雲桂香米線專門店

營業中

休息中

講到港式米線🍜，將軍澳已經開左幾間譚仔、一間南記，我一直都等緊雲桂香開入黎😍終於將軍澳都有雲桂香食了！今次帶埋媽咪👭🏻一齊去食米線🤣🤣🤣揀左一碗米線一碗水晶粉麻辣湯底黑木耳招牌腩肉：食落少少麻帶酸，少少痺，但好香好惹味幾頂癮，豬腩肉葉得好夠味又夠薄，易咬👍水晶粉好有咬口、好煙韌！黑木耳好爽口，加呢樣都幾好，唔使太多肉麻酸辣湯底通菜魚肉春卷：反而呢碗酸味無咁重😂，魚肉春卷幾好味，又有咬口，不過個人覺得通菜都係唔係太岩米線，下次我都係會考慮配返韭菜或者芽菜😂🌸自己揀配料，點搭都得

香港大熱嘅米線簡直係日常生活一部份，將軍澳就有間雲桂香更係要試試佢啦⋯⋯小鍋米線有芽菜、酸菜、韭菜、蔥同芫荽，我就加左餸要腩肉同墨魚丸，佢地嘅腩肉半肥瘦好淋身好正，其實我個人覺得最緊要湯底，佢地整到夠晒酸好正仲加左小小肉碎👍🏻👍🏻👍🏻另外仲叫左個雲吞湯有成6大隻，湯底有酸菜同生菜🥬菜肉餡料正正正。小食叫左個炸鮮竹龍蝦卷，用左蝦肉打成啖啖肉小食一流有成8隻夠晒食。食米線更係要配罐可樂啦⋯⋯

今日行完商場，發現寶林開了雲貴香米線，就入去試下。裝修都唔錯，位都算多。我地點左蘿蔔黑木耳小窩米線，鹵水豬耳米線同蒜泥白肉。飲品要左凍檸茶同凍鴛鴦，食品黎到，湯色都幾靚，湯底味道都幾好，而且米線分量都足夠，蘿蔔都幾爽口而且好大舊，不過蘿蔔應該用糖水處理過，感覺太甜了。黑木耳都新鮮唔錯，豬耳份量比較少，味道普通。這裏的蒜泥白肉是白肉卷着青瓜再在上面落蒜蓉。可是肉味不濃，青瓜太大，蒜泥也不夠，感覺麻麻。飲品方面還算不錯。

今晚無飯食同左阿妹去食雲桂香佢話係佢返工嘅食堂喎我又去試下先我地一人一個小鍋米線我揀得偏清淡嘅叫左黑木耳紫菜竹笙龍蝦卷小辣紅薯粉再加多個蒜泥白肉一齊食～佢呢度個蒜泥白肉幾特別用薄薄嘅白肉包住青瓜配上青瓜感覺更清爽白肉唔會辣蒜味香濃唔錯小鍋米線都大碗每款餸嘅份量都多睇下完全望唔到底下嘅紅薯粉㗎我揀嘅餸全部都好吸湯所以食酸辣啱晒！龍蝦卷第一次試都幾爽口彈牙湯底酸辣但我揀嘅係小辣所以辣度唔會太高建議想食辣嘅朋友可以揀中辣以上佢呢度都有更貼心嘅選擇麵可以揀軟硬度湯底都可以揀濃淡好似拉麵店咁😂佢呢度嘅飲品比一般米線鋪多少少選擇咸檸七感覺好似更下火咁😂😂

經常經過都見到好多人喺門口等，就同老婆去試下，放工就去拎飛，見到門口好多人，以為要等好耐，但不出5分鐘，一下子就入晒所有人，原來入面有好多檯都未有人，唔知係唔係要做個勢比人以為真係好受歡迎呢。坐低睇完餐牌就叫人落單港式米線小辣+豬大腸+豬紅+豬潤，加凍檸茶湯底味道幾好，胡椒味都算香，配料份量好足，豬大腸有口感夠彈牙，豬紅都夠味，但係就只得4粒，而豬潤就比較差，唔起沙，入口感覺唔似豬潤。杯凍檸茶冰塊唔夠，攪多幾吓已經融晒，個杯野仲係暖既，要叫店員另外比多杯冰塊先得，個店員好funny，一路唱歌一路拎比我。小鍋米線中小辣+豬軟骨+墨魚丸同樣配料好足，夠辣，豬軟骨得1舊加2小粒，亦一啲軟骨都無，只係肉，食豬軟骨就係想食啲軟骨之麻，而墨魚丸就只有3粒，口感好差，一啲都唔彈牙，實的的，唔係眼見到都唔會相信佢係墨魚丸。總結係，港式胡椒湯味係好既，小鍋湯就一般，墨丸豬軟骨豬潤就最差，豬大腸最欣賞，下次都係去返譚X啦。

