雲桂香米線專門店

營業中

休息中

一直都係雲桂香fans食開荃灣嗰間今次打算試沙田嗰間哇 2個人食等左好耐先到 (不是重點)我男朋友叫左個肥牛米線佢話啲肥牛眾老過慈禧太后🤦🏻‍♀️個熱拌米線 根本就吾係熱拌啲湯有個碗既一半😃我問姐姐點解甘多湯 佢話係師博好好比好多腩汁我 但重點係啲腩汁好似湯水甘 冇味到呢🙄叫左小辣又冇辣 啲腩肉正常係又好食又有啲辣但依間啲腩肉勁勁酸 (有諗過係咪壞左)杯熱菜蜜甜到一個點🤦🏻‍♀️根本就飲吾落唉作為fans 吾話難食都吾得☹️ 好失望都係決定支持翻荃灣嗰間

其實我好耐好耐以前係雲桂香忠粉，上當年仲未有譚仔同三哥，同班同學一放飯多數都去附近間雲桂香食。就算出黎社會工作，得閒都會出去食返碗。不過自從譚仔開始出名之後，頭段時間都仲係好雲桂香忠粉。因為貪佢酸辣真係有酸菜，有好多肉碎！不過不得不退下來了。其實已經比佐好多次機會，我都唔希望比個劣評。不過真係差到我都已經接受唔到了。入正題，今日同男朋友去完玩，二個人咩住個背囊加一袋野食入去。點知個阿姐聲大大叫我地去四人卡位坐(我都明白，已經係一種文化)咁我地就坐佐係張四人吉枱，男朋友就睇餐牌。睇睇下個阿姐叫我地坐第2張四人卡枱，因為怕一陣有三或四位客人入坐，叫我地搭其他四人枱。如果有客人需要，我都明白，但當時係無囉，仲要有其他吉位..之後我地都一袋二袋諗住坐後面果張，點知後面二公婆話有人，我地又行返前面，原來有對情侶已經叫佐野食，呀姐好不客氣叫佢地坐埋一邊(難聽啲好似趕狗咁)咁岩隔離二人枱埋單走，果對情侶就話寧願坐二人枱於是就調佐過去(可能佢都見到我地好多野，真係會好迫)。最後我地成功又坐返一張吉既四人枱，呀姐仲千叮萬囑要坐埋一邊但我地個袋太大，跟本都唔夠位，而家又無人等，又有其他吉枱，最後我地忍唔住

七一有咩搞作？慶回歸就無咩太大感覺，所以，兩公婆專程一早入咗去香港文化博物館睇展覽，皆因有兩個特展好吸引：「羅浮宮的創想－ 從皇宮到博物館的八百年」及「八代帝居 ─ 故宮養心殿文物展」，原本打算睇完展覽晌博物館嘅「牧羊少年咖啡．慢遞館」食埋午餐，嘩多人到不得了，結果行過去新城市三期，一樣人潮澎湃，故最後過咗對面偉華中心嘅雲桂香食米線，雲桂香有唔少分店，但都喺第一次食，事後睇啲人嘅食評先知，晌咁多分店中，沙田店喺劣評最多嘅一間，小弟呢次都算中個頭埋去自挖墳墓。估唔到都已經2:00pm，一樣咁多人，不過，由入門嗰刻感覺已有少少唔好。入到去想搵位（依啲米線鋪不嬲自己搵位架啦），一個應喺主管嘅阿姐（佢着黑色製服，其他人全部喺黃色）攔住我哋叫等等，OK我當妳喺安排緊座位，點知轉頭佢放另一對後嚟嘅女生入去，我哋即刻禮貌話我哋先嚟，但佢都貌似無理。事件二，後來斜對面四人卡位有兩個人走，佢要求剩低食緊米線嘅兩個人（喺食緊米線，有米線，有小食，仲食到一半左右）調去搭落另一張四人卡位，務求放番晒成張四人卡位出嚟，嘩！使唔使使到咁盡呀，啲人食米線都快上快落啫。餐牌唔多講，貼出嚟大家自己睇，總之只可以講，選擇

