雲川 米線．紅薯粉 (貝爾特酒店)

營業中

休息中

同事介紹下，今日終於去試一試。叫咗佢地推介既豬頸肉米線，男朋友就叫咗香茅豬扒墨魚咀米線。豬頸肉真係好好食😍我好鐘意👍🏻不是墨魚咀比較硬，無想像中咁好食。凍飲少冰都超多冰😅不過餐廳環境都唔錯，坐得都舒服👍🏻

米線係我最鍾意嘅食物之一，次次去完旅行一落機得嘅話都會去食翻碗米線，之前嘅最愛一直都係由細食到大、喺深水埗嘅雲南過橋米線。不過多得今年頭住屯門嘅好朋友帶我去食呢間，自始之後對個豬頸肉念念不忘，每次山長水遠入大西北都忍唔住去食番碗，最愛米線店又多咗一間。(^_^*)佢總共有三間舖，不過三間都喺屯門，我真係要特登入去食㗎！呢次去咗近屯門站v city嘅分店，入面都幾闊落，有卡位又坐得舒服，而且唔會趕你走～不得不提佢嘅上菜速度極快，質素穩定，總括而言係一間屯門獨有嘅出色米線店！♪( ´θ｀)ノ豬頸肉麻辣米線套餐 $41豬頸肉係呢度嘅招牌，醃得好入味，外層充滿焦香同埋炭香，咬落去啖啖肉汁，外脆內軟。店舖仲好細心咁將豬頸肉切成一條條，方便同米線一齊夾起黎食。麻辣湯底非常香口，唔會過於油膩，配上超多蔥、芽菜、韭菜同埋辣肉碎，口感豐富。不過微辣🌶🌶對我黎講無咩味，唔夠喉haha，下次都係食番小辣。米線彈牙爽滑，口感煙韌，幾吸湯而且份量十足，越食越好味，呢間米線無限encore approved！！• 豬扒、酸辣湯同薯粉都係呢度招牌，好多人推薦。• 唔食辣嘅可以揀豬骨🐽或者魚湯🐟

🇭🇰雲川 米線．紅薯粉·我之前見啲米線關注組好多人都推介話呢一間嘅米線好好食 所以我哋嗰日去屯門玩就專登嚟咗食😌😌·豬頸肉香菇貢丸豬骨湯小鍋米線$53螺藻藻韭菜雲吞酸辣湯小窩紅薯粉$51·前面嗰碗就係好多人都推介既豬骨湯 佢其實唔辣既 不過可能因為啲辣肉碎搞到佢面頭有層橙油🤣🤣我覺得佢係真係比一般嘅豬骨湯有層次感嘅 有少少辣味同酸味咁 不過我自己都係鍾意酸辣湯多啲 我覺得佢再惹味啲😗之後我自己覺得佢個米線係真係做得好出色 佢個米線超有咬口 而且係索晒啲湯 超正🤤🤤佢個紅薯粉我自己就覺得無咁索湯 而且好似有啲啲未煮透咁🙊之後送嘅話我自己最鍾意係佢個螺旋藻 佢又係索曬湯 而且口感好好 佢個豬頸肉我自己覺得都好食嘅 甜甜地咁 不過佢真係切得太細條啦 所以好似冇乜口感咁😂其他既香菇貢丸同韭菜雲吞就正正常常啦😌😌·📍屯門震寰路6號貝爾特酒店地下2D號舖📍屯門青菱徑6號富麗大廈地下F號舖📍屯門良德街盈豐商場地下A27號舖📍屯門湖翠路2號美樂花園商場地下46及61號舖

米線本為雲南地道美食，卻深受港人歡迎😌不過要尋覓一間正宗嘅酸辣米線絕非易事，必須於「酸」、「辣」兩者中取得平衡。位於屯門嘅雲川燒以小店形式經營嘅米線鋪被一度美譽為「屯門名物」，唔少米線關注組嘅fans都會專程嚟潮聖㗎！📌酸辣湯小鍋米線 (豬頸肉+$2) $43Spicy and sour noodles with pork neck📌酸辣湯紅薯粉 (香茅豬扒 +$2及韭菜雲吞+$10) $53 Spicy and sour sweet potato noodles with lemongrass pork chop and chive dumplings 米線腍度適中，吸滿湯汁特別惹味，配料毫不吝嗇。此外，湯底亦提供了多款選擇，如豬骨湯、鮮魚湯、酸辣湯、麻辣湯及熱拌等以顧及不吃辣的食客。湯底辣度剛好，質地濃稠，略帶鹹香。雖則酸辣湯底有少量嗆喉，但層次感十足，不太油膩。豬頸肉及豬扒為熱門之選，店鋪將食材切成細細長長的形狀，方便食客與米線一起進食。豬頸肉外層燒得焦香薄脆，入口軟熟多汁，可見醃製豬肉時花費了很多時間和心思。豬扒份量很多，連骨斬件碎上；外層煎得香口，質地嫩而不韌。特別一提，套餐

