雲川 米線．紅薯粉 (貝爾特酒店)

營業中

休息中

大學時代都係屯門元朗生活，都仲未食過呢間米線。今次就一於回鄉探親，返咗去食大學時代大家都話好出名而我又未食過嘅米線啦！一睇到啲餸就覺得好似好吸引咁喎！人人都推薦豬頸肉，於是我就同朋友一齊叫啦！仲要追加左個炸大腸！之前試過係叫foodpanda外賣，但係當時個印象就覺得正常米線。今次一去到門口就已經覺得好香！野食嚟咗之後，第一件事梗係相機食先啦。賣相真係好好，睇落去個湯底顏色都覺得好似會好濃味咁呀！感覺真係食咗之後，真係返唔到轉頭啊下次再嚟食過！

又去左食雲川諗住過左午市會少人啲🙈結果都係要等八張枱好彩都好快入得🤭•鮮魚湯米線。豬頸肉➕墨魚咀 $52魚湯都可以不過應該有加味精？見好多人推介豬頸肉係唔錯既個邊少少脆，肥瘦適中咬落去真係有肉汁彈出嚟😂不過浸耐左就無甘好食墨魚咀好細粒，又無乜味，可以不試又去左食雲川諗住過左午市會少人啲🙈結果都係要等八張枱好彩都好快入得🤭•酸辣紅薯粉。香茅豬扒➕豬大腸 $52好鍾意香茅味，對比豬頸肉，我覺得豬扒仲正😍而且好大塊👍🏻👍🏻見前人啲相個豬大腸係炸，但黎到係鹵水黎既😂鹵水都好食，不過偏咸只係叫兩個餸，兩個人都食到飽飽份量甘足又好食，唔怪之得甘多人排❣️

12:33分叫左碗豬頸肉薯粉，依家1:07分都未到， 12:50分摧左次，話就到。跟住真係太餓，直接行出去問先話依家即刻煮比我。重點係遲過我黎既人啲面都到曬，仲有面都食完。

前排有個星期日朋友係附近返工收一點，我就黎咗呢度同佢食lunch，估唔到呢度比較近工業區但禮拜日都要等成廿分鐘先有位😯呢間米線有五間分店但全部都係屯門區🙈❤️豬潤酸辣米線(微酸辣)&熱檸水 💰4️⃣2️⃣呢間既酸辣湯底幾香幾好食，酸同辣平衡得好好，好岩我口味😋😋 雖然都濃味但食完唔算太口渴😁豬潤爽口，份量都合理米線彈牙唔會太淋👍❤️香茅豬扒酸辣米線(微酸辣)&熱菜蜜 💰4️⃣2️⃣豬扒炸得好香口👍👍 雖然浸咗落個湯但係食得出好強勁既香茅味😯 肉質又淋又嫰，出色！💯(走果陣係收銀處問店員啲餸可唔可以分開上，佢話除咗豬扒之外其他都唔可以，下次叫豬扒叫佢分上先！😆) 價錢已經包左熱飲，如果要加其他餸全部統一加$10 (除左豬頸肉加$11) 整體嚟講無論湯底，麵質，定係啲餸都出色👍去開屯門都會再黎😋

我同老公都係雲川嘅忠實粉絲，我哋都覺得雲川係香港數一數二好食嘅米線，簡直就係屯門牛嘅恩物，一星期食幾餐都唔厭。哩度經常性排長龍，要預留少少時間等位。我哋都叫咗酸辣米線配豬頸肉（一中辣，一大辣）。哩度好食在於佢嘅湯底，好香好濃，酸同辣好平衡，湯底食落隱約有少少中藥味（雖然應該無中藥成份）！我都算幾食得辣，大辣對我嚟講都開始唔夠勁，遲啲會挑戰吓勁辣，希望唔會胃穿窿。我特別鍾意哩度嘅酸菜，味道好特別，好開胃。豬頸肉係哩度嘅人氣配菜，燒得好香好惹味，肉質仲好彈牙，必叫。佢哋嘅螺旋藻、蘿蔔同埋菜肉雲吞都好食，我間唔中都會叫。米線煮嘅時間都拿捏得好好，唔會太硬或太淋。服務不錯，價錢可接受，環境乾淨。不過座位有少少窄，廚房抽風唔係好夠力，每次食完離開之後個身同頭髮都充滿米線味。會繼續幫襯

