影片
更多
2017-07-05
2440 瀏覽
七一有咩搞作？慶回歸就無咩太大感覺，所以，兩公婆專程一早入咗去香港文化博物館睇展覽，皆因有兩個特展好吸引：「羅浮宮的創想－ 從皇宮到博物館的八百年」及「八代帝居 ─ 故宮養心殿文物展」，原本打算睇完展覽晌博物館嘅「牧羊少年咖啡．慢遞館」食埋午餐，嘩多人到不得了，結果行過去新城市三期，一樣人潮澎湃，故最後過咗對面偉華中心嘅雲桂香食米線，雲桂香有唔少分店，但都喺第一次食，事後睇啲人嘅食評先知，晌咁多分店中，沙田店喺劣評最多嘅一間，小弟呢次都算中個頭埋去自挖墳墓。估唔到都已經2:00pm，一樣咁多人，不過，由入門嗰刻感覺已有少少唔好。入到去想搵位（依啲米線鋪不嬲自己搵位架啦），一個應喺主管嘅阿姐（佢着黑色製服，其他人全部喺黃色）攔住我哋叫等等，OK我當妳喺安排緊座位，點知轉頭佢放另一對後嚟嘅女生入去，我哋即刻禮貌話我哋先嚟，但佢都貌似無理。事件二，後來斜對面四人卡位有兩個人走，佢要求剩低食緊米線嘅兩個人（喺食緊米線，有米線，有小食，仲食到一半左右）調去搭落另一張四人卡位，務求放番晒成張四人卡位出嚟，嘩！使唔使使到咁盡呀，啲人食米線都快上快落啫。餐牌唔多講，貼出嚟大家自己睇，總之只可以講，選擇
估唔到都已經2:00pm，一樣咁多人，不過，由入門嗰刻感覺已有少少唔好。入到去想搵位（依啲米線鋪不嬲自己搵位架啦），一個應喺主管嘅阿姐（佢着黑色製服，其他人全部喺黃色）攔住我哋叫等等，OK我當妳喺安排緊座位，點知轉頭佢放另一對後嚟嘅女生入去，我哋即刻禮貌話我哋先嚟，但佢都貌似無理。事件二，後來斜對面四人卡位有兩個人走，佢要求剩低食緊米線嘅兩個人（喺食緊米線，有米線，有小食，仲食到一半左右）調去搭落另一張四人卡位，務求放番晒成張四人卡位出嚟，嘩！使唔使使到咁盡呀，啲人食米線都快上快落啫。
餐牌唔多講，貼出嚟大家自己睇，總之只可以講，選擇多，質素差。
小窩米線 $26老婆偏素，所以就只揀小窩米線，走辣走豬肉碎，轉米粉，再加腐竹（+$6）及木耳絲（+ $6）。配料雖然話有芽菜、酸菜、韮菜、蔥、芫茜等，但唔知喺忙，定根本班廚房就喺迤，得好少配菜。而啲腐竹喺硬嘅，唔喺未腍，喺好似無煮過咁；諗住木耳絲好啲啦，頂，一啲都唔爽口，叫比腐竹好啲囉。
肥牛小窩米線 $38小弟窩米線，比老婆碗好啲，至少啲肥牛唔喺又韌又嚡，只喺份量少啲啫，而配料同樣話有芽菜、酸菜、韮菜、蔥、芫茜，沉晒晌底，不過，撈幾撈都喺唔多。只可以講，米線滑溜夠份量，唯一合格嘅，就喺湯底幾香。
凍朱古力 +$7跟米線點飲品有優惠，我就無寄望佢哋啲奶茶、咖啡，所以，嗌杯凍朱古力，普普通通咁啦。
凍豆漿 +7老婆喺健康人，所以，要豆漿。原價散點$10支，跟米線就平$3，豆漿喺本地製造，值得支持，豆味都頗濃，少甜，不過，經雲桂香就變得唔衞生，成個樽身唔知黐到辣油定乜嘢，好污糟。
初時去到，見鋪內坐滿人，心裡打個底覺得應該唔會太差，況且，做米線嘅感覺差極有個譜，但今勻真喺劣食米線慶回歸。小弟一向手緊唔多會俾劣評，真喺好似雲桂香咁，唔好食、無禮貌、唔衛生，樣樣都差到暈，俾佢劣評實至名歸啦！
張貼
