雲桂香米線專門店

營業中

休息中

好正又入味既一間米線之前去過土瓜灣的分店 比沙田難食食咗個雞翼麻酸辣米線沙田呢間既面爽口 不會太淋或太硬湯底酸辣入味還叫了個皮蛋只是一般譚仔的還好食服務也真的一般可能太多大陸人吧

《上菜極慢之食佢侍應阿姨風味》夜晚諗住去食碗米線，因為譚仔last order左，然後去左隔黎食雲桂香，點知....入到去叫野食，我同我個朋友叫野食，當我叫完到佢，點知我個frd叫野飲既時候問左句：「可唔可以配野飲？」個waitress開始西口西面答左句「野飲要錢架！」我即刻心諗：「我都知！」試問依家有幾多間餐廳配野飲係唔洗錢架？然後我個朋友就叫左杯凍檸茶走甜，個waitress仲要補左句「係噤咋？」⋯跟著陸續有嚟，我地對面坐左對情侶，早我地一張單叫野食，大家都係叫2碗野同埋一碟蒜泥白肉。人地3樣野都到哂，我地連野飲都未到。好啦人地食哂碟白肉，我地先到野飲...到人地碗野食到一半...我地碟白肉先到，跟著我碟白肉都食完，人地碗野食到7788，碗野都未到，我決定問下碗野到未！然後有個阿姨話：「你地碗野係要煮耐啲！」「WHAT????」 心諗：「大家咪又係2碗野...點解佢地食完就走得...我地都未食得？」最後仲要等多5分鐘...碗野先到。總括而言：除左服務，我食左熱拌紅薯粉，成碗野勁油（半碗辣椒油）好似撈湯噤🤷🏻‍♀️；仲有我個朋友啲豬紅硬既...杯凍檸茶啲色（紅茶）淺到好似龍井噤既色，冇

第一次來吃，沒想到就遇上不開心的事情。同行的朋友都是點有湯的米線，但我點的是沒有湯的拌米線，同行的朋友差不多都吃完，我的都還沒來，中間已經追問了2次，到底什麼時候會到，但2個的侍應生的態度也不太好，說拌米線會比較久才到，但我是第一次來，根本就不知道！雖然侍應生的態度不太好，但拌米線的確是很好吃，而且我點的海帶份量很多，吃的很滿足。

雲桂香自己就比較少食既，但係每次食都會覺得好好食，個日去到沙田個間分店，都好釆無人山人海咁，好快就拎到位啦我。我個日叫左一碗豬紅豬大腸腩肉酸辣小鍋米線，我靜係叫左小辣咋，另加一杯凍奶茶，杯凍奶茶都算係不錯，當然可能有啲會更濃郁但係呢杯既味道都有6 70分。碗米線份量算多，唔單單講緊係碗米線，啲料都十分之多，一碗三餸都可以滿足大部分香港人既需要嫁啦，如果真係要挑剔既可能係碗面既外觀，因為佢有時真係裝得衰既好似瀉曬咁，但係整體黎講我係食俾7.5/10

因為住得近 所以成日叫外賣 連續幾次order都係錯 打去同我講 佢答我 你賺左啦 豬頸肉仲貴 我都收返錢 已經令人好嬲！！岩岩等左九個字 打落去催 (路程2分鐘內) 佢同我講唔見左單 話即刻做完送上黎就收左我線 心諗 唔見左張單 又知我食乜？太不知所謂

#被吹脹系列 叫佢走芫茜 冇幫我走不特止 仲要話我知芫茜點佢啲辣椒油好好食💯。。。。。。講番個米線唔計啲芫茜 碗米線整體係ok既啲米線幾滑 份量亦好夠湯底叫左酸辣 但唔夠酸菜雲舌皮滑但啲餡唔係好有味 唔好食 下次唔會再叫呢個餸價錢差唔多黎講 我諗我都係食番譚仔或星林居算😬🤗

平時有空的時候，便到四周尋找好食處。借今次要到沙田看Ikea，就找找沙田有沒有細食店啦。剛巧又有點想食米線，就到沙田偉華中心雲桂香米線專店啦。今次選擇了雞絲木耳酸辣湯底。而朋友就選擇了通菜墨魚酸辣湯底。先說前者，因點選了中辣，入口時覺得很辣，食食下感覺到胃有點灼熱，但很過癮，至於木耳絲及雞絲很有咬口，值得一嚐。後者就點選了小辣。不過本人覺得沒有中辣那麼刺激，但通菜同墨丸也很好味，沒有雪味。如果食到辣的人，可以考慮中辣。相反食不到辣就考慮小辣，甚至不辣的。

又要為食咩午餐而煩惱，喺沙田來來去去都係食嗰啲。今日就同同事黎到我最鍾意食嘅雲貴香。豬軟骨，魚腐，魚肉春卷，麻酸辣依然係我永遠嘅最愛！加埋杯凍檸茶少甜走冰，咁豐富嘅午餐！真係好正！我永遠嘅飯堂- 雲桂香！

