雞駅花膠雞米線專門店

營業中

休息中

今次去咗觀塘嘅 #雞駅，呢間米線鋪裝修得好有特色，啲食物選擇好多，真係好期待試下佢哋嘅招牌米線同雞飯。椰子雞米線呢個 #椰子雞米線真係好特別，湯底有濃濃嘅椰香味，雞肉鮮嫩多汁，米線煙韌，食落好滿足。🍜🍜🍜🍜（4分）藥膳黃酒花膠雞米線呢個#藥膳黃酒花膠雞米線真係好滋補，湯底有淡淡嘅黃酒香味，加埋花膠同雞肉，味道好豐富，仲好養生。🍜🍜🍜🍜（4分）沙羌雞飯呢個#沙羌雞飯香氣四溢，雞肉滑嫩，加埋香口嘅沙羌醬，真係一流。飯粒分明，配埋雞肉同沙羌醬，味道一流。🍛🍛🍛🍛⭐（4.5分）白桃烏龍冷泡茶#白桃烏龍冷泡茶清爽解渴，有濃濃嘅白桃香，同烏龍一齊飲真係非常滋潤。🥤🥤🥤總結嚟講，呢次雞駅嘅體驗真係非常滿意，食物味道豐富多樣，服務亦都好貼心。如果你鐘意食米線同雞飯，呢間餐廳絕對值得一試！

唔係好明點解咁多食評/社交媒體網站都咁讚呢一間雞湯米線 。講到湯底好入味，雞肉又鮮嫩 。以下為我親身試左兩次嘅體驗。第一次我試咗招牌花膠米線，湯底唔算濃味，而且雞都普普通通 ，唔算得上係滑 。食完之後其實冇再特別諗起呢間餐廳，之後就算食都係去樓上果間食 。相隔咗一段時間，無意中喺社交媒體網站post見到d foodie評價呢間仲講到好好咁，所以我約左友人做完gym過嚟試多次，今次椰子雞米線，講返少少過嚟時候嘅經過 。我同朋友兩個大概8:30左右過到嚟，已經有六，七人以上排隊排隊 。咁啱我哋排到去嘅時候啱啱好佢哋截龍。大概10分鐘左右我哋被安排入座 。因為已經諗好食乜嘢，已經可以即刻落單。我同友人都係Order米線扣底，大概45分左右，米線到左 。今次個椰子湯都好失望，椰香係有不過湯底仍然淡口 。而且我同友人果兩碗米線係超多，感覺佢地煮剩而我地又係last order，所以無視我哋小米線嘅request將全部米線俾晒我哋 。雞方面同第一次一樣，都係鞋既，朋友果碗even佢比左幾舊髀既位置質地都唔見得係滑 。去到九點嘅時候有個姐姐行埋嚟同我哋講佢哋夠鐘要收舖，示意我哋好快啲埋單 。我哋由排

雞駅和二撇雞也是這座工廈專門做雞湯米線的餐廳, 人氣相當, 但喜歡前者的原因最主要是因為比較方便, 不用等電梯直接行樓梯上一樓就可以, 對我而言, 米線已經是香港的主要食糧之一, 蛋雞湯米線比麻辣米線好的, 是吃完身體會覺得暖和舒服, 而且味道是偏向食材的原味, 可以感受到食材的新鮮與否. 就像這裏的雞湯, 很濃很香也很黏口, 就像吃豬骨拉麵的湯底一樣. 米線偏向爽口, 吃起來也比吃麻辣口味的舒服.雞件沒有雪藏味, 也煮得剛剛熟, 沒有任何血水, 雞肉甜美, 雞皮也夠彈牙, 單是這裏已經夠合格, 還有煮得很腍沒有任何腥味的花膠, 以及層次分明條條突出的散翅, 因為這碗雞湯米線增添了一份奢華感, 價錢也算合理, 所以說工廈的確是臥虎藏龍的地方.