去屯門staycation，下雨，就在附近找了一家曾收藏的小店，據說是超好吃的米線，味道正常發揮，豬頸肉有咬勁，不過先生覺得很好吃，所以真的不同人不同口味，價格合適

香港人鍾意食米線已經唔係新聞🤭🤭🤭自從半年前發現咗呢一間米線雲川燒🤤🤤簡直係一試愛上每次你一定係我叫中酸辣米線🤤必食豬頸肉同豬腸❤️❤️❤️ 另外蘿蔔都好好食

以前返工食晏成日都會買叫呢間外賣，呢間啲湯底同餸真係好好食，但我覺得偏貴，我次次都會叫酸辣湯底，真係勁香又夠酸先五，同埋蘿蔔真係必叫既，勁淋又勁入味，次次我都一定點

5月的週末去咗屯門嘅酒店staycation，一早聽好多住屯門嘅朋友介紹入嚟屯門一定要試吓雲川燒嘅米線，依家雲川燒喺屯門有四間分店，而其中一間正正就係酒店嘅樓下，好方便，所以一於試吓。以米線來講，兩個餸$41都算正常價錢，飲品就可以跟餐送熱飲，凍飲同埋特飲加錢。小食都有好多款選擇，我就揀咗推薦嘅脆皮豬大腸朋友叫咗香茅豬扒配花枝丸酸辣米線，小辣，佢覺得豬扒好入味，花枝丸都不錯，湯底係小辣啱啱好而我就選咗豬頸肉配韭菜雲吞麻辣薯粉，因為我怕食辣會肚痛，所以揀左微辣，雲吞好多餡，幾好食，比左好多豬頸肉，食落又唔乾，微微燒焦入口好香，薯粉都幾夠冧呢份好邪惡嘅豬大腸，外脆內軟，點埋酸辣醬更加好食，不過食到最後因為時間耐左，豬大腸嘅皮開始冧。最後我哋叫咗一杯凍檸茶一杯凍檸賓，凍檸賓其實已經有好多年冇飲，呢個會好好飲，利賓納嘅份量啱啱好，唔會太甜又唔會唔夠味，係呢個炎熱嘅五月飲番杯凍飲，真係好舒服埋單一位70幾蚊，唔算好便宜，但食物質素同份量都幾好，如果我住屯門應該都會時常去食。

我哋住響附近，所以耐唔耐就特登去工廠區度食米線。唔好以為工廠區冇咩好嘢食啊，呢度係坐落響工廠區嘅改建酒店嘅地下，新裝修，好乾淨👍鄰近屯門西鐵站，行過來都係5分鐘左右。仲記得第一次食呢間米線果陣，真係有驚為天人嘅感覺，因為好少食到好味嘅米線，成日食雲貴軒好悶，南記屯門又無分店😂今晚突然好想食米線，於是就特登過嚟啦。屋企人叫咗新出嘅銀針粉配清湯，另外有盒辣菜甫跟，自己加嘅，碗銀針粉出乎意料地好味囉，入邊有好多生菜，仲有冬菇，另外加咗豬頸肉同埋鴨胸兩個餸，下次可以encore.我就食豬頸肉配螺旋藻同埋花枝丸，呢度嘅水準叫做保持到，最欣賞佢今晚個湯夠熱。湯底夠熱真係爭好遠㗎

昨晚第一次去食，叫左個腩肉紅薯粉，落order個陣已講明微辣全走淨要肉碎，結果嚟到一粒肉碎都無！全部酸菜、芽菜、蔥花係晒到，每食一啖粉都要「了」開啲配菜！一邊食一邊有罪惡感，因為浪費食物🤦🏻‍♀️

