雲桂香米線專門店

我今日11點準時入去食，我一開始點餐話左要豆漿，之後等左10分鐘未黎，我就同果啲姐姐講啦。之後幫我點餐個姐姐問我係唔係要豆漿，我就同佢講話係啊！。咁我食完俾錢啦，俾支付寶。scan完我個code，我見我果度扣左錢先走，之後我走左幾步離開餐廳、佢一路係後面叫我話未扣到錢，我發火同佢講話已經扣左錢㗎啦。佢話未，之後另一位姐姐話我地依邊未扣到。之後佢話見到啦，我臨走就講左聲垃圾！。真係垃圾餐廳，依間分店以後唔再去…查看更多

近排食清淡野多，今日突然想食下惹味少少既野，既然路過既 咁入去食下叫左個牛肉熱拌米線牛肉就像香口膠，慢慢趙！米線惹味 味精調味重 食完想飲水 食左一陣無動力想食落去一般架喇反而可樂有動力飲哂啲阿姐趕住開飯想趕走我…查看更多

懷著期待來吃碗熱騰騰的米線，沒想到換來的是一場令人作嘔、終身難忘的「加料」驚嚇！點的是生菜少辣撈米線，才吃了幾口，赫然發現湯裡有 **異物在蠕動**！仔細一看，竟然是 一條勁大的黑色小蟲在米線中！當下胃裡一陣翻攪，立刻放下筷子，食慾全消，只剩下強烈的噁心感和震驚。馬上向店員反映，店員有立即反應換一碗新的。但令人無法接受的是，對於如此嚴重的食品衛生事故，店家似乎沒有表現出應有的重視和危機處理態度。最終只得到換一碗 同送一支豆腐，但這完全無法彌補心理上的陰影和對餐廳衛生的徹底質疑，而且問題係果碗面都唔知有冇換到一碗新這次經歷絕對是「一次就夠了」。以一碗有活蟲的米線作為結局，這間餐廳的衛生狀況已經在我心中被判了死刑。 **強烈不推薦** 任何重視食品安全和用餐體驗的人光顧。…查看更多

最近諗唔到食咩 都係叫返碗米線 辣辣地開下胃口 叫左雞絲大腸芽菜中辣米線 冇諗過叫芽菜份量可以有咁多 多到好似生日蛋糕咁🤣正呀 好開心:)米線湯底好味 大腸入味 #香港美食#米線#雲桂香…查看更多

最近好鍾意食呢間店，但奈何網上外賣平台運費要成30幾蚊，所以每次都要搵到人一齊夾先抵🥹小窩米線 （豬軟骨 鮮竹龍蝦卷）$70最鍾意嘅係小窩米線嘅湯底，酸度啱啱好🥢豬軟骨煮得剛好，肉質鮮嫩，好入味🐷鮮竹龍蝦卷方面，龍蝦卷口感彈牙，鍾意浸住湯食🥣總結除咗小窩米線,呢度仲有熱拌麵🍜希望呢間店嘅運費可以唔好咁貴，咁以後就可以嗌多啲🙆🏻‍♀️關於米線菜式嘅話，推薦雞中翼同鮮竹龍蝦卷！😆如果你鍾意米線，千祈唔好錯過！🥳…查看更多

一入到去已經覺得唔妥，成間餐廳衛生真係惡劣到不得了，枱面黏笠笠，筷子同碗仲有啲污漬，望到都無胃口！服務員態度更加差，連基本禮貌都無。明明係非繁忙時間，餐廳得6成滿，仲唔俾人坐大枱。佢仲聲大夾惡咁問「你哋幾位啊？」，好似我哋唔係嚟幫襯咁。但我眼見店內好多大枱都係得兩個人坐緊，點解要咁為難客？同埋明明間嘢係冇得訂枱啲吉位又要擺個訂枱牌喺度唔知想點。總之入去幫襯嘅就唔該坐到有咁迫得咁迫，食完快啲埋單走。真係完全無服務質素可言！下次真心唔會再去，食返三哥起碼衛生有保證，服務都親切啲，點都好過呢度！…查看更多

好吃爱吃每次加超级多的料！！不知道吃啥了就来吃！！最喜欢吃米线中辣酸辣加牛肉猪肚通菜！！有时候会换成别的 但吃的最多还是这个搭配！！麻辣鸡还是口水鸡肉不是很新鲜但是调味好吃 墨鱼头是唯一不好吃的…查看更多

由細細個開始就超鍾意食薯粉而雲桂香大份又抵食次次黎都會講涼拌紅薯粉再加牛肉紅薯粉再配埋花生口感好豐富d薯粉又煮到啱啱好 煙煙韌韌咁個涼拌汁仲有得揀辣度今次我就揀左微辣唔會話好辣 但係仲保留住辣嘅香味…查看更多

