雲桂香米線專門店

營業中

休息中

米線一向係香港人最愛，配搭住辛辣湯底同埋唔同嘅餸菜，就已經係一味簡單嘅逸品。呢間連鎖式米線，聽就聽得多，難得喺將軍澳開分店，當然要一戰。小鍋米線，$28。呢個絕對係鎮店之寶，個人推介麻酸辣湯底，個人認為呢度嘅酸辣湯唔算太辣，有信心嘅朋友起碼要喺中辣起跳，湯頭配有大量肉碎，可見足料。餸菜方面我就揀咗腩肉同埋鮮竹龍蝦卷。腩肉甜甜地鹹鹹地，同米線十分夾，米線嘅軟硬度都算適中，值得一讚，反之龍蝦卷普普通通。