位於觀塘駱駝漆大廈第三座嘅❣︎ 雞駅花膠雞米線專門店❣︎係一間主打以鮮雞熬製而成湯底嘅米線店，湯底每日用豬筒骨，西施骨，三黃雞以大火煲三個鐘去油隔渣而成，呢到仲要唔收加一服務費架🙅🏻‍♀️lunch時間經常大排長龍，米線控千祈唔好錯過。❣︎招牌花膠雞米線❣︎$68湯頭啖啖雞味😋飲多幾啖都唔會口乾，真材實料👍🏻配料有花膠，雲耳同蟲草花，花膠都算大塊，入口爽彈，雞肉嫩滑，米線爽口。❣︎姫松茸竹笙花膠雞上海麵❣︎$83呢碗有埋姫松茸同竹笙😋感覺更滋補😍轉上海麵另外加$5，口感滑嘟嘟。❣︎凍檸茶❣︎跟餐加$8 ❣︎桂花烏龍冷泡茶❣︎跟餐加$18

阿女朋友話觀塘有間扺食又好味嘅餐廳，每次去都要排隊至有得食，咁受歡迎阿女今日就同我過嚟試吓。雞駅花膠雞米線專門店位於工廠區駱駝漆大廈內，地方不大，但整潔乾淨，主打雞湯米線。招牌花膠雞米粉：以三黃雞，豬筒骨，鯊魚軟骨及西施骨熬成雞湯底，湯底呈淺奶白色十分鮮甜，雞髀肉質嫩滑，花膠夠厚身，食落爽滑彈牙。米粉吸收湯底爽口香甜。（加$10可轉雞髀，主食可選米線或米粉或飯，加$5可選上海麵，湯底亦可選擇濃雞湯或蕃茄湯或胡椒湯或麻辣湯）椰子雞上海麵：湯底除咗有雞湯味，更多了椰子的清香和甜味，味道鮮甜無比，配滑嘟嘟的上海麵超正！雞件亦好嫩滑。金磚豆腐：豆腐即叫即炸，熱辣辣外層香脆可口，內層非常軟滑，加上少許調味粉，十分惹味。凍檸茶：茶味夠濃，有檸檬香，冰涼解喝。

今晚終於同老公夾到時間嚟呢度試，上到去已經好多人，等嗰時已經諗好咗食啲咩，好在等咗大概10分鐘到已經可以入去坐低。我哋點咗一份小食兩個米線再加兩杯嘢飲，等咗大概5分鐘到就有得食啦。金磚豆腐$42份量唔細，金黃色，外脆內嫩滑，豆腐入口好熱，極度推介。招牌花膠雞米線當然睇吓有幾多花膠，都唔少，絕對唔係碎，大件都有約4塊，湯底幾清幾甜。雞肉係雞胸同雞翼，唔算太嚡，冇脂肪啱哂怕肥嘅我。椰子雞米線我哋呢一碗加$10轉雞脾，湯底好香椰子味，又多椰子肉，雞脾肉真係好滑好嫩，吸哂香濃椰子湯味，加錢非常之值。呢間人氣米線店，可能師傅趕住起菜，2碗米線啲雞都切唔斷，每件連住一齊，雖然味道好，不過食時有啲唔方便。飲品我哋點了熱柚子蜜，柚子夠多，蜜味充足，食完米線再飲番杯，非常滿足。

📍#雞駅花膠雞米線專門店 (觀塘)觀塘開源道60號駱駝漆大廈第三座1樓I室▪️▪️▪️▪️▪️▪️▪️▪️▪️▪️▪️▪️▪️▪️今日到訪既係位於駱駝漆大廈既雞駅花膠雞米線，平日既晚上，店外keep住有人龍，大家都非常棒場！ 店舖主打食花膠雞，當中亦有米線及湯飯可以選擇～✨#花膠雞煲翅配飯｜轉雞髀💰$118花膠雞煲夠晒滋補，湯頭帶有少許雞油，入口清甜，配湯飯都係一種享受，強烈推薦大家一定要轉雞髀！ 雞脾肉超級嫩滑，啖啖滋味🥹 配料仲有花膠、翅、娃娃菜，好好食！下次必定再encore🫶🏻✨#藥膳黃酒花膠雞米線｜轉雞髀💰$93藥膳黃酒花膠雞湯都好正！ 湯頭有陣陣既藥膳香味，無咩味精，飲完都唔會好口渴～ 雞件同樣轉咗做雞髀肉！非常好食🤤 配米線一樣正！▪️▪️▪️▪️▪️▪️▪️▪️▪️▪️▪️▪️▪️▪️

