雪下覓炙

營業中

休息中

📍 📍 雪下覓炙 (尖沙咀)尖沙咀廣東道3-27號海港城海運大廈地下OTG47-48號舖朋友俾左啲海港城coupon 我，父親節個打電話問可以用coupon又咁岩有位就試下佢。好快上了一大堆前菜，有涼拌芽菜、泡菜丶辣醃章魚、醃蓮藕丶醃蘿蔔、醃牛蒡、翠肉瓜雞柳。但只有芽菜、泡菜和酸蘿白係可以refill，而燒肉係無配免費生菜。餐廳嘅抽氣做得好好，食完一啲油煙味都冇。👉A4和牛三角肩肉（厚切）💰295+1😋😋😋.8/5三角肩肉瘦肉和油脂的分布平均，入口後油花也跟著溶化。加幼鹽就可以將牛鮮味提升，牛味濃郁。👉濟州特上豬五花肉 💰178+1😋😋😋.8/5半肥瘦嘅五花肉，放上爐嘅過程唔洗成日反，慢慢逼五花肉嘅油出嚟！食落好脆口😋👉雪花韓式牛肋骨💰345+1😋😋😋.8/5以鑽石形切割牛肋骨，令醃製更入味，受熱均勻，鎖緊肉汁。肉質鮮嫩又有肉汁，點少少海鹽已經好好味😋回頭:maybe ，無太大驚喜，想食燒肉可能去中平價燒肉店，質量也不差，用左coupon 都要700埋單🫠。#kermit食在尖沙咀

"韓國燒烤" 係我其中一樣最愛尼間略點擠迫， 唔知係咪大家都揸住coupon嚟， 《好熱鬧》!!食物質素當然俾一間連鎖式自在韓燒好得多， 唔需要加太多調味少少鹽， 已經好好食。令我食唔停嘅……係佢嘅泡菜小朋友最鍾意嘅送餐機械人， 成為我家《老闆》嚟尼度嘅景點之一 😳😳😳

星期日一家人去尖沙咀搵食。遇著海港城購物送coupon中日子，周圍食店都大排長龍，難得搵到間唔洗等位，外面裝潢好靚的韓式燒肉店，一於試下。一行三人叫左4款肉，有和牛，牛舌，牛肋骨和豬腩肉，同埋一個海鮮煎餅。好快上了一大堆前菜，只可任添泡菜、芽菜和酸蘿白。我地試左豬腩肉，好多肥脂，很好好味但太肥太油，和牛入口即溶，其他的肉沒什麼特別，海鮮煎餅只是一般，太干身。燒肉沒有配免費生菜，有點可惜，燒肉配料約1-200/碟，分量也足，但沒太大驚喜，想食燒肉可能去中平價燒肉店，質量也不差。

此店服務極度有問題，我和屋企人一同3人在22/5晚上8:40pm左右到此店，我見店內至少有2張枱位置，亦上網查看見此店是關10:30pm，所以便諗住吃這店，到店前詢問後，那位店員便進入店內查問其他職員，本來想帶我們進內，但突然出來告訴我們已截單，我便問其實你們什麼時候關門截單，他又好像說不出，我真的不知道這店到底是不想做生意還是有些職員想提早收工所以自行唔俾人進內🥲，希望店長或其老闆能正視此問題。

