雲桂香米線專門店

營業中

休息中

今晚無飯食同左阿妹去食雲桂香佢話係佢返工嘅食堂喎我又去試下先我地一人一個小鍋米線我揀得偏清淡嘅叫左黑木耳紫菜竹笙龍蝦卷小辣紅薯粉再加多個蒜泥白肉一齊食～佢呢度個蒜泥白肉幾特別用薄薄嘅白肉包住青瓜配上青瓜感覺更清爽白肉唔會辣蒜味香濃唔錯小鍋米線都大碗每款餸嘅份量都多睇下完全望唔到底下嘅紅薯粉㗎我揀嘅餸全部都好吸湯所以食酸辣啱晒！龍蝦卷第一次試都幾爽口彈牙湯底酸辣但我揀嘅係小辣所以辣度唔會太高建議想食辣嘅朋友可以揀中辣以上佢呢度都有更貼心嘅選擇麵可以揀軟硬度湯底都可以揀濃淡好似拉麵店咁😂佢呢度嘅飲品比一般米線鋪多少少選擇咸檸七感覺好似更下火咁😂😂