好同事食過《雞駅》話超正，推介給我們，晚飯時段店門外有人排隊，證明人氣高企。我們點左：🥢藥膳黃酒花膠雞米線$68，有兩嚿厚身花膠質地腍滑，黃皮雞肉鮮嫩多汁，湯底有酒香、藥材清香甜味，米線煙韌彈牙份量十足，極美味好吃😋🥢招牌花膠雞米線$68，乳白色湯底味香濃，雞肉鮮嫩多汁，花膠兩嚿腍滑，真心滿意又滿足💯👍💕🥢金磚豆腐$42，豆腐炸得外脆內軟，加有芝麻增添香味，份量十足。🥢飲品：凍意米檸檬水$18，清新可口，酸中帶甜。熱柚子蜜，味道正常。

我同朋友下午四時上去，成功避開人流，加上落雨都唔會太多客，店舖以QR code下單所以都冇太多人為錯誤，職員態度又未去到惡劣，收拾時亦有微笑回應，環境又大致乾淨，唔會黐立立同太多污跡。講返個湯，我叫左佢哋招牌花膠雞湯米線，但轉左白飯，我食法係將個飯倒落去變湯飯，不過個湯偏鹹，唔知係唔係因為晏去煲耐左。佢個雞湯風格偏津白，有啲似史雲生再加少少豬骨湯，飲完會有啲頸渴，需要灌水。🥲佢啲花膠淋到好似蒟蒻，不過唔腥都值得加分。佢啲雞係以切雞的方式呈現，佢d切雞唔會有啫喱又唔會太肥，可能係清遠雞，可惜啲雞嘅雪味未去得清，佢又冇用大量醃料提鮮，最後只食到一塊雞皮嫩而肉鞋颯颯的雞肉，我冇加到$10轉雞髀肉，不過佢都俾雞翼同埋雞胸位置等無骨位置，都值得欣賞。最後個湯嘅配料，係利乾蟲草花所以唔會有太多水份，而小木耳都爽身，可惜兩者份量都太少。

放工同同事黎左駱駝漆大廈的雞駅排隊食雞米線，呢間個雞湯好出名，每日午飯同晚飯時段都排長龍㗎😂一位難求呀。是晚大概排左15分鐘左右啦，好彩食客都好客氣，食完就離座，條人龍都去得好快😌⭐招牌花膠雞米線快快落單點嘢食，同事就叫咗佢哋嘅招牌花膠雞米線，上枱時個賣相真係唔錯，分到雞髀部分，雞肉鮮味嫩滑，仲有幾件花膠添，個湯底真係好好味，係濃濃嘅鮮雞湯味😋⭐椰子雞米粉自己就叫咗另一款招牌湯底椰子雞湯，我見店內大部分食客叫花膠雞同椰子雞，都有好多人叫花膠雞煲翅，呢個都有興趣試下呀😋講返個椰子雞湯先，湯頭一樣濃郁，多咗一份椰子清香，鮮中帶甜，個人就鍾意椰子雞湯多啲啦😋哈哈，好味到湯都飲曬。⭐椒鹽粟米見隔離台叫咗幾樣小食好似好正咁，等我又加返個椒鹽粟米先，炸出嚟嘅粟米好香口，甜中帶少少煙韌嘅口感，加上鹹鹹辣辣嘅椒鹽好惹味，真係好食喎🤤⭐柚子梳打 & 白桃烏龍冷泡茶另外仲加咗嘢飲，同事要左柚子梳打，自己要咗冷泡茶，梳打水加上柚子蜜冰凍好飲，冷泡茶用上而家好受歡迎嘅桶仔裝，白桃烏龍好清幽，不過飲完成碗雞湯再飲埋呢個冷泡茶，真係飽到上心口，哈哈🤣食完大概八點鬆啲，出到門口仲見到長長嘅人龍，真係好犀利呀👍