雪下覓灸外賣 3 之前外賣兩次，一次好評，一次差評。今次就俾多次機會佢，食下佢嘅外賣晚餐。因為太耐冇食燒肉，就叫咗兩個燒肉餐。呢到己經係外賣嘅全部，兩個套餐。賣相真係冇得同堂食比。份量可能都係差唔多，但顏值就。。。基本上，每個餐都係有一碗白飯，一碗味噌湯，泡菜同芽菜每樣睇落都有三分一碗嘅。三品 • 特選燒肉 HKD 215入面有豬、牛、雞三種肉。五花肉都唔錯，大約有3-4塊，係有一兩塊比較肥。雞柳肉係雖然烤得燶咗少少，食落都還可以，都係3-4條，係三樣中比較正常嘅。牛肉係牛肋肉，可能另一個餐成份都係各種牛肉，所以比較之下，會覺得另一份嘅牛肉會比較好食，有2-3件。呢到嘅牛助肉係燒到五成熟嘅。。。名品尚犢 HKD 398呢份係各種牛，有牛舌、牛小排、牛肋骨、和牛三筋肉、貝身肉。老實講，只係分到牛小排同牛舌，牛舌還可以，牛小排口感同味道都唔錯。其他咩都分唔到，只係知有一樣係超級肥，一咬啲油就係個口到爆出嚟，個人唔太喜歡。呢到嘅燒烤外賣，可以要求生肉外賣，之後返去自己燒。因為買果時禁晚市堂食，6點後叫可以幫你燒埋，大概要等半個鐘時間，但個人經過呢次，唔太建議咁做，除非屋企好近或可以好快到，

雪下覓炙外賣2海鮮豆腐湯 - HKD 120 小菜都係泡菜同芽菜，海鮮本身係湯到嘅，但為咗影相影到有咩海鮮，唯有將放芽菜嘅盒仔轉用黎放海鮮。呢個外賣十分失望！海鮮：3隻蝦，2隻青口，4-5粒未開口嘅貝殼類。蝦係最正常嘅，青口未清理乾淨，果啲貝殼類係湯底撈出黎係未開口嘅。。。。湯：都真係有成磚豆腐㗎！😂就算有海港城優惠卷，都唔建議食！！減完都仲要俾成HKD 70 幾，食嘅只係豆腐，泡菜，芽菜，同3隻蝦。。。。

雪下覓炙外賣1烤八爪魚飯 - $108成個外賣原價 HKD108，如果有海港城卷可以再減50，等於HKD 58 (未包外賣袋同盒錢，大概HKD 2 左右 ）就有一餐。外賣都會有兩款小菜送，泡菜同芽菜，份量一人食足夠。主菜八爪魚份量十足！有2條大觸鬚加少少筒身。八爪魚食落有少少嘅香烤味，最值得一讚嘅係佢一啲都唔韌！十分有驚喜！對一般女士而言，呢個飯可能會比較大份，本身魷魚八爪魚類比較容易滯，加上又有一粒煎蛋同埋飯米飯份量都好夠，就算唔點食米飯，食2條八爪魚鬚都會好飽。以一般男士嘅胃口黎講，呢個飯絕對係好滿足！👍👍👍

餐廳名「雪下覓炙」，在朝鮮時代的文獻中是烤牛肉的意思。料理方式和現在的烤肉相似，被認為是烤肉的原型。Lunch Set配有前菜，大醬湯及主食。前菜分別有泡菜，醃薯仔，大豆芽，翠肉瓜本菇及蓮藕。大醬湯大醬是大醬湯的主要原料，而大醬就是韓國版的味噌，在味道上比濃。這個大醬湯用料很多，下了不少牛脊肉，湯亦吃到濃郁的牛肉味，亦有豆腐和翠肉瓜。 主食選了牛饌燒烤拼盤，燒烤拼盤有名品牛小排，和牛牛舌，A4和牛三角肩及和牛三筋。 名品牛小排牛小排位於牛隻的肋脊部，這個位置的牛肉平時的運動量不大，但是必須支撐牛隻行走時的運動，因此肉質較為厚實並且擁有較多筋膜，油花均勻同時又很結實的肉質，嚐到新鮮的肉汁與軟嫩的肉質。和牛牛舌估計是舌尖部位，斜切成薄片，紅色色澤較深，放在高溫的鐵網上，立馬收縮緊實，口感較有嚼勁，吃起來比較硬。A4和牛三角肩牛三角肩位於牛後腿外側靠近股骨一端，從臀肉中分割而出，主要由闊筋膜肌等肌肉組成。三角牛肉肉質較粗，纖維均勻。三角肩肉瘦肉和油脂的分布非常平均，可以充分品嘗到瘦肉的好滋味，入口後油花也跟著溶化。和牛三筋三筋肉位於肩甲骨內側，三筋肉因為位於肩甲骨處所以活動量較少，係前腕處少

