雲桂香米線專門店

營業中

休息中

因為突然好想食酸辣米線所以近近地揀咗食雲貴香雖然已經8:30 但都係全場爆滿要同其他人搭枱喂每次都必要嘅墨魚頭爽口彈牙又多今次新試咗豬軟骨總共俾咗兩大兩細豬軟骨又林又入味好抵食另外，仲叫咗個螺旋藻呢個未食過上網睇係好似海帶嘅嘢食所以就叫咗試吓個樣同海帶係一樣食落口感俾海帶厚身少少但食落整體好夾酸辣粉呢個下次都會再叫朋友，仲叫咗個熱撈叫咗菜肉雲吞 龍蝦春卷同埋竹笙菜肉雲吞我冇食到不過好大粒龍蝦春卷就正常竹笙，我覺得比三哥譚仔仲好食都係可以，下次再叫

呢一间云桂香唔会再过嚟食㗎喇，啲服务员真系几寸㗎，特别系嗰条後生女，个子矮矮的，绑住条辫子嘅嗰个，仲串过嗰啲阿姐㗎！！成个环境比人哋感觉好似好压抑，去食谭仔仲好啦。啲味道真系偏差好多，有时觉得好食，有时觉得唔好食，嗌咗四个餸、仲比我少咗一个，仲要我自己嗌佢，专登喺将军澳过嚟呢边食，仲要呢啲态度俾人对人哋，搞得我心情真系好差，我自己都系做服务行业㗎，但系我一定唔会态度对人哋㗎，将心比心，真係冇眼睇。

侍應基本禮貌都無，對啲客呼呼喝喝，落單又係咁，上菜又係咁，黎幫襯好似煩親佢咁。 其他分店都唔係咁，寶琳呢間特別差。食物無乜問題，主要係入去幫襯要預左受d阿姐氣，要有心理準備。

入到去坐低咗，叫咗5分鐘職員都無人黎跟咗有個帶手套職員行過黎寫野叫咗個熱拌紅薯粉加豬軟骨，等咗20分鐘都未蒲頭連隔離個2枱遲過我黎，遲過我叫都食緊喇!!!我仲係到等緊…等到燥咗!!!!!!!後叫杯凍檸茶由9點正坐到9點18分先岀到黎用18分鐘岀到凍檸茶，真係確實難得!!!!!!!!!!岀到黎杯野岀哂水，冰到無咁半，確實難得!!!!!!!!!!勸大家趕時間咪食，waste your time🖕🏻

今次嚟到啊寶琳食雲桂香🍲重慶酸辣紅薯粉配蘿蔔 ($36)熱拌米線配腩肉 ($40)炸蝦卷 ($22)平時lunch嚟到都要排隊，所以今日就專登早少少去食。😎🤘🏻今日叫咗碗重慶酸辣紅薯粉，紅薯粉都唔會泰林，食落口仲非常彈牙。🤩蘿蔔亦都非常之甜(懷疑係一路浸住糖水)，不過都係幾好食嘅😂😂另外都叫咗一碗熱拌米線，相比之下之前涼拌就好食啲啦。由於係冇乜湯嘅關係，建議大家都唔好叫太辣，如果唔係就好難頂㗎啦。😚最推介就係炸蝦卷，即叫即炸而且熱辣辣脆卜卜，又唔會太鹹，配埋個泰式辣醬簡直係冇得彈😌😌

星期六中午幫襯，全店坐滿人，都等左十幾分鐘先有位。樓面侍應唔太夠人手咁，咁啱被安排坐係近商場果邊，位置相對唔起眼，等左5-6分鐘都冇侍應路過，唯有自己行出去落單😢。坐果張枱左右兩邊都有防疫膠板，本身張枱已經唔太闊落，食得好有壓迫感。要係食客背後先上到菜，好彩冇咩意外😮‍💨小鍋米線 味道較濃，層次豐富，幾有雲桂香特色。豬頸肉份量味道都一般。港式米線 為左食胡辣先叫，小辣比較淡味，冇胡辣感。可能食中至大胡辣先夠味。醬拌皮蛋 辣醬味道唔錯，值得一試。

涼拌紅薯粉🍝呢一款拌麵配料充足紅薯粉煮得十分理爽滑可以揀辣或者唔辣辣個款會有辣肉醬即使小編揀咗唔辣密製撈汁依然另到紅薯粉十分美味味道鮮味帶有微酸食落另人胃口大增蟲草花雞湯米線🍜雞肉嫩滑 蟲草花足料湯底亦十分清甜食落感覺幾補身🙈如果想清清淡淡唔食太濃味可以選擇呢款米線千層豬耳🥓小編十分推介呢款小食鮮香酸辣極之美味豬耳已切絲 是凍盤食落滿滿的骨膠原🧡日本雪魚豆腐🐟豆腐表面炸到很香脆裏面卻十分嫰滑稍微覺得魚味不足味道：4/5環境：3.5/5消費：3/5推薦指數：4/5

