影片
更多
2023-05-20
878 瀏覽
又同朋友去駱駝漆搵食，見到有一間門口都大隻雞喺度，見到好多用雞湯嘅米線所以就同朋友試下，坐低都係座位好寬敞，坐咗一陣已經好多人都入嚟食，呢間餐廳都係用二維碼點單咁，就唔怕自己點錯啦，餐廳都好貼心，知道駱駝漆好多地方都收唔到訊號，所以都已經提供埋wi-fi，同朋友分別叫咗兩款菜式同埋一份小食。我就叫咗一碗沙薑湯雞米線，雞同埋米線係分開上，米線上面都有唔同嘅配料，例如木耳，腐皮等等。雞湯味道都係好足夠，而且米線亦都可以吸收到湯嘅味道，米線嘅軟硬度適中唔會話太腍同太硬，飲落去冇味精嘅感覺，所以唔會話越飲越口渴。沙薑雞上面嘅沙薑醬亦都係磨得好細，所以就唔會話食到好大嘅顆粒感。沙薑嘅味道同雞非常之夾，而且咬落去亦都唔會話有雪藏嘅味道。招牌花膠雞米線（轉雞髀招牌）花膠雞米線份量十足，真材實料。除咗有一大隻雞髀之外，米線以雞湯做湯底，仲加入蟲草花吊味，並以雲耳、花膠做餸。米線熱辣辣，花膠足足有兩大塊，每塊亦有一定厚度，口感又滑又淋。雞肉嫩滑唔鞋，反而仲有少少雞油，雞肉份量驚人，啖啖肉。呢一款米線嘅雞湯比起我嗰一個沙薑湯雞米線更加雞味濃郁，飲落亦唔會好油或者口乾，相信冇落味精，口感相當清新。而且佢同我
我就叫咗一碗沙薑湯雞米線，雞同埋米線係分開上，米線上面都有唔同嘅配料，例如木耳，腐皮等等。雞湯味道都係好足夠，而且米線亦都可以吸收到湯嘅味道，米線嘅軟硬度適中唔會話太腍同太硬，飲落去冇味精嘅感覺，所以唔會話越飲越口渴。沙薑雞上面嘅沙薑醬亦都係磨得好細，所以就唔會話食到好大嘅顆粒感。沙薑嘅味道同雞非常之夾，而且咬落去亦都唔會話有雪藏嘅味道。
招牌花膠雞米線（轉雞髀招牌）花膠雞米線份量十足，真材實料。除咗有一大隻雞髀之外，米線以雞湯做湯底，仲加入蟲草花吊味，並以雲耳、花膠做餸。米線熱辣辣，花膠足足有兩大塊，每塊亦有一定厚度，口感又滑又淋。雞肉嫩滑唔鞋，反而仲有少少雞油，雞肉份量驚人，啖啖肉。呢一款米線嘅雞湯比起我嗰一個沙薑湯雞米線更加雞味濃郁，飲落亦唔會好油或者口乾，相信冇落味精，口感相當清新。而且佢同我個個唔同嘅係，佢招牌花膠雞係會用好似石鍋咁樣去上菜令到湯可以更加保持到熱辣辣。個湯好飲到朋友直情清曬成碗湯！
小食方面就叫咗香草雞翼香草牛油雞翼以炸雞翼嘅方式上枱，並喺上面搽上牛油。分量方面就有四隻，每隻大小適中，以小食嚟講可以接受。與此同時，雞翼亦能夠保留住雞肉汁。牛油就令雞翼每一啖都充滿鹹香味，口感同調味都非常襯，令每件雞翼都十分有風味。佢煮嘅時候都有個技巧就係會喺雞翼嘅後面鎅開令到快啲煮熟，做到皮脆肉滑。
飲品方面檸檬梳打非常清新解渴，除此之外梳打嘅氣泡亦非常多，口感非常刺激，同時好清爽。我就叫咗一杯凍檸檬薏米水，薏米嘅份量好多，而且多咗檸檬之後淡淡嘅檸檬味就變得更加健康，唔會話有超甜嘅問題，下次再嚟食返個朋友嗰隻花膠雞湯先！
張貼