老實講將軍澳一路都係得果2間譚字頭既連鎖米線鋪，有時想食米線都係簡阿哥，今次終於有吾同口味既米線可以簡啦～今次係第二次食呢間雲桂香，上次去食果陣岩岩開左無耐，所以感覺上好似好多野都好亂，今次感覺好多野上曬軌道，所以感覺順利自然，等位都吾會話等好耐，我一黎到就先係門口禁好飛再等我朋友黎，都係等左吾洗半個鐘就入到去。入面位置相對黎講會比較密集一點點，但是每張檯都有隔板分隔，落單叫店員速度也不錯，老實講真係好多人黎食，所以店員都好忙，但是服務態度都吾錯呢～我今次都係叫返豬軟骨同海帶，麻酸小辣，食落好好味，好難忍住吾飲湯😂😂😂豬軟骨好軟滑，食落好正，有一定脂肪既感覺，份量也好足夠，海帶都好好食，好啦～其實我好鐘意呢個配搭😂😂😂朋友叫既清湯吾辣睇落好清😂😂但是佢既薯粉都吾錯，吾會話好硬好難消化。我今次仲叫左個蒜泥白肉，佢呢個蒜泥白肉夾住青瓜既配搭吾錯，白肉畢竟係有點脂肪感，配搭清爽既青瓜一齊食又係吾錯既配搭。

明明叫左走芽菜， 返到去打開個盒時 發現成扎芽菜係度😑😑叫小食嘅時候 想轉款阿姐話好忙啊而家 下次先再轉啦🙄其他分店好食啲 呢間既味道太咸啦可一不可再啊 .........

位於寶琳的連鎖米線店，近日新開的，經過總是座無虛席，多人等候，大概是附近都沒有米線店吧。過了繁忙時間過來，人流漸少。湯麵底：小鍋米線辣度：中小餸款：豬大腸、豬潤、雞絲本身的小鍋已經有些配料，再加上點了3款餸，很豐富且飽肚。米線掛湯，香辣過癮，大量的雞絲，肉質粗糙。嗜辣的下次要一試大辣。豬潤及豬大腸很多片，很韌口，咬得口腔有點累。風味小食：口水雞普遍常見常吃到的四川涼菜，雞件連皮嫩滑。麻辣汁是精華所在，惹味帶蒜的味道，層次豐富，香辣帶麻。

雲桂香米線 雲桂香都算係香港嘅連鎖米線餐廳，喺唔同地方都有分店。 米線可以自由配搭， 揀咗想要嘅湯底之後，再另外加配料。有超過10款唔同嘅湯底，有辣有唔辣！最後揀咗招牌小窩米線明火烹調配有芽菜、酸菜、韭菜、蔥、芫荽可以自行選擇配料。湯底有少少酸，識落幾開胃。小鍋米線 (唔辣、竹笙、米線) $28+9小鍋米線 (微辣、豬軟骨、米線) $28+9配料嘅份量都算多，竹笙同豬軟骨都見到好多舊，米線唔會太淋。呢個價錢來講已經算唔錯。醬拌皮蛋 $20醬料唔係好辣，少少麻，會食上癮嘅小食凍檸茶+$7熱華田+$6📍 雲桂香米線專門店 (新都城中心) (將軍澳)將軍澳貿業路8號新都城中心1期地下G105-G106號舖