呢日天氣有啲悶熱，一個人去誠品買完書，想喺附近搵啲涼涼地嘅主食，記得《雪下覓炙》嘅lunch menu 有個”醬油組合飯”（即係醬油海鮮飯)，一於試試呢到食lunch 會跟5️⃣款傳統韓式前菜除咗有例牌嘅kimchi同大豆芽(可無限refill ♾️)，呢日另外嘅3️⃣款有辣蟹仔🦀，薯仔🥔&酸蘿蔔～ 前菜慢慢食嚟開吓胃，冇幾耐主菜就嚟喇🔸醬油組合飯 🦐🍳🧄🌶🍚冇諗過賣相咁吸引喎～ 📸📸飯面鋪滿各式各樣嘅食材：醬油蝦、鮑魚、蛋黃、醃製蘿蔔、生蒜絲、辣椒小圈、青辣椒大圈、蔥同韓式紫菜絲～主角醬油蝦同鮑魚泛著油光，見到已經好想大啖食佢落肚～色澤上，作為配角的青、紅辣椒，生蛋黃同蔥花絕對搶fo ~ 😎醬油蝦肥美爽口、鮑魚味鮮有微微嚼勁，將蛋黃同各樣食材同韓式紫菜飯混合，再配埋生蒜絲，將韓式風味發揮得淋漓盡致～🇰🇷🥢MaSiSoYo~~ 맛있어요 💃🏻食韓國菜又點可以少咗一杯柚子飲品呢～呢杯柚子檸檬梳打🍹將今日悶熱嘅天氣完全擊退👊🏼👊🏼

✨牛饌燒烤有四款肉 包括名品牛小排 和牛牛舌 A4和牛三角肩 和牛三筋名品牛小排 有肉味 肉質軟腍和牛牛舌 薄切 口感帶爽A4和牛三角肩 油花幾靚 有啲厚度口感軟腍 帶油脂甘香 唔錯和牛三筋 油花普通 有肉味 肉質軟腍 唔會好油膩✨北海道A5和牛臀蓋扒和牛臀蓋扒 雖然係A5 但油花未算好靚因部位問題 肉質會偏結實 比較有咬口 油脂香都豐富但呢款肉 個人唔會太推介重點係個肉質問題✨傳統韓式前菜有五款前菜 包括兩款泡菜 大豆芽 醃蘿蔔 辣魷魚辣魷魚辣得幾惹味 其他就正正常常✨大醬湯大醬湯 好足料 冬菇 豆腐 大蔥牛肉都有四五件 幾嫩滑但味道略嫌過鹹 配飯食會好少少✨飯飯 加左紫菜 飯粒分明 軟糯 有啲咬口食物可以 環境唔錯服務正常 態度係可以嘅冇食評講得咁差但有個別店員感覺有啲唔願做同埋有啲甩漏 例如明明兩個餐淨係比一碗飯一個湯 同佢講返 佢好似覺得好奇怪咁🙄價錢可以 但以食物質素會有更好選擇

平日午市時段去食，一開面入去唔駛排隊，但好快就坐滿人，空間都闊落，服務正常，叫了燉牛肉湯和大醬湯配牛肉。落完order會送上好幾款小食，味道正常，泡菜唔夠酸同辣，偏甜，無咩特別。燉牛肉湯幾好食，湯底好飲，而且牛肉不會鞋，有口感，牛肉數量都算多，大醬湯都算好飲，唔好太咸，但炒牛肉就普通。整體來說，食物質素係還好既，但未去到必食，相信出面好多韓國舖頭都做到差唔多味道，但未知燒肉會唔會出色d, 所以試一兩次就夠，性比價不高。

