雞駅花膠雞米線專門店

營業中

休息中

今日咁巧係觀塘返工，放工同同事去附近出名嘅花膠雞米線食晚飯。原本約左8點鍾，但係早收工，我地早咗半個鐘去到都已經排長龍。大家都好有耐性排隊等食花膠雞湯，門口都貼左好多食物相，睇到都已經好肚餓。 呢間係小店，環境小小但大家坐埋啲好溫馨，充斥著濃濃既雞味。呢到要掃qr code落單，但係收唔到signal好彩佢地有wifi. 我點左個招牌花膠雞翅，跟餐加12蚊可以買杯凍檸水。配料份量超多都食唔哂，仲有兩舊大大舊嘅花膠口感好爽。另外點左個金磚豆腐，外脆內嫩，有口感之餘入口即溶嘅感覺，超好味超好味。 還點左個招牌花膠雞米線，湯底好清甜，滿滿嘅胡椒雞香味，加埋嫰滑嘅雞件，湯都比我地飲晒，好味又飽肚。

80幾90蚊一碗米線，唔知道憑乜嘢收咁貴，仲要工廠位置。湯唔熱，花膠味好淡，米線量好少，加左雞脾，得4舊雞。。。42蚊一碟炸豆腐，量好少，皮唔脆。半熟蛋味道就不過不失，但$28 兩隻蛋，憑乜嘢？！！！

每次去駱駝漆閒逛， 都見到一樓間花膠雞湯麵大排長龍🧑‍🤝‍🧑👭👬， 今天7點前到， 希望避開人潮直入， 點知都係有人龍😅， 好彩等咗20分鐘就可以入去， 原來人龍係時時都有， 只係長定短。🍭招牌花膠雞上海麵🍜招牌名物當然必點啦。湯係奶白色， 入口順滑清甜😘，米線口感Q 彈爽滑，湯料除咗滑嫩雞件外🐔， 仲有好多厚厚花膠，哈哈，感覺賺了😜。🍭藥膳🍷黃酒花膠雞🐔米線雖然同招牌花膠雞一樣，湯都係奶白色， 但完全係倆樣唔同味道🤔。 鷄湯入口有淡淡酒香，但絶唔濃烈， 唔會有酒嗆味， 感覺好補身🤩。🍭泰泰雞翼🐔皮脆肉滑， 加上甜酸泰醬， 超惹味😙。

滿懷歡喜咁去排隊食好好食嘅米線啦，見呢間評語唔錯喎，有咁多個like like。排除大約半小時之後，終於可以安排入坐環境還算不錯，只是空間位置比較窄點了幾個美食，酸菜魚米線，椰子雞隻米線及蟲草米線，品嚐一下美味湯底完全沒有味道，沒有雞味，沒有椰香味，似用湯粉熬製一樣，雞肉比較苦，花膠同樣有一股腥味酸菜魚也有一股化學味，且沒什麼魚味，感覺奇怪當然只試了其中一部分，並沒有品嚐所有美食，但只係真實感覺，歡迎大家去試排升直機。😀

觀塘打工狗終於初嚐到工廈出名米線😍成功係6點45分達陣，等咗8分鐘左右就入到了😎招牌花膠雞米線 $73沙魚骨魚湯軟殼蟹米線 $68睇yahoo food介紹鋪頭雞湯膽，每日先熬，用豬筒骨、西施骨、三黃雞，以大火煲三小時，去油隔渣而成😱飲落真係好濃郁雞味‼️舖頭選用三黃雞，啖啖肉仲有雞翼，口感鮮嫩🤤花膠份量都好多，而且都幾大嚿😚 軟殼蟹炸得啱啱好，入口鬆脆😆招牌米線加咗$5轉咗每日鮮製上海麵，各有各好，米線較爽口但上海麵比較掛湯👍🏻金磚豆腐 $45即叫即炸，上枱熱辣辣😋外脆內軟，食到唔停口🤪雞駅花膠雞米線專門店觀塘開源道60號駱駝漆大廈第三座1樓I室雞駅花膠雞米線專門店