今日夜晚要喺沙田UA睇戲，要又近又唔洗咁多人同捉又平啲，就最好行過對面馬路了，都有幾間食肆可供選擇。平時都成日食譚仔，今晚都係轉下口味。黎到雲貴香門口都唔洗等，好耶。不過價錢都唔算平架，平均都$45~50一碗麵，但我覺得啲味道都幾有特色，同埋係好味嘅。佢嘅小辣都幾辣下，雖然我都鍾意食辣，但食完到最後都要飲少少水。始終生菜都係好吸辣味，而且我叫左嘅豬耳本身都係辣嘅。蟲草花雞肉米線其實係第一次食，個湯望落好清，食落都清清地，不過我朋友覺得9成都應該係有落味精/雞精。啲雞都算幾滑，係健康之選。

今日突然好想食辣野，就去左雲桂香試下。第一次叫涼拌米線試下，叫左碗炸醬麻辣涼拌米線+豬扒豬脷份量算好多！炸醬，米線超多，而我又好鐘意食花生，整體個麻辣醬唔錯，塊豬扒都炸得幾香，不過豬脷就一般左d, 無乜味。

其實而家係香港，想食米線既話一d都唔難，基本上一行出街，食米線既餐廳比便利店仲多，平時同女朋友食開某間基本上已經壟斷米線行業既餐廳，但今日放工，大家都不約而同咁想試下其他口味既米線鋪。以選擇多樣化嚟講，呢間餐廳可以話係做得唔錯，一般我地認識既雲南米線，多數都係識雲南過橋米線，但係除此之外，仲有好多特色而值得一試既菜式。湯米線平時就食唔少，拌米線的確係香港少見。熱拌米線一上菜就已經香氣撲鼻，胃口大增，加配雞翼更增風味。而女朋友就點左個小鍋米線，湯底濃郁，分量都偏多，平時胃口細既女朋友都食左好多，即刻諗返起以前去雲南交流既時候，我地都係最鐘意食呢個，幾乎係必點之一。

哈哈, 又到了開心星期五了, 肥妹仔依家喺沙田度番工, 大家都知新城市廣場最底層果度既食肆有幾貴啦!!!!肥妹仔我呢D窮鬼真係無可能餐餐去食, 所以今次同同事揀咗一間平平地既黎食!!!佢係要先揀一種湯底同麵既種類, 然後係餸!腩肉酸辣小鍋米線  $34佢既腩肉係有厚度果隻, 唔多肥肉, 而且本身已經調咗味, 幾好食!!!至於個小鍋米線本身有幾款配菜,有芽菜,酸菜,韮菜同蔥, 肥妹仔我覺得淨係食一個小鍋米線其實都幾好食了~~

本身都唔想特登講 但係每次打電話叫外賣自取都比錯餸 今次仲離譜叫左三樣餸比得一樣我 所以配菜又走晒 咁樣做生意點可以接受大家以後外賣記得睇清楚入面 因為一定錯餸番到去一打開個刻就太遲了 打去同佢講又話下次補番比你 大佬都番到屋企 仲話下次咁我今次點？次次都下次老實講而家一街都係賣米線 唔一定係食你個間希望個老闆正視下個問題簡單一個外賣都做唔好已經拎番屋企食 想簡簡單單食一餐唔得既真係嬲到爆 講真食埋今次冇下次為左其他人著想 要講出黎比大家知

講到雲南米線，淨係食過譚仔第一次試食沙田嘅雲桂香其實就喺譚仔隔離 又唔算話好遠鋪頭啲位比譚仔闊落得多 坐得舒服啲佢啲嘢食亦比譚仔多好多似車仔麵mix雲南米線咁 有幾多港式嘅餸例如豬頸肉 豬中腸咁 選擇多 好適合香港人嘅口味喺湯底上亦有比譚仔更多嘅選擇 有港式同小鍋之分今次就叫咗小鍋 麻辣小小辣講真味道好味過譚仔好多但就唔係太感受到個麻味啦而且可能係因為我全走走咗啲酸菜 碗湯就冇咁酸同行嘅朋友就叫咗一樣嘅嘢但覺得好酸如果怕酸嘅朋友就可以走酸菜試下啦餸嘅味道個人認為都相當好（至少對比起譚仔）總括嚟講係唔錯嘅米線選擇！

今日同同事如常為午餐食乜而煩惱，經過一輪抽籤，終於再次抽到我心愛既雲桂香！依舊叫返我既例牌心頭好！小鍋米線，麻酸辣，中辣，肥牛，魚唔係我地想像中的發音腐，魚肉春卷，蘿蔔！一個小小的女孩子竟然可以食到咁多個送，真係仲大食過d男仔呢哈哈！