可能coupon嘅關係，呢間韓式烤肉每逢weekend都勁多人排，上兩個星期六我哋book咗12:00，點知未夠鐘，條隊已經排到去隔離幾個鋪位。好多人冇訂位都專登嚟walkin，好有恆心🙊鋪頭處理方法係先安排訂咗位嘅客人入坐，之後就會叫walkin嘅留電話，留完就會叫佢哋行下先～呢個都算係幾好嘅安排嚟嘅，起碼客人可以邊行街邊等。今次食第一輪，安排都唔錯，好快有位坐低。佢哋午市提供咗lunch set，價錢都唔算貴，可以用相宜嘅價錢食到高質牛牛🤪食之前會先有前菜提供，前菜分別有泡菜，醃薯仔，大豆芽，翠肉瓜本菇同脆蟹小食。泡菜好脆身好夠辣，放埋落去燒一燒仲好食！大豆芽都好新鮮，稍微用鹽醃咗少少，所以冇草腥味！呢兩樣仲要有得任添㗎，開心！😌牛饌燒烤呢個拼盤有名品牛小排，和牛牛舌，A4和牛三角肩同和牛三筋。牛舌好爽，因為係和牛，就算唔係厚切都好食得到佢嘅油脂😋牛小排呢，我第一塊燒衰咗🥲佢因為偏厚所以應該要喺中段切開一半燒，但我冇咁做，所以見到出面變色就拎咗上嚟但其實，入面係未熟🤣跟住拎番落去番燒就韌咗了😮‍💨但其實佢肉質都唔錯，點燒肉汁食一流✌🏻三角肩同牛三筋係我最鍾意，容易燒之餘油脂分布都係

買單的時候，黃色短髮收銀員態度勁差。佢比單我睇開時候，佢話用商場cupom唔計加一。跟住我係度計可以用幾張商場cupon，我見到差10hkd可以用多張cupon。我跟住立即問佢可唔可以加杯嘢飲。佢話唔得，跟住態度超級無敵差問我不如我幫你開多張台？我覺得可能公司規定出咗單唔可以再加嘢，但係收錢你無必要咁串？總之體驗特別差，本身覺得嘢食ok今次係第二次食，都覺得好食嘅。但係咁樣服務態度，以後唔會再來。

雪下覓炙是指高麗宮廷貴族於雪夜下品嚐燒肉餐廳裝潢結合傳統韓式建築, 天然木框, 環境十分舒適寬敞, 抽氣系統做得很好, 用饍完沒有沾上燒肉味, 值得一讃前菜小食有幾款, 其中泡菜及大豆芽可以任添的牛肉質素很高, 牛味很濃, 口感很好, 簡單燒一燒兩面就可以食用, 還配上紫菜飯及大醬湯, 份量剛剛好另外再點了兩杯提子梳打, 濃濃的提子味很清爽服務態度很好, 主動加水, 可以經OpenRice訂座, 因平日walk-in都需要等位

雪下覓炙 SEOLHAMYEOK @ 尖沙咀📍Shop OTG47-48, G/F, Ocean Terminal, Harbour City, 3-27 Canton Road, Tsim Sha Tsui前菜有泡菜，大豆芽，辣生八爪魚，薯仔，翠肉瓜而泡菜同大豆芽係可以REFILL既佢既泡菜唔係勁酸果種，反而幾好送飯食個LUNCH SET有七塊肉，其實以LUNCH黎講都幾夠食同埋佢肉既質數都有番咁上下所以我都幾推介呢間既LUNCH牛饌燒烤 Supreme Beef Platter $258名品牛小排，和牛牛舌，A4和牛三角肩，和牛三筋 Prime Chuck Tail Flap, Wagyu Ox Tongue, Wagyu Chuck Short Rib, Wagyu Top Blade另配傳統韓式前菜，飯，大醬湯 Served with Korean Side Dishes, Rice and Soybean Paste Stew水冷麵 Korean Cold Noodles $92