今晚教會bg前速食觀塘駱駝🐫漆雞駅，6點幾去到5成滿，侍應叫我坐bar枱，QR code 🧑‍💻 order，但收得一格，皓彩有Wi-Fi，叫咗A5姬松茸竹笙花膠雞🐔脾米（$88）同D3桂花烏龍冷泡茶 ☕️ （$18），上菜都快。米粉上時飲咗湯先，唔算濃，二撇雞好d，雞脾滑，但斬骨太碎，好麻煩😣，冷泡茶唔錯👍🏻，皓清香。坐唔夠50分鐘俾阿姐趕走咗，只收現金，原來出面有十幾人排緊隊等，不過我都係時候返教會

平日3點幾去唔洗排隊～坐低叫左碗招牌花膠雞米線湯底：唔咸，飲完唔口渴雞：白切雞咁，算滑花膠：有少少腥，寧願佢無味份量：少左少少，女仔一個食都未飽（建議可以多少少🫠)

駱駝漆真係為食鬼嘅天堂😆美食好似食極都食唔哂🤤🤤今次去咗一間又係想試好耐嘅雞湯米🐣🐣花膠雞煲翅配飯 ($98)鍋上嘅雞煲翅一路食都保持熱辣辣😁花膠同翅都算足料，花膠煲得入味夠腍😋相比之下翅較為遜色，仲係有啲硬🫣雞肉肉質鮮嫩唔鞋，雞湯濃郁夠味，配飯一流👍🏻🥥椰子雞米線 ($60) 米線上枱淨係聞都聞得出好香椰子味🤤一飲湯完全體會到椰子嘅清甜🥥雞肉同樣鮮嫩多汁😙但令我最驚艷係佢嘅米線🤩米線滑嘟嘟又帶煙靭，平時怕食米線粗鞋，或者煮到太淋嘅質地可以黎呢度一試😛第一次食米線會後悔自己叫咗少米線😂😂講起都想再食🥹🌽椒鹽粟米 ($38) 粟米本身唔算好甜😂不過調味唔太重手，輕輕灑咗鹽同炸蒜，所以食得到淡淡粟米香🌽凍檸檬薏米水🍋（+$18）

雞駅我唔係第一次嚟記得第一次係剛開張無耐嘅時候嚟食當時叫咗招牌花膠雞米粉 湯好好飲 夠濃 一定要襯熱飲第一次無加錢轉雞髀 係雞胸+雞翼 今次我幾大都加錢轉雞髀🍽️胡椒豬肚雞 ($60)*轉米粉 *轉雞髀 (+$10)*凍檸茶 (+$8)胡椒豬肚湯我係屋K煲暫時都未成功過奶白色嘅湯 胡椒味好夠但唔會太辣 個湯好好飲 米粉都可以索曬D味轉雞髀真係完全唔同!正好多 仲有幾塊豬肚呢幾日天氣比較濕 今日試呢個胡椒豬肚雞湯米粉真係好適合🍽️麻藥雞拌麵 ($68)*凍檸水 (+$8)我個嘴刁同事試呢個 佢第一次嚟佢都話好夠味 好食 清曬!🍽️悍匪雞翼 ($42)雞翼有4隻 生炸完都仲係好大隻 熱辣辣新鮮即炸 胡椒孜然味調味恰到好處

𓈒𓏸 ⛅🍹 𓂂𓈒𓏸享受這份這‬放慢時間的愜意 *ೄ放工試吓呢間長期排隊工廈小店，醫醫肚！☺️✨ 花膠雞煲翅米線雞湯好清爽，配料份量超級多！ 有2塊花膠，口感偏爽，沒有漿口感。雞件係滑嫩部位，唔會嚡，雞肉之間滲滿湯汁，好吃！✨ 金磚豆腐豆腐外層脆口，內裡卻很滑，有咬感之餘，入口後卻很快溶化，讚!💖💖✨ 悍匪雞翼其實即係胡椒椒鹽雞翼，外層炸得香脆又金黃，外脆內嫩，十分滋味。 而且佢地既椒鹽係用黑胡椒、白胡椒同辣椒特別調製而成，十分香口

聽瑜伽堂朋友仔講依間人氣米線店唔錯, 又撞岩凍凍地去左試試,一到門口勁排長龍!藥膳黃酒花膠雞米(HK$68)酒味香濃, 不過花膠感可以再多d~另外加左5蚊轉每日鮮製既上海麵,勁包肚~胡椒豬肚雞米線(HK$60)普通人食應該夠辣度~食完好暖身~不過食開重胡椒既男朋友覺得係唔夠辣🤷‍♀️金磚豆腐(HK$42)約18粒, 外層香口鬆脆~必點麻藥雞蛋(HK$28)期間限定~不過麻藥味可以再重D~ 未去到我睇網上教個隻韓國麻藥既感覺Around 二十多個位置~翻枱速度有D拍得住澳牛,但整體可以再Encore🤭