#雲川係咪好搞笑點解會係用外賣碗但堂食呢😹😹本身係諗住堂食嘅，但係太多人後尾轉咗做外賣🥡但等等下又變咗我哋幾號碼😬所以即刻轉做堂食✌🏼✌🏼雖然蝕咗一蚊🤣但可以即坐即食豬頸肉超好味，個味道同平時既味唔同，特別香😱😱有朋友介紹豬扒🐷但我覺得Mmd🤙🏼另外一向食開酸辣既我覺得酸辣有少少藥味🙂唔太適合我，反而麻辣好正👍🏼👍🏼📍 雲川 米線．紅薯粉 (貝爾特酒店) (屯門)屯門震寰路6號貝爾特酒店地下2D號舖

一直都在建生總店食午餐，豬骨湯豬頸肉紅薯粉至愛😍😍。美樂店也很ok。早前平日在這店吃了個下午茶，整碗粉的份量明顯少了，豬頸肉薄如紙，份量少，第一次食到甘差勁的豬頸肉😩😩，不知是否下午茶價錢平些的關係，要將價就貨。

近排想食清啲，所以今次試咗墨魚咀鮮魚湯米線。湯底出乎預料地鮮，好fresh，又好有魚味，超推薦！但墨魚咀就一般，有啲韌，好難咬，亦冇乜味，唔推薦。米線方面，佢比譚仔冧啲，但都非常好食！ 整體黎講我覺得佢嘅性價比十分高，味道好，價錢又實惠。最欣賞係佢嘅湯底，已經好耐未食過有鮮味嘅魚湯。唯一嘅缺點係賣相方面比較一般，要打卡就難啲，特別係鮮魚湯，只有一碗白色湯。但有機會我都會再encore，不過會試下其他餸。

📍雲川燒屯門人一定知嘅雲川燒，平時都係叫外賣🥡，外賣平台$56包埋野飲。原樊佢地靜靜雞換左餐具包裝，入面嘅餐具係可以重用幾次👍🏻為環保出分力♻️我同平時一樣叫左豬頸肉薯粉叫外賣可以分湯，唔洗怕凍左或者淋哂唔好食👍🏻通常聽得呢間餐廳大家都會話要食豬頸肉米線/紅薯粉😍我自己就會嗌豬頸肉紅薯粉要豬骨湯😚，呢度嘅豬頸肉醃得好入味，外層充滿咗炭燒嘅香味，豬頸肉亦唔會過厚，切成一條條，可以連埋啲薯粉一齊食🥰豬骨湯底亦有辣豬肉碎、少量酸菜😋個湯底配料十足🙌🏻紅薯粉亦都勁彈牙🤣不過我覺得佢哋個湯底都幾重味精，要飲好多水💧久唔久一次半次也是可以的😌評分時間❣️ (最多五顆星，如不推薦會打交叉）食物質素⭐️⭐️⭐️⭐️環境⭐️⭐️服務質素⭐️⭐️價錢💸:埋單$56餐廳資料📋: 雲川 米線．紅薯粉 (貝爾特酒店)🕌地址: 屯門震寰路6號貝爾特酒店地下2D號舖☎️電話: 36197180

之前因為屋企人嗌外賣，所以我都一齊試吓，點知一食就上癮，一直我係叫開豬頸肉酸辣米線，湯底超濃郁，再加上熱華田，又係好夠味，唔會淨係多奶無華田粉，所以成日都好掛住呢個米線💕今日放工，諗住試吓堂食，再試下佢哋嘅香茅豬扒，一樣係配酸辣米線，同埋我最愛嘅熱華田，點知一食，我發覺外賣湯底濃郁好多，而且杯熱華田都不及外賣咁濃味，但整體都係好食。堂食最值得讚係d姐姐好有禮貌，有個姐姐仲識得上米線時，將個碗放入d我個位，唔會好似平時餐廳啲侍應就咁放低就走開，呢個行為非常之讚👍🏻👏🏻，希望一路保持水準！

