雞駅花膠雞米線專門店

營業中

休息中

雞駅花膠雞米線專門店觀塘開源道60號駱駝漆大廈第三座1樓1室去開觀塘，老友帶我食港式花膠雞米線，估唔到又幾正喎！招牌花膠雞米線配料夠新鮮，面層放了雲耳、蟲草花、芫茜和香蔥，湯中有花膠和鮮雞。湯底夠鮮甜，真材實料，沒有味精，我把湯喝光了。花膠爽口彈牙又夠滑，雞肉醃製得很好，口感煙韌夠入味，雞翼堅正，有香濃的雞肉味，必食！🤤明太子釀雞翼雞翼皮香肉滑，醃製時間剛剛好，大廚把香辣的明太子釀入雞翼中，效果很好，每一啖也滲滿了明太子的香味，食一隻唔係好夠，推薦！😍蟹肉忌廉薯餅即叫即炸，炸油夠新鮮，外脆內軟好creamy，中段加沙律醬提升層次，我食咗三個超曬標。😂雞駅花膠雞米線專門店真材實料，沒有味精，價錢公道，還會再來。😎

去開駱駝漆大廈呢座同層嘅舖頭買嘢，順便食個靚飯～ 原來呢度都幾多餐廳，其中一間就係呢間花膠雞米線專門店 - 《雞駅》🤤見到花膠雞就覺得好吸引🤤 望入去發現平日放工時間7pm左右全店滿座，需要搭檯，睇嚟質素應該唔錯先有咁多人食！😂餐廳主打各式各樣雞米線，主食可以選擇米線、米粉或者飯，加$10可轉雞髀。另有擔擔麵、辣米線&雞飯類同埋各款雞翼、小食。============ヽ(○´∀`)ﾉ♪藥膳黃酒花膠雞米粉 $68（轉雞髀+$10）⭐️推薦🫶🏻 個湯熱辣辣好好飲，藥膳味同酒味都好濃郁，花膠算厚身仲有3、4舊，成隻雞髀上好滿足，肉質嫩滑🤤椰子雞米線 $60 ⭐️推薦🫶🏻 椰子雞湯比較奶滑，香濃嘅雞湯味，一樣都好好飲🤤 雞件無轉到雞髀不過都一樣嫩滑！份量多！桿匪雞翼 $42好香嘅胡椒孜然味，雞翼炸得香脆，入面juicy唔會乾柴柴👍🏻

呢排天氣咁熱☀️☀️唔想煮飯，梗係要食米線啦🍜🍜喺出邊食，都係要食得健康🙆🏻‍♀️🙆🏻‍♀️🔸招牌花膠雞米線($68)🔸真材實料👍🏻👍🏻湯底煮到奶黃色🤍💛好清甜🤤🤤有雞湯味🐔🐔花膠加埋蟲草花，滋潤養顏🤤🤤🔸胡椒豬肚雞米線($60)🔸豬肚好好味🐽🐽而且煮到好入味👍🏻👍🏻好有咬口🤤🤤🔸香草雞翼($42)🔸炸到金黃色💛💛外脆內軟👍🏻👍🏻好Juice🤤🤤🔸凍檸茶(+$8)🔸香港人必飲🥰🥰📍觀塘開源道60號駱駝漆大廈3座1樓I室

今日收工行下駱駝漆, 大家都知好多平野買,特別係小朋友既物品. 行完一樓俾我發現左呢間米線 - 雞駅食飯時間全場滿座, 睇下個餐牌, 原來主打各色各樣既雞湯米線今次我地2個人 叫左2款湯麵加一個小食好多口味提供選擇椰子雞米線職員一放落枱,就已經聞到好香嘅椰子味,試完第一啖湯,真係超濃郁. 又有奶既香味. 配埋啲超滑既雞 真係成碗湯可以飲晒(見圖)胡椒豬肚雞上海麵胡椒味道整很相當適中,唔會太辣, 而且𥚃面有好多豬肚同雞,米線加$5可以轉每日鮮製上海麵, 唔知有無人同我一樣 鐘意食啲煙煙韌韌嘅感覺 就一定要試下呢個上海麵講下重點啲雞🐥大家如果鐘意食雞脾,可以加$10 轉雞脾🍗今次我個碗有我鐘意食既雞胸, 個雞胸係好滑同好淋 食落完全唔似雞胸小食真係好多選擇 今次揀左椒鹽粟米 啲粟米超甜 加埋啲椒鹽粒 同大排檔既味道係一樣嫁店家有2個貼心位凍檸茶係用不鏽鋼杯上 夏天唔洗驚杯飲品變暖飲貼心位係每位客人都會有個碗仔俾大家放骨 唔洗放到周圍都係

