雪下覓炙

營業中

休息中

Aristocratic high-quality Korean Barbecue同重要嘅人食飯，點可以馬虎？🤓新出食店位於海港城，方便之餘，高檔環境更啱慢慢食住傾。點解我今日咁安靜？🤫因為我食嘢嘅時候最專心~🧅洋蔥豉油清新香甜🥒韓式前菜無限添加🥩韓式牛肋雪花均勻🐮汁燒牛肋入味香濃🥚壽喜燒日本和牛西冷值得一試！由悉心店員親自烹煮🥢壽喜鍋微燙半熟西冷，包上生蛋汁飯糰更是香濃，順滑口感，啖啖回味。雞爽肉都超級推薦！彈牙得嚟又Juicy🤤🇰🇷高麗韓烤餐廳，高質出品，尊上服務，為您重新定義貴族宮廷烤肉滋味。@seolhamyeok📍尖沙咀海港城

經過幾次想食但晚市都唔接walkin，終於趕到lunch set 時段last order來試下，大約4點入座叫左佢地既燒烤套餐，一份肉類三品（有豬、牛、雞）另一份係牛三品，2碟份量都唔多，大概每種有三片，也不算特別厚，另有跟白飯同牛骨湯牛骨湯足料，湯料裡面牛肉幾淋，我同朋友都覺得好味😋至於肉類方面，可能因為係套餐關係，唔太特別，油花普通，不是入口即溶個種feel，因為睇其他食評話係高級燒肉有所期待，所以有點失望，食過同集團既濟州烤肉食堂，覺得個間的牛肉仲重牛味，不過牛三品套餐裡的牛舌又ok wor!!值得一讚泡菜好味，和芽菜一樣是任加👍🏻👍🏻

OpenRice睇海港城有咩餐廳，發現咗呢間新野！見到後兩日嘅Booking有位即刻唔諗，訂咗先！因為大家都唔想行燒嚟到諗住可以嗌其他嘢食，原來除咗BBQ佢個Menu真係冇乜選擇，我諗可能唔燒午市套餐會比較吸引！先來前菜原來係free嘅，非常好👍我哋嗌左石頭鍋飯、牛肋骨煲、泡菜煎餅、韓式炒年糕！係咁多每一碟份量話大唔大話細唔細！味道可以但唔係突出！結果食完呢餐飯我哋四個女人要再幫襯甜品舖先夠飽🤣🤣🤣自己冇BBQ但係感覺坐喺裏面都有一身韓燒味！如果想食普通韓國嘢我諗呢度唔係咁適合！如果燒肉應該可以一試是因為見佢都好多款

難得仲幾張coupon, 就去試下呢間都幾多人排隊既韓燒。好彩時間尚早，入到去餐廳仲有好多位。前菜款式多，有泡菜，芽菜，醃蘿蔔，洋蔥，蓮藕等等，全部都幾開胃既，可以任加泡菜同芽菜，其他想加就盛惠廿蚊碟，不過服務員既資訊都幾混亂，一時又話全部免費，一時又話有啲加廿蚊，都唔知信邊個。不過我既主菜才係肉，有肉食就得了。講番啲肉，有韓牛，有五花肉，散叫又有套餐叫，睇你啲朋友食唔食得多啦今次呢，就叫咗雪花肉，牛小排同五花肉，仲有個炒粉絲。牛小排同雪花牛相比，牛小排係比較juicy 同嫩口，雪花牛比較適合打卡的，五花肉就不過不失，菜籃另加70蚊，你話值唔值，都係志在有係海港城搵個地方食下飯吹下水，相信仲有啲更好食既韓燒係其他地方既，整體，唔差。但無coupon 既話，可以考慮其他餐廳

這間韓燒店想試很久，好朋友生日，可以有藉口去試餐廳門口有點似韓國feel, 店內很舒適 寬敞！而且餐廳用了機械人送餐，很新穎我哋二人叫了兩款lunch set, 之後有幾款韓式前菜（有薯仔，泡菜，芽菜，菇）送上，份量都偏少。由於友人生日，我們點了最貴lunch set$398燒烤，可以一次過試不同種類（牛小排，牛舌，雪花牛肋骨，牛筋肉）lunch set 包一碗大醬湯和飯。其實牛係好食，不過份量真係太少（如圖）而且咁貴價錢完全唔值，重點係我和友人食完都唔飽！！！ ！另外lunch set我們點了和牛燒肉飯（$265），反而喜出望愛，和牛好好食！飯配蒜香粒，好惹味，這個燒肉飯要推介！好彩有叫燒肉飯食，夠大碗，飽肚，而且價錢都合理！

