雲貴風正宗雲南米線

營業中

休息中

其實我食左呢間野應該5年幾!!初頭搬去附近 先去食第一次...點知一食食上癮....到而家搬離紅橋都一星期一至兩次!!其實呢間野吸引我既原因..係湯底真係好濃~可能d人話味精多但係我覺得... 味精都要錢~人地都係想好食...唔可以怪人!!初頭乜餸都試... 我每次食三樣餸就夠!!到而家食開必定係 腩肉 同 羅白(但係有時煲既時間唔夠..好硬身)其他既餸~ 偶然係 豆卜 , 雲吞 同 牛肉 (因為呢間野煮既野唔係日日一樣好食)不過最好既其實係湯底..由初頭唔辣..食左五年而家一定會食大辣!!仲有D酸菜去親個湯底~ 我覺得呢個味道完美!! 100分!!米線口感適中~ 唔會話太難食!!另外一支豆漿其實係舖頭唯一可以飲用既飲品!其他飲品都唔係太得!!環境真係好窄....次次都要搭台...呢樣係最慘...到屯門食野既食家可以一試!!

其實雲貴風開左好耐,我都係近一兩年黎食,丫...原來又幾好味喎,我次次都會食酸辣米線,叫辣腩肉,好正呀!環境好迫坐得唔舒服,間舖已經好殘,但佢keep住都好多人,好full,要坐到出門口...平時一個人食就買外賣食算...都等好耐我就唔係話勁食辣,但又鍾意食d辣辣地o既野,我好鍾意食米線架,間唔中都會黎食,佢d料呢就唔算好好食,但係個腩肉就必食,辣辣地,又唔太肥,唔錯架,平時都會食墨魚丸(麻麻地,都唔似墨魚丸,似花枝丸), 韮菜雲吞 (個皮好薄,好快爛,麻麻地), 雞翼 (都幾大隻,鹵水都算入味), 豬扒 (唔好叫,炸完乾淨淨,又薄), 雞肉 (好少,好鞋冇特別), 魚蛋 (唔係彈牙o既,麻麻)...其實好多餸揀,3蚊 4蚊 5蚊咁...都係最鍾意食腩肉o者...其他就好少試,但個湯底唔錯,飲啖湯都唔錯,米線又唔會太林太硬...叫少少辣都夠味~佢d茶水唔得,檸茶唔好飲...穩陣就叫豆漿

仲諗住自己食得辣，但原來唔係，平時吃雲南小鍋米線吃小辣都無問題，中辣都頂得住，今次觸礁喇.....入到屯門吃米線，叫小辣，初時都無事，隔一會舌頭頂不住，中段辣到必眼淚，跟住叫廚房幫我轉回清湯底，先食到。蘿蔔入味，正呀！

本身我真係唔係太鐘意食米線，不過之前比朋友捉過黎試左兩次之後已經愛上左！我本身唔鐘意芽菜、韭菜同酸菜，另加炸醬、小辣！值得一讚 ge 係炸醬好足料，仲好好味...但我覺得就算唔食得辣都要試下叫小辣，因為加辣會惹味好多，完全係另一種味！當然，如果再加埋 d 配菜味道會再多層次 d！真係好好食，扺我成日特登搭車過去食...

同男友行行下，上到食左牛腩，今次試埋隔離呢間,,一坐低就有呀姐行埋來問食咩...有選擇困難症o既我真係好唔好意思...兩個都叫左小鍋米線，再加配料，上米線時，已經落埋芽菜、酸菜同韮菜，唔知係咪我食唔慣酸菜，總係覺得佢太多了，加上冬菇，酸到成碗成都唔知咩味= =......男友o個碗有牛腩片，可能因為咁個湯底濃左d,,同男友研究點解叫小鍋米線，見佢成碗成亂七八糟，冇咩鋪排，估佢可能成堆野落去個鍋度再倒落碗度上，食落冇咩味精，唔錯,,,((對我來講係得個酸字....))但如果唔好酸菜，真係要走左佢.....

每次黎呢間野,我都會叫豬利烏冬!!唔叫米線既原因係因為呢度d 米線有d硬又少!d豬利真鹵得好好食, 又夠味同埋一定要加醋佢有時比唔夠酸菜!但佢地個湯太多味精啦!食左咁多間野!佢呢間係最正!其他款都有試過既,不過就麻麻地!d豬潤有d 苦!!係屯門食米線,呢間就係數一數二(我之前幾個月食先17$,now已經19$),不過呢度都幾迫

從小就在景峰成長~但小學生時代只懂蒲文具店~又那懂得找吃的~這店就位於虹橋天橋的出口處~媽咪早已大讚成了她飯堂~第一次來的時候覺得個Menu好唔user-friendly~其實話跟一樣料就幾多錢..之後加一樣加幾錢就ok 雖然這陣子熱爆爆..但還是選擇了坐出面..費事等小比點了豬頭肉米線(中辣)而大比就點腩肉豬脷(''送''小辣..湯唔辣)上次第一次來呀姐極力反對我叫中辣~話小辣已經好勁~結果邊吃邊下了人家半樽辣椒~今次就堅持要中辣..其實桌上的辣椒油與入面辣湯底的同出一徹..但煲過之後辣味會出好多原本小比是點酸菜米線的...但呀姐又堅持話每碗已經有酸菜.阻止我叫..人家不想吃肉...想多吃點開胃野嘛........結果唯有一試豬頭肉...第一次嚐豬頭肉~感覺就是有豬耳的爽也有豬頸肉的少'鞋'感覺~豬脷在這三豬中來得出色~這店的油菜是少見的娃娃菜與通菜..要了後者今天的菜不太靚..不過都可以接受..不嗜辣的大比早就吃得滿頭大汗..一路用毛巾抹抹抹..小比就覺得連中辣都不太刺激到自已.....想吃豬乜豬乜就會來這裡..但麵底較細..(上一次大比吃了2碗....=.='')想吃酸的話就會到

今日同fd食完呢間野,超正第一次去.....我叫左 ma辣牛腩米線 我個fd叫左炸醬米線勁正,我果碗米線湯底叫左小辣已經好夠辣....湯底有得簡唔辣,小辣,中辣,大辣,勁辣,ma辣....最岩d鐘意食辣野既人 (如果食ma辣唔知會唔會辣爆嘴呢=v=?)我個fd果碗佢都話好好味價錢合理,服務態度良好,環境乾淨一碗米線$18,加野飲既要加$3我下次一定會再食!!!

好好味 , 每星期都想食1次腩肉好正

又便宜，又好味。推介麻辣腩肉、麻辣雞肉、麻辣豬肚米線。一餸米線$17，以後每款加$3，湯底可選大、中、小辣。叫米線加飲品只需加$3，而且服務態度又好又友善。