雞駅花膠雞米線專門店

營業中

休息中

今日咁巧係觀塘返工，放工同同事去附近出名嘅花膠雞米線食晚飯。原本約左8點鍾，但係早收工，我地早咗半個鐘去到都已經排長龍。大家都好有耐性排隊等食花膠雞湯，門口都貼左好多食物相，睇到都已經好肚餓。 呢間係小店，環境小小但大家坐埋啲好溫馨，充斥著濃濃既雞味。呢到要掃qr code落單，但係收唔到signal好彩佢地有wifi. 我點左個招牌花膠雞翅，跟餐加12蚊可以買杯凍檸水。配料份量超多都食唔哂，仲有兩舊大大舊嘅花膠口感好爽。另外點左個金磚豆腐，外脆內嫩，有口感之餘入口即溶嘅感覺，超好味超好味。 還點左個招牌花膠雞米線，湯底好清甜，滿滿嘅胡椒雞香味，加埋嫰滑嘅雞件，湯都比我地飲晒，好味又飽肚。