今日想食下米線🍜之類的食物，經過家附近的雲桂香，佢3月份才新開張，有時經開都會見多人幫襯，可能我早食關係, 見都有坐位，咁等我又試下新鋪味道如何先得。#鮮魚湯米線配黃花魚魚湯米線夠晒大碗有份量嘅，原條黃花魚上另上，免給湯浸到脆皮淋晒日👏，黃金色的外皮好香脆，魚肉就都算新鮮，加$9/$7可配搭自己喜愛的食物，抵食！#麻辣雲耳成日都想食麻辣，呢間個麻都夠，有陳醋在內，有齊麻酸辣的感覺。#雲桂香 #米線

米線一向係香港人最愛，配搭住辛辣湯底同埋唔同嘅餸菜，就已經係一味簡單嘅逸品。呢間連鎖式米線，聽就聽得多，難得喺將軍澳開分店，當然要一戰。小鍋米線，$28。呢個絕對係鎮店之寶，個人推介麻酸辣湯底，個人認為呢度嘅酸辣湯唔算太辣，有信心嘅朋友起碼要喺中辣起跳，湯頭配有大量肉碎，可見足料。餸菜方面我就揀咗腩肉同埋鮮竹龍蝦卷。腩肉甜甜地鹹鹹地，同米線十分夾，米線嘅軟硬度都算適中，值得一讚，反之龍蝦卷普普通通。

坐底食野 入去坐底無人理 無人執枱 叫落單扮睇你唔到 叫左一個就話等陣 兜口兜面叫佢另轉頭執枱 我話叫你落單你就執枱 之後佢大叫落單無人理 我行出去個收銀叫佢 你地唔做生意就講 叫極無人落單想點

星期日間間食肆都人山人海，難得新都城新開呢間雲桂香係唔使等位👍即刻入去嘆番個下午茶😋小鍋米線+豬扒～湯底勁好味，有好多配料，豬扒葉得勁入味又鬆化👍👍港式米線+腩肉～呢個湯底冇乜味，腩肉又少😟

唔知由幾時開始，#小秘書 愛上咗 #湯米線，由最初只係識欣賞 #港式 嘅口味嘅我，漸漸發覺原來 #雲南、#四川... 嘅酸同麻都唔錯吖😉 呢晚做完嘢得我一支公，諗住清清地食個 #炒麵、#白粥 做 #晚餐，點知比我望到對面新開咗間專食 #米線 嘅 #雲桂香 ... 自自然然就被吸引咗過去😅 見到門口成棚人喺度等位，原來個個都成雙成對👉🏻👈🏻 原來單身都有單身嘅好，等唔夠5分鐘我就有位喇✌🏻餐廳雖然係新裝修，不過嗰種逼夾嘅情況令人咋舌😕 二人枱中間仲要豎起塊膠板，當烏低食麵嘅時候，個頭頂幾乎要撞到前面塊板🤣 夾喺中間嘅我，同左右兩枱嘅食客都唔知有冇一尺嘅距離😅 加上班 #員工 喺小店裡面不停 #穿梭、#大叫大嘈... 坐唔夠3分鐘已經感覺到非常有壓力🤯 所以都係快快食完，早走早著😅我叫咗碟 #醬伴皮蛋，個 #醬汁 同啲 #炸蒜蓉 加起嚟都幾惹味😅 不過可惜啲 #皮蛋 唔靚、口感太乾... 有啲浪費🤭 好在個 #腩肉小窩米線 都仲保持到水準，不過如果個湯底可以再辣少少就更加好喇🤤 經過此役，我諗我都係鍾意啲比較慢活嘅運作模式... 要食米線嘅，就轉買 #外賣 吧啦👉🏻👈🏻

叫左個雲桂米線轉水晶粉酸辣小辣（$64）簡單形容冇辣味 、冇酸味。佢就係用滾水恰熟個水晶粉，之後用番個滾水做湯底、再加一舀開稀左既酸辣湯底。真係難食到講粗口。小食方面 我叫左個皮蛋，我覺得ok既。冇咩問題，可以叫黎食下。再加一個炸雲吞，炸雲吞好大隻既，好多餡，個皮係煙un的，不是脆的！一般般可接受！繼續杯凍檸茶係幫我走左甜既。um..冇錯，我今日黎養生既。不要浪費食物，我努力食哂d面，嗯..冇事既 我唔會再黎姐！