事隔好耐去雲桂香食，質素一跌再跌。嗌咗個小鍋紅薯粉同蟲草花雞湯米線，墨魚頭有冰鮮味，雞湯米線啲雞又柴又帶血水，仲跌咗一粒發泡膠喺湯入邊，我都費事講。服務態度好差，員工淨係圍埋一堆吹水，客人示意落單完全冇人見/聽。最嚴重嘅係付款方式，淨係得現金、支付寶、微信支付，八達通、PayMe、信用卡其他全部都冇。試問香港人有邊個真係會用？啲員工講嘢全部都九唔搭八，淨係識喺度重複講用手機俾支付寶同微信支付，態度勁差，明明我已經講咗好多次呢三種支付方式都冇😂完全聽唔明人話。原本我諗住用FPS過數俾員工，然後叫員工幫忙俾，但係全部都係大陸人，乜嘢香港支付工具都冇，完全冇人解決到問題。最後好彩有個香港人幫我用微信俾咗，然後我再過返錢俾佢先解決到件事。總之成件事超級bad trip，呢世都唔會再去幫襯。🙏🏻…查看更多

員工態度：我哋7:00落單，7:20分先嚟，睇返張單原來佢7:09先打單😂😂。唔知個姐姐係見我地學生所以態度惡劣定點。我哋詢問佢嘅時候，好似爭佢錢咁：咁我哋要落單，再去廚房比單都要時間㗎！我哋一開始都只係詢問佢嘅語氣：幾時有嘢食？我地等咗差唔多15min，主要係比我哋遲利嘅客人都有得食，點解我哋未有得食呢？（呢個先係嬲嘅點，我明白出餐需要時間）啲員工真係串到一個點😂😂另外我叫餐嘅時候有講過自己走芫荽，最後餐點嚟到嘅時候芫荽依然喺個碗度，完全無視客人需求雖然食物味道唔差，但係服務態度真係令我唔會再有下次😂😂…查看更多

雖然本身都好鐘意食雲貴香既米線，但今次之後，永遠都唔會再幫襯。首先，一入到去，店員落錯單，好心同佢講返聲，叫佢改返，反咬你講錯。其次，人地明明好好地坐係度，門口收銀果位叫你轉位，話有三個人嚟，但眼見有張4人枱係比佢地員工擺野。 最後，叫左凍檸茶冇嚟，都算啦，咁唔飲啦～收銀果位即時向落單員工問責，感覺非常之不良好。今時今日咁既服務態度完全唔要得，竟然冇人手就唔好開，或者加錢請人，呢啲咁既態度，完全係叫食客受罪。…查看更多

我哋推住一架BB車諗住入去食，嗰陣時係平日嘅下午，係有好多位，跟住就佢講有BB車應該坐邊度，跟住啲阿姐全部冇反應，話擺唔到BB車，我已經同佢講坐四人枱攞走一張凳就可以放架BB車，跟住啲阿姐仍然冇反應，全部好似未瞓醒態度非常差，完全唔想做，非常趕客，這樣的員工十分差！…查看更多

叫個大辣，黎左個無味小鍋米線，甜味，廚房擺明搞錯左，最後是但加左D算同辣，成碗野變苦，最後直接埋單走人，真係無良，求其是但，仲要唔承認錯誤，叫佢自己試味又唔敢試，只會講埋曬D廢話…查看更多

呢日做完gym, 唔算好飽又想有啲嘢落肚, 就去咗雲桂香快食個米線醫下肚本身諗住要個過橋米線share, 但望住啲餸見雲桂米線啲餸好似豐富啲又多啲肉, 就轉咗軚上到枱果然豐富, 配料有腩肉、雞絲、魚肉春捲、龍蝦卷、雲耳、腐竹、冬菇腩肉有少少辣, 但平時唔食開辣如我都食到, 幾惹味另外仲有少少酸菜會浸咗落啲湯度, 所以等於成個米線湯底都有啲酸酸哋, 夠晒開胃唔係特別肚餓的話, 其實兩個人share食都夠飽另外我哋仲叫咗個豬頸肉, 有配個甜甜哋嘅醬, 都係唔太辣 好食…查看更多

如題目，環境衛生先唔好講住 大家有去過都見識過，啲走廊又窄又污糟，埲牆仲要濕笠笠。跟住經常性拖住啲污糟碗喺條走廊行。但係今日唔係講衛生。明明啲位就重有好多，眼見吉枱都有四五張。但係死都要你坐佢指定嘅位，硬係要逼你埋牆角坐，跟住仲要黑面。OK嘅，你有公司規矩。咁我覺得唔舒服梗係走㗎啦，仲要皺眉頭，正到呢😂😂打份工啫，何苦呢？阿姐。一直都覺得打評論要200字先比到dislike 好煩，你差又唔係啲乜嘢新鮮事。…查看更多