今日難得出到沙田，真係好多野食可以選擇，不過一個人想食平平地，最好的選擇都係米線。除左譚仔之外都想食下其他口味的米線，所以來左好耐冇食的雲桂香。6點幾左右的時間唔算多人，馬上就可以入坐，而且食米線的好處係可以好快整好有得食。豬軟骨雲吞米線 (小小小辣) - 先講湯底，其實餐牌都有寫小辣會少D豬肉碎，而小小小辣真係得好少好少豬肉碎，整體來講係冇咩辣的味道，而個湯底都冇以前咁好味。豬軟骨分量唔多，而且肉質過腍且散爛，失去了豬軟骨原有的脆脆口感 。雲吞得兩粒，而且皮都幾厚下，味道普通。而且食的過程中係咁有D小形飛行物體飛來飛去，影響到要成日撥走佢，真係令我對雲桂香扣左不少分數。整體而言，食物質素唔可以講得上好食，而且分量仲少左，估唔到雲桂香的質素係咁多米線店的競爭下都可以下跌咁多，真係好可惜。

雲桂香去完沙田扔彩虹,我朋友話介紹我去食酸辣米線,話好食過我樓下個間, 咁咪去試近希爾頓中心,係一間米線專門店價錢中等, 叫左D丸 , 辣度我選左小辣整體都OK, 可以再食,D丸幾好食

今次叫左叫個"勁辣 多酸"完全唔辣 不過夠酸👍🏻抵讚既係配菜好多 就算唔叫餸都唔會好dry🌝豬軟骨依舊好食 呢間得三舊但好大舊😍------------------------------另外叫左個夫妻肺片👫呢個係伏 個辣油唔辣唔香 得啲油味肉本身都係冇味 又韌😒$42不如叫口水雞吧啦 伏呀😡

夜晚十點係沙田仲有咩宵夜選擇呢？企係雲桂香同譚仔中間，個心15 16，向左走定向右走好呢？最後選擇向左走，因為譚仔平時都食得多。對於有選擇困難症既我嚟講，要揀個餸係要花好多時間，幸好 menu 左上角有個大大既腩肉小鍋米線圖，唔洗諗即嗌。雖然同譚仔大家都係賣米線，但食落完全唔同。感覺上雲桂香多啲配料，腩肉又多，我本身也偏好吃酸辣湯底，佢個湯真係幾辣，但辣得好過癮，可惜變咗孖潤腸嘴，俾男朋友取笑！過份呀！

今日放工後去到沙田同朋友食個晚飯傾下計，由於大家都係慳錢一族，決定以低價取勝。 平時食開譚仔，平得尼又想有D新意思，就試下呢間雲桂香。叫左小窩酸辣紅薯粉（小辣）（$27）＋牛展（$7）平時食開譚仔三小辣，但似乎云桂香嘅小辣大摡只有譚仔四－五小辣左右。味道遍咸，酸味唔太突出，優勝之處應該算係有得選米線以外的粉，紅薯粉🙈。牛展有四至五塊，非常失望，好硬，而且好un.. 對比上次食的南記實在差太遠了🙈。

早兩日同朋友行完新城市廣場，dinner想食米線就search下附近有咩好食係巴士總站附近有譚仔同雲桂香，兩間米線鋪頭連住，就揀左雲桂香一入到去睇左一陣餐牌就即刻叫個姐姐落單呢到既米線同譚仔比真係好食好多，米線質地煙韌個湯底又多配料價錢又唔貴，以後去沙田行街都會再食

今日行咗好耐街，友人帶我來試試雲桂香，之前一直都係食開譚仔未試過呢間，估唔到令你人覺得幾好食，我就叫咗個腩肉面同埋一個秘製豬頸肉，佢嘅藍玉都幾輕同埋幾滑啲肉都唔錯，而且都好多塊，我朋友話腩肉係依間最好食嘅，不過有啲朋友啦可能就驚辣唔敢叫，不過可以同你講唔使擔心， 因為我自己都係唔食得辣嘅，今次膽粗粗咁樣叫， 都好驚自己食唔到，可惜呢個擔心係多餘嘅，因為呢個腩肉其實一啲都唔辣，而且都唔會好多肥肉，而個湯都幾香啲面都好滑，可惜自己因為唔鍾意芫茜，相對個湯都唔想飲落去，但嚟講得幾香嘅，如果秘製豬頸肉先啦令人最驚喜，啲肉啦全部都係瘦肉而且食落去都係啖啖肉，味道點啲醬真係勁好食，可惜價錢又有少少貴啦，因為都要＄40 ，不過以第一次食黎講覺得還可以啦，不過我相信自己會再去食。😍😍😍😍