疫情後夜晚條街靜咗好多，但呢間位於駱駝漆嘅米線人氣就依然不受影響，我哋星期一晚上8點去到，依然要排陣隊，睇嚟有班捧場客😎招牌花膠雞米線 $68我哋加咗$10轉雞髀，肉質嫩滑有雞味😋 湯膽係以三黃雞、豬筒骨、鯊魚軟骨同西施骨大火熬三小時而成，湯底呈現奶白色，飲落好清甜，食得出係無味精嘅，而花膠就偏爽口，份量都唔少😙麻藥雞拌飯 $68呢個係期間限定，麻油味好香，食落都好濃，雞件份量都算多，韓風滿滿嘅一個飯🤪 最正係果粒麻藥蛋，流心狀態，滑捋捋又夠哂入味😚香草雞翼 $42必點！唔好睇佢個Pʀᴇsᴇɴᴛᴀᴛɪᴏɴ麻麻哋，食到落口又真係有啲驚喜，雞翼炸到脆卜卜熱辣辣，雖然香草牛油味係一Pᴀᴛ醬，但味道係超濃郁🤩當晚全場爆滿，而小店空間有限，需要搭枱😗 不過大家都係食完就走，唔會停留，所以就算要排隊都好快有位，值得一等🥰

餐廳位於工廠大廈，但都不乏排隊嘅人龍，閒日8:00pm到都要排15分鐘。.🍴椰子雞湯米線 $60椰子味真係好濃，甚至蓋過雞味，如果好鍾意椰子湯嘅人就好適合，但我覺得個味太濃。雞件足料，但有啲鞋口。🍴黃油雞酒米線 $68對比椰子雞湯，雞酒米線湯底反而唔係好濃，唔算好食到酒味。另外花膠淡口無味，有啲失色。.🍴雞翼 孜然味 $42雞翼炸得香口鬆脆，入味，好好食.🍴金磚豆腐 $4x全晚覺得呢個餸最出色，炸到外脆內嫩，而且粒粒都好入味，令人食到停唔到口👍🏻.連同一個熱飲同一個凍飲，兩個人晚飯，總共食咗$224，覺得不過不失。

#20240309 📝📍 雞駅花膠雞米線專門店 觀塘開源道60號駱駝漆大廈第三座1樓I室➖➖➖➖➖➖➖➖➖➖➖➖➖➖➖➖➖#花膠雞煲翅 #米線 $98💭 樓上工廈竟然有翅食😏啲翅仲要成塊上，有啲受寵若驚，無辜負呢個價錢🤑雞係貴妃雞，煮得岩岩好，無論係唔係雞髀位都好滑👍🏼個辣豉油係精華，用啲xo醬配啲調教過既豉油，香味提升左唔只一個層次咁好味🤤.#胡椒豬肚雞 #米粉 $60💭 兩碗既雞係一樣，同樣都係有雞味得尼又滑又又彈牙🐔米粉係極幼身果啲銀絲米粉，個湯飲一啖已經暖全身既feel，好飲到可以成碗飲晒，岩晒呢幾日又濕又凍既天氣🌦️.#金磚豆腐 $42 💭 豆腐size岩岩好一啖一粒，一上枱就忍唔住食既🐷中晒招😂因為即叫即炸入面熱辣辣，外脆內軟，而且面頭有啲七味粉同芝麻幾惹味，食下食下好快就食晒😋.#觀塘美食 #🐷在觀塘 #🐷_食

至少食過三次的餐廳「雞駅」，係駱駝漆大廈入面，避開繁忙時間早少少黎食dinner就唔需要排隊🤣招牌花膠雞米線真係冇得輸🥹湯汁經過長時間既熬煮，味道濃郁醇厚，融入左雞肉同花膠既精華，花膠既滑爽搭配米線，每一口除左有豐富嘅口感仲有滿滿嘅膠原蛋白🤍每次食都一定會加$10轉雞髀🍗嫩滑多汁🥹另外仲會加配一碟金磚豆腐，金磚豆腐既外皮炸至金黃酥脆，炸過既豆腐塊內部軟嫩，同外層既酥脆形成鮮明既對比，熱辣辣好惹味🫶🏻