雞駅花膠雞米線專門店

營業中

休息中

位於觀塘工廈的雞湯米線專門店，主打是以雞湯熬製而成的湯麵米線，另外也可配搭其他湯底，如番茄湯、胡椒湯、麻辣湯等。客人只需在手機掃描二維碼電子下單，方便又快捷。小食：黑松露醬薯條除了湯麵外，還有些小食。薯條新鮮即炸，炸得金黃香脆，蘸點黑松露醬，味道更加濃香。招牌雞米線：人蔘雞米線雞湯夠熱夠濃以石碗上枱，湯底保持滾熱。米線麵條質感滑溜，而且很有嚼勁、煙韌，烹調程度剛好。雞湯帶濃郁雞味，反而人參味不太突出，較易入口，可以邊呷湯水邊吃麵，而且麵條蠻掛湯，吸收了雞湯精華。配料有木耳、蟲草花。另外，雞件也有數件，雞肉連雞皮，肉質相當結實，算嫩滑，鮮味。

本身好鍾意食雞湯米線！見到駱駝漆有梗係要試試佢～😗 點知….. 🥲😖😖▪️黃酒花膠雞湯米線 $68花膠可以多啲，有三小舊，同可以再腍啲～湯底味道比較單一。雞唔係特別滑，就係好普通。▪️胡椒豬肚雞米線豬肚反而ok! 正常發揮～▪️金磚豆腐即叫即炸，所以好熱，普通啦，皮脆啲會好食啲。上面間雞湯米線好食好多…….呢間真係幾失望下。雞湯米線專門店啲雞唔應該係呢種質素，同湯底都失望🙍。。。希望可以好啲啦。。

見新開張來試下，作為一間小店只有十餘張枱，要用qr code落單，欠缺人情味。是日為下午三點左右，人流只有兩三枱，落單點了招牌花膠雞湯米線（走青、走芫荽和全走）、凍檸茶（少冰），送上湯時正確，第一位侍應送來飲品時也覆了一句凍檸茶少冰，不過其實沒有落糖。我叫第二位侍應（高瘦女仔）幫我加返糖，佢加完後拿著飲品和廚房單來，指責係我自己落錯單，杯飲品係全走 （走冰走糖）我解釋全走係指碗湯，而且我杯野飲係有冰😅只係冇落到糖，佢更加指住張單話係我錯。一個小小問題，又不是繁忙時間，要顧客qr code落單，又責罵顧客，湯亦不是特別好食，作為一個「人」，以後沒有下次。

觀塘又有新攪作今次係一間裝修都好文青估唔到入邊係賣緊補身又足料嘅米線.-招牌花膠雞米線-平時食湯底 嚟嚟去去都係麻辣蕃茄 花膠雞就真係極少 仲要只係+$10 就可以有雞髀 雞髀勁嫩滑 咬落去一絲一絲 而且佢哋仲要用熱鍋裝住 令到米線非常入味 -胡椒豬肚雞米線-胡椒湯底濃郁 多豬肚 好軟腍 配料好豐富，除咗有蟲草花同埋雲耳 仲有雞翼添！-燒豚肉配生菜（韓國辣醬）-超特別！冇諗過佢配埋米線個效果真係唔錯。食返啲生菜都有種refresh的感覺！

同事推介駱駝漆大廈入面一間專食雞湯米線嘅舖頭，店名叫雞駅，是日黎開駱駝漆就試下佢啦😗小店在一樓，出𨋢口後行到尾就見到了，午餐時段很旺場呢，全店滿座。等了一陣有枱了，店內用qr code落單，米線同小食選擇都不少喎😆🥥椰子雞米線點了招牌米線中的椰子雞，湯底很濃郁，雞湯同椰子味也很重。雞件嫩滑，份量不少呢。🐓明太子釀雞翼本想點一份雞翼，但一客四隻怕食唔晒，就改要一隻明太子吧，雞翼內釀了滿滿的明太子，微微辣很惹味😋🍋凍檸茶凍飲加$8，合理啦。唔使加一👍

觀塘翻工lunch成日唔知食咩好，所以我會好留意新開既餐廳。所以搵到新開張既喺觀塘駱駝漆三期一樓，最緊要係唔使等𨋢行樓梯即達！(最緊要快💨)Logo好可愛，餐牌亦一貫style，用童趣味字體。落單是QR code，方便慢慢揀 📝🐔花膠雞米線$68用石碗上，小心熱！米線屬於偏幼食落煮得夠淋，除咗雞之外有蟲草花、雲耳等配料，雞滑度👌🏻，個雞湯夠熱夠濃，不禁飲咗幾啖。🐔沙薑雞擔擔麵(少辣) $52花膠雞之外有擔擔麵😍 上海麵爽口彈牙，幾鐘意佢個麵底。湯底方面叫咗少辣，比起辣我個人覺得則重麻較多，有少少肉碎。雞係分開另上，不過覺得沙薑醬味有少許藥材味，但雞肉部份係幾滑唔老。佢哋都有唔少小食選擇，好似我叫咗芝士年糕配煉奶同埋明太子釀雞翼，yummy!👅

