雲桂香米線專門店

營業中

休息中

今日一行4人行開新都城，見到有間 雲桂香 就入去試吓….樓面得幾個無呢神氣既呀姐，難怪有枱都執唔切，門口要企一堆人…两張枱拍埋坐4個人，正常吖，但中間就有塊膠板隔住，分享食物時就會覺得好唔方便…叫咗小鍋米線+豬大腸+豬皮 - 中辣，湯底味道跟酸辣度個人感覺滿意，豬大腸不韌，但肥膏多咗少少; 豬皮較硬身，唔入味，失敗…小食叫咗麻辣皮蛋、麻辣雲耳、魚肉春卷:皮蛋、雲耳跟麻辣完全唔溶入; 春卷不過不失，但睇番個價錢，都唔可以有太多挑剔…整體食物味道唔錯，唯一批評係 d 呀姐工作態度，下次行開想食唔使等或會再光顧……😏

呢間雲貴香係新開嘅，原舖呢個位置好似係食台式嘢食，咁既然新開就一於試吓佢嘅味道點樣啦。餐廳嘅入口只得一個就係喺商場出面嘅入口，所以即使有啲枱係擺咗入商場入面，你都唔可以就咁行入去，對於食客來講就有少少唔方便啦，希望餐廳可以改善一下出入口嘅位置。講返雲貴香嘅餐牌咁其實佢都有好多款選擇嘅，大概有12種唔同嘅湯底俾你選擇，比較少見嘅係有黃花魚米線，倉魚米線，海鱸魚米線咁樣嘅，不過價錢就有少少貴要60幾蚊。咁我今次就嗌左一碗小窩米線再加腩肉，豬軟骨同埋嗌咗小辣。上到嚟，碗麵嘅份量都唔少，配料亦都唔算好孤寒豬軟骨同埋腩肉都有幾舊左右，佢仲有啲芽菜蔥韭菜咁樣所以嚟到碗麵都係幾香嘅，講返味道先，碗面嘅湯底唔算好鹹，因為我帶咗小辣，其實都有啲辛辣嘅味道嘅，佢以香為主，但又唔算太濃，所以食完之後都唔係太頸渴。米線嘅質感其實都幾好嘅，唔太林又唔太硬。所以整體來講碗米線都係可以接受嘅，算係喺平均以上啦。咁餐廳呢其實都有下午茶優惠嘅係2:30開始去到六點就話可以以優惠價加一杯嘢飲，但我哋今次嚟到係午市時間咁所以就冇得用呢個優惠價嗌多杯嘢飲啦。佢亦都有自助水吧比你自己去斟水嘅，服務員嘅態度都好好，所以整體來講呢

雲桂香📍 雲桂香米線專門店 (新都城中心) (將軍澳)將軍澳貿業路8號新都城中心1期地下G105-G106號舖下雨天個人都系會比較懶，食飯時間見到屋企樓下間雲桂香無咩人排隊就沖左入去。店舖入邊會有分兩邊嘅座位 所以都容納到幾多台客人 湯底方面會有好多個唔同選擇，今次小編就揀左No.1 既小鍋米線湯底 (我印象中仲會有蕃茄湯底、麻辣湯底等等）揀完湯底之後就可以選擇不同既餸 小編今次就叫咗豬紅、唐生菜、竹笙三個餸也不過不失啦！👉🏻食米線既店舖雖然有好多選擇 但是雲桂香都算唔差 大家都可以經過去食溫馨小提示：呢度唔會有紙巾提供，記得帶紙巾呀！

