九龍城舊鋪做朋友介紹客起家,
還原過百年廣州「大同」手工私房中菜
以家搬到黎尖沙咀交通更加方便
餐廳只接受booking, 由 6人起. 菜單可以度身訂 8-9道菜
除左中式, 仲有西式私房菜可以揀
今次多得食神朋友帶路, 試下傳統粵菜
講起黎都慚愧, 身為廣州人但叫我數有咩經典粵菜真係一樣都講唔出
燕窩鷓鴣粥
係以前有錢人家既營養菜
因為鷓鴣係非常滋補食材
傳統係用木薯做粥底較杰身, 餐廳改良左用冬瓜蓉
養生得黎又清淡 蝦子扒節瓜
帶海水同鮮蝦再配濕潤既節瓜
看似簡單但好滋味 龍蝦粉絲煲
粉絲沾左龍蝦既香氣再加胡椒既辛味. 
龍蝦件都煮到好惹味 蜜汁火方
用白方包好似三文治咁食
菠蘿代替蓮子令傳統菜式更容易入口 咖哩小羊肉配大同鮮蝦荷葉飯
羊肉有肉羶味但唔會過重
荷葉飯裡面有雞潤再D加紅醋係飯到食, 係LOCAL既食法 小滿漢全席之一既菜- 金玉滿堂
蟹粉扒上湯甘筍
同個名一樣, 整碟菜金黃金黃的
甘筍煮得好鮮甜 廣州荔灣豉椒炒蟹
蟹螃都好多肉, 夾埋D蔥食,超正式!!
炒蟹既油一D都唔浪費. 食下一道既蟹油撈麵
拌麵時一定要筆到蟹油底🦀 連少少油渣 陳皮紅豆沙
未到起沙, 但陳皮味幾香
口味偏甜少少, 可以選擇無糖版再用羅漢果代糖自己調味

星期6既晚上係特賣場尋完寶之際
周圍都係排晒隊, 只好買外賣番屋企
今日試試呢間新店

手撕雞筲箕河粉
傳統手工筲箕河粉用上陳年梯田糙米磨成米漿
放上筲箕蒸熟再現蒸現切
容易想像D既筲箕河粉就好似廣州既抽屜腸粉咁
比起一般腸粉厚DD, 但勁滑!配埋調好味既手撕雞, 青瓜絲同花生熱拌咁食, 勁正! 牛腩豉油皇撈麵
比起粥店有既豉油皇撈麵更有特色
除左牛腩仲有 青瓜絲同花生
麵無鹼水味之餘, 豉油好惹味
牛腩偏瘦,肥少少更佳! 火鴨絲碗仔翅
超足料!! 啖啖木耳絲加火鴨絲
濃稠適中, 湯羹口感非常充實\

今日黎到呢間裝修型格既餐廳, 食物有意想不到既驚喜!!
除左A LA CARTE,有兩個2人餐都幾抵食
每個前菜/主菜都有唔同價錢, 任君選擇咁變成套餐黑松露薯條 Truffle Fries
滿滿既黑松露香味令人無法抗拒, 一口接一口咁停唔到!!Red Shrimps Tar Tar
紅蝦他他醬*口感鮮美, 搭配特製的醬汁, 更顯得鮮嫩多汁,令人一試難忘Hawaiian Pizza
鳳梨同莎樂美腸既搭配, 比起平時配既火腿多左一層惹味
PIZZA既厚度剛好, 唔會太厚好似食麵包咁Scallop Spaghettis
呢道香煎北海道帶子蒜片辣椒意大利麵無疑是今天的最大亮點
意粉加上蒜片與辣椒, 比起用醬汁煮既清新好多
帶子亦都好鮮甜又飽肉Hanger Steak
封門柳牛扒熟度恰到好處, 肉質鮮嫩多汁
牛味濃郁度令CP值大大提升
真心無諗過唔係扒房都食到咁出色既牛扒Fresh Lime Soda & Lemon Lime Bitters
最後用一杯SODA作為收尾,既消暑又解渴！
少少果酸與微苦的口感相得益彰

