞翼。今次只嗌左腩肉米線(唔辣)，雲貴風既腩肉同三哥個d唔同，我只係會食雲貴風既腩肉，肉多過肥肉。湯底好惹味，又夠酸，佢地落好多酸菜同芽菜ga，正!!飲品只係飲COT，正常味道~PS: 呢間"雲貴風"我同男友都覺得好好食，但身邊亦有不少評佢為"OK la"，或者"唔係咁好食"既朋友，所以大家如果好酸同濃味既話，應該都會中意食

同男朋友等左大概25分鐘到啦,其實都預左等,所以都早左黎.等個時睇左餐牌,所以一坐底就叫得.我唔係好食得辣但都要左酸辣米線(米線軟硬適中,好似比其他米線舖粗少少)小小小辣,餸方面加左必食麻辣豬耳(真係好辣但好正),雲吞(佢地自家製夠新鮮,但係有時去會賣曬),冬菇(應該係用乾冬菇,好入味),腐竹(好滑同新鮮),最後仲叫左炸雞奕(好香口,!)而我男朋友食得到辣所以叫左酸辣米線中辣(碗嘢紅噹噹)佢加左豬手,腩肉,豬肚d餸都好唔錯,夠惹味!!飲品就叫左涼粉冰同紅豆冰!(食米線熱辣辣加埋個冰真係好滿足)需然元朗過黎遠左少少,但一定會再反黎食!!

好多人都話呢間既米線好味，不過我覺得普通，而且店員不太好。我同個小朋友叫左個魚腐米線+炸醬+豬腩肉($39) ，再加支豆漿($5) 但係店員話最底消費每位$10，我話我地兩個已經$40多，佢話唔夠，隔離兩位太太都出聲。店員堅持要我地再叫食物，但我冇再叫。叫店員支豆漿計$10。講返食物，魚腐ok啦，但炸醬太乾太硬，腩肉太肥了….

就我所知，雲貴風係屯門虹橋呢邊幾出名，係中午時份好多學生都選擇去雲貴風食。價錢中等，但係份量都幾夠，夜晚食一碗飽到聽朝ＸＤ　所以吸引唔少去食。我自己比較鐘意魚皮餃，同出邊果Ｄ唔同，呢到既魚皮餃偏彈牙，唔會咬落就散，真係好正！$30-40蚊一碗，值得一試

朋友介紹下,已食過三數次,但因地方隔涉,不能常來。其實由V City步行過黎,也是10mins度,如由輕鐵新墟站下車,更只需行2mins,那紅色的行人橋更是絕佳地標,餐廳就在橋底,鄰店金銘粉麵店也是名店,以牛腩及牛什馳名。雲貴風,店 很簡陋,用的是摺枱膠櫈,地方迫夾,能坐20人,長期有很多人光顧。就算今次平日兼下午４點度去到,店已是7成滿,不用說午飯及晚飯時段。此店名菜有: 腩肉(個人建議要辣,因更惹味)、鹵水豬大腸、鹵水雞翼尖及蘿白。山長水遠黎到,就係要食呢ｄ!米線揀了酸辣及麻辣湯底,同是要小辣。初次黎食,最好先試小辣,以免過辣而影嚮味蕾,這裏的小辣,足以使平日有食辣野的我流鼻水,同時枱上有自家製辣椒油,方便客人自己加辣,味道當然不及整個湯底煮出來般好味。這裏的湯底和別家的分別是,他能把酸、辣、麻,均衡地融和在一起,使人吃起來酸中有辣,辣中又有麻。而整個湯底和其他配料也很夾,不會出現配料還配料,湯還湯的情況。這店的豬腩肉,看不到肥膏,有的是像肉片或肉碎般的肉,其貌不揚,但肉味鮮香彈牙,味道一流!鹵水豬大腸及雞翼尖,鹵得入味,鹹甜剛好。豬腸清潔得當,沒有異味。蘿白清甜無渣、豆卜吸收晒湯