駱駝漆最近都開左唔少新店，見到有間主打花膠雞米線，即刻去試試！🍜招牌花膠雞米線（$68）凍檸茶+$8份量好足好大碗，湯底奶白色有輕微雞油飄浮系表面，飲落唔會覺得油～飲落好滋潤又唔會死咸既感覺。湯底配料有蟲草花、木耳、7件雞、3件花膠，都幾足料。雞件食落味道就似出面燒味舖食到既鹽焗雞味🙈果日食到肋骨位雖然肉唔多，但雞肉嫩滑有雞味，如果想要髀位可以+$10。花膠唔算大舊食落口感偏爽。米線軟硬適中，飲哂碗湯都唔覺得口渴。

雞駅花膠雞米線專門店🐔招牌花膠雞米線🐔🌼 $68呢碗招牌花膠雞米線嘅雞，咁啱係雞髀肉嚟嘅，雞肉肉質非常之滑，雞味濃郁🐔💯仲有兩塊面積唔細嘅花膠，絕對係養顏之選！✨✨人蔘雞米線 🫚$60我呢一份嘅雞肉係雞胸嚟嘅，入口都算滑，絕對唔係擦膠咁😆😆湯底就有少少人蔘味，唔算太濃烈既，所以都唔使怕太濃味接受唔到✅米線就屬於比較淋身一啲，容易有開嘅嗰一種～金磚豆腐💛 $42不嬲都幾鍾意食金磚豆腐，感覺上有營養之餘又好味🤤小食全部都係即叫即整，外面嘅味粉非常之夠味，整到外層有啲脆口，裏面的非常滑溜💯💯係食多多都唔厭嘅小食👍🏻👍🏻明太子釀雞翼 🐓（一隻）$20不嬲都覺得釀雞翼嘅步驟繁複，喺屋企一定唔會整嚟食，見到呢度有得叫，當然就唔會錯過啦😆

近年坊間開多左滋補既米線店，今次見觀塘新開左間花膠雞米線專門店，專登慕名來食🤭因為我自己都好鍾意滋補既米線，食落比較健康！睇menu，見呢到都有成10幾款米線揀，湯底仲可以揀濃雞湯、蕃茄湯、胡椒湯同埋麻辣湯，幾吸引😍仲要係好小店自家製作feel，覺得好有心製作d食物藥膳黃酒花膠雞米線：個湯飲落好香甜，亦都有酒香，正！飲得出入面有落到當歸、枸杞、黨參、北芪，好滋補呀！雞件食落都岩岩好，唔會話鞋身，幾嫩滑軟腍，仲有幾爽身既木耳，仲要有兩大舊既花膠😍連滑lulu既米線，真係無得輸！蕃茄湯燒豚肉濃湯米線：個湯底茄味好香濃👍🤤同埋開頭以為豚肉係薄片果種，點知佢係整到日式果種好厚身既豚肉，肥瘦均勻，面頭有d焦焦地咁，好好食囉！呢個好surprise！仲要佢唔貴！佢呢到都有幾多特色小食，不過我地怕太飽，叫左個手拍青瓜，蒜辣味幾惹味，食落又爽口👍

試左藥膳黃酒花膠雞米線 $68, 湯底偏苦😣(可能川弓較多, 唔小心米線會同川弓一齊夾到入口😱)無黃酒香味, 少咸, 雞有7舊, 但唔算滑, 兩舊花膠, 微腥可接受,米線偏少,女仔都唔夠飽😢 可能當日得3枱客, 只開一部冷氣, 有d熱,樓面阿姐全程黑面, 無咩禮貌。 樓上二撇雞無開,見佢新開所以試下。 可惜唔岩口味😔

又同朋友去駱駝漆搵食，見到有一間門口都大隻雞喺度，見到好多用雞湯嘅米線所以就同朋友試下，坐低都係座位好寬敞，坐咗一陣已經好多人都入嚟食，呢間餐廳都係用二維碼點單咁，就唔怕自己點錯啦，餐廳都好貼心，知道駱駝漆好多地方都收唔到訊號，所以都已經提供埋wi-fi，同朋友分別叫咗兩款菜式同埋一份小食。我就叫咗一碗沙薑湯雞米線，雞同埋米線係分開上，米線上面都有唔同嘅配料，例如木耳，腐皮等等。雞湯味道都係好足夠，而且米線亦都可以吸收到湯嘅味道，米線嘅軟硬度適中唔會話太腍同太硬，飲落去冇味精嘅感覺，所以唔會話越飲越口渴。沙薑雞上面嘅沙薑醬亦都係磨得好細，所以就唔會話食到好大嘅顆粒感。沙薑嘅味道同雞非常之夾，而且咬落去亦都唔會話有雪藏嘅味道。招牌花膠雞米線（轉雞髀招牌）花膠雞米線份量十足，真材實料。除咗有一大隻雞髀之外，米線以雞湯做湯底，仲加入蟲草花吊味，並以雲耳、花膠做餸。米線熱辣辣，花膠足足有兩大塊，每塊亦有一定厚度，口感又滑又淋。雞肉嫩滑唔鞋，反而仲有少少雞油，雞肉份量驚人，啖啖肉。呢一款米線嘅雞湯比起我嗰一個沙薑湯雞米線更加雞味濃郁，飲落亦唔會好油或者口乾，相信冇落味精，口感相當清新。而且佢同我