觀塘工廈好多小食店，其實都好好食😋。當中發現有一間用名貴嘅花膠做主題的米線店，當然真係要潮聖一下啦⋯⋯（5⭐️最高）蟹肉忌廉薯餅（5⭐️）蟹肉配上忌廉，之後用高溫油炸製成圓圓的餅，外皮好脆內裏充滿蟹肉鮮甜😋。食嘅時候真係要小心啲食，因為真係好熱㗎🔥招牌米線（5⭐️）利用簡單嘅材料包括，咗花膠、蟲草花、雲耳、香嫩滑雞、配有鮮味嘅雞湯湯底。米線咬口爽脆彈牙🤩，同一般食的分別好大😋藥膳黃酒花膠米線（5⭐️）當中材料與招牌米線相同🤩，但混合了好香嘅黃酒及紅棗🩷所以飲落會有淡淡的黃酒香味😗而且食完之後，成個人都暖笠笠😘

店舖小小，7點去到已經有人排緊隊，食完出嚟都仲係咁長龍**********米線偏幼身，比較爽口雞件有雞胸同雞翼，仲有雲耳同蟲草花-花膠雞湯米線🐔（$68）店舖嘅招牌米線，2大件厚身花膠湯底飲到雞肉味濃郁，而帶油香，會見到湯面有少許雞油**********椰子雞米線🥥（$60）湯底呈奶白色，充滿椰香，配料仲有椰子條🥥**********金磚豆腐（$42）細細粒，外面香脆，豆腐嫩滑食嘅時候真係要好小心，入面真係好熱🥵好辣口**********檸檬薏米水（跟餐+$18）養顏薏米水酸酸甜甜，好開胃😆

觀塘駱駝漆呢頭出名多隱世美食早幾日就試咗呢間好多人介紹嘅雞湯米線招牌花膠雞米線 $68第一次嚟幫襯梗係試下佢個招牌米線乳白色嘅湯底鮮甜濃郁👍🏻果然係好正🤤雞件同花膠份量都好多花膠口感軟稔呢個價價算相當抵食藥膳黃酒花膠雞上海麵 $73一上枱就聞到一陣酒香同藥膳湯嘅味道加埋滑雞同花膠成件事都好滋補🫶🏻我仲+$5轉咗每日鮮製嘅上海麵好有咬口好好味👍🏻金磚豆腐 $42我目測有7,8成客人都點咗呢個豆腐果然係非常不錯👍🏻炸漿好薄咬落脆卜卜入面舊豆腐係超級滑🤩有啲驚喜👍🏻👍🏻跟餐+$12仲要咗個鮮檸檬梳打簡單但滿足嘅一餐❤️

趁6 點前未有咁多人的時候衝入嚟試下藥膳黃酒花膠雞米線一上枱，已經聞到濃濃的酒香食落唔鹹，雞又滑食落好對版！加$5 轉上海面， 我覺得可下次可以唔使加啦～ 食返米線會夾d! 食完3個鐘之後，都無好口渴！證明真材實料！下次要嚟會一會花膠雞米線先

去開觀塘搵有咩食，喺社交平台見到有foodie介紹呢間米線就去食，先講總結：味道冇特別，俾人趕走先係令我要留低呢篇食評嘅原因。睇返電話相簿18:02仲喺apm log on睇緊嘢，睇完就慢慢行去呢間食嘢，坐低時舖頭仲未坐滿，未有人排隊。簡單講吓我哋叫咗咩，麻藥蛋、招牌花膠雞米線、胡椒豬肚雞米線，1杯熱檸水同1杯柚子蜜。18:30碟麻藥蛋到，嚟到望到個色已經覺得同我認知嘅麻藥蛋有啲出入，食落覺得係…一般溏心蛋，唔鹹，冇乜味。持平講句係有d溏心。然後我睇返story係18:35影到2碗米線到，手花膠雞米線加咗錢轉雞髀，係幾滑嘅，但普遍嚟講，所有嘢都係冇特別，雞湯冇特別好味，雞就可以喇，花膠都叫ok la～米線質地偏硬，個人覺得可以淋少少。胡椒豬肚雞米線，個湯嘅胡椒味超濃，濃到我有少少頂唔順，不過我覺得呢個係口味問題，有啲人好鍾意嘅話係ok嘅。食完其實我哋都有共識，冇特別，唔難食，但應該唔會encore。好喇，食完諗住飲埋杯嘢，但未飲完個女職員已經同我哋講：「你哋張枱俾咗人㗎喇」叫我哋快啲走😊真心大開眼界，若佢係好聲好氣話：「出面有好多人等緊，介唔介意埋埋張單？」我哋都好樂意～但唔係，佢係話