雲川米線 相信對屯門人黎講 一啲都唔陌生😼就連唔係住屯門既我都知 可想而知 佢都幾岀名今次其實唔係我第一次食 已經食過好多次有時食堂食 多數食外賣而今次點解決定要打個食評既原因係因為我發現左佢地外賣餐具🍴轉左新包裝！一打開，係upgrade左既餐具！ 對木筷子既質素係完全可以拎返屋企用😹完全唔洗磨木碎 仲要係光滑有重量個隻！ 有見及此 我覺得必須要讚下餐廳既改進👍🏼但我又會擔心 餐具既進步 會唔會係食品既退步🤔一打開 又冇令我失望喎😋今次依舊係嗌小麻辣米線 豬頸肉 走韭菜多芽菜小麻辣對於我來講 相當之夠味 但係可能對於鍾意多麻嘅人嚟講 就未必夠喇豬頸肉依舊係咁多 有時多到都食唔晒今次米線嚟講係偏林 不過可能係我冇即時落去攞外賣 浸林左🤦🏼‍♀️

係屯門人心目中既No.1，都係米線關注組成日被提起既一間米線舖，見甘多人吹棒，今日就得登山長水遠入大西北試下佢😏 呢間分店就係酒店樓下，相對其餘幾間分店，最近港鐵站既一間！.📌豬頸肉麻辣米線套餐 小辣$41重口味人士認為湯底唔夠濃郁，小辣唔夠辣! 米線軟硬度適中，配上蔥、芽菜、韭菜、辣肉碎。豬頸肉係呢度嘅招牌，但係就無大家所講既炭香味😅😅😅 而且切得太細條，冇咩口感！呢個米線同我想像既神級米線都幾大出入🥲.📌螺旋藻 $18姐係海草，正常發揮，但份量都幾多，浸落湯食幾正😉.📌脆皮豬大腸 $32呢個豬大腸好好食，炸到個皮好香脆，外脆內軟，不過要食快少少，因為時間耐左，個皮就會開始淋。必食😍🤤.📌凍利賓納唔會太甜，但又唔會唔夠味.總括嚟講，食物質素同環境都唔錯，但係唔洗特登入嚟食！必食既唔係米線，係大腸🤤🤤🤤.

呢間野係屯門站隔離我叫熱拌 本身湯底唔辣 係肉碎辣(如上圖)最後黎左碗野 個底全部辣油 食左幾啖 辣到食唔到咁我好聲好氣叫佢 俾碗熱湯我 諗住隔左辣油佢跟住佢拎左入去 倒左d湯入去 跟住變到上圖既成碗辣油 仲辣過之前果碗 跟住我再叫服務員 俾碗熱湯 因為真係太辣 成碗紅色完全食唔到 佢最後竟然同我講要+8蚊 俾碗湯要+8蚊??? 最後我成碗食唔到呢間野真係好9 態度又極差 大家千祈唔好去!！!係千祈唔好去!!!

呢間野係屯門站隔離我叫熱拌 本身湯底唔辣 係肉碎辣(如上圖)最後黎左碗野 個底全部辣油 食左幾啖 辣到食唔到咁我好聲好氣叫佢 俾碗熱湯我 諗住隔左辣油佢跟住佢拎左入去 倒左d湯入去 跟住變到上圖既成碗辣油 仲辣過之前果碗 跟住我再叫服務員 俾碗熱湯 因為真係太辣 成碗紅色完全食唔到 佢最後竟然同我講要+8蚊 俾碗湯要+8蚊??? 最後我成碗食唔到呢間真係(黑)店黎 態度又極差 大家千祈唔好去!！!係千祈唔好去!!!

雲川係屯門區入面一間幾出名嘅米線鋪，中午同晚餐時間都經常大排長龍。今日係晚上七點前嚟到舖頭，順利立即入到店入邊食晚餐食咗半個鐘左右開始見到人龍出現。魚湯韭菜餃蘿蔔米線:魚湯有濃厚嘅魚味，係唔食辣嘅朋友第一首選，呢到的魚湯係會令人想一飲再飲嘅湯底。韭菜餃新鮮，十分推介！而蘿蔔入味，香甜多汁。同個魚湯湯好夾。酸辣湯豬頸肉墨魚咀米線:自選微辣湯底，少少辣幾開胃，豬頸肉係雲川的招牌菜，肉味香同好味，量都唔小，墨魚咀新鮮，質感彈牙，好食螺旋藻:呢個小菜幾健康，係其他米線店較為小見，因為冇調味料，味道會比較清淡，但絕對係健康之選