琴晚聽新聞報導話日本同韓國又再爆發疫情🥴即係有排都冇得去啦🤧咁睇嚟要醫吓旅痕症啦！踏破鐵鞋比我搵到呢間高級韓式燒肉店🤩就咁睇餐廳時尚帶點型格嘅外牆真係睇唔出係食韓燒嘅...店內裝修以木為主，簡約得嚟好舒適！一般韓燒就算有條喉伸落嚟都好大油煙🤭就算去到韓國當地食燒肉都一樣好大油煙，呢間餐廳抽風一流，爐底抽氣竟然埋單走人都聞唔到成身油煙味👍🏽👍🏽👍🏽🇰🇷上和牛牛舌：因為係薄切，個人建議燒單面30秒左右唔洗翻就食得！🇰🇷和牛三筋肉：人生第一次食傳說中「一隻韓牛🐂400-500公斤先得三公斤」極之稀有嘅三筋肉🤤係韓牛五大特別部位其中一大，位於前腿內由肉面肉底及肉中間都分別有一條薄薄的筋膜。肉滑油花細緻又帶脆口！雙重興奮！油而不膩，油化為水份，甜度十足...食完個人即刻精神晒💯🇰🇷和牛肉眼芯：咩係入口即溶呢...呢塊肉眼先至代表到😍🇰🇷濟州特上豬梅花肉：濟州出產嘅豬真係點整都好食😋纖維又細密令口感極好！脂肪分布均勻令肉質更Juicy！燒起上嚟更香更惹味！🇰🇷傳統大醬湯：好多人會比較日本味噌同韓國大醬...但其實發酵方式都唔同好難比較，每間餐廳亦會加入配料去調湯，而呢度嘅大醬湯味道好正，材質十足拌

海港城新開的雪下覓炙定位為高級韓式燒肉，黑色為主調的設計帶簡約時尚感，柔和燈光加上石材和淺木條等材質上的配搭，彷彿讓人置身於韓國宮廷～ 餐廳不需要提供置物袋防止衣物沾滿氣味，因為讓人很驚喜的是整間餐廳毫無一絲油煙味，烤盤底下有強勁的抽風，設備上非常加分，不怕吃完會全身都是燒肉的味道。菜單可單點或套餐，特別之處是這裡設有熟成肉櫃和引入了世界各地的牛肉品種，我們這次就點了超豐富的春· 晚市套餐🇰🇷點餐後先送上八道前菜，有涼拌海帶、韓式辣醬蒜芯、醃漬芽菜、漬蘿蔔、韓式薯仔、醃青瓜、自家製泡菜等，全部都是可以續點的的開胃小菜，餐廳亦會因應時節選擇當造的蔬菜醃製前菜小食。先來了一份和牛牛肉他他配韓國雪梨，生牛肉他他不論是在韓國和日本也很受歡迎呢，韓式做法就是把生牛肉加入梨絲再用紫菜包來吃，tartare醬料味道不會太搶，韓國雪梨增添了清甜的味道和爽脆的口感，和牛肉相輔相成，可以品嚐到鮮嫩又富肉香的牛味店員幫忙燒和牛牛舌二吃，火候拿捏剛好，厚切和薄切各有千秋，蘸些許鹽來吃已經很棒。厚切口感富彈性，薄切燒岀來焦香軟嫩，吃完齒頰留香，真的令人食慾大增。燒完後烤盤可用檸檬清潔，以免之前烤肉的餘味殘留影響

