雲川 米線．紅薯粉 (貝爾特酒店)

營業中

休息中

YouTuber 同FB 米線group 都極力推介既米線。本身唔係住屯門，今日過嚟買嘢就順便潮聖一下。今次叫左小酸辣米線，配左四個餸，大家推介嘅豬頸肉同豬扒，重有豬大腸同蝦卷。首先，餸既份量係多既，通常最好食既得三幾件，但係呢度唔係架，都俾得幾慷慨真係食極都重有。味道嘞，豬頸肉同豬扒非常入味，又多。豬大腸係鹵水整，入味又係好多件。蝦卷就似係出面貨冇特別。整體來講都算好味。之前食開新墟另一間米線，比呢間惹味不過食完好口渴，好味係因為味精。呢間冇咁濃味但係真係唔會好口渴咯。而家都興少味精啦！行過路過推介可以入去食吖！