雲桂香米線專門店

營業中

休息中

出街揾食，今次食米線🍜呢間雲桂香好多分店，今次就食沙田嗰間☺️米線辣度可以揀，叫左兩碗麻酸辣，入面仲有勁多配料，如韭菜、芫荽、芽菜、酸菜同肉碎粒，好正！😆菜款方面就叫咗腩肉同豬腸,兩款都係我心水推介，其實餐廳提供好多款俾你地揀，一定有款中你心水！😃小食就叫左炸雞中翼，有四隻，次次都會叫，但今次有少少失準，炸燶咗，但都好味道既😎雲桂香依然係我食米線5大之一🤣🤣

今日同朋友路過偉華中心，突然興起想食米線。係譚仔同哩間之間糾纏左一陣，最後就揀左哩間。我地去果陣大概七點幾八點，有人但唔算太多，唔洗摞飛。整體環境算清潔，雖然檯有啲痴，但位置較同類店鋪稍為疏落。我就叫左一個蟲草花雞湯米線，麵底轉左做紅薯粉。黎到之後初初望落去整體還不錯。紅薯粉幾彈牙，雞ok滑。試左啖湯，根本冇佢所講既酒味雞湯，只係一般普通雞湯。食到最尾發現佢啲雞毛掹得唔係好乾淨，差唔多一節手指咁長既一條雞毛漂浮係個湯度。整體味道ok，唔難食但唔好食，質素有待改善。拿 見唔見到大大條雞毛（筷子夾住果度）朋友就叫左一個涼拌紅薯粉，本身比個肉醬係微辣，佢就冇睇清楚餐牌揀左個小辣。由於我本身唔食辣，我試完發現自己個嘴唇...痹咗。朋友就話哩度小辣比佢想像中辣好多，應該有外面既中辣。整體紅薯粉幾ok既，但辣度有啲意想不到。總括而言，哩間淺嚐ok，但做回頭客？我就不會了，有大把同類型餐廳做得更好。

有時候，人總是唔知食咩好。作為一個米線迷，我時不時都會周圍食米線。而呢一間米線係會令我食完再食，因為佢價錢便宜，而且湯底濃郁得嚟感覺無咁多味精，食完唔會勁口乾。那一天晚上，我叫了豬頸肉、金菇菜小鍋米線。豬頸肉軟滑鬆化，不用咀嚼就溶化嘅感覺，十分美味！而金菇菜不過不失，浸在湯底好入味！不得不提的是他的小鍋湯底，濃郁但又不會太咸，酸酸甜甜的，很開胃。而友人則叫了豬紅、雲吞及金菇菜小鍋米線，其實吃米線一點也不會易胖，就算減肥也可以大吃特吃，加$7有飲品，絕對是平時不知道吃什麼好的好選擇！

好多人都話呢間野麻麻哋不過我覺得係學生時期已經開始食呢間第一價錢比較平！而且上得又好快選擇都唔少可以選擇自己鍾意嘅配菜同事同我都鍾意食辣所以呢間野好多時候都係我哋嘅選擇之一！

今次真係太嬲 呢個食評與食物無關 純粹講服務態度😤😤😤最近去咗兩次 第一次去未夠鐘已經截單 個個都趕收工 😑😑😑第二次去係下午茶時間 食完諗住坐一陣 點知啲員工簡直趕客 😦😦😦叫我去第二度坐 😳😳😳語氣態度勁差：去後面坐 坐幾耐都得 我哋要食飯⁉️⁉️⁉️ 依家咁嘅服務態度真係太差了之後未執齊野其他員工就已經坐咗埋黎 有種感覺係集體趕走你咁 就算啲嘢食煮得幾好都無用😡😡😡 其實呢間野喺沙田都已經好多年 點解咁仲未執

港式米線(加底)：本身這款米線配有芽菜、韭菜、腐皮，主打胡椒味湯底，沒想到小孩也能吃得好，覺得好味而沒有辣味。自選了紫菜，紫菜沒有沙而且帶點口感、芝士腸只有三條不過不失，而豬大腸非常入味，也沒有肥膏，這個十分好！由於分給小孩吃，加＄10加米線，果然分量十足！小鍋米線(中辣)：這款米線配有芽菜、芫茜、香蔥、炸醬和酸菜，其實這樣已經很豐富很夠味道，而且湯底酸酸辣辣，自選辣度中辣非常合適，配合得宜帶出醒胃的湯底。豬大腸沒有失望，同樣地美味入味之極。

職員態度極差。門口無人招呼，拎咗飛，等咗15分鐘，之後有一班人衝入去就坐低，之後問門口個收銀，我話：我拎咗飛架喎，佢指住一張枱話：坐個度囉。先發現其實門口有部機俾人拎飛係廢嘅，原來係自己搵位。但整個過程我肯定門口個收銀係見到我企喺門口好耐。好，呢件事算。當自己白痴。入到去坐低，職員態度如厭世一樣，打開櫃桶見無糖，問一聲，之後話：喺櫃桶囉。之後即走，連想講句櫃桶無哂嘅機會都無。嗌餸錯兩樣！極差！！！！！！