呢間位於海港城既韓式燒肉完全令人出乎意料！真係好耐都未食過咁好食既韓國燒肉啦😍😍完全每一樣都好完美🤤🤤尤其係和牛系列，雪花勁靚睇番d相又想再去多次咯😫🌟和牛肉眼芯$538🌟作為今餐重點既肉眼芯，完全投資正確✅就咁睇都知道有幾好食啦😦💁🏻‍♀️呢塊和牛肉質軟嫩燒完之後油脂入口會慢慢化開真係好食到癲呀😣🌟上和牛牛舌$220🌟平時食牛舌最驚就係太硬呢度既牛舌無論燒幾耐質感都係柔嫩爽脆當外皮燒到焦黃，就係最perfect既時候啦唔知係因為和牛關係定係因為廚師有戒花呢？🤔總之真係好好食，超級推薦😍另外和牛仲叫左🌟和牛肩肉$180同🌟厚切和牛三筋肉$250分唔出邊碟打邊碟啦，兩個都好食不過比起和牛肉眼芯都係有dd差距既🤣🌟濟州特上豬五花肉$120平時食冇調味既五花腩都會有d擔心，因為好多時豬會有少少騷味。但呢個五花腩感覺好新鮮，完全冇奇怪味，仲好有肉香添！除左燒肉，我地仲叫左其他，比起一般韓國餐廳都好食😄🌟傳統大醬湯$98 個湯好濃郁，入面有和牛肉，入口即融，仲有好多其他材料例如豆腐 翠玉瓜等等，配飯一流🌟海鮮煎蔥餅$120 超級多海鮮，好足料，可以話係我係香港食過最好食既海鮮煎餅🌟茉莉花水果綠茶$

海港城入面高質燒肉🤤🤤🤤 因為最近海港城又可以用美食優惠券又可以泊車咁梗係多啲嚟搵嘢食啦！呢間係修美食券嘅！係燒肉呀，真係好掛住韓國🇰🇷呀🥰春·晚市套餐（$1280）個套餐係會包前菜（和牛他他）、和牛牛舌2食、薄切2食（和牛西冷/韓牛三筋肉）、精選燒烤5品（牛小排、貝身肉、慶洲5花肉、牛筋肉、野菜）、平壤水冷麵、甜品🍮蔥花和牛他他配埋雪梨條！超濃牛味包埋紫菜食！酸酸甜甜！非常開胃🤤厚薄牛舌雙雙重口感！黃牛西冷再包埋蛋汁同飯團仔！簡直係衝擊我嘅味蕾！令我全晚留下最深刻嘅印象！另外燒烤唔品就可以親手落手落腳自己燒！牛小排最香滑有咬口！五花脂肪油份感非常足你可以自行決定包唔包佢嘅野菜！而且仲有佢哋特色嘅燒烤細🤤甜品係蜂蜜蛋糕仲配埋朱古力醬同埋甜甜嘅士多啤梨🍓由於朋友今日都累了佢就叫咗杯House coffee佢哋嘅咖啡☕️偏nutty 而我呢就飲咗佢哋嘅柚子檸檬梳打🍋！ 真係有柚子肉同埋真檸檬配合超有氣梳打勁開胃！

難得有5日長假期 當然要對自己好d慶祝一下🥰 燒肉都要食豪d 我要食和牛👅 今次就去左海港城係玩具反斗城隔離既雪下覓炙品嘗和牛燒肉😀 佢哋好受歡迎好full walk in未必有位 大家如果想去食記得要book位😋 呢到除左牛肉級數有番咁上下 仲有另一個賣點係有機械人送餐車😆 人座後送餐機械人會為你送上前菜8小碟 今日仲撞岩同場有客人生日 送餐機械人仲會唱生日歌😜入正題 呢到除左和牛 仲有韓牛同熟成牛可供選擇 岩哂牛魔王架😈 下面為大家逐一介紹我哋單點左既美食😋1. 和牛肉眼芯 一場泥到一定要食😜 一上枱即刻心心眼 原塊大大件充滿油花既和牛 輕輕一燒2面就食得🤩 好juicy 加少少洋蔥汁同少少鹽食好幸福🥰2. 上和牛牛舌 有d厚度既薄切 口感爽口 牛舌都係無得輸😎3. 和牛肩肉 油脂分布同和牛肉眼芯差唔多 但比較腍身 有入口即溶既感覺🤤4. 厚切和牛三筋肉 幾款和牛中比較少油花 重牛味👅 厚切感覺更加滿足😋5. 濟州特上豬梅花肉 豬肉味濃 一d都唔覺得肥膩 有成4大塊 值得一試😜6. 傳統大醬湯 用石鍋上 keep到温度👍🏻 入面既牛肉好腍 湯底唔會好鹹 配埋白飯唔錯🤤7. 海鮮煎蔥