雞駅🐓都算係一間中上水平嘅餐廳～ 我最鍾意嘅，就係佢啲雞肉非常之新鮮嫩滑。我覺得都值得加$10轉雞髀肉。湯底選擇都有幾款，我和朋友今次食咗椰子雞湯，同埋人蔘雞。前者就比較濃味一啲，椰子🥥嘅味道有種好似食椰汁西米露椰奶嘅感覺，甜甜地，朋友覺得都幾得意。我自己就比較鍾意人蔘雞，因為夜晚想食夜清清地，感覺好似健康一啲。麵底有米線🍜 ，上海麵都有得㨂。米線彈牙啊旷，上海麵就硬身一啲（下圖）另外，我哋叫咗孜然雞翼🐓 外表都炸得幾香脆

◐花膠雞湯米線｜必試金磚豆腐｜胡椒豬肚湯觀塘駱駝漆某胡椒豬肚湯超出名，可惜每次去都賣晒，咁岩呢間都有胡椒豬肚湯，仲有花膠雞湯，附近打工仔可以試下。二訪再食左唔同小食，必試金磚豆腐👍🏽. ◮ 花膠雞湯米粉$68 • ⁷ ⁄ ₁ ₀ 份量足料，即使無轉雞脾都好滑，有2 大塊花膠真材實料！湯頭奶白色，無味精，飲完唔口渴。細食的朋友可以2 人一份。米粉可轉米線、上海麵。. ◮ 金磚豆腐 $42• ⁸ ⁄ ₁ ₀估唔到咁有水準，豆腐嫩滑，炸粉好脆薄。熱辣辣，好食到一個人都食得晒！. ◮ 辣醬燒豚肉配生菜 $58 • ⁷ ⁄ ₁ ₀ 豬肉燒得惹味，帶有軟骨，略有嚼勁，點左辣醬又幾似韓式風味. ◮ 黑松露薯條$32 • ⁶ ⁄ ₁ ₀ 薯條即叫即炸，偏淡色，搭配上黑松露醬幾好

今日去開觀塘做嘢，朋友又帶咗我去駱駝漆揾食！呢間叫雞駅嘅花膠雞米線專門店，新開張無耐，招牌幾得意，店面光猛整潔冷氣又夠，坐得幾舒服。招牌花膠雞米線（$68）嚟到當然要叫招牌菜，湯底鮮美濃郁，花膠鮮甜滑嫩，配上雞味濃嘅雞肉，令人好滿足，每日鮮製上海麵彈牙有嚼勁，如果整體更熱就好了。口水雞擔擔麵（$52）一上枱就聞到花生香氣，湯底夠濃稠，夾起麵條都會掛湯，雞件非常嫩滑，口水醬汁香料和其他調味料的比例恰到好處，辣度適中，夠惹味！燒豚肉配生菜（$58）豚肉燒得剛剛好，表皮微微焦香，口感香嫩多汁，搭配上生菜、青瓜同韓國辣椒醬，讓人欲罷不能，適合作為一道開胃菜！凍檸茶、水（+$8）凍檸系列非常清涼解渴，酸甜適中，口感平衡，飲落夠爽口，非常適合夏天飲用。

過黎試吓新嘢，睇佢咁多好評，以為會好好食。殊不知很一般！賣相係唔錯，不過食落其實好一般，湯底幾鹹。雖然個人唔係太喜歡食好淋嘅米線，但係呢碗係好硬，感覺係緊緊熟未煮透。因為落單唔夠30秒，佢已經拎咗來，似乎係整定左攞出嚟，亦都唔太熱。同事帶咗下面呢碗米粉，Comment都係覺得一般。凍飲加$8唯一可取覺得幾細心，每個人都有個兜仔俾你吐骨店員服務都好一般，員工冇乜禮貌。總括嚟講，唔會想再嚟多次。

雞駅 - 觀塘📍觀塘開源道60號駱駝漆大廈3座1樓I室呢排多咗好多呢類型食花膠雞嘅米線，除咗一般嘅麻辣米線，我覺得市面上多咗呢類食肆，俾大家多一個選擇。今日又嚟都好多嘢食嘅駱駝漆大廈，試下呢間logo好q既米線舖。睇Menu原來除咗花膠米線，佢仲有湯米線、擔擔面同飯類，仲有小食，都幾多選揀。🐔 蜜糖雞翼 - $32 首先黎個小食，佢呢度嘅雞翼有好多口味，全部都係炸嘅，個人比較偏好甜甜地嘅炸雞。 雞翼炸到外脆入面肉好Juicy又嫩滑，少少邪惡，但佢炸到好乾身，外皮唔會有多餘嘅油脂，推薦。🍜 藥膳黃酒花膠雞米線 - $68我哋轉左雞髀+$10，碗麵嚟到嘅時候用一個類似石鍋嘅碗裝住，感覺幾得意。湯底藥膳味好香濃，入面雖然有好多藥材，但一啲都唔會有苦味。雞用黃酒烹調，有絲絲既酒味亦都好林。🍜 口水雞擔擔麵 - $52呢個都轉左雞髀 + $10。真係估唔到會喺呢度食到擔擔麵，湯底非常之重麻醬味，同上食既擔擔面差唔多，可惜咁啱個胃唔係咁好，叫咗正常辣，個人應為叫辣少少會再惹味啲。面都好滑，好易入口。口水雞同外面食到嘅口味有少少唔一樣，佢既味道對味蕾冇咁衝擊，但都好香蒜味。🍹 凍檸茶/檸水 - 跟餐