📍Hong Kong📍#ami觀塘綫 #ami荃灣綫 #ami將軍澳綫 #ami港島綫#雲桂香極中意食米線、紅薯粉、酸酸辣辣🌶既我今日同大家介紹雲桂香。相信平時大家都主要係食開譚仔、三哥！重慶酸辣紅薯粉紅薯粉超級滑捋捋，湯底辣道大家可以自行選擇返。本身比佢圖片既紅紅火火既湯嚇親以為會好辣，所以一開始只係叫左小辣完全無料到。😂再下一次再試中辣只係有小小辣味！我諗我下次要試下大辣。呢個酸辣粉仲有好多配料花生🥜、榨菜、鹹菜同芫茜！如果唔食既你記得要走！我就幾中意入邊有啲花生咬下！小鍋米線呢間店既招牌菜，但個人覺得無乜特別。因為自己偏愛酸辣🌶湯底。但呢但小鍋米線可以比你揀返唔辣。配菜方面分別試左三個，雞翼、豬軟骨、豬紅。雞翼就係普通豉油雞翼無乜特別。豬軟骨，真心唔講我都唔知個舊係豬軟骨。😅因為成舊得好好好小部分有軟骨，全部都係啲肉。豬紅，就咁睇落去好似好多咁但其實完整既豬紅只有一粒。🫠全部都係啲碎既豬紅完全分身係啲湯到。除左辣、酸辣！仲有雞湯、魚湯底比大家選擇返。😋衛生同服務就不置至評😅因為繁忙時間去食，餐廳人員不足導致踢曬腳仲有啲混亂。但有個點想提下就係發現不論12點去好、1點去好，都硬係有

今日睇完戲諗住入去食碗米線，點知係等緊野食黎既過程中，牆上面既裝修板突然間跌咗落黎，跌中左我既頭部，我當下黎唔切反應，feel 到好痛，慶幸係冇流血。事後，職員只係請左杯凍檸茶比我地飲同簡單問候幾句。我想講既係，點解餐廳唔可以好好檢查下安全問題，認真檢查下裝修有冇做足防護措施，而唔係好簡單咁用膠紙痴住，如果真係出左人命你地要點負責🤬以後唔會再去呢間食！今次呢件事上，我希望餐廳可以檢討下環境安全既問題，唔想有其他人再發生今次不幸既事件！

今天(2022年9月25日)下午大約18:15，我與友人到此店其中一張靠牆的四人檯坐下，一塊木製四方體的裝修突然向檯面跌下，幸好砸碎了中間的防疫膠板，否則直接砸向我友人的頭部，強烈要求此店拆除所有木製四方裝飾！

人生嘅第一碗米線，係响雲貴香食嘅，所以或多或少都有一種情意結，雖然而家佢已經唔係最好食嗰間。經過將軍澳，見到有雲貴香，二話不說即刻衝左入去叫咗碗小窩米線，小辣，加肥牛炸醬豬紅⋯等咗20分鐘碗野先黎，齋講米線，米線係好食嘅，軟硬適中，不過個湯底就令人非常失望，話明小窩米線係有芫荽、酸菜、芽菜、蔥等等，但係成碗米線一片芫荽都冇，酸菜份量極少，而且切到好碎，一啲酸味都冇，叫咗小辣，但係連埋炸醬，都只係微辣，湯底亦比以前淡左好多。我平時習慣叫炸醬分上，但哩間嘅姐姐話唔得（之前食開旺角、沙田、銅鑼灣分店都可以，不過已經係好耐之前嘅事），算係一個令我幾失望嘅位。豬紅係好食嘅，又甜又彈牙，但衰在個湯底偏淡，嘥咗個豬紅。肥牛就真係最差，好似烚咗成個鐘咁又韌又硬。炸醬就真係點評唔到，因為都撈晒入個湯底度，溝淡晒。齋講今日我食呢碗米線，就真係比另外三間本地好出名嘅米線舖失色好多。如果只係比較雲貴香嘅分店，似乎銅鑼灣店係最好食，將軍澳店就真係最麻麻啦。仲有，好多雲貴香姐姐都好串，擺到明唔sell服務態度⋯

不知所謂的服務態度，本人和太太新都城雲桂香叫左兩碗麵，食食吓，太太想叫小食，竟然服務員話點解唔一次過叫，離譜、唔夠想加食物都俾人話，我食嘢係俾錢，不是求免費食物，真係冇下次😡

面 唔得肉 唔得花生 唔得醬 唔得肉醬 暖+唔得 總結：垃圾F mememememememememmemememememememememememememememememememe

湯底超正😍😍😍今日又想食米線喇！！！揀咗雲貴香😋🥢其實我真係好鍾意食佢嘅湯底，不過真係有啲啲啲濃味🙊🙊🙊每次食完都要飲返幾杯水！🤣我嗌外賣酸辣小窩米線加腩肉小辣($38)，嗌左分湯，所以米線都唔會話浸到好淋，腩肉切得夠薄身，又唔會太肥，好食！😋😋😋😋湯底依舊都係咁濃果，但係今次淨係嗌咗小辣，所以唔夠辣🤣🤣🤣下次一定要嗌返中辣先得！味道: ⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️🚗: 消費$300可免費泊車1小時

突然間好想去米線 寶琳眾多米線連鎖舖 我地覺得雲桂香係最好食 所以就去買外賣食✨豬肚雞絲生菜小鍋米線 麻酸辣中小辣 $56三樣餸都好食 豬肚爽得黎有滷水味 雞絲都幾幼 有雞味 生菜就正常啦 淥得爽口唔淋 米線軟硬適中 湯底夠香夠麻夠辣👍👍 唔係幾覺酸 總括黎講都好好食 五十幾蚊係幾抵食嘅 所以間唔時都會幫襯佢 不過外賣佢冇將啲湯同米線分開所以買完要盡快食 唔係浸淋晒味道❤️❤️❤️💔價錢❤️❤️❤️💔服務 (外賣）環境 (外賣）💰晚餐人均～$30(+其他外賣）✅再買襯