雲川 米線．紅薯粉 (貝爾特酒店)

營業中

休息中

睇IG見到哩間係2023年我最喜愛米線既第一名（但2023年仲未過？LOLL）😂😂😂😂於是慕名而來！麻辣牛柏葉 - 幾爽口但唔夠麻辣🌶️🌶️酸麻金湯小辣 - 腩肉豬大腸米線😋個湯底幾特別，同出邊食嘅紅湯有啲唔同，幾好味；豬大腸好林好入味，腩肉就比較普通（呢兩款同出邊食到嘅差唔多味，冇話好特別）整體冇想像中咁好食，但都係唔差嘅👌🏻可能因為佢係第一名所以會有過高嘅expectation🌶️希望可以食晒全香港好食嘅米線😋😋

九龍人好少入屯門，咁岩今日入屯門終於可以食到想食好耐既米線門口好多人，但唔算等好耐大概等左15分鐘就可以入座叫左酸辣紅薯粉，蝦餅同墨魚頭老公叫左金湯米線，韭菜餃同腩肉我覺得個酸辣湯底好正好味到想飲晒個湯底但好重香茅味，如果唔咁重香茅味會更好😛仲叫左豬頸肉真係好正！難怪枱枱都叫另外想分享，走既時候隔離枱有人入座地方淺窄，我地又兜唔到路行職員姨姨係咁講唔好意思呀，今日比較多人令我覺得好窩心小店野食好食固然重要，但職員有禮貌都好緊要。

因為就腳，其實雲川我已經食過唔少次，豬頸肉出名好食就唔再多講啦，好多人都分享過，今次想比較下「酸辣湯底」同「酸麻金湯」。食開米線既朋友都一定有自己既偏好，「麻辣」同「酸辣」各有一班捧場客，食開邊樣就通常唔會轉。但當「酸麻金湯」出現左，就令唔少人有選擇困難，一個湯底滿足哂兩種味覺，好似抵食d喎，而我亦都唔例外，食開酸辣既我今次一於叫左碗酸麻金湯試下。平時食開既酸辣好香酸菜味，而且好香濃，小辣都唔會無料到，係幾高質既湯底。今次試呢個酸麻金湯，雖然有酸有麻，但有少少兩頭唔到岸，酸唔夠酸、又唔算好麻，而且無左個浸好香既酸菜味，我叫左中辣，夠辣不過唔夠濃味，同酸辣湯比爭幾級。總結，貪心無好結果，想兩樣都要，結果反而兩樣都滿足唔到，都係繼續做我既「酸辣」捧場客了。

屯門名物🤩雲川酸辣米線成日見好多人介紹雲川，由其是豬頸肉超出名，終於的起心肝係港島搭成個鐘去試😂今次去依間鋪位唔細，平日夜晚去都full哂仲要等位﹐真係好受歡迎!!!—— 酸辣米線 $58單餸嘅話$47，再加就大約十蚊起加上去。酸辣湯底惹味，但食開譚仔就覺得依個可以再酸啲；豬頸肉真係冇介紹錯👍🏻擺落湯仲脆脆地，幼身切條好爽口；腐皮蝦卷都有驚喜！蝦味好濃又吸埋湯仲正🤤—— 脆皮豬大腸 $34份量超多，一大條好粗切件都鋪滿哂隻碟😂炸得脆皮乾身冇羶味，內層清理乾淨，彈性煙韌—— 鹽酥雞粒 $30有啲似kfc 炸雞粒，不過即炸好食好多!!金黃香脆，雞肉仲嫩口有汁💦🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍#雲川 米線．紅薯粉 (#屯門)屯門震寰路6號貝爾特酒店地下2D號舖

魚湯紅薯粉 ，加豬膶和竹笙。一個人吃飯，食乜好？食碗魚湯紅薯粉 ，加豬膶和竹笙，咁就夠晒飽啦。我鍾意去啲豬膶好嫩滑，唔會過咗火候嫌佢老，食落又唔會有渣，湯底本身有芽菜再加個竹笙，就唔會剩係得肉類啦。

作為一個米線擁躉終於試到依間屯門名物米線分別試左酸辣同鮮魚湯魚湯相對較滿意餸嘅選擇好多 有墨魚咀揀好正🙈同埋每款餸嘅量都算多d螺旋藻更加係同米線差唔多多🫣單點嘅脆皮大腸最有驚喜上台果時個皮仲好脆 😈好邪惡好正

搬咗入來屯門足足十年，久仰雲川大名，但從未幫襯過。前天看到有位YouTuber 又介紹雲川，促使我要去雲川搵食我選了最近V city 的分店， 地點在貝爾特酒店地下，從V City 走過來約五分鐘路程，十分方便我是十一時多到步的， 專登避開中午時段的人流。一入店內， 姐姐便好好招呼我隨便坐， 並著我用qr code 落單我點了大家都極力推介的豬頸肉及腐皮蝦卷紅薯粉， 湯底我選了鮮魚湯， 配熱利賓納。約數分鐘， 姐姐便把熱飲及紅薯粉端上豬頸肉果然名不虛傳， 醃得入味，煎得香口，份量也頗多。腐皮蝦卷不過不失， 味道還可。本人第一次吃紅薯粉， 煙煙韌韌，很掛湯，不錯不錯。鮮魚湯帶點薑的辣味，鮮甜美味，我差不多把整碗魚湯喝掉本來還想試椒鹽雞雞軟骨，但真是眼闊肚窄，飲埋杯利賓納，真係飽到不行了!還是下次有機會再試吧