夜晚去海港城食飯，見到呢間韓燒好似幾正，所以就入嚟試吓。和牛他他配梨🍐醃製過嘅和牛牛肉🐃有着比較濃烈嘅蔥味，和牛肉非常香，入口多油，夾埋紫菜同埋梨一齊食又好可以中和返油膩感，而突出左牛肉嘅香味。🥰我就一定要叫多杯咖啡。呢度嘅咖啡有兩種，我選擇嘅係埃塞俄比亞嘅蒸餾咖啡☕️咖啡本身應該係苦嘅，但呢度就冇苦味，而係清清淡淡，似水嘅質感，但亦有好濃烈嘅咖啡香味，非常特別。之後我哋再叫咗個和牛西冷，除了有牛舌食之外，仲有西冷食，西冷嘅食法好特別，係韓燒日式食法🇯🇵🇰🇷將生雞蛋配埋特色醬汁，撈勻之後，再煎一片和牛，然後再沾上雞蛋汁，再夾上配有Wasabi的壽司飯一齊食😋，和牛嘅油香再加上雞蛋汁嘅滑，細細舊飯，中和左油膩感， Wasabi嘅小刺激更加令到個口感更加豐富😃最後我哋叫咗個甜品食，甜品係好好食嘅日本蛋糕，配上士多啤梨同埋忌廉，一齊食嘅話係幾好食。最後提一提嘅係，呢度店員嘅服務係非常之好，係一個幾開心嘅體驗。

—之前朋友買完嘢 換咗好多coupon於是可以喺海港城試下唔同餐廳落完單就上咗好多款前菜泡菜 小魚乾 蘿蔔泡菜 黃豆芽...和牛肩肉($188)大火快速燒熟 可鎖住肉汁之後蘸少許鹽粒 更能將牛嘅鮮味提升厚切和牛三筋肉($250)油花夠均勻 牛味濃郁突出而且餘韻分明 令人久久未忘上和牛牛舌($220)燒就鐘意薄切 料理就鍾意厚切紮實有嚼口得嚟 帶點軟嫩嘅口感和牛肉眼芯($538)肉眼比較嫩腍 再取其肉質最佳嘅部份仲要係和牛版本 油花滿滿所以唔洗點咬 頓時入口即溶濟州特上豬花肉($120)梅花間竹嘅五花肉雖然冇調過味 冇豬臊嘅怪味兩面燒至脆身 幾有嚼勁傳統大醬湯($98)大醬湯係韓劇經常出現嘅單品雖然顏色頗濃 但可能有蔬菜關係幾清爽唔膩 配上紫菜一齊食海鮮煎蔥餅($120)圓邊煎至脆身 中間仍保持濕潤乾爽蔥餅有厚度 海鮮餡料飽滿q彈係喺香港食過較足料同有水準嘅柑橘梳打($48) / 柚子檸檬梳打($45)飲品都有誠意 柚子梳打入面真係有一瓣瓣果肉並唔係就咁用柚子蜜沖開—————————————————————雪下覓炙尖沙咀廣東道3-27號海港城海運大廈地下OTG47-48號舖