其他食家都贊它是屯門最好吃最抵吃的米線，我100%贊成。友人說午飯這裡永遠坐無虛設，今天五時到，也差不多坐滿，吃中辣金菇雲耳少米線(HK$30)，配一份4隻炸雞中冀 ($18):紅紅的一大碗，金菇一大束一大束，不似一些米線店半生不熟、温温吞吞，它淥得很透，熱呼呼，伴着麻辣和熱湯，十分美味，雲耳很爽脆，加上份量不少的芽菜、韮菜和酸菜，變成一大碗辣蔬菜米線湯，湯鮮甜辣熱，十分痛快！雞翼漏單，要等15分鐘，原來是生炸，油應很熱，雞翼脆咸香但不油膩，手拿着吃也不沾半點油，碟也不沾一點油，吃完才知沒拍照。

井財對我來說不算方便, 所以光顧的食店不多, 一間是潮洲粉麵, 一間是廣東粉麵。而現在, 雲貴風也是我心水之列。光顧當天, 人流也不少, 而且由於店標榜每碗都是現煮的, 等候需時。米線的好朋友, 一定是豬小姐, 因為我點了豬腸+豬腩肉+魚腐先嚐米線, 個人很喜歡煙軔的麵食, 這兒不是the best, 但也很不錯, 很有咬口, 最怕太淋身的再嚐湯頭, 湯得出不是單純的味精, 偏濃的湯, 香料下得重手, 麻辣味較出, 不過仍有肉香, 個人愛濃湯米線配濃湯才好吃呢配料方面, 豬腸醃得淋身而入味, 肥脂也化開了, 豬腩如是。此外, 大大塊的酸菜也為湯頭提鮮經過井財, 這不失為好選擇呀。

說真的,本人是一個冇飯不歡的人,但今天被這店改寫了!先讚:今天我所吃的是小鍋米線,冇辣冇酸,只是21元說說湯底, 非常濃郁,故此米線非常入味,亦有令人想吧湯底飲光光的想法而湯料亦十分足,肉碎毫不吝惜,啖啖肉碎,亦不腥配合韮菜,蔥的湯,十分美味。 量方面, 一碗已很飽肚,米線和肉碎分量比坊間食店多怕不夠可以加料 這店唯一美中不足的是店太小,要早去才不用等喔一試上隱的店,真的值得試喔 

呢度既米綠真係我食過最好味既米線,不但湯底好濃,而且米線好「煙硬」,好有咬口以下尼婉係 豬肚米線 (豬肚辣,湯底不辣)豬肚既辣度剛剛好,和湯底混和一起,令到個湯底辣辣地,適合一D不太吃得辣的朋友們。以下尼婉係 腩肉米線 (腩肉辣,湯底不辣)腩肉與湯底混和一起,非常美味!!

唔知食咩好,於是黎番E間食~中午1點幾黎到,好多人,好彩咁岩有2個位我要左個蘿蔔+腩肉清湯米線,媽媽要左蘿蔔+雲吞+腩肉小辣米線,原本想要埋大腸,唔知系唔系太早黎仲未有都可能系太多人,等多15分鐘左右先有野食...本身米線都有跟芽菜,韭菜同咸酸菜,但系佢D咸酸菜既酸味岩岩好,就咁食都好味,而且3樣加堆既份類都唔少~至於主菜既蘿蔔都幾入味,不過如果可以"石切"番大舊小小更好!腩肉更加系我最愛,次次黎親都會叫,好腍唔un唔太肥!至於米線本身,岩岩拎到上黎食既時候有時un左少少,不過食到中間既時候就岩岩好啦,可能系驚我地食到底既時候會太腍掛~至於媽媽叫既雲吞我冇食,但佢話比較似韭菜餃,因為系韭菜豬肉餡~至於湯,我有試左一啖小辣既,個人都系中意清湯,因為小辣我覺得姐左酸菜戈種味~