到大型超市血拼了一個上半晝，拼完已經筋疲力盡又肚餓，看見雲桂香就在眼前不遠，到達門口看一看手錶原來已經2:30 ，入座後立即看看餐牌發現有下午茶優惠：＄4可加配飲品，心裏已經覺得時間對了！第一次到這兒，酸辣控的我不用猶豫便點了重慶酸辣湯底(中辣)紅薯粉，配微辣炸醬和腐竹。重慶酸辣湯底本身有加醋，入口後第一時間增添食慾，打開胃口。本身很吃辣的我覺得中辣已經足夠。炸醬份量頗多，而且帶點微辣更為惹味！腐竹比較硬身，豆味不算很重，有點失望！紅薯粉很有咬口，份量頗多。其實這個湯底本身已有一些配菜，包括芫茜、花生、鹹菜、榨菜和香蔥，非常豐富！冰凍菊花蜜：屬於沖調飲品，味道足夠，甜甜的又很解渴，推介！

今晚星期六，誒去到夜晚十一點後有啲肚餓嚟咗誒希爾頓沙田。商場隔離一間雲桂香食米線。叫咗個勁辣四隻辣椒嘅米線。另外再加5份豬大腸，在一杯凍檸漆。試下哩度嘅，辣味夠唔夠同埋，個米線好唔好食。誒收銀員同服務員嘅態度都好好，好有禮貌。個賣相就一般般，我覺得好似紅色，嘅辣椒油好似好多。但係未食落去一陣間再試下。成個餐我用咗88蚊仲有一份外賣。就係鮮竹龍蝦卷，廿二蚊。應該個米線都唔錯嘅一陣間再話，俾大家聽好唔好食。

午餐時間來到位於沙田既呢間雲桂香食米線，12點幾黎到都好滿客人，不過都唔洗等位就可以入座。位置稍為迫夾，安排位置和其他食落背對背只剩少少位通道讓人過路，會撞到背脊不太理想。睇好餐牌，點左三個餸，包括：金菇菜、豬大腸同埋蟹籽丸，配上酸辣（小辣）湯底既米線，黎多杯凍檸茶，食物質素都不錯，米線軟硬度亦適中，因我不太喜歡吃太硬既米線，而金菇菜亦煮得好夠淋，湯底好入味，酸酸辣辣既口感，倍覺開胃，下次再來食過

近年愛上食辣，尤其麻辣更是必試項目呢間雲桂香開左咁耐都無衝動行入去，早幾日行過，竟然比我發現佢有口水雞，於是今晚決定一試入到去，迫埋同另外兩位小姐撘枱，坐得有啲迫，空間比較峽窄。我地叫左一碗酸辣米線，一碗麻辣米線，再加左個特意嚟試既「口水雞」點知，雞無雞味，麻辣無麻辣味失望兩碗米線都叫左少辣，酸辣嗰碗男朋友食到辣傻左，而我嗰碗麻辣，就只辣但不麻，食得飽，講完不過個豬大腸就好入味，又好咬口，唔會太un男朋友叫左個燕麥皮餃子，味道也不錯

People in Hong Kong love to eat rice noodle . There are a lot of difference rice noodle chain in Hong Kong . They usually sell it in a reasonable price . You can’t have much expectation to the environment , it is crowded and noisy . But the food actually taste quite good , I ordered a spicy beef biscuit with rice noddle . I am satisfied after finishing the rice noodle .Highly recommend others to go and try it .

最近幾年都中意食雲桂香既米線多過譚字頭～不過雲桂香既分店真係唔係好夠多，做唔到每區都有，所以要食個陣都係要特登去或者去開個區先可以食～～～～呢日黎到沙田咁就梗係要食小鍋米線小辣啦～最中意佢個湯底有好多肉碎，你會食得出佢個湯唔係用粉開出黎！同埋肉碎芽菜令到個湯好豐富，唔係淨係得米線～蘿蔔都好入味，夠哂淋身，索哂d汁，紫菜同雞絲都係！唔中意既配料都可以叫佢走左佢，例如蔥啦莞茜等等～ 仲一定要叫辣，辣辣地先好食！

都已經係下晝三點鐘左右，一般嘅食店照道理都比較少人，但呢間雲桂香一樣係坐滿人咁滯，猴子心諗，咁都好，咁多人幫襯，中伏機會肯定好微。叫咗碗港式米線，配豬軟骨、豬紅同埋豬膶，實行嚟個「全豬宴」。雖然話近排非洲豬瘟肆虐，不過各國政府都係嚴謹把關，所以其實都唔使擔心。先講講個港式米線，份量十足，大大碗保證夠飽，米線依然彈牙，而且十分滑，配菜嘅芽菜勁爽口，另一配菜係腐竹，不過有啲偏淡，味道唔太凸出。再講講三款食材，豬軟骨幾夠味，但如果可以有多啲膠質同滑溜感就更好。豬紅結實，亦夠嫩滑。至於豬膶就有啲失望，因為煮得太耐，食起上嚟好「鞋」。不過總括嚟講都係滿意嘅。

今日自己番沙田食，去雲桂香食米線，食完之後去做gym. 之前食開都係嗌清湯，although個湯底係好酸係好好味，但食得多，就想加下辣。夜晚8點15分到，吾洗等就即刻有位，之後就膽粗粗叫左微辣，嗌左雞絲，蟹子丸，通菜，當然叫埋杯凍檸茶少甜，用黎看門口。一黎到，都有少少驚，成碗係橙色，好驚好辣，好彩，一食，吾太辣，不過個湯底就無清湯甘酸，兩種食法，兩個都正。食到最後，覺得可以辣dd，吾知下次再嗌辣d得吾得......