終於嚟到海港城食燒肉啦！約咗勁耐先至約到！聽講呢度啲牛係勁靚。見到門面已經覺得感覺好高級。入到去係勁多人，雖然係燒肉但係一啲都唔覺有燒肉嘅味。我哋就食咗個兩人嘅套餐，有和牛有甜品有嘢飲乜都有。見到送餐嘅時候都有個送餐機械人非常科技化。工作人員都好好服務，送餐嚟嘅時候會介紹係乜嘢牛，同埋會幫手燒埋嘢食剪埋。每碟送來嘅時候店員都會幫手解釋，係牛嘅邊一個部份。先來一個和牛他他 ，用着新鮮嘅海苔包住，每一啖都非常之滿足！韓牛西冷韓國 全羅北道屬於牛的腰脊部位，色澤幻潤，肉質有彈性带淡淡油花，甘香而不膩韓國。名品牛小排屬於牛的肋脊部位，油脂分布均匀含量里富肉質柔軟甘甜和牛牛肋肉日本鹿兒島屬於牛的肋骨間部位，油花豐富細緻，肉的鮮味濃郁，入口即化。3A和牛貝身肉日本。鹿兒島屬於牛的下後腰澳肌翼板肉，是稀少貴重的部位，肉質較幼滑柔嫩和牛三筋肉日本。鹿兒島屬於牛肩胛骨後的稀少部位，肉質肥美細嫩，油脂感豐富和牛牛舌二吃日本。鹿兒島推薦！呢個我同埋都覺得好好食，咬落好爽口。仲運用不同切法和配料，呈現一肉二味的神奇之處。仲有個雪濃湯可以飲 ，飲完成身暖粒粒。最後甜品係蛋糕🍰。黑糖味入口會溶化，真係食埋蛋糕就大

好友生日，揀左高級韓式燒肉店慶生。今日黎到位於尖沙咀海港城既雪下覓炙，餐廳裝潢高雅時尚，環境寬闊，燈光柔和。春‧晚市套餐包括：韓牛他他‧雪梨-和牛牛舌二吃-薄切二吃: 和牛三筋肉、韓牛西冷-精選燒烤五品: 貝身肉、名品牛小排、牛肋肉、濟州五花肉、季節野菜包生菜配自家製大醬-主食(二選一): 神仙雪濃湯 或 平壤水冷麵-精選甜品五款前菜可無限添加，推介自家醃泡菜、爽脆蒜心、爽口芽菜仔以及鮮甜冬筍。韓牛他他‧雪梨質感軟嫩，肉汁鮮味，配以兩款紫菜、清甜雪梨絲食用，感覺相當清新有層次。和牛牛舌二吃色澤粉嫩，薄切牛舌柔嫩富彈性，厚切牛舌富含脂肪，軟嫩多汁，帶濃濃牛味。薄切二吃: 和牛三筋肉、韓牛西冷配包生菜、自家製大醬和牛三筋肉油花豐富，牛肉風味十足，充滿油脂甘香，入口柔軟滑順。韓牛西冷呈均勻脂肪及肉質比例，味道鮮嫩香甜，蘸上生蛋汁、配以Wasabi壽司飯，令人回味無窮。精選燒烤五品: 貝身肉、名品牛小排、牛肋肉、濟州五花肉、季節野菜包生菜配自家製大醬貝身肉帶豐富油脂、名品牛小排軟嫩帶嚼勁、牛肋肉入口即化、汁多味美、濟州五花肉薄厚適中，口感細膩多汁。配以爽脆新鮮生菜加以自家製大醬同食可減油膩感。

餐廳的裝修格調高雅、暗黃的燈光加上木系傢俬，滿有氣氛。午餐有十七款，由$98-$398，有石頭鍋飯、烤肉套餐等，包傳統韓式前菜。前菜有五款，泡菜、白菜、蘿蔔、豆芽、蘿白乾等。泡菜唔太辣，容易入口、蘿蔔乾爽脆、豆芽白菜正常。前菜是ok的。生牛肉石頭鍋飯$105這石頭鍋飯熱呼呼的。生牛肉份量唔多，大部分都是蔬菜，然而牛肉頗為軟嫩，夠入味，略帶韓醬風味的甜，再拌以生雞旦，蔬菜，和焦香的白飯，好簡單，但味道不錯。名品尚犢$398這套餐有和牛三筋肉、牛舌、雪花牛肋骨、貝身肉、牛小排，肉片顏色鮮嫩。由於沒什麼說明，也不淸楚吃的是那一款。牛舌是爽嫩的，切得帶一點厚度。牛排的質量不是驚喜，是正常水平，肉是軟身，帶少少嚼勁，加上燒肉汁的味道比較清淡，吃的是牛肉原味，感覺ok, 沒有曰式燒肉那種豐腴誘人，就是平實的韓燒風味，和平曰醃得味道很濃烤肉不一樣。這一天的午餐沒有預期的驚喜，但也不錯吧。