星期日下午外出搵食, 一般都會避開繁忙時段, 今日就兩點幾先黎到呢度食米線.舖仔細細但幫趁o既人多多, 擺街啲枱仲多過舖入面, 不過好彩唔駛等位.一餸米線$23-24一碗, 加餸就3-5蚊一款, 基本上都係車仔麵的餸, 比較特別o既有麻竦腩肉, 豬頭肉. 另外冷熱飲品加$3.叫咗一碗小辣魚皮餃米線加麻辣腩肉加韮菜雲吞同一碗雞翼米線加菜.聽到話因為得一個師傅, 所以足足等咗20分鐘先有得食. 不過唔知係咪慢工出細貨, 味道真係幾好, 湯底酸甜辣適中, 米線彈牙但略嫌硬左少少, 配料好齊而且份量也不少, 而魚皮餃仲有6隻咁多添. 麻辣腩肉入味, 但不夠辣, 雲吞就好似只有韮菜食唔到豬肉. 另一碗的雞翼只有兩隻, 味道都只係一般, 不推介.總體來講水準都算中上, 好食過譚仔!

第一次去食叫左個中辣米線配腩肉蘿蔔加底腩肉味道普通,同一般出街d米線舖差唔多蘿蔔好淋好好食,再吸埋碗米線d湯 味道一流埋單$32份量一般 蘿蔔得四舊 如果多兩舊會更佳

於是這天是我第三天吃酸辣粉，放工行經屯門這家，所謂的酸辣粉，糟糕極了，點了碗麻辣豬頭肉魚皮餃米線，豬頭肉，沒錯是豬頭肉，我還道他招牌上寫錯了，以為是豬頸肉，怎知他說的確有東西叫豬頭肉，見沒吃過，點了。上來一碗，麻辣的變成酸辣了，魚皮餃找不到，叫侍應來找，翻翻找找都找不見，後來店家聲稱是藏在米線裡，也罷。看見那些豬頭肉，其實是豬表皮加豬脂肪，只有數條真的見到肉的，好像豬油渣，只是還可以清楚見到骨頭（？！）還有豬毛髮在那些豬頭肉裡，吃了幾條，既無味，又古怪，可能的確有人喜歡吧。但我就不會再來了。

本人除了愛喝咖啡，愛吃咖哩，愛吃巧克力，喜歡港式奶茶之外，繼後的相信就是辣的食物了，是日人在屯門，除了試畢了Wish List上的金銘之外，見肚子還有點空間，而且又是本人愛吃的麻辣，再者那邊的人龍比起金銘更為長，更挑起了本人一試其水準的慾望。好不容易才找到一個座位，就快快手下了單等吃，因為配料的選擇雖多，但本人來來去去都是選那些至愛﹝即至肥﹞之物，也另加了杯奶茶。米線未到茶先到，奶茶用一個薄瓷杯盛着，明顯的不太夠熱，奶茶的茶味真的很古怪，十足十跟你到一所老式茶記，坐下之後店員奉上那杯免費茶水的味道，活像一杯普通的紅茶，入口沒有了一份，需經過多重焗、拉、吊…的濃濃茶味，雖則本人是相信店家真的用了鍚蘭茶，不過沖茶的技巧看來是有點需要改善了，而且奶味及挺滑度都未令人滿意，不過店家始終不是一所茶記，只好跟自己說一鼙：「算吧！」幾乎是喝光了杯奶茶，真的等了很久才有得吃，相信足足超過半小時，經過三吹四請之後，如天降甘霖的米線終於來了，看見店家的湯頭顏色紅紅的，非常實在，加上一層油光，看來這個大麻辣的湯底，真的有點與別不同。呷一口湯，失望的是湯頭真的未能予人麻痺感，就連辣味也不太重，莫非麻辣又被理解