🇭🇰雞駅花膠雞 觀塘米線專門店駱駝漆新開米線舖😆主打用雞熬製既花膠雞米線專門店仲可以轉米粉或上海麵🫣除左雞湯米線類仲有擔擔麵 雞飯🍚酸菜魚 口水雞米線等等 選擇都幾多🐓招牌花膠雞米線(💰$68+$10轉雞脾🍗)米線熱辣辣用石鍋上♨️♨️花膠一片片細上 質地軟腍得黎仲帶點爽口既 雞脾肥美嫩滑大大件 湯底雞味重又養生米線幼身 煮得偏腍身一點🥥椰子雞米線(💰$68+$10轉雞脾🍗)椰子雞是👩🏻的最愛湯底奶白色 雞味同椰子味都夠🥥🐓一樣加錢轉雞脾🍗肥美嫩滑大大件個人認為呢款湯底 相對比較好飲🦀蟹肉忌廉薯餅(💰$38/3pcs)蟹肉忌廉薯餅一樣係熱辣辣上跟左沙律醬 外脆內軟

依間石鍋米線價錢超值，份量十足，用料上乘，性價比超高！而且米線選擇都幾多！藥膳黃酒花膠雞米線湯底100分成碗飲晒！石鍋上，熱辣辣，湯底有好香濃嘅藥材味同酒味，飲落好滋補好暖胃！花膠大大件，雞肉肉質都好嫩滑，而且份量都幾多！米線吸左依個藥膳黃酒好入味，口感好滑！姬松茸竹笙花膠雞米線好大粒姬松茸，好爽口！鐘意食菌類嘅朋友可以試依款！竹笙吸晒啲湯汁好入味。除左姬松茸仲有啲木耳，口感爽脆！花膠同雞一樣大大件！依個湯底都好香濃！蟹肉忌廉薯餅薯餅唔會好厚粉炸到好脆！入面係蟹肉忌廉薯蓉口感好幼滑，點埋沙律醬食正！

觀塘工廈雞駅·門牌設計廷可愛｜水泥牆裝修輕鬆打工業風，午市爆場等位食招牌濃雞湯麵，滋補養生湯底😍✨小食✨🥢金磚豆腐$42粒粒平均、薄薄一層味粉炸得外脆內嫩，食到停唔到口✨招牌雞米線✨石鍋上♨️🐔胡椒豬肚雞米線$60豬肚同雞嘅份量十足，雞件一啲都靭又多肉，胡椒味重好濃夠晒暖胃配埋熱柚子茶🐔姬松茸竹笙花膠雞米$78我既至愛養生花膠，女生必叫～有成3塊花膠，厚得來彈性感膠質，十分有嚼勁，餐飲冰凍檸檬茶💰溫馨提示：店內只接受現金💸

天氣熱到冇乜胃口，想簡單食碗米線，呢晚揀咗觀塘一間新開嘅米線專門店。呢間小店主打雞同花膠，我哋點咗招牌花膠雞米線同胡椒豬肚雞米線各一，另外點左小食蟹肉忌廉薯餅。招牌花膠雞米線（$68）- 不愧為招牌菜，雞湯底鮮甜，雞件好嫩滑，仲有肥厚嘅花膠，米線入口好滑，呢個米線我比好高分。胡椒豬肚雞米線（$60）- 胡椒味道啱啱好，唔會搶喉，豬肚爽口，另加$10 upgrade 咗雞髀，味道一流，呢$10絕對抵俾。餐廳環境舒服好坐，食物質素好好，價錢好抵食呀。

觀塘駱駝漆三座最近新開咗一間食花膠雞米線嘅小店，除咗招牌花膠雞米線仲有其他小食，新開張lunch time 都幾多人食。 招牌花膠雞米線 $68招牌花膠雞米線用石鍋裝住，奶白色嘅雞湯一睇就知落足料，好濃雞湯味。花膠有四五件，大大塊充滿膠質。雞肉都有6-7件，湯底唔會好油，雞肉嫩滑，值得一試。明太子釀雞翼 $20/隻即叫即炸嘅雞翼，外皮炸到好脆，入面係滿滿嘅明太子。明太子鹹香，小小辣好惹味。+$8 叫咗杯凍咖啡，好透心涼。

呢間位於觀塘駱駝漆大廈嘅隱世米線店舖，原來有多人都搵到嚟覓食☺️😗 姬松茸竹笙花膠雞米線 $78配搭特別亦略顯矜貴，松茸味濃、竹笙花膠亦吸收到雞湯精華，加上雞件厚肉，十分和味😋 招牌花膠雞米線 $68花膠軟腍，切雞件嫩滑，好足料😘 蔥油雞飯 $48貴妃雞大大件，蔥油十分惹味，拌飯一流👍 雞駅花膠雞米線專門店觀塘開源道60號駱駝漆大廈3座1樓I室 #雞駅 #花膠 #花膠雞 #米線 #觀塘 #駱駝漆大廈 #hkfoodieclub