同事話黑色星期五要沖喜下 要去遠d食lunch同埋要求食米線 我心諗又係食譚仔 點知今次估佢唔到竟然帶我食新野 哈哈 原來雲桂香咋 去到門口企滿人 終於等左10 mins先有位我同事推介小窩米線 唔辣+餸 我揀左豬軟骨同豬大腸 另叫蒜泥白肉 豬軟骨唔夠淋 d軟骨還是很硬 豬腸就切幼條但仍然有嚼口 米線較彈牙 都尚算合格 反而佢個蒜泥白肉就有d驚喜 白肉卷住青瓜 食落青瓜中和左超辣感 爽呀 同事揀左要中辣腩肉小窩 見到過湯紅仆仆咁同事話ok啦 我試一口即刻唔敢出聲真係好辣架

今日天氣寒冷，好適合食辣的食物，因為可以保暖開胃，於是一行人又去左沙田雲桂香食米線，基本上上菜時間快，但服務就普通，我地要同其他人搭檯，我地叫左兩碗小鍋紅薯粉（ＢＢ辣）同一碗麻辣米線，仲有叫白肉同龍蝦卷，係粉麵上的確做到麻辣，食左整個人都暖番晒，而Ｄ白肉入面包青瓜，入口口感極佳，但個龍蝦卷就欠缺誠意，似係街市買回的魚腐卷，不過是沒有冰鮮咪，但都是好失望。整體而言，服務水平一般，不過勝在今日夠晒凍，吃碗麻辣米線真是整個人都精神晒。

好耐以前... 米線係我每個星期必會搵日去食既其中一樣野今日跑完步, 出去沙田行行... 見到久違了既米線...咁耐無食.. 即興去試試...一坐低..諗都唔洗諗就叫左我以往食開野配菜滿心期待...  終於黎喇但第一個感覺成碗野... 真係好似好是但咁上...一點都唔覺得吸引個湯底都還ok 既..仍然保持到我以前食o個陣酸酸辣辣既感覺但豬紅及雞翼....係無味道..而.. 店員的確又無咩禮貌衛生亦一般其實, 現在好多食市都興起..要食米線... 同類既食店大把如雲桂香仲唔改善一下...被淘汰既機會真係好大

因為真係好耐冇食過酸辣米線 所以今日去沙田就決定食雲桂香以前曾經有係沙田番工都有食開, 咁就決定再去食. 見到都幾FULL, 但都有位唔洗等..睇完之後就叫野食..個姐姐過到黎 我叫左2個餸 走芫茜同九菜咁果度D姐姐會即刻重複. 佢話我走芫茜同蔥.我再重複走芫茜同九菜 蔥係要既! 但佢都係講走芫茜同蔥所以男朋友就再重複係 走芫茜同九菜然後男朋友係叫3個餸, 我地再叫左春卷然後等左1陣, 佢竟然拎左碟炸雲吞我地即時同個姐姐講唔係炸雲吞, 我地係叫春卷佢走開左 再行番黎問我地有冇底單 我地講左冇之後佢再行開..第3次行埋黎既係,第2個姐姐, 佢話底單係寫左雲吞........咁我地都知佢底單寫左雲吞, 佢廚房先會出雲吞既咁我地事實係叫左春卷, 你行左3次埋黎同我地講如果佢係好聲好氣既問我地會唔會都OK!但佢就好似係我地錯咁......食完之後男朋友話 下 次 唔 會 再 食 呢 間 米 線 !!!!!

口感 6.5/10米線應該煮得太耐，所以太淋之前講過👅好怕食淋嘅麵所以米線唔合豬皮都幾爽口，唔會好似米線咁淋patpat不過腩肉就爭啲，肥膏同肉嘅比例唔好而且又係一樣over cooked所以散晒，仲要有一半膏還膏肉還肉膏都話好啲，肉個part都真係幾柴味道 7.5/10湯底都係咸為主，辣同酸都係差咁啲辣道應該只要譚仔3小好鍾意食酸野嘅覺得酸味唔夠重特登加左一定份量嘅醋以原味湯黎講就岩岩好合格不過加完醋就好岩口味.因為湯底本身幾濃豬皮冇乜自己本身嘅味雖然佢餐牌上話佢地有不過除左湯嘅味之外係食唔到其他味腩肉就好啲，話晒都over cooked所以本身嘅味都仲有啲只係都唔及湯底重姐份量 7/10都係個句囉，話多唔多話少唔少正常人食一碗就ok大食就食完要補多個M記囉