好鍾意食西餐既同事介紹左一間係佐敦附近既餐廳話值得一試
如是者Blue Monday就約埋朋友一齊去試下，門口裝修幾靚，入到入面地方幾大但啲枱唔會放到好迫，menu 好多選擇，好彩有set menu就唔需要諗咁多，每個set都有餐湯+蒜蓉包、主菜、餐飲、甜品，CP值幾高 ．牛油果醬蟹肉他他伴脆包粒 $158
蟹肉超鮮甜唔腥，而且份量無諗過咁大份，配合鮮蕃茄同牛油果醬好開胃 ．牛油香煎帶子鮮蠔汁意大利飯 $248
好似每枱都有order所以我地都order一個試下，帶子火喉岩岩好，唔會煎到硬唒，仲保留帶子既彈牙口感；蠔汁真係無慳料，啖啖飯都食到蠔味，而且燉飯口感唔會好少creamy creamy的~．炭燒美國安格斯肉眼 $358
食肉獸朋友request 要食，但食到一半已經叫飽，因為塊扒真係好大塊，我地order左5成熟火喉都預得好好，而且煎到好淋，每下輕輕一切就已經可以切開，值得一試甜品方面當日有cheese cake 同mint choco 雪糕，由於我地兩個都唔食mint choco，所以都揀左cheese cake，唔會好甜好膩，餅底都唔會好乾，好食呀~

由於係席前燒, 廚師可以留意到進餐情況而按時準備下一道菜
令每道菜食既時候都係熱辣辣
睇住3位日本廚師煮食, 然後又同日本客人傾計
有一刻真係好似用左隨意門一瞬間去左日本咁 呢排天氣熱到35-6度, 坐低嘆杯柚子梳打 $30
大大杯, 非常解渴. 甜度適中
夏天飲用都唔會甜膩 第一道黎既係牛舌 $98
初初睇MENU覺得佢係偏貴, 因為一個粉麵同御好燒先係80幾
不過放入口個一下就明白佢係值得了
有嚼勁但同時軟嫩
仲有少少鹽巴豐富左味道既層次
呢一味要大大力推薦!!!蔥御好燒 $84
御好燒即係用鐵板煎的煎餅
蔥既份量係極多!!
有D似韭菜餅, 底面係煎餅, 然後中間一層全部都係香噴噴既蔥 蠔大阪燒 $158
大阪燒唔同之處係除左麵糊仲有雞蛋, 高麗菜夾餡
特式係口感鬆軟, 一隻隻肥美既蠔就放左係燒餅既面上面
蠔身比較圓潤, 咬起黎仲有少少爆汁感覺 炒麵 $80
炒麵整體偏乾爽, 濃郁帶點酸甜的醬汁
食到停唔到口 大福雪糕 $58
非常精美放係呢款玻璃花紋既碟
一個個雪糕件用大福既皮包裹住
然後淋上黑糖糖漿

海港城裡開左好多年既KFC搖身一變日式風格既餐廳
餐廳採用左木色及白色為主, 燈火通明非常醒神
仲有一排既窗邊位欣賞海景, 連放黑椒,鹽既樽仔都超可愛 雖然餐廳名係Ohayo但主打既唔係早餐店而係西餐及甜品
裝修靚食物質素又正, lunch同dinner放工後又多個選擇
叫左餐後就會有兩碗熱辣辣既蔬菜湯, 足料之餘,味道適中唔淡亦唔酸 刺身珍寶帶子泰皇紅咖哩燴飯
帶子真係超巨型, 可以用刀切開黎食,啖啖肉
紅咖哩既香氣配埋海鮮鮮味, 打番食評時都不禁流左口水
咖哩唔辣, 食唔到辣既朋友都可以一戰 珍寶安格斯牛肉漢堡包
一上台真係睇到嘩嘩聲, 兩塊漢堡扒又大又厚
不過扒既表面又唔會好乾同黑, 肉裡面仲保留到肉汁
加埋其他餡料炸洋蔥圈, 菜, 蕃茄又唔會好漏
神來之筆係佢既芝士醬, 好濃厚
用薯條沾少少黎食一流!! 鑊仔焦糖金寶雪山熱香餅
熱香餅好鬆軟, 整個甜品唔會過甜點
擺盤非常靚,適合打卡

餐廳坐位都算多但7點已經全場滿座
證明餐廳好多支持者, 側面反映實力!!

金湯酸菜魚 BB辣
酸菜惹味開胃而且魚片數量超佛心!! 配料仲有薯粉, 吸晒湯汁咁食
仲有大量既菌令湯底鮮味大爆發 京蔥羊肉 BB辣
包住餅皮食, 有D似食緊片皮鴨咁
羊肉羶而不搶, 搭配京蔥清爽可口
份量亦相當合理 藤香雞係涼菜
藤椒氣味獨特清香, 入口麻而不辣
雞件肥美而且嫩, 同藤椒非常夾! 桃之夭夭
好飲而且有爆珠口感
百香果檸檬茶
清新解辣之選 下次要番黎試埋其他款式既菜!!