原來公司附近駱駝漆近期新開咗一間花膠雞米線專門店叫「雞駅花膠雞米線專門店」，同事話不如去試吓😋「雞駅」是小店經營，除了花膠雞米線，也有其他如水煮牛，酸菜魚或口水雞飯供選擇！招牌花膠雞米線加$5轉咗上海麵，花膠份量不少，而且有厚度有咬感！湯底味道濃郁，雞件肉質滑嫩，不錯！藥膳黄酒花膠雞米線 ，藥膳味道剛剛好，米酒味濃…悍匪雞翼(胡椒孜然）$42 有4大隻雞翼，炸得皮脆肉嫩多汁，巧惹味😚😚

今日好大雨唔想周圍行搵野食， 喺駱駝漆行街就順便食埋Late Lunch，行到最後一層見到一間好新淨，食雞嘅舖頭就行左入去。舖面好乾淨企理，D 坐位又唔會好迫。我同朋友叫左一人一碗米線同野飲，仲有一份雞翼。🌸 椰子雞米線成碗雞湯奶白色，唔油膩，入口好順滑，仲有微微椰子香味。米線入味，軟硬適中，份量仲好多。店主好有心思，碗米線仲加左不同配料，金銀花、雲耳、椰子片，當然仲有主角「雞」啦。雞件份量唔少， 就算有雞胸肉質都好淋身，而且D 皮好簿唔肥， 食埋都唔會有罪惡感。最後梗係成碗米線連湯清曬❤️🌸 姬松茸竹笙花膠雞米線 本身諗住都係雞湯，D 湯底大同小異，但原來兩個分別好大。姬松茸好香，似菇菌嘅味道，湯底濃郁，但唔會過鹹，味道調較得剛剛好。呢碗有竹笙、花膠，竹茸爽口而家有厚度，個質感係令人滿足嘅，而花膠都好優質，好淋同漿口，膠質非常重🥰🌸 悍匪雞翼(胡椒孜然）我地仲叫左個小食，雞翼上到枱熱辣辣，而上面灑左少少胡椒，好惹味，雞皮脆口， 肉質嫩滑有汁，好食👍👍

又同家人去咗觀塘工廈搵食！今次見到朋友推介一間新開的花膠雞米線🐣雞駅。簡潔水泥風設計，環境舒適。✪ 招牌花膠雞米線 ⌫ 💲78湯汁呈奶白色，充滿濃郁的雞香味道。有幾片花膠，質地彈牙滑嫩，口感豐富。加💲10轉咗雞髀，雞肉滑嫩多汁。米線質感有嚼口。✪ 酸菜魚米線 (小辣) ⌫ 💲68賣相都好吸引。好多酸菜同魚肉片。魚肉鮮嫩，配上微微的小辣味道和酸菜的酸味，味道非常開胃。米線的質感同樣不錯，搭配酸辣湯汁更正！餸菜份量足夠，但米線份量不多，女仔食就岩岩好。✪ 椒鹽粟米 ⌫ 💲38椒鹽粟米口感酥脆，同椒鹽味道好搭配。【 雞駅花膠雞米線專門店 】📌觀塘開源道60號駱駝漆大廈3座1樓I舖

今日介紹嘅呢一間餐廳位於觀塘，係一間駱駝漆大廈入面新開張的米線店。餐廳主打招牌花膠雞米線，另外亦有提供酸菜魚湯底。🌟招牌花膠雞米線 $68裡面有四五塊花膠，湯底是奶白色的，味道濃郁，尤其是雞湯的味道非常好喝。不過，肉的品質比起花膠就差了些，雞口感幾滑，但肉的份量相對較少。🌟藥膳黄酒花膠雞米線 $68味道非常濃郁，雞湯裡面加了當歸和米酒，雞胸肉很嫩滑，而且湯底不油膩，真的可以喝完整碗。🌟蜜糖雞翼 $42 蜜糖雞翼是現炸的，新鮮熱辣的，雞翼口味還有其他味選擇很多，可以一試。📌 雞駅花膠雞米線專門店 @rooster觀塘開源道60號駱駝漆大廈3座1樓I室🚇港鐵觀塘站 B2 出口, 步行約4分鐘📍#觀塘