話說尼間米線鋪係好早期得一間分店時已經好多人話好味，而家已經係屯門開展左4間店啦‼️但🐻本身唔算好鍾意食米線，所以之前無特別試，但早排有位住九龍區既朋友提到話會突登黎屯門食佢，🐻就諗真係要試一試先得 🤣 因為有時好多人問屯門有咩好特色既野食都仲未好答到，但今次應該有答案啦 😋🤤🐻食後感‼️✨ 「豬骨湯配小鍋米線+豬頸肉+香菇貢丸」一上枱俾佢既顏色吸引到 😍 湯底濃郁而且好惹味，今次揀左佢地最出名既豬頸肉✨果然係秘製 🤤 每條都爽脆有濃味，而且份量好多，貢丸係高汁既爽口感，配埋香濃湯底同米線，簡直係感動‼️🥺✨另外，🐻都食左屋企人叫既「醬爆魚丸」「豬大腸」「香辣腩肉」，全部都係高汁有成意既配料🥺 真係好難得🐻可以食曬一碗米線啊‼️價錢‼️$41「豬骨湯配小鍋米線」跟一款$10餸可另加$10/$12餸（上限4款）

同事們異口同聲話好食就試下，叫左個酸辣小辣豬頸肉米線，望落去碗野橙橙紅紅都知道重口味，可能我係小辣既關係唔算好辣，味道就算唔錯既，但如果個辣味出啲會更出色，所以下次一定要叫中辣！另外佢有好多肉碎啊葱咁果啲配料係入面，所以食落都唔會好dry，至於個豬頸肉係出色既，可能因為佢切到好細所以好入味，因為我外賣，所以已經唔脆，下次要試下堂食！十蚊一個餸是小貴，但其實雙餸都係五十幾者，正常價囉，另外聽人講會食完好頸渴我又唔覺，正常囉，但味道其實似雲桂香果種，我本人都中意雲桂香，所以都會中意呢間，但每間米線都各有長處又無得話比較邊間最好食，而呢間我都會再試！

今次已經係第二次來～上次食左最出名既豬頸肉同螺旋藻，的確出色豬頸肉香甜特別，暫時未係第二度食過呢種味！今次試左香茅豬扒同炸醬香茅豬扒有4件，味道中上炸醬豬肉碎粒分明，充滿豬肉香。可能因為炸醬，令個湯面頭既油厚重左，但仍然可以分得開底下較清既湯，所以冇咩問題～米線係幼身既，鍾意食呢個size👍🏻 易啲同時食到米線同餸😃我次次都食麻辣～小麻辣剛剛好！加凍飲都係$3-5咋 抵飲總共食左$56 兩個餸🤭

我諗「米線」都應該係香港人幾鐘意食既食物🥰滑嘟嘟易入口比起日日食既米飯🍚好味好多🙈而問親新界既朋友：最好味既米線🍜係邊間？佢哋個個都話呢間😱-🐷豬潤豬頸肉米線（小麻辣）$53湯底濃郁得來唔會油，垃圾咀最怕食到油淋淋嘅湯底😖呢個絕對唔會油～🌸加左豬潤簡直令佢嘅湯底變得結身一啲，成件事升華哂😝每一啖嘅湯底都會品嚐到豬潤嘅粒粒☺️口質好rich～🤩而豬頸肉片份量幾多，外皮脆脆的💕厚度都適中，食落啖啖肉，幾脆口👍🏻👍🏻-🦑墨丸豬頸肉米線（小麻辣）$53呢間既墨演係好食既墨演，唔似出面食到咁多粉...一共有3粒，每一粒我都食到有墨魚粒粒☺️ 又彈牙～ 食到好味既墨演會好開心😋呢碗既小麻辣會辣過有豬潤個碗😏酸酸辣辣幾開胃🥳-P.S.: 我鐘意食米線落少少花椒油😏勁香勁野味🙈但呢個無調味料醬油擺出嚟...可能係衛生問題掛...

呢排成日都見有人分享米線 好多人都推介雲川 就去左試下-豬骨湯豬頸肉米線🐖仲以為豬骨湯會係奶白色 一上枱見到橙色以前會好辣 但無😂意想唔到個豬骨湯底都幾濃郁😮個米線嘅質地幾啱我 比譚仔嘅粗身同彈牙 好多人都推介豬頸肉係必食 果然係好介紹份量幾多之餘燒得香脆 唔會好硬 真係幾好食熱拌香茅豬扒米線🐖好多蔥 唔食蔥嘅話就記得走啦熱拌個汁幾好味 酸酸地幾惹味 香茅豬扒夠晒大份亦都好入味-兩碗比較我就鍾意食熱拌多啲$43包埋熱飲完全唔貴☕️我加錢叫左杯凍檸茶 不過個味好似康師傅🤣下次試埋酸辣或者麻辣湯底