讀書時期就已經好鍾意去女人街搵野食，因為貪佢又平又多餐廳選擇。尋日落住毛毛雨同朋友去到女人街見到有間串燒店見到都幾滿座就決定入去一試。Menu可以選擇既種類都幾多，我地order左啲好大路既串燒例如魷魚鬚、燒玉子、安格斯牛肋串、豬頸肉、五花腩、冬菇、娃娃菜都好juice，唔會燒到好乾，而且份量都算大串。 另外我地仲叫左啲幾驚喜既主菜或者小食
．芝士雞肉墨西哥薄餅 $42
剪開4大片，表層薄餅超脆，而且入面既芝士巨多可以拉到好長既絲，雞肉唔會燒到好柴，加入紅椒好適合解膩，CP值好高 ．燒雞脾 $32
好大隻雞脾呀~而且又係好juice啖啖肉好爽，平時串燒店好少見到有原隻燒雞脾，價錢唔算貴絕對可以一人一隻呀 ．龍蝦汁大蝦意粉 $88
真係有好大隻蝦，意粉係扁意粉煮得好彈牙唔會好淋唔好食 ．黑松露炒什菌 $42
用錫紙包住燒金菇、冬菇等菇類再配以大量黑松露醬真係想唔好食都難，撈落去意粉一齊食都超級夾呀~ 最後不得不提店家自製泰式酸辣醬真係點咩串燒都咁好食呀!

有自助售賣機既串燒店, 香港好似真係未見過
呢間鋪頭都幾創新, 配埋裝修同燈光係大南街咁舊既街角上面特別顯眼 有自助售賣機全程唔洗同店員溝通, 岩晒好摺既我店裡面人手唔多, 不過效率幾高
等左大概10分鐘已經燒好
食物既款式都唔少, 有超過20款
內臟, 肉類同蔬菜都有選擇, 配飲品仲半價 今日叫左日本雞腎串, 日本雞皮串, 紫蘇無骨雞中翼, 洋蔥五花腩串, 豬頸肉串
 當中紫蘇無骨雞中翼想重點推介
雞中翼已經去骨, 可以一啖一隻
入面夾有紫蘇葉係雞肉味當中幾特出但又好夾, 雞肉燒完都嫩滑洋蔥五花腩串, 豬頸肉串
兩款都有燒到脆邊
個人喜好如果肉質濕潤番d更佳 雞腎爽口, 雞皮串夠脆!

原來餐廳已經開業差唔多一年
呢間真係深水埗區既滄海遺珠!!

雖然食川菜,有串燒又有邊爐打但入到餐廳無痴笠笠,又無好潮濕/ 好大陣味既感覺
星期二既閒日晚上, 食客都唔算少, 餐廳係內街但都坐滿7成位
睇黎係呢區都有穩定既熟客仔, 多熟客仔即係信心保證  青藤椒魚鍋 (小) 配鯛魚片
小既份量足夠兩個人,  鯛魚片爽滑同時鮮甜
整鍋滿滿既青滕椒香氣,  少少刺激既酥麻感但非常爽!
以家打字諗番起都流口水 然後加少少湯可以用埋個湯底打邊爐, 不過咁樣食就會偏油D
如果人多食得晒, 可以叫多個湯底黎打邊爐
因為佢湯底選擇都唔少, 仲有雞煲可以食 火鍋配料叫左
炸響鈴卷, 鴨血, 美國牛頸脊(例)
鴨血係必食, 大大舊但好質地細嫩, 富有彈性 炸響鈴卷係新鮮炸既酥脆, 吸左青滕椒湯勁惹味! 牛頸脊既牛味濃郁, 下次想試下牛胸尖 串燒- 厚切牛利 ($35/ 2串), 墨魚丸 ($24/2串) 串燒可以話係餐廳既招牌菜!!!墨魚丸既丸係有顆粒感, 而且價錢相當抵食! 佢既燒牛利係我食過最好食既(沒有之一), 肉汁都係全保留左係牛利入面
調味香料配埋牛羶味, 平時唔太特別鍾意牛利既我, 一個人都可以KO 4串!! 今日遇到老闆傾計, 佢人非常HUMBLE
食物高質素不過依然想繼續改良做更加好
餐廳絕對值得支持呀