YouTuber 同FB 米線group 都極力推介既米線。本身唔係住屯門，今日過嚟買嘢就順便潮聖一下。今次叫左小酸辣米線，配左四個餸，大家推介嘅豬頸肉同豬扒，重有豬大腸同蝦卷。首先，餸既份量係多既，通常最好食既得三幾件，但係呢度唔係架，都俾得幾慷慨真係食極都重有。味道嘞，豬頸肉同豬扒非常入味，又多。豬大腸係鹵水整，入味又係好多件。蝦卷就似係出面貨冇特別。整體來講都算好味。之前食開新墟另一間米線，比呢間惹味不過食完好口渴，好味係因為味精。呢間冇咁濃味但係真係唔會好口渴咯。而家都興少味精啦！行過路過推介可以入去食吖！

最近喺屯門呢邊工作，住屯門嘅同事介紹咗呢間米線，一食落口真係不得了，估唔到豬骨湯底嘅小窩米線都可以整到咁好味。由於本人唔食辣，所以通常米線都係叫清湯，清湯嘅話就肯定更加難整得好食。呢間米線嘅湯底再加埋啲辣肉碎真係令成個米線好入味。朋友話呢度出名食豬頸肉，同埋花枝丸。個豬頸肉係唔錯嘅，炸花枝丸都好味。不過碗米線同個湯底先係重點，配菜嘅話就睇心情啦想食咩就食咩。不過呢間成日都排長龍，所以好肚餓嗰陣都係外賣算啦。

雖然好鍾意食米線，但係好少嚟到屯門，見到雲川喺一個民選米線排行榜排名第一，都決定要來朝一朝聖嗌咗個招牌豬頸肉米線，超級好食，同一般豬頸肉唔同，佢切到好幼，同埋燒得好香 真係好好食 我個湯底係麻辣小辣，辣度同譚仔五小差唔多，可以再辣啲！另外嗌咗個炸大腸，本身唔係好鍾意食內臟都覺得好甜好香好好食 但係略嫌有少少凍，如果熱辣辣個皮脆嘅話就更加好

食開米線嘅朋友都知道呢一間米線非常出名，都有好多間分店，有時經開附近唔知食啲咩，都一定會去幫襯佢哋👍平時去到多數都會叫麻辣小鍋米線，今次試咗酸辣小鍋米線，都係覺得麻辣小鍋米線個味會出啲👍而餸方面，我哋多數都係叫豬頸肉、豬大腸同埋豬肚。佢哋嘅豬頸肉好有咬口鬆脆，味道亦係食過咁多米線自己比較喜歡既一種😋然後我哋有時都會加多個小食，今次就試咗個麻辣牛柏葉。呢款小食自己覺得都算辣，飲左好多檸檬葉先食得哂🥵但非常入味，一定要試👍

😁 一直都有聽過雲川嘅米線有水準，依日同朋友嚟屯門行山⛰，出發之前，先嚟食個lunch。 ［ 亂闖試飲試食 ］🍜 家鄉銀針粉套餐 (麻辣湯 - 小辣) 😋😋😋😋見到少有嘅銀針粉，都冇乜點掙扎，加腐皮蝦卷，揀咗麻辣(小辣)湯底，就係小編今餐嘅主食。嚟到飲咗一喺湯，見到湯嘅顏色都知，小辣一啲都唔辣😆，只有好微嘅微辣，相反花椒八角味道由頭帶到尾，有啲搶fo！🧐 建議想食辣嘅朋友可以由中辣叫起！銀針粉份量有唔少，軟硬程度啱啱好，另外附上一小盒秘製辣菜圃，不過都係唔辣😆，切得較碎嘅鹹甜菜配銀針粉食好夾！腐皮蝦肉🦐彈牙，微微胡椒粉味，不過不失！本身銀針粉已有生菜絲同金菇片，腐皮蝦卷雖然只有兩條切半，但最尾都食得好飽！🤭🍽 椒鹽雞軟骨 😋😋😋😋😋雞軟骨炸得好脆好爽，椒鹽鹹鹹地唔會嗆 👏🏻 再配泰式甜酸醬，好易入口，會唔覺意食完一粒又一粒！😚🍽 家鄉手撕雞 😋😋😋😋手撕雞有啲鹹，唔會撕得好碎，有咬口。點芝麻醬嚟食，會有種好得意嘅酸甜味。🤔 🍹 凍檸檬茶 😋😋😋茶色比較濁，茶味唔濃偏淡。叫咗小小冰及小甜，但都有好多冰。而朋友叫嘅凍奶茶都係茶味偏淡 😅午餐 💵💵 約港幣$80/人💁🏻‍♀️ 由於依間米線舖喺

呢間嘅米線雖然有好多分店，但係分店都係屯門入邊😁我就去咗喺屯門地鐵站附近嘅分店，店舖唔係好大而且都坐得幾迫下。米線就叫咗酸辣湯底，唔會好鹹而且都好入味撈埋米線係一個很不錯的湯底！配料我就最鍾意食豬扒，好淋調味都很不錯👅

唔係住屯門不過見雲川燒咁出名都專登入去一試下午時間去到唔使排隊 不過到接近滿座麻辣湯底幾過癮 個人認為出色過酸辣湯底不過最出色一定係豬頸肉豬頸肉係醃過之後再攞去炸半浸咗落個湯度 記得快啲拎出嚟如果唔係就淋晒

雲川無論係邊間都保持到差唔多嘅水準，食開酸辣中酸，酸湯夠曬開胃，米線夠爽滑。叫餸最好食係豬頸肉，其次腩肉，龍蝦卷都係常叫嘅餸。撈都好正，但撈無得揀辣度。小食方面炸大腸同雞軟骨同樣出色，入口酥脆，同甜酸醬配撘一流👍🏼