用家感受，不是打手！6️⃣0️⃣CP值，3人埋單$290免加一，平均每人$97。星期六晚餐時段，算多人，味道尚可，但坐得唔舒服，整體可以一試。8️⃣5️⃣位置，方便易搵嘅，寶林地鐵站出，行過斜對面商埸。6️⃣5️⃣環境，開放式枱，坐在商場內舖頭外面，比行商場嘅人望住你食嘢，個人唔鐘意幸好冷氣算足，坐位算迫。5️⃣0️⃣招呼，算友善及快，落單快，上菜係慢小小但可接受，收錢個位就好似收$收到炆咁，同埋久唔久啲員工會大聲叫大聲笑。7️⃣5️⃣鱸魚紅薯物$65，魚湯底一般，條炸鱸魚好味。凍檸七跟餐加$10。7️⃣0️⃣肥牛豬大腸中辣重慶紅暮粉$52，好味，唔夠辣。豆漿跟餐加$8。6️⃣8️⃣腩肉豬大腸小辣重慶紅薯粉$46，都係唔夠辣，大腸好味，腩肉老左小小。豆漿跟餐加$8。6️⃣0️⃣秘掣豬頸肉$42，偏乾左小小。7️⃣5️⃣炸春卷$22，好味。4️⃣5️⃣蒜泥白肉$37，中間夾住青瓜，同譚仔個啲唔同，又唔辣又唔夠蒜，個人覺得唔好食。

叫咗一個蟲草花雞湯米線加一支豆漿湯底如青水，根本沒有花雕味，啲雞年紀老邁，怪味豆漿!永遠不會再去………………………………………………………………………………..

聽人講先知寶琳開左間雲桂香，一畢業就開咁多好食既野🙂，見啲人咁推薦，我就黎寶琳試下。中辣小鍋米線加雞絲：$28+$9湯：平時食開譚仔小辣，今次係呢度叫中辣，辣度再辣啲，帶點酸辣更開胃，成個湯好香好夠味（下次都係叫小中辣啱我）。份量：米線多到癲，配料都勁足，28蚊一碗米線啱曬學生食，雞絲份量都多。結論，不論份量同味道，都完勝越做越減料and重粉味既連鎖店譚仔，下次絕對會黎encore。麻辣雲耳小食：$20真係好抵，醬料仲有蒜蓉，食落香辣可口🤤（食完口好臭，記得唔好hi太多蒜蓉…）小建議：想平叫可三人行，每人單獨叫米線，share一個小食就可以好平又飽肚。女仔食既話，要叫少米😂

琴日中午兜兜轉轉唔知食乜好，最後去咗云桂香。見到門外有好多人等外賣。真好堂食唔駛等就有位。坐低咗睇完餐牌就叫職員落單，不過未講完食乜個侍應姐姐已經閃走咗呢度嘅小食好多選擇，叫咗一碟炸鮮竹龍蝦卷（一碟六件）、豬大腸涼拌小辣薯粉（配料肉醬花生榨菜鹹菜），配料充足不過汁底比較油膩。不過不失。面底可選擇薯粉或米線。下次試米線～

今次叫咗雲貴香嘅外賣，一個餸叫魚肉春卷，天氣熱唔想食辣所以第一次試唔辣。一打開碗麵見到得四舊春卷就覺得幾失望，一般一個餸都會有多少少。米線嘅質感都唔差嘅，個湯底唔算鹹，整體來講質素比以前差咗。

同女朋友去食，兩個人坐低，諗住叫野食，叫左四、五個伙記都叫我地等等，到落左單之後，坐係度等左超過半個鐘，單又冇，野飲又冇，吹左三四次單都係冇反應，谷氣到爆，之後佢地真係有跟下既，不過淨係對住個廚房大聲問左幾聲，都係一直冇比過回應我地，啲職員態度又差到爆，自助水吧兩個凍水壺冇曬凍水，我問有冇凍水，佢不耐煩咁答我旁邊有熱水爐，跟住過左陣我地又吹單，之後佢走黎問返我地落左咩單，再幫我地落，最終嬲到爆炸走左，奉勸大家唔需要去幫襯新都城呢間雲桂香。

新開未食過呢間，買外賣試下，頂中伏，墨魚頭勁勁勁腥，蘿卜多渣唔諗，腩肉又鞋，個湯得個咸字，末食過甘難食既米線，又唔平，唯一糸個酸菜算幾好同米線唔多。唔洗浪費甘多，絶對冇下次！！！！

I ordered pork tender bone and lobster spring roll with potato noodles. The noodles are not chewy at all . The texture is bad and it made my eating experience bad. The waiting time is long too that I have called to order but I have to wait like 10minutes after I arrived.

米線癮起， 見坐滿人，入去叫左個涼伴米線外賣，食左唔夠一半頂唔順掉左。米線： 以為自己叫左拉麵，口感極差配料：叫佢走花生但成碗花生芫茜：勁苦， 點解可以咁味道： 叫左中辣，佢話係酸辣(我一般麻辣) ，未落芫茜前只食到死辣味， 冇香味， 落完芫茜食碗得返苦味大腸： 勁乾， 似煮好左幾日咁墨魚頭： 乾同硬嘅混合體豬皮： 偏硬，感覺有d以為食緊樹皮見咁多人排隊去食，冇諗過一碗米線可以難食到懷疑人生， 係我唔識貨， 定將軍澳人未食過太子貴香園？

新都城一期最近開咗雲桂香，應該都唔需要我多講，呢一間係一間好出色嘅米線店，長期門口都排滿人龍，而且裝修好新淨，而且新開，所以特別多人，而且位於地鐵站對面，將軍澳嘅居民有福啦！我哋叫咗一個豬軟骨小窩米線，同埋雞絲酸辣紅薯粉！佢嘅湯底非常濃厚，好香唔油膩，而且豬軟骨炆得好琳，而且吸盡湯底嘅精華！另外雞絲見到係新出嘅配料，所以都叫咗嚟試吓，呢個紅薯粉非常彈牙，而且配酸辣湯底酸酸辣辣，零舍開胃！呢一間米線成為左我嘅米線飯堂！

《 🍝 雲南米線x紅薯粉 🍜 》1️⃣ 🐓 口水雞 $422️⃣ 🍝 小鍋米線(牛腩 🐮 肉) $523️⃣ 🍲 小鍋紅薯粉(芝士腸 🥕 蘿蔔) $48+ 凍檸水 🍋 豆漿 🥛餸菜麵款選擇多❤️米線同埋薯粉幾彈牙 岩岩好 酸酸辣辣 🌶 食落去幾開胃😀 牛腩 🐮 腩肉份量都多 吸晒啲湯汁👍而且仲有大量芽菜 不過略嫌蘿蔔唔夠入味 🥕不過份量好大食完好飽而🍺 嘢飲都正常 🐔口水雞夠麻辣之餘 肉質都嫩滑吾鞋口———————————————————————-📍將軍澳貿業路8號新都城中心1期地下G105-G106號舖#hkfood #hkfoodie #hkfoods #hkfoodlover #foodporn #food #foodie #foodblogger #hkfoodblogger#eating #hkfoodporn #hkig #hkfoodlovers #hongkong #hongkongfoodie #hongkongfood #hongkongfoodblogger #將軍澳美食 #hongkongfoodguide #香港 #香港美食 #美食 #吃貨 #將軍澳 #foodiesin

重口味之選的小鍋米線，有芫茜、肉碎粒、蔥花、酸菜、韭菜等，岩曬鍾意酸辣口味嘅我✔️湯底：我揀左微辣，仲叫定杯凍檸茶解辣，點知完全唔覺得辣，下次我會直接挑戰小辣😝，湯底幾清唔油✔️米線：粗幼度同彈性都幾好✔️餸：我地揀左腩肉(+💲9)、腐竹(+💲7)、魚肉春卷(+💲9)同埋蘿蔔(+💲7)，腩肉本身腌到好香，再索埋啲湯底，一流😋，蘿蔔同腐竹屬於正常水準，魚肉春卷爽口彈牙，不過似腐皮卷多過啲🤣，唔係咬落去脆卜卜果種食酸